Siguria e informacionit dhe ndërtimi i kapacitetit të sigurisë kibernetike jetike për sigurinë e qytetarëve dhe të shtetit.
Në prezencën e Gjeneral Major Hazrolli, oficerëve amerikanë të KFOR-it dhe stafit akademik të UBT-së, në Kampusin Inovativ të UBT-së, Koloneli dhe profesori izraelit prof. Gabriel Siboni, ka prezantuar mbi pikat kryesore të mbrojtjes kibernetike dhe sigurisë së integruar kombëtare, nga ku shpalosi ekspertizën e tij mbi bazat e sigurisë kibernetike dhe strategjive kombëtare të mbrojtjes së integruar.
Kolonel Siboni u shpreh se ndërtimi i një strategjie shtetërore për mbrojtjen nga sulmet kibernetike është shumë e rëndësishme për garantimin e sigurisë së një vendi.
“Izraeli është një histori suksesi në ndërtimin e një mburoje virtuale dhe fizike ndaj sulmeve kibernetike, sepse ka mundësuar që të identifikojë burimet e tyre në kohë. Kjo ka mundësuar që të trajnohen kapacitetet intelektuale dhe gjithashtu qytetarët e vendit për të mbrojtur të dhënat personale. Megjithatë mbrojtja kibernetike është një çështje komplekse dhe agjenturat e huaja janë gjithnjë në vëzhgim të mundësive për të shfrytëzuar pikat e dobëta të sistemeve të informacionit për sulmet e tyre”, tha prof. Gabriel Siboni.
Sipas tij, Kosova si çdo shtet tjetër duhet t’i japë përparësi sigurisë kibernetike dhe ta integrojë atë thelbësisht në strategjinë kombëtare të mbrojtjes, me synim mbrojtjen e shtetit dhe të qytetarëve.
“Meqenëse sot jetojmë në një shoqëri të informacionit, duhet kuptuar se menaxhimi sa më i sigurtë i informacionit, sidomos atij personal e shtetëror, përmes bashkëpunimit të shtetit me të gjithë akterët kombëtarë e ndërkombëtarë të interesit, është kyç për një shoqëri të sigurtë”, potencoi prof. Siboni.
Koloneli dhe profesori izraelit, prof. Gabriel Siboni përmbylli vizitën e tij në UBT dhe Kosovë, ku përmes kontributit të tij, jo vetëm që është hedhur themeli për një urë të re bashkëpunimi akademik mes Kosovës dhe Izraelit, por UBT tanimë gëzon një ekspertizë më të gjerë në këtë fushë me rëndësi për shoqërinë tonë.
Apple ka prezantuar një reklamë të re të Krishtlindjeve, të titulluar “A Critter Carol”, e cila është vlerësuar si “e ngrohtë”, “me shpirt festiv” dhe e realizuar pa përdorur inteligjencë artificiale.
Spot-i dy-minutësh tregon dy alpinistë në një pyll dimëror, ku një telefon i humbur gjendet nga krijesa kukullash që performojnë “Friends” nga Flight of the Conchords dhe më pas ia kthejnë pronarit.
Reklama u realizua me iPhone 17 Pro e kukulla dore, duke krijuar botë magjike dhe prekëse, në kontrast të qartë me reklamat e Coca-Cola-s për Krishtlindje, të krijuara plotësisht me AI dhe kritikuar si “të ftohta dhe pa shpirt”.
Apple publikoi edhe një video “behind the scenes”, ku tregohet se për realizimin e spotit u ndërtua një set gjigant pylli dhe u përdorën modele të mëdha kafshësh të manipuluara nga operatorë, ndërsa modelet e vogla ishin kukulla dore.
Regjisori Mark Molloy tha se qëllimi ishte të rikthehej magjia e artizanatit dhe natyrës së prekshme të kukullave.
Reklama u prit pozitivisht në rrjetet sociale, me fansat që e përshkruan si “absolutisht brilante” dhe “magji e pastër festive”. Ndërkohë, reklamat e Coca-Cola-s për vitin 2025 u kritikuan për përdorimin e AI dhe mungesën e ngrohtësisë emocionale që karakterizon festat.
CEO i Apple, Tim Cook, komentoi: “Gëzim festiv, pak magji, shumë zemër, të kapura me iPhone 17 Pro nga disa miq kukullash të punuar me dorë!”./A.Z/UBT News/
YouTube po përgatitet për një lëvizje të madhe strategjike, duke synuar të sigurojë të drejtat e transmetimit të ceremonisë së Çmimeve të Akademisë (Oscars) sapo të përfundojë kontrata aktuale e ABC-së në vitin 2028.
Sipas burimeve të Bloomberg, platforma në pronësi të Google ka kërkuar informacion për mundësinë e marrjes së ekskluzivitetit të këtij eventi prestigjioz.
Ky zhvillim tregon ambicien e YouTube për të zgjeruar portofolin e tij të transmetimeve live, veçanërisht pas suksesit me NFL Sunday Ticket dhe rritjes së madhe të audiencës në podkastet e njohura.
Sipas Cord Cutters News, një marrëveshje e tillë do të përbënte “një tronditje për industrinë”, duke e pozicionuar YouTube si një platformë të fuqishme për evente madhore televizive.
Nëse kjo lëvizje realizohet, ceremonia e Oscars, një nga ngjarjet më të ndjekura në botë, mund të zhvendoset për herë të parë nga televizoni tradicional në një platformë digjitale. /A.Z/UBT News/
Tre vite më parë, OpenAI prezantoi një produkt të ri, duke e përshkruar thjesht si “një model të quajtur ChatGPT që bashkëvepron në mënyrë shoqërore”.
Askush nuk e imagjinonte se ky demonstrim i thjeshtë do të shndërrohej kaq shpejt në një fenomen global.
ChatGPT revolucionarizoi botën e teknologjisë dhe biznesit, duke nxitur një valë të tërë produktesh të inteligjencës artificiale gjenerative.
Ai u bë jashtëzakonisht popullor që në ditët e para, duke arritur 1 milion përdorues vetëm pesë ditë pas lançimit—aftim që asnjë aplikacion tjetër nuk e kishte arritur më parë.
Sot, aplikacioni ka rreth 800 milion përdorues aktivë çdo javë, me miliarda vizita mujore, dhe në orët e pikut përpunon deri në 29,000 kërkesa për sekondë.
Ajo që nisi si një faqe e thjeshtë demonstrimi është shndërruar në një mjet të përditshëm për miliona njerëz, i përdorur për të mësuar, studiuar, shkruar, programuar, planifikuar dhe krijuar. /A.Z/UBT News/
Apple ndaloi së përdoruri procesorët Intel për laptopët e saj vite më parë dhe që atëherë ka punuar ekskluzivisht me TSMC.
Megjithatë, kjo mund të ndryshojë që në vitin 2027, kur disa MacBook mund të fillojnë të përdorin çipa të prodhuar nga Intel.
Apple mund të jetë duke kërkuar mënyra për të diversifikuar prodhimin e çipave të serisë M duke bashkëpunuar me Intel.
Sipas analistit të zinxhirit të furnizimit të Apple, Ming-Chi Kuo, Intel mund të fillojë prodhimin e çipave të serisë M të nivelit më të ulët që nga mesi i vitit 2027.
Nëse informacioni është i vërtetë, MacBook Air, iPad Air dhe iPad Pro lansohen me çipet M6 ose M7 të prodhuara nga Intel më vitin 2027.
Apple do të vazhdojë të mbështetet te TSMC për prodhimin e versioneve më të përparuara Pro, Max dhe Ultra të këtyre procesorëve, si dhe për çipet mobile të serisë A të Apple. /A.Z/UBT News/
