

Lajmet
Eksportet në Kosovë shënojnë rënie drastike, rritet deficiti tregtar në Kosovë
Sipas këtij raporti, eksporti mbulon importin me 12,9 për qind.
Published
2 years agoon
By
Betim GashiEksporti i mallrave në muajin gusht 2023 në Kosovë ka shënuar rënie drastike. Eksportet kishin vlerën jo më shumë se 67.3 milionë euro ose një rënie prej 20.7 për qind.
Të dhënat e raportit të për Statistikat e Tregtisë së Jashtme për muajin gusht tregojnë për një deficit tregtar më të lartë për 3,1 për qind në muajin gusht të vitit 2023, në raport me periudhën e njëjtë të vitit 2022, gjegjësisht në vlerë prej 455.8 milionë euro, krahasuar me deficitin 441.9 milionë euro në vitin 2022.
Sipas këtij raporti, eksporti mbulon importin me 12,9 për qind.
“Eksporti i mallrave në muajin gusht 2023 kishte vlerën 67,3 milionë euro, ndërsa importi 523.1 milionë euro, që është një rënie prej 20,7 për qind për eksport, si dhe 0.7 për qind për import, duke krahasuar me periudhën e njëjtë të vitit 2022”, thuhet në raport.
Sipas të dhënave të grupeve kryesore të eksportit: 21,7% e përbëjnë artikujt e ndryshëm të prodhuar; 19,1% e përbëjnë metalet bazë dhe artikujt prej tyre; 13,7% e përbëjnë ushqimet e përgatitura, pijet dhe duhani; 12,3% e përbëjnë plastika, goma dhe artikujt prej tyre; 5,4% e përbëjnë produktet bimore, etj.
“Ndërsa, sipas të dhënave të grupeve kryesore për import: 16,9% e përbëjnë produktet minerale; 12,6% e përbëjnë ushqimet e përgatitura, pijet dhe duhani; 10,8% e përbëjnë makineritë, pajisjet mekanike dhe elektrike; 10,3% e përbëjnë metalet bazë dhe artikujt prej tyre; 9,4% e përbëjnë mjetet e transportit; 6,0% e përbëjnë produktet e industrisë kimike; 5,9% e përbëjnë tekstili dhe artikujt prej tij, etj”, bën të ditur ASK-ja.
Eksportet dhe importet e Kosovës me vendet e BE-së
ASK njofton po ashtu se eksportet e Kosovës në vendet e BE-së arritën në 20,6 milionë euro, ose rreth 30,7% e eksporteve të përgjithshme, me një rënie prej (-33,4%). Partnerët kryesorë për eksportin e mallrave në BE ishin: Gjermania (12,3%), Italia (3,3%), Holanda (3,2%), etj.
Ndërsa, importet e Kosovës nga vendet e BE-së ishin rreth 217,0 milionë euro, ose 41,5% e importeve të përgjithshme, me një rritje prej 1,8%. Importet me pjesëmarrje më të lartë ishin nga: Gjermania (11,8%), Greqia (6,0%), Italia (4,4%), etj.
Eksportet dhe importet e Kosovës me vendet e CEFTA-s
Sipas ASK-së, eksportet e Kosovës me vendet e CEFTA-s arritën në 26,7 milionë euro, ose 39,8% të eksporteve të përgjithshme, me një rënie prej (-17,1%). Partnerë kryesorë për eksport ishin: Shqipëria (14,3%), Maqedonia e Veriut (13,4%), Mali i Zi (5,4%), Serbia (5,2%).
Ndërsa, importet nga vendet e CEFTA-s arritën në 73,2 milionë euro, ose 14,0% të importeve të përgjithshme, me një rënie prej (-26,8%). Vendet me pjesëmarrje më të lartë për import ishin: Shqipëria (5,5%), Maqedonia e Veriut (4,5%), Serbia (2,1%).
Eksportet dhe importet e Kosovës me vendet e tjera të botës
Eksportet e Kosovës me vendet e tjera të botës arritën në 19,9 milionë euro, ose 29,6%. Si partnerë më të rëndësishëm nga këto vende për eksport ishin: SHBA (15,9%) dhe Zvicra (8,5%).
“Ndërsa importet e Kosovës me vendet e tjera të botës arritën në 232,8 milion Euro, ose 44,5%. Vendet me pjesëmarrje më të lartë për import në këtë grup ishin: Turqia (13,0%) dhe Kina (12,7%)”, thuhet në raport.
Lajmet
Osmani pret sa më parë formimin e institucioneve: Globi nuk na pret
Published
3 minutes agoon
April 2, 2025By
UBT NEWS
Presidentja e Kosovës, Vjosa Osmani, ka bërë thirrje për një konstituim të shpejtë të Kuvendit dhe formimin e qeverisë brenda afateve kushtetuese, duke theksuar se është e domosdoshme stabiliteti institucional në këtë periudhë të mbushur me sfida gjeopolitike.
“Ka kohë të mjaftueshme deri në përgatitjen e seancës konstituive. I uroj suksese partive politike dhe Kuvendit dhe shpresoj që ky proces të shkojë sa më mirë. Është me rëndësi që sa më parë të kemi konstituimin e Kuvendit dhe formimin e një qeverie, sepse zhvillimet gjeopolitike janë të shpejta dhe globi nuk na pret”, ka thënë Osmani pas një konference të përbashkët me sekretarin e Jashtëm britanik, David Lammy.
Ajo theksoi se nuk do të ndërhyjë në çështjet e koalicioneve, ashtu siç ka theksuar gjithmonë në të kaluarën, duke iu referuar praktikave të paraardhësve të saj.
“Siç e dini, unë si presidente nuk kam të drejtë vote dhe pavarësisht se në të kaluarën ka pasur presidentë që janë përzier në çështjet e koalicioneve, i konsideroj ato çështje partiake dhe sipas Kushtetutës nuk janë detyrë e imja. Jam besimplotë që deputetët do të bëjnë çmos që kjo seancë të jetë e suksesshme”, ka nënvizuar Osmani.
Presidentja theksoi gjithashtu rëndësinë e krijimit të një qeverie funksionale për të përballuar sfidat e brendshme dhe të jashtme, duke e theksuar se Kosova duhet të veprojë me përgjegjësi dhe efikasitet në këtë periudhë të rëndësishme.
Seanca për konstituimin e Kuvendit është caktuar për më 15 prill.

Që nga viti 1967, 2 prilli kremtohet si Dita Ndërkombëtare e Librit për Fëmijë, një ditë që frymëzon dashurinë për leximin dhe tërheq vëmendjen për librat për fëmijë. Kjo datë u përzgjodh për të nderuar shkrimtarin e njohur danez, Hans Christian Andersen, i cili me përrallat e tij ka edukuar dhe argëtuar breza të tërë fëmijësh.
Çdo vit, kjo ditë ka një temë të veçantë dhe një poster simbolik, si dhe një shkrimtar që shkruan një mesazh drejtuar fëmijëve të botës. Për vitin 2025, Dita Ndërkombëtare e Librit për Fëmijë sponsorizohet nga Holanda dhe posteri është krijuar nga dy autorë të librave për fëmijë holandezë.
Tema e këtij viti është “Liria e imagjinatës”, dhe motoja është marrë nga fjalia e fundit e poezisë “Gjuha e figurave”: “Imagjino mbi poezinë time dhe mos ngurro: këto fjalë të përkasin ty edhe pse vijnë nga unë”.
Librat cilësorë për fëmijë nxisin dhe zhvillojnë imagjinatën e lexuesve të vegjël, duke i ndihmuar ata të eksplorojnë krijimtarinë e tyre dhe të shohin botën nga një perspektivë të re. Ata gjithashtu i ftojnë fëmijët të interpretojnë fjalët, duke i mësuar ata të shkruajnë dhe krijojnë vetë historinë.
Autorja e këtij viti është Rian Visser, një shkrimtare dhe poete holandeze e njohur për librat e saj komikë dhe emocionues që janë shumë të preferuar nga fëmijët. Ajo është emëruar zyrtarisht Laureate Holandeze e Librave për Fëmijë për periudhën 2024-2026.
Kjo ditë ka si qëllim të nxisë leximin dhe të promovojë librat që ndihmojnë fëmijët të zhvillojnë imagjinatën dhe kreativitetin e tyre, duke i bërë ata të përfshihen në një botë të pasur me mundësi dhe ide të reja./UBTNews/
Lajmet
26 vjet nga vrasja e 86 civilëve në Kralan të Gjakovës
Published
2 hours agoon
April 2, 2025By
UBT NEWS
Sot, më 2 prill 2025, shënohen 26 vjet nga masakra e Kralanit në Gjakovë, ku forcat ushtarake dhe policore serbe vranë 86 civilë shqiptarë. Gjatë Luftës së Kosovës, një grup prej 1500 shqiptarësh kishte braktisur shtëpitë e tyre për t’u shpëtuar krimeve të forcave serbe, dhe ata u ndanë në dy grupe. Një pjesë e tyre, përfshirë gra, fëmijë dhe pleq, u dërguan në Shqipëri, ndërsa djemtë dhe burrat u mbajtën nën mbikëqyrje dhe rrethim të forcave serbe në një livadh pa ushqim dhe ujë.
Më 4 prill 1999, një numër i madh i këtyre burrave u lirua, por 86 prej tyre, përfshirë 11 të mitur, u mbajtën dhe më pas u ekzekutuan. Trupat e tyre u gjetën më vonë në një varrezë masive në Bajina Bashta të Serbisë, pranë liqenit të Peruçës. Deri më sot, asnjë nga përgjegjësit për këtë krim të tmerrshëm nuk është dërguar para drejtësisë. Fondi për të Drejtën Humanitare (FDH) kishte ngritur kallëzim penal në vitin 2013 dhe kishte identifikuar disa eprorë të ushtrisë serbe si të dyshuar për krime lufte.
Përpjekjet për drejtësi vazhdojnë edhe sot. Në vitin 2014, Shoqata “Familja dhe Shpresa” dërgoi një letër në Tribunalin e Hagës, ku kërkoi hetimin e kësaj masakre dhe dërgimin e përgjegjësve para drejtësisë. Pavarësisht përpjekjeve, askush nga autorët e krimit nuk ka marrë dënim deri më tani./UBTNews/
Bota
Izraeli eliminon tarifat për të gjitha produktet amerikane
Published
2 hours agoon
April 2, 2025By
UBT NEWS
Izraeli ka njoftuar heqjen e tarifave për të gjitha produktet që importohen nga Shtetet e Bashkuara, një hap që vjen një ditë përpara vendosjes së tarifave reciproke nga presidenti Donald Trump. Kryeministri Benjamin Netanyahu dhe ministri i Ekonomisë Nir Barkat kanë theksuar se ky veprim është një hap tjetër për hapjen e tregut izraelit ndaj konkurrencës, diversifikimin e ekonomisë dhe uljen e kostos së jetesës. Ata gjithashtu theksuan se ky vendim do të forcojë më tej lidhjet ekonomike dhe aleancën me Shtetet e Bashkuara.
Shtetet e Bashkuara janë partneri më i madh tregtar dhe aleati më i afërt i Izraelit, me tregti dypalëshe që arriti vlerën e 34 miliardë dollarëve në vitin 2024. Deri tani, 98% e mallrave nga SHBA ishin pa doganë për Izraelin, dhe marrëveshja e tregtisë së lirë mes dy shteteve është nënshkruar që 40 vjet më parë. Ministria e Financave e Izraelit vlerëson se tarifat për importet nga SHBA sillnin një të ardhur prej 11.3 milionë dollarësh në vit, kryesisht në sektorin e bujqësisë.
Heqja e tarifave është një lëvizje strategjike për të ruajtur stabilitetin e ekonomisë izraelite dhe për të forcuar lidhjet me SHBA-në, sidomos në një periudhë të pasigurisë tregtare dhe politike./UBTNews/

Osmani pret sa më parë formimin e institucioneve: Globi nuk na pret

Meta AI, platforma më e re në Whatsapp

Aleanca EU4DUAL mbledh liderët e arsimit dhe industrisë në Francë, Rektori Hajrizi pjesëmarrës si anëtar i Bordit

5 dhimbje që nuk duhen injoruar kurrë

Granit Xhaka përplaset me tifozët e Leverkusenit pas eliminimit nga skuadra e Bundesliga 3

Federata e Basketbollit të Kosovës njofton për selektorët e rinj te grupmoshat e reja

Divorci i prindërve, flet vajza e “Mr. Bean”: Ditët më të errëta

Dita Ndërkombëtare e Librit për Fëmijë

Franca gjobit Apple me 150 milionë euro për “mjetin e mbledhjes së të dhënave”
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë