OpenAI ka rifutur veçorinë e shfletimit në ChatGPT pasi e ka çaktivizuar përkohësisht atë në korrik.

Chatbot ishte trajnuar më parë për të përdorur të dhëna deri në shtator 2021 dhe nuk ishte në gjendje të jepte informacion në kohë reale.

Të mërkurën, OpenAI i mbështetur nga Microsoft njoftoi në X, i njohur më parë si Twitter, se përditësimi i ri e lejon atë të kalojë kufirin e shtatorit 2021 dhe të aksesojë informacionin aktual në internet.

OpenAI tha se opsioni “Browse with Bing” është tani i disponueshëm për përdoruesit e versioneve të paguara të ChatGPT, duke shtuar “ne do të zgjerohemi me të gjithë përdoruesit së shpejti”./UBTNews/
​

Irani pretendoi të mërkurën se kishte lëshuar me sukses në hapësirë një satelit që fotografon pamje të Tokës, një lëvizje që mund të shtojë tensionet me vendet perëndimore që druhen se teknologjia e tij hapësinore mund të përdoret për zhvillimin e armëve bërthamore.

Ministri i Iranit për Komunikimin, Isa Zarepour tha se sateliti Noor-3 është lëshuar në orbitë 450 kilometra mbi sipërfaqen e Tokës, njoftoi agjencia shtetërore e lajmeve të Iranit, IRNA.

Nuk u bë e qartë se kur u lëshua sateliti.

Lëshimi i satelitit apo vendosja e tij në orbitë nuk u konfirmua nga zyrtarë të Perëndimit.

Ushtria e Shteteve të Bashkuara nuk iu përgjigj një kërkese për koment nga agjencia e lajmeve Associated Press.

Në vitet e fundit Irani ka dështuar disa herë të lëshojë satelitë.

Sateliti i fundit u lëshua nga Garda Revolucionare paraushtarake e Iranit. Gjenerali Hossein Salami, komandanti i Gardës, i tha televizionit shtetëror se lëshimi kishte qenë “një fitore” dhe se sateliti do të mbledhë të dhëna dhe fotografi.

Autoritetet shpërndanë pamje të një rakete që u ngrit nga një strukturë e lëvizshme për lëshimin e raketave, por pa saktësuar se ku ndodhi lëshimi.

Detaje nga videoja e shpërndarë lënë të kuptohet se ajo mund të jetë lëshuar nga baza e Gardës Revolucionare paraushtarake në Shahroud, rreth 300 kilometra në verilindje të kryeqytetit, Teheran. Baza ndodhet në rajonin e Semnanit, ku ndodhet baza e Imamit Khomeneini për lëshimin e mjeteve hapësinore, ku zbatohet program hapësinor civil i Iranit.

Garda Revolucionare paraushtarake ka programin e vet hapësinor dhe një strukturë ushtarake paralele me forcat e rregullta të armatosura të Iranit dhe i përgjigjet vetëm Udhëheqësit Suprem Ayatollah Ali Khamenei.

Ajo lëshoi satelitin e parë në hapësirë në prill të vitit 2020. Por kreu i Komanadës së Hapësirës së Shteteve të Bashkuara e mimizoi atë duke thënë se nuk do të ofronte të dhëna të rëndësishme.

Sanksionet e vendosura nga vendet Perëndimore e ndalojnë Iranin të importojë teknologji të përparuar vëzhgimi.

Shtetet e Bashkuara thonë se lëshimi i satelitëve nga Irani, bie ndesh me një rezolutë të Këshillit të Sigurimit të Kombeve të Bashkuara dhe i ka bërë thirrje Teheranit të mos ndërmarrë asnjë veprimtari lidhur me raketa balistike, që ato të kenë dhe të përdorin mbushje bërthamore.

Sipas një vlerësimi të zbulimit amerikan në vitin 2022, zhvillimi i mjeteve për lëshimin e satelitëve “shkurton hapësirën kohore” që Irani të zhvillojë një raketë balistike ndërkontinentale sepse teknologjia është e njëjta.

Irani, në mënyrë të vazhdueshme ka mohuar se po kërkon të zhvillojë armë bërthamore dhe thotë se programi i saj në hapësirë, si për shembull aktivitetet e saj bërthamore, bëhen për qëllime civile.

Shërbimet inteligjente amerikane dhe Agjencia Ndërkombëtare e Energjisë Bërthamore thonë se Irani braktisi një program të organizuar bërthamor ushtarak në vitin 2003.

Tensionet me vendet e Perëndimit lidhur me programin bërthamor të Iranit janë të larta. Programi bërthamor i Teheranit ka përparuar në mënyrë të qëndrueshme, qëkurse zoti Trump, 5 vjet më parë i tërhoqi Shtetet e Bashkuara nga marrëveshja bërthamore e vitit 2015 me fuqitë botërore dhe riktheu sanksionet me pasoja të rënda ndaj Teheranit.

Përpjekjet për rigjallërimin e marrëveshjes ngecën më shumë se një vit më parë.

Që atëherë, Agjencia Ndërkombëtare e Energjisë Bërthamore ka thënë se Irani ka mjaftueshëm uranium të pasuruar për të ndërtuar “një sërë” armësh bërthamore, nëse vendos ta bëjë një gje të tillë.

Irani po ashtu po ndërton një bazë bërthamore nëntokësore, që me gjasë do të jetë i paprekshëm nga sulmet ajrore të Shteteve të Bashkuara ose Izraelit.

Të dy vendet kanë thënë se do të ndërmarrin veprime ushtarake nëse është e nevojshme, për të parandaluar Iranin të zhvillojë armë bërthamore.

Irani ka shprehur gatishmërinë për t’u rikthyer në marrëveshjen bërthamore të vitit 2015, por thotë se Shtetet e Bashkuara duhet së pari të lehtësojnë sanksionet./syri.net/

X, dikur Twitter, ka përqindjen më të madhe të dezinformimit të gjashtë rrjeteve të mëdha sociale, ka sugjeruar një studim i Komisionit Evropian.

Studimi ekzaminoi mbi 6,000 postime unike të mediave sociale në Facebook, Instagram, LinkedIn, TikTok, X dhe YouTube.

Studimi analizoi përmbajtjen në tre vende që konsiderohen veçanërisht të rrezikuara nga dezinformimi – Spanja, Polonia dhe Sllovakia.

“Mesazhi im për [X] është: ju duhet të pajtoheni me ligjin e ashpër. Ne do të vëzhgojmë se çfarë po bëni”, paralajmëroi komisionerja e BE-së për vlerat dhe transparencën, Vera Jourova.

Studimi i dezinformimit që nxiti komentet e znj. Jourova mbuloi Spanjën, Poloninë dhe Sllovakinë, vende në rrezik për t’u shënjestruar nga dezinformata për shkak të zgjedhjeve ose afërsisë me luftën në Ukrainë./UBTNews/

Teknologjia – bota rrotullohet rreth saj. Ajo ka ndryshuar rrënjësisht jetën tonë në sfera të ndryshme, nga inteligjenca artificiale, te mënyra se si punojmë, komunikojmë, udhëtojmë, kujdesemi për shëndetin tonë dhe heqim dorë nga zakonet e këqija si duhanpirja.

Forcat e kombinuara të shkencës dhe teknologjisë luajnë një rol të madh në luftën kundër pasojave të pirjes së duhanit.

Shkenca ka sjellë një revolucion të vërtetë në këtë fushë, në një kohë kur shumë vende të botës po përpiqen të gjejnë një mënyrë për t’u përballur me një numër të madh të duhanpirësve. Pavarësisht fushatës prej dekadash kundër cigareve tradicionale, ende ka rreth një miliard duhanpirës në botë.

Pikërisht për këtë, shkenca i ofroi përgjigje pyetjes – Si ti ndihmojmë të gjithë ata duhanpirës që, edhe pse të vetëdijshëm për dëmin, nuk duan ta lënë duhanin?

Përgjigja është: Alternativa më pak të dëmshme.

Bëhet fjalë për produkte që ngrohin duhanin dhe janë një formë më pak e dëmshme e konsumimit të nikotinës.

Ky produkt i gjeneratës së re redukton substancat e dëmshme me 95% sepse përdor një sistem që nuk e djeg duhanin, por e ngroh atë.

Çfarë tjetër e bën këtë opsion më pak të dëmshëm për duhanpirësit?

Avantazhi më i madh qëndron pikërisht në procesin e rëndësishëm të ngrohjes që eliminon djegien dhe të gjitha pasojat që ajo sjell.

Tymi i duhanit është shumë më tepër se tymi i zakonshëm që ne e shohim me sy të lirë, dhe është pikërisht çfarë krijohet nga djegia. Kur ndizet një cigare, duhani fillon të digjet dhe krijohet tym përmes të cilit duhanpirësit thithin jo vetëm nikotinë, por edhe më shumë se gjashtë mijë substanca, prej të cilave rreth 100 dihet se janë të dëmshme ose potencialisht të dëmshme, përfshirë monoksidin e karbonit.

Shkencëtarët kanë arritur të eliminojnë këtë problem kyç të krijuar nga tymi i duhanit duke krijuar një teknologji të re të konsumit të duhanit, siç janë produktet pa tym.

Kur përdorni këto produkte alternative, nuk krijohet tym, dhe ndryshimi i rëndësishëm është se cigaret krijojnë katranin, i cili është produkt i djegies. Kur i qasemi këtij lloji të konceptit të reduktimit të dëmit, është e rëndësishme të theksohet se produkte të tilla nuk janë pa rrezik dhe se përdorimi i tyre çliron nikotinë, e cila krijon varësi.

Këto produkte janë destinuar ekskluzivisht për duhanpirësit e rritur, të cilët, në rrethana të ndryshme, do të vazhdonin të konsumonin cigare klasike.

Puna e shkencës dhe teknologjisë mori konfirmimin nga Administrata Amerikane e Ushqimit dhe Barnave (FDA), e cila deklaroi se produktet pa tym me mbështetje shkencore, janë tërësisht të ndryshme nga cigaret dhe se ekspozimi ndaj substancave potencialisht të dëmshme gjatë përdorimit të tyre është reduktuar ndjeshëm në krahasim me pirjen e cigareve klasike./Agroweb