Bota

Elon Musk refuzon akuzat për përshëndetje naziste pas inaugurimit të Trump

Published

on

Polemika të mëdha janë shkaktuar pas inaugurimit të Donald Trump, kur Elon Musk u akuzua për një përshëndetje që u cilësua si një veprim nazist. Gjesti i Musk, i cili u bë gjatë paradës për nder të Trump, u pasua nga kritika të ashpra dhe akuza për përkrahje të simboleve të nazizmit.

Në skenën e ceremonisë, Musk, duke kafshuar buzën e poshtme, ngriti dorën e djathtë mbi zemër, duke hapur gishta dhe pastaj e zgjati krahun e djathtë jashtë në një kënd të lartë. Ai bëri të njëjtin gjest edhe duke iu kthyer turmës pas tij. Pas këtij gjesti, Musk tha: “Zemra ime është për ju. Falë jush është e sigurtë e ardhmja e qytetërimit.”

Në reagimin e tij ndaj akuzave, Musk e mohoi që gjesti ishte një referencë naziste. Ai iu përgjigj kritikave në një postim në X (ish-Twitter), duke thënë: “A mund të ndalojmë së quajturi njerëzit nazistë? Nuk funksionoi në periudhën e zgjedhjeve, nuk funksionon tani, është e mërzitshme dhe e vjetër. Nuk kalon më, njerëzit nuk janë të tronditur nga ajo.”

Pas këtij komenti, Musk bëri një reagim tjetër, duke i cilësuar akuzat si të lodhura dhe të pabaza. “Sinqerisht, keni nevojë për truke më të mira të pista. Sulmi i stilit ‘të gjithë janë Hitler’ është kaq i mërzitshëm”, shkroi ai.

Megjithatë, historianë dhe akademikë të ndryshëm reaguan menjëherë. Claire Aubin, një historiane e specializuar për nazizmin në Shtetet e Bashkuara, e cilësoi gjestin e Musk si një “sieg heil” – përshëndetje tipike naziste. “Mendimi im profesional është se ju jeni mirë, duhet t’u besoni syve”, postoi Aubin në X, duke iu referuar atyre që besonin se gjesti kishte një referencë të hapur ndaj nazizmit.

Po ashtu, Ruth Ben-Ghiat, profesoreshë historie në Universitetin e Nju Jorkut, e përshkroi veprimin e Musk si një përshëndetje naziste, duke thënë se ishte gjithashtu shumë luftarake.

Ky incident ka shkaktuar një debat të gjerë dhe ka nxitur reagime të shumta në rrjetet sociale, duke përfshirë diskutime mbi ndikimin dhe interpretimin e simboleve dhe veprimeve të lidhura me periudhën e nazizmit./UBTNews/

 

Bota

Monumenti për viktimat e gjenocidit të Srebrenicës u përurua në Paris

Published

on

By

Anëtari boshnjak i Presidencës së Bosnjës dhe Hercegovinës, Denis Beçiroviq dhe kryetarja e Bashkisë së metropolit francez, Anne Hidalgo përuruan sot në Paris monumentin kushtuar viktimave të gjenocidit të Srebrenicës.

Monumenti ndodhet në rrugicën e monumenteve përkujtimore në varrezat Père Lachaise, pranë atyre të dedikuara për viktimat e gjenocidit në Ruandë dhe ushtarëve francezë të vrarë në Luftën e Dytë Botërore.

Ai u ngrit me rastin e 30-vjetorit të gjenocidit kundër boshnjakëve, dhe iniciativa për ndërtimin e tij erdhi nga organizata joqeveritare Solidariteti me Bosnjën dhe Hercegovinën (SIBH-Francë), me mbështetjen e autoriteteve të qytetit të Parisit, transmetojnë mediat boshnjake.

Kujtimi i gjenocidit të Srebrenicës duhet të jetë themeli për ndërtimin e një të ardhmeje më të mirë, më të sigurt dhe më të drejtë, sepse vetëm me të vërtetën, respektin për viktimat dhe përgjegjësinë mund të sigurohemi që gjenocidi të mos ndodhë më kurrë“, tha Beçiroviq.

Gjenocidi i Srebrenicës, i kryer nga forcat serbe të Bosnjës, konsiderohet krimi më i keq i luftës i kryer në Evropë që nga Lufta e Dytë Botërore. Më shumë se 8 mijë burra dhe djem boshnjakë u vranë në masakrën serbe në vitin 1995.

Continue Reading

Bota

ShBA kundërshton propozimin e Macron për njohjen e shtetit palestinez: Vendim i njëanshëm

Published

on

By

Kreu i diplomacisë amerikane e bëri të qartë të enjten se “kundërshton fuqishëm” vendimin e presidentit francez Emmanuel Macron për të njohur shtetin e Palestinës gjatë Asamblesë së Përgjithshme të OKB-së në shtator.

Ai e ka cilësuar si një vendim të njëanshëm dhe që, sipas tij, e largon paqen.

Ky vendim i njëanshëm nuk shërben për asgjë tjetër përveçse për propagandën e Hamasit dhe përbën një hap prapa për procesin e paqes. Është një shuplakë në fytyrën e viktimave të 7 tetorit 2023,” deklaroi Sekretari amerikan i Shtetit, Marco Rubio, përmes një postimi në platformën X.

Ndërkohë, ambasadori amerikan në Izrael, Mike Huckabee, kishte deklaruar në muajin qershor se nuk e konsideron më prioritet të politikës së jashtme amerikane krijimin e një shteti të pavarur palestinez.

Continue Reading

Bota

​Macron thotë se Franca do ta njohë Palestinën si shtet

Published

on

Presidenti francez Emmanuel Macron njoftoi sonte se vendi i tij do ta njohë Palestinën si shtet.

Në një deklaratë të postuar në rrjetin X, Macron tha se vendimi do të formalizohet në Asamblenë e Përgjithshme të OKB-së në muajin shtator.

“Duke pasur parasysh angazhimin e saj historik për një paqe të drejtë dhe të qëndrueshme në Lindjen e Mesme, kam vendosur që Franca të njohë shtetin e Palestinës. Paqja është e mundur”, ka shkruar ai.

“Gjëja urgjente sot është që lufta në Gaza të ndalet dhe popullsia civile të shpëtohet”, thuhet në deklaratën e Macron, e cila përfshinte edhe një letër dërguar presidentit palestinez Mahmoud Abbas në lidhje me vendimin.

Aktualisht, mbi 140 vende njohin shtetin palestinez. Macron në qershor shprehu një vendosmëri për të njohur shtetin e Palestinës dhe mbështeti një lëvizje më të gjerë drejt një zgjidhjeje me dy shtete.

Continue Reading

Bota

​Britania e India nënshkruajnë marrëveshje tregtare rreth 6 miliardë funte

Published

on

Kryeministri britanik Keir Starmer i tha homologut të tij nga India Narendra Modi se nënshkrimi i marrëveshjes tregtare ishte një “ditë historike” për të dy vendet.

Në rezidencën e kryeministrit në Chequers, Starmer tha se marrëveshja përfaqësonte një “ndryshim të madh” në marrëdhënie, raporton BBC.

Modi tha se ata po “shkruanin një kapitull të ri” në historinë e përbashkët të Mbretërisë së Bashkuar dhe Indisë.

Marrëveshja vlen rreth gjashtë miliardë funte investime nga kompanitë indiane dhe britanike në ekonominë britanike dhe pritet të ketë një ndikim prej 4.8 miliardë funte në produktin e brendshëm bruto të Mbretërisë së Bashkuar.

Marrëveshja pritet gjithashtu të krijojë 2 mijë e 200 vende pune në vend. Tarifat për një gamë mallrash britanike do të ulen nga një mesatare prej 15 për qind në tre për qind, me qëllim rritjen e eksporteve në Indi me 11 miliardë funte.

Negociatat për marrëveshjen filluan në vitin 2022, kur Boris Johnson ishte kryeministër i Britanisë së Madhe dhe përfunduan në maj të këtij viti.

Continue Reading

Të kërkuara