Teknologji

Elon Musk do të nisë transplantimin e çipeve në trurin e njeriut në vitin 2022

Neuralink po funksionon mjaft mirë tek majmunët dhe ne jemi duke kryer shumë testime”.

Published

4 years ago

on

Njeriu më i pasur në botë, Elon Musk, është shprehur sot se ka në plan që kompania e tij neuroteknologjike Neuralink, do të nisë implementimet e mikroçipeve tek njerëzit vitin e ardhshëm.

Neuralink, e cila u bashkë-themelua nga Musk në vitin 2016, po ndërton një çip i cili do të transplantohet në trurin e njeriut për të regjistruar si dhe stimuluar në mënyrë të vazhdueshme aktivitetin e trurit.

Qëllimi kryesor i kësaj teknologjie është të ketë aplikime mjekësore si trajtimi i dëmtimeve të rënda të shtyllës kurrizore apo edhe çrregullimeve neurologjike.

Gjatë një interviste live në Samitin CEO Council të The Wall Street Journal, Musk u pyet rreth planeve të Neuralink për vitin 2022.

Musk u përgjigj duke thënë se, “Neuralink po funksionon mjaft mirë tek majmunët dhe ne jemi duke kryer shumë testime dhe kemi nisur të konfirmojmë që ato janë shumë të sigurta dhe të besueshme. Gjithashtu kjo pajisje e Neuralink mund të hiqet në mënyrë po aq të sigurt.”

Në vazhdim, Musk tha se, “Ne shpresojmë që ta instalojmë këtë [çip] tek njerëzit e parë – të cilat do të jenë njerëz që vuajnë nga sëmundjet serioze të shtyllës kurrizore si tetraplegjikët dhe paraplegjia– vitin tjetër, presim aprovimin e FDA (Federata Amerikane e Ushqimit dhe Barnave).”

Musk theksoi se “standardet e Neuralink për këto lloj pajisjesh janë shumë më të larta se ato që kërkohen nga FDA.”

Në vijim ai risolli në vëmendje një postim të vjetër në Twitter, ku kishte thënë se “Ne do të ecim përpara vetëm atëherë kur këto pajisje të vendosen tek njerëzit vitin e ardhshëm, pasi është e vështirë të kesh biseda të detajuara me majmunët,” – tha ai.

Në prill, Neuralink hodhi në rrjet një video të një majmuni që luan video-lojëra duke përdorur një pajisje të Neuralink.

Pasi mblodhi donacione prej $205 milionë dollarësh në korrik, Neuralink tha se do të kanalizonte fondet drejt ndërtimit të një mikroçipi që do t’i lejojë paraplegjikët të kontrollojnë pajisje digjitale me mendjet e tyre.

Paraplegjia dhe tetraplegjia është një paralizë e plotë ose e pjesshme e këmbëve dhe/ose krahëve.

Neauralink nuk është kompania e vetme e cila po prodhon pajisje të lidhura me neuroteknologjinë.

Related Topics:
Continue Reading

Teknologji

Starlink do të lansojë satelitët e gjeneratës së tretë në vitin 2026

Published

3 hours ago

on

July 21, 2025

By

Starlink thuhet se po përgatitet të lansojë gjeneratën e ardhshme të satelitëve vitin e ardhshëm.

Sipas kompanisë, e cila është në pronësi të Elon Musk, secili prej satelitëve të rinj është projektuar për të ofruar më shumë se një terabit kapacitet shkarkimi të të dhënave (> 1,000 Gbps), si dhe mbi 200 Gbps kapacitet ngarkimi të dhënash për përdoruesit në Tokë.

“Kjo është më shumë se 10 herë kapaciteti i shkarkimit dhe 24 herë kapaciteti i ngarkimit krahasuar me satelitët e gjeneratës së dytë”, thotë Starlink.

Starlink gjithashtu vëren se shpejtësia dhe vonesa e transferimit të të dhënave janë “përmirësuar rrënjësisht”. 

Continue Reading

Lajmet

Apple po përgatitet të prezantojë iPhone e parë të palosshëm

Published

3 days ago

on

July 18, 2025

By

Apple pritet të prezantojë modelin e parë të iPhonet me ekran të palosshëm në vitin 2026, sipas informacioneve të fundit që vijnë nga burime të besueshme në industrinë e teknologjisë.

Ky telefon i ri do të sjellë një ndryshim të rëndësishëm në dizajnin dhe funksionalitetin e smartphoneve të kompanisë amerikane.

Sipas të dhënave, iPhone i palosshëm do të ketë një ekran të jashtëm OLED prej 5.5 inçësh dhe një ekran të brendshëm më të madh, OLED 7.8 inç, me rezolucion të lartë, që do të përdorë teknologji të avancuar për të eliminuar pengesat gjatë palosjes. Mekanizmi i palosjes do të jetë në stilin e librit, i ngjashëm me atë të modeleve të njohura të Samsung.

Materialet e përdorura për kuadratin dhe mekanizmin do të jenë një kombinim titani dhe çeliku inox, duke siguruar qëndrueshmëri dhe rezistencë të lartë ndaj përdorimit të përditshëm. Një ndryshim i rëndësishëm në këtë model është përdorimi i sensorit Touch ID të integruar në butonin anësor, në vend të Face ID, që do të ndihmojë në ruajtjen e një dizajni më të hollë dhe të komod.

Çmimi i këtij modeli pritet të jetë mbi 2000 dollarë, duke e pozicionuar atë në segmentin premium të smartphoneve./Telegrafi

Continue Reading

Lajmet

OnePlus me një kabllo speciale për karikimin e telefonit

Published

3 days ago

on

July 18, 2025

By

OnePlus ka sjell në treg një kabllo të re për karikim me dy mundësi që të karikojë në të njëjtën kohë.

Ai mund të karikojë njëkohësisht smartphone dhe smartwatch. Karikimi bëhet përmes kabllos standard USB-C, por kjo kabllo ka në mes një shtesë me pin-a të posaçëm.

Kjo shtesë mund të karikojë orët inteligjente OnePlus Watch 2, Watch 2R dhe Watch 3. Nëse karikohet vetëm telefoni OnePlus, fuqia e karikimit arrin deri në 80W, ndërsa nëse karikohen të dy pajisjet njëkohësisht, telefoni do të karikohet me fuqi 67W, kurse ora me 10W.

Çmimi i kabllos është 27.99 euro dhe ajo nuk vjen me adapter./Telegrafi

Continue Reading

Teknologji

Vlerë rekorde e Bitcoinit

Published

1 week ago

on

July 11, 2025

By

Bitcoini ka shënuar rritje në një nivel të ri historik të enjten.

Kjo rritje u ndihmua nga kërkesa për rritje nga investitorët, si dhe nga politikat miqësore të administratës së Presidentit të Shteteve të Bashkuara të Amerikës, Donald Trump.

Kriptomonedha më e madhe në botë u rrit në një rekord të ri prej 112,743.49 dollarësh.

Ndër rritjet e fundit të fuqishme Bitcoini i shënoi më 22 maj të këtij viti, duke arritur në mbi 111 mijë dollarë.

Continue Reading

Të kërkuara