Ne-Yo dhe Crystal Renay kanë finalizuar divorcin e tyre në vetëm pesë muaj, konfirmojnë dokumentet gjyqësore të siguruara nga Page Six.

Këngëtari do t’i paguajë ish-bashkëshortes së tij një shumë prej 1.6 milionë dollarësh për të balancuar pronat e tyre të pasurive të paluajtshme dhe 20,000 dollarë për shpenzimet e lëvizjes, sipas TMZ.

Renay gjithashtu do të mbajë një nga katër shtëpitë e tyre në Gjeorgji.

Për më tepër, Ne-Yo ra dakord t’i jap një çek prej 150,000 dollarësh ish-bashkëshortës, në mënyrë që ajo të mund të blejë një makinë të re, pasi ai do të mbajë Bentley Bentayga-n e tyre të vitit 2022.

Këngëtari do t’i paguajë gjithashtu Renay-t,12,000 dollarë në muaj si mbështetje për tre fëmijët që ata ndajnë dhe ai do të paguajë gjithashtu çdo shpenzim që lidhet me arsimin. Ata ranë dakord për kujdestarinë e përbashkët të fëmijëve.

Kujtojmë se Renay paraqiti kërkesë për divorc nga Ne-Yo në gusht të vitit 2022 pasi ajo e akuzoi publikisht për tradhtinë e tij./UBTNews/

Pasi Alyssa Milano kritikoi Britney Spears për një postim të vjetër në Twitter në të cilin ajo vuri në dyshim mirëqenien e saj, Milano privatisht kërkoi falje, sipas TMZ.

Sipas medias, Milano i dërgoi një “mesazh privat” këngëtares. Megjithatë, është e paqartë se çfarë u tha dhe nëse këngëtarja u përgjigj.

Burimet i thanë TMZ se ylli i “Melrose Place”, 50 vjeç, “shprehte mbështetje” për Spears, 41, në mesazhin e saj.

Të martën, Spears akuzoi Milanon për “ngacmim” ndaj saj pasi aktorja postoi në Twitter dhjetorin e kaluar, “Dikush ju lutem shkoni kontrolloni Britney Spears”.

“Më trishton kur shoh gjëra për mua nga njerëz që nuk më njohin !!! Kjo padyshim ndihet si një formë bullizmi !!!” u shpreh Spears./UBTNews/

Fytyra e mbretit Charles III nuk do të shfaqet në kartmonedhën e re pesëdollarëshe të Australisë, ka njoftuar banka qendrore e vendit.

Përmes dizajnit të ri do të nderohet “kultura dhe historia” e australianëve indigjenë, njoftoi Reserve Bank of Australia (RBA).

Një portret i mbretëreshës së ndjerë Elizabetë II shfaqet në modelin aktual të kartëmonedhës pesëdollarëshe.

Vdekja e Mbretëreshës vitin e kaluar ringjalli debatin mbi të ardhmen e Australisë si një monarki kushtetuese.

“Ky vendim i Bordit të RBA-së vjen pas konsultimit me qeverinë australiane, e cila e mbështet këtë ndryshim”, njoftoi banka.

Vendimi u mirëprit nga politikanët aborigjenë dhe udhëheqësit e komunitetit./UBTNews/

Princ Harry është planifikuar të mbajë fjalimin e tij të parë publik që nga publikimi i librit të tij me kujtime ‘Spare’ në fillim të këtij muaji.

Duka i Sussex do të flasë në samitin e ardhshëm të BetterUp Uplift në San Francisko, Kaliforni. Autori do të mbajë një fjalim në kongresin dy-ditor për drejtuesit e biznesit të mbajtur më 7 dhe 8 mars. Ndërsa regjistrimi virtual për ngjarjen është falas, pjesëmarrja personalisht në ngjarje kushton 995 dollarë. Biletat u japin blerësve akses në seminare, biseda , seanca stërvitore në grup dhe ushqim dhe verë.

BetterUp tha në një deklaratë se përveç Princit Harry, folës do të jenë Issa Rae, David Chang, Robin Arzón dhe Adam Grant. “Samiti gjithëpërfshirës do të paraqesë shkëmbimin e ideve dhe bisedave frymëzuese. Do ofrojë njohuri të pashembullta për liderët rreth mbajtjes së talenteve, rritjes dhe mënyrës se si t’u mundësojnë menaxherëve të udhëheqin ekipet me performancë të lartë përmes klimës aktuale të ndryshimit dhe pasigurisë”, shtuan ata./lapsi.al