Lajmet

Elshani: Hetimet në Banjskë do të zgjasin, policia s’pati qëllim të vrasë askënd

Ai foli edhe për ngjarjet e së dielës, ku terroristët serbë vranë rreshterin policor Afrim Bunjaku.

Published

3 years ago

on

Hetimet në fshatin Basnjkë të Zveçanit nuk do të përfundojnë për një kohë të gjatë, deklaroi sot drejtori i Policisë së Kosovës për rajonin e Mitrovicës, Veton Elshani. Për sulmin terrorist të 24 shtatorit, ai tha se Policia e Kosovës nuk kishte synim të vriste askënd, dhe se viktimat janë pjesë e procesit të lirimit të territorit nga grupet kriminale.

Sot (e mërkurë) kur edhe u lirua për qëllim rruga që çon në Basnjkë, Elshani tha para mediave se zona përreth maleve nuk është e sigurt meqë janë gjetur një mori mjetesh të pashpërthyera e të cilat do të hetohen nga njësi të specializuara gjatë ditëve në vijim.

Ai foli edhe për ngjarjet e së dielës, ku terroristët serbë vranë rreshterin policor Afrim Bunjaku dhe plagosën dy të tjerë. Derisa bëri të ditur se sulmuesit kishin hedhur predha e minahedhës në distanca të mëdha në drejtim të Policisë së Kosovës.

“Unë mendoj se hetimet nuk kanë për të përfunduar edhe një kohë të gjatë sepse edhe për neve është interesant se pse ky vend të zgjedhet në këtë vend dhe cili ka qenë qëllimi i këtyre njerëzve të armatosur me u vendos këtu. Është një fshat i mirë, turistik, njerëzit janë shumë të qetë. Ndoshta puna e kufirit sepse logjistika ka pasur mundësi të vijë nga ana e shtetit serb atje, mirëpo hetimet me siguri do të shkojnë më gjatë”, tha ai.

Siç tha ai, Policia e Kosovës ka kryer punën e saj në mënyrë profesionle dhe ka realizuar punën e saj “me sa më pak dëme” që ka qenë e mundur.

“Planifikimi prej policëve në vendin e ngjarjes këtu ka qenë shumë i mirë, konsideroj se ka qenë më e mira e mundshme që është arritur. Ne nuk kemi pasur qëllim të vrasim 30 njerëz, nuk kemi pasur qëllim të vrasim asnjë njeri. Qëllimi jonë është të marrim territorin tonë, që është i vendit tonë, të lirojmë këtë vend nga grupet kriminale që nuk duhet të jenë këtu. Dhe, nëse ka pasur viktima, ajo është pjesë e procesit. Ne konisderojmë që e kemi arritur misionin tonë që me sa më pak dëme të mbërrijmë pjesën tonë, atë që kemi dashur. Ajo që është shumë me rëndësi të theksohet është që në asnjë moment, fshatarët e këtij fshati nuk kanë qenë të lënduar, nuk ka pasur as dëme kolaterale dhe kjo është çudë. Ne i kemi bërë planifikimet tona si është më së miri, por është për ne është e çuditshme si nuk ka pasur dëme”, tha Elshani.

Sa i përket bastisjes, Elshani tha se do të vazhdojë rreth zonave malore, derisa pati një mesazh edhe për gazetarët, të cilëve sot për të parën herë që nga sulmi iu lejua hyrja në fshatin Banjskë.

“Bastisja, kontrolli, sa i përket zonës së banimit ka përfunduar. Ne i kemi bërë një kontroll goxha të mirë konsideroj edhe rrethit të malit, sidoqoftë nuk autorizohet lëvizja juaj nëpër këtë vend sepse ka mundësi që të kemi mjete të paeksploduara sepse kemi gjetur shumë nëpër mal. Sot dhe ditëve në vijim do të kemi njësi të tjera të specializuara ku në vende të caktuara do të bëjnë kërkime të ndryshme. Autorizimi për ju është bërë pas konsultimit me eprorët tanë, në mënyrë që të mos ketë terror informativ. Ju kemi lejuar të vini këtu por rreziku ende nuk ka kaluar”, tha drejtori i Policisë për rajonin e Mitrovicës.

Ai theksoi se përgjatë këtyre ditëve, Policia e Kosovës ka hasur në armatim gjithandej fshatit, porse nuk u lëshua në detaje. Derisa tregoi sesi sulmuesit e armatosur kishin gjuajtur në drejtim të Policisë edhe me predha e minahedhës.

“Armatim ka pasur gjithandej… Nuk dua të lëshohem në detaje. Ka pasur shumë armatim. Në zonat jashtë, nëpër shtëpi. Ne kemi hyrë edhe nëpër shtëpi… Armatim ka pasur rreth shtëpive, ka pasur në shtëpinë këtu poshtë, ku ka qenë vendi kryesor. Ka pasur gjithandej, nuk po dua të lëshohem në detaje… Për hetimin e personit për të cilin po flisni (Radojçiqin) nuk mund të them asgjë. Në vend të ngjarjes janë marrë vendime shumë të shpejta dhe shumë të rëndësishme. Ka pasur gjuajtje me minahedhës 60 mm dhe 82 mm. Ju kah erdhët e patë një pompë të benzinës, aty ka pasur gjuajtje, ka pasur predha. Kështu që, prej këtu na kanë gjuajtur atje. Kështu, vendimet është dashur të jenë shumë të shpejta. Ne kemi pasur koordinim shumë të mirë me eprorët tonë në qendrën ‘Enver Zymberi’ dhe veprimet tona janë koordinuar shumë shpejt”, derisa nuk tregoi nëse shtëpia për të cilën foli është pjesë e manastirit apo jo.

Ai nuk mohoi mundësinë se grupe kriminale do të tentojnë të hyjnë sërish në Kosovë, porse tha se Policia e Kosovës është e përgatitur dhe ka komunikim të mirë me KFOR-in.

“Policia është institucion i zbatimit të ligjit dhe kriminelët në tjetrën anë planifikojnë sesi të gjejnë ndonjë hapësirë për të kryer pjesën e vet, bëjnë planifikime të ndryshme dhe nuk mund ta përjashtojmë një mundësi tjetër (që grupe të armatosura të hyjnë në Kosovë). Ne jemi goxha të përgatitur dhe kemi komunikim të mirë me KFOR-in dhe ndoshta ka mundësi që ky rast këtu, me të gjitha të këqijat e veta, me një polic të vrarë dhe tre të armatosur të vrarë, mendoj se ne kemi marr edhe mësim këtu”, tha Elshani.

I pyetur për largimin e terroristëve nga Manastiri i Banjskës, Elshani tha se videot veçse kanë qenë publike. Ai potencoi se Policia e Kosovës ka pasur bashkëpunim me EULEX-in dhe çdo gjë është bërë edhe në koordinim me ta. 

Related Topics:
Continue Reading

Vendi

Protestat kundër vrasjes së grave vazhdojnë për të dytën ditë, kërkohet dorëheqja e dy ministrave

Published

12 hours ago

on

October 29, 2026

By

Protestat kundër vrasjes së grave në Kosovë kanë vazhduar edhe sot, për të dytën ditë radhazi, me pankarta që kërkojnë drejtësi dhe përgjegjësi institucionale.

Protestuesit kanë mbajtur pankarta me mbishkrimet “Gjumi s’ka me ju marrë, flaka ka me ju dalë” dhe “Heshtja mbron dhunuesin, jo viktimën”, duke reaguar pas vrasjes së Arlinda Zekajt, më 25 tetor në Vitomiricë të Pejës.

Ata po kërkojnë dorëheqjen e ministres së Drejtësisë, Donika Gërvalla, dhe ministrit të Punëve të Brendshme, Xhelal Sveçla, si dhe ndjekjen penale të personave që, sipas protestuesve, kanë neglizhuar rastin e Zekajt.

Liridona Sijarina nga Kolektivi për Mendim dhe Veprim Feminist, gjatë fjalimit para ndërtesës së Qeverisë, ka deklaruar se protestat do të vazhdojnë çdo ditë deri në përmbushjen e kërkesave të organizatorëve.

Ndërkohë, Këshilli Prokurorial i Kosovës ka suspenduar nga detyra kryeprokuroren e Prokurorisë Themelore në Pejë, Lumturije Vuçetaj, dhe prokuroren e rastit të Arlinda Zekajt, Arlinda Nallbani Gacaferrin. Ndaj tyre është hapur procedurë disiplinore dhe është themeluar një panel hetimor për trajtimin e rastit.

Edhe Policia e Kosovës ka pezulluar nga puna 11 zyrtarë policorë për mënyrën e trajtimit të rastit të Zekajt, e cila u vra nga ish-kunati i saj.

Protestë kundër vrasjes së grave dhe për kërkimin e përgjegjësisë institucionale ishte mbajtur edhe një ditë më parë./A.K/

Continue Reading

Lajmet

Mundësi mobiliteti Erasmus+ KA171 në Sapienza University of Rome – Itali

Published

13 hours ago

on

October 29, 2026

By

UBT hap thirrjen për studentët e nivelit Bachelor nga programet Menaxhment, Biznes dhe Ekonomi, Juridik, Psikologji, Inxhinieri e Mekatronikës, Studime të Sigurisë, Shkenca Politike, Shkenca Kompjuterike, Arkitekturë, si dhe Media dhe Komunikim, për mobilitet studentor në Sapienza University of Rome, Itali, në kuadër të programit Erasmus+ KA171, për semestrin pranveror të vitit akademik 2026/2027.

Sapienza University of Rome është një nga universitetet më të mëdha dhe më të njohura publike në Itali, me traditë të gjatë akademike dhe një gamë të gjerë programesh studimore dhe kërkimore.

Linku për aplikim

Afati i fundit për aplikim: 02.11.2026

Kujdes: Thirrja do të qëndrojë e hapur vetëm për 4 ditë!

Pas përfundimit të afatit, aplikimet do të shqyrtohen sipas kritereve të përcaktuara. Kandidatët që kalojnë fazën e parë të vlerësimit do të ftohen për intervistë, ndërsa studentët e përzgjedhur do të nominohen zyrtarisht nga UBT për mobilitet në Sapienza University of Rome.

Ftojmë të gjithë studentët nga programet përkatëse që të shfrytëzojnë këtë mundësi për të studiuar në një nga universitetet më prestigjioze të Italisë, për të fituar përvojë ndërkombëtare dhe për të zhvilluar më tej kompetencat e tyre akademike dhe profesionale.

Për informacione shtesë, mund të kontaktoni Zyrën për Marrëdhënie Ndërkombëtare në: [email protected].

Continue Reading

lajme

Një dashuri e shkruar në letra dhe e ruajtur nga historia

Published

13 hours ago

on

October 29, 2026

By

Në Reporting House, në Prishtinë, ekspozita “Një mur na ndan ” sjell para vizitorëve një histori të veçantë dashurie, përkushtimi dhe idealizmi përmes mbi 50 letrave të shkëmbyera ndërmjet çiftit të UÇK-së, Xhevë Krasniqi-Lladrovci dhe Fehmi Lladrovci, si dhe eksponateve të tjera që dokumentojnë rrugëtimin e tyre. Letrat u shkruan kryesisht gjatë kohës kur Fehmiu vuante dënimin si i burgosur politik në burgun e Stara Gradishkës në Kroaci.

Përmes fjalëve të shkruara, Xheva dhe Fehmiu ndanin mallin, emocionet dhe ëndrrat për një jetë të përbashkët, pavarësisht largësisë që i ndante. Letrat, të zbukuruara me lule të vizatuara, shkronja të shkruara me ngjyra kuqezi, poezi dhe prozë, dëshmojnë jo vetëm dashurinë e tyre të thellë, por edhe formimin intelektual, bindjet dhe përkushtimin ndaj Kosovës.

Ato pasqyrojnë dy njerëz që, krahas lidhjes personale, i bashkonte edhe ideali për lirinë e vendit. Një element i veçantë i ekspozitës është edhe kostumi i kuq i Xhevës, të cilin ajo e veshi kur u vendos në familjen Lladrovci në Gllanasellë të Drenasit, pas vendimit për ta pritur Fehmiun gjatë viteve të burgimit.

Kjo veshje shënon një moment të rëndësishëm të jetës së tyre dhe e lidh historinë personale të çiftit me rrugëtimin e tyre atdhetar. Përveç letrave dhe veshjes, ekspozita përfshin edhe eksponate të tjera, ndër to intervistën e Fehmi Lladrovcit të vitit 1998 dhe pamje të burgut ku ai kaloi pesë vjet. Së bashku, këto materiale sjellin një dimension më njerëzor të historisë, duke zbuluar ndjenjat, mendimet dhe përvojat e dy figurave që shpesh kujtohen vetëm përmes rolit të tyre në luftën çlirimtare.

Xhevë Krasniqi-Lladrovci dhe Fehmi Lladrovci u vranë më 22 shtator 1998, gjatë luftës në Kosovë. Sot, përmes letrave të tyre të ruajtura dhe të ekspozuara në Reporting House, historia e tyre vazhdon të rrëfehet, duke ndërthurur dashurinë personale me idealet dhe përkushtimin ndaj vendit.

Ekspozita “Një mur na ndan” na kujton se pas figurave historike qëndrojnë njerëz me ndjenja, shpresa dhe ëndrra.

Letërkëmbimi i Xhevës dhe Fehmiut mbetet një dëshmi e rrallë e një dashurie që i rezistoi ndarjes, kohës dhe rrethanave të vështira, si dhe e një lidhjeje të ndërtuar mbi barazinë, besimin dhe idealet e përbashkëta.

(Autore: Adile Muli, studente e vitit të dytë në Fakultetin Media dhe Komunikim në UBT)

Continue Reading

Lajmet

Policia e Kosovës suspendon 11 zyrtarë policorë pas vrasjes së Arlinda Zekajt

Published

13 hours ago

on

October 29, 2026

By

Policia e Kosovës ka marrë vendim për suspendimin e 11 zyrtarëve policorë lidhur me trajtimin e rastit të vrasjes së Arlinda Zekajt në Vitomiricë të Pejës. Vendimi është mbështetur në Ligjin për Policinë, Udhëzimin Administrativ për procedurat disiplinore dhe rekomandimin e drejtpërdrejtë të Inspektoratit Policor të Kosovës (IPK).

Masa e suspendimit përfshin të gjithë zinxhirin komandues dhe hetimor në rajonin e Pejës, përfshirë ushtruesin e detyrës së Drejtorit Rajonal, Shefin e Hetimeve Rajonale, Komandantin dhe Zëvendëskomandantin e Stacionit Policor në Pejë, Shefin e Hetimeve, ushtruesin e detyrës së Shefit të Operativës, Komandantin e Nënstacionit në Vitomiricë, si dhe katër hetues policorë.

Nga Policia e Kosovës bëhet e ditur se ky hap është ndërmarrë në interes të hetimeve të pavarura, llogaridhënies institucionale dhe përcaktimit të përgjegjësive individuale lidhur me veprimet apo mosveprimet e zyrtarëve në këtë rast.

“Suspendimet janë bërë në interes të hetimeve të pavarura, llogaridhënies institucionale dhe përgjegjësive individuale, në trajtimin e rastit. Policia e Kosovës mbetet e përkushtuar në ruajtjen e vlerave, integritetit dhe shërbimit në mënyrë të drejtë e të paanshme”, thuhet në njoftimin zyrtar të Policisë. /E.A/

 

Continue Reading

Të kërkuara