Lajmet

Ekspertët shëndetësorë pro ashpërsimit të masave, PDK kundër

Infektologu Hamdi Ramadani shprehet se masat antiCOVID që aktualisht janë në fuqi duhet të zbatohen në përpikëri.

Published

4 years ago

on

Për shkak të situatës epidemiologjike në vend shumë shpejt pritet që të ketë ashpërsim të masave antiCOVID. Ekspertët shëndetësorë dhe qytetarët pajtohen se nevojitet më shumë shtrëngim dhe zbatim rigoroz të masave antiCOVID, por me ashpërsimin e masave nuk po pajtohet Partia Demokratike e Kosovës.

Infektologu Hamdi Ramadani shprehet se masat antiCOVID që aktualisht janë në fuqi duhet të zbatohen në përpikëri, pasi moszbatimi i tyre gjatë kësaj periudhe ka sjellë rritje të madhe të rasteve të reja. Ai u shpreh se kufizimi i orarit të punës së gastronomisë dhe ora policore duhet të kufizohet dhe kontrollohet, ndërsa shtoi se edhe metodat online e punës duhet sa më shpejt të merren parasysh.

“Unë mendoj që masat e vendosura në nëntor dhe dhjetor duhet të zbatohen me përpikëri dhe jo të mbeten në letër, por të zbatohen në praktikë qoftë në gastronomi, qoftë në institucionet private, shkolla e fakultete sepse janë masa kufizuese pasi kufizohet numri i personave kërkohet vaksinimit, kërkohet higjiena, maska. Mendoj se këto janë masa të mira, por për fat të keq nuk u respektuan nga qytetarët dhe në anën tjetër organet përkatëse nuk i zbatuan masat e Qeverisë. Metoda online e punës duhet të futet si masë shtesë që sa më pak të ketë tubime dhe grumbullime, ndërsa gastronomia normalisht, ora policore as që mund të vijë në shprehje të zbuten, përkundrazi ato duhet të jenë të kontrolluara”, u shpreh Ramadani.

Infektologu Ramadani u shpreh se aktualisht vendi po përballen me një gjendje të rëndë pandemike, por shtoi se varianti omicron ka simptoma më të lehta. Sipas tij ndër masat kufizuese, edhe vaksinimit kundër COVID-19 është faktor që do të ndikojë në uljen e rasteve pozitive.

“Mendoj që edhe në ditët e ardhshme mund të jetë po ashtu e rënduar, por masat antipandemike dhe vaksinimi me imunizim janë faktorë që do ta ndërgjegjësojmë qytetarin. Mendoj se jemi në valën e re të sëmundjes me pandeminë COVID-19… Për fat të mirë tani për tani aspekti i peshës së sëmundjes i tablosë klinike megjithatë po tregohet që është formë më e lehtë dhe e butë karshi variantit të mëparshëm delta dhe më me pak ndërlikime, por që kjo nuk e lejon që masat që janë në fuqi të mos zbatohen në përpikëri që vaksinimi dhe imunizimi të forcohet në maksimum”, u shpreh ai.

Por me shtrëngim të masave kundër koronavirusit nuk po pajtohet deputeti i Partisë Demokratike të Kosovës, Bekim Haxhiu i cili thotë se vendet perëndimore që janë goditur nga varianti omicron vetëm kanë liruar masat anti-COVID.

Sipas tij, vendosja në bllok e masave antiCOVID vetëm sa po e pengon procesin e vaksinimit. Ai kërkoi që të ketë lehtësime për qytetarët e imunizuar karshi koronavirusit.

“Në situatën aktuale, duke llogaritur edhe vendet evropiane, ndonëse ka pasur rritje të madhe të rasteve me omicron, vendet e caktuara të BE po shkojnë duke liruar masat pasi ky variant është shumë më i lehtë. Pra, në aspektin shëndetësor krijon më pak probleme shëndetësore dhe mund të krijojë imunizim shëndetësor tek ata që atakohen dhe mund të krijohet edhe një imunizim i tufës … Vendosja e masave në bllok për mbyllje është një dekurajim për vaksinim. Pra, të gjitha këto situata duhet të diskutohen për të nxitur njerëzit në procesin e vaksinimit. Vendosja e masave në bllok siç ka bërë deri tani qeveria, e ka goditur procesin e vaksinimit”, tha Haxhiu.

Pas paralajmërimeve se gastronomia do të lejohet të punojë vetëm deri në orën 22:00, sipas Haxhiut, i cili është edhe anëtar i Komisionit Parlamentar për Shëndetësi dhe Mirëqenie Sociale, masat nuk duhet të rëndojnë punën e gastronomisë dhe ora policore është e panevojshme.

“Numri i rritur ka ndodhur për shkak se qeveria është munduar ta mbajë artificialisht numrin e vogël të rasteve për shkak të zvogëlimit të numrit të testimeve dhe dje kur ka rritur numrin e testimeve ka pasur rritje të numrit të rasteve. Ekspertët shëndetësorë duhet të vendosin hapat mbi masat. Unë nuk mendoj se duhet të ketë masa në bllok si për të vaksinuarit si për të vaksinuarit, sepse çdo masë të cilën po e merr qeveria po duket sikur ka diçka kundër gastronomisë. Masa e parë kundër gastronomisë është tërësisht e gabuar…Nuk ka nevojë për orë policore, është e panevojshme. Edhe këta muaj sa ka qenë, ishte tërësisht e panevojshme”, u shpreh ai.

Marrë parasysh situatën pandemike qytetarët pajtohen që të ketë ashpërsim të masave antiCOVID. Ramadan Baholli e kundërshton mbylljen totale, por thotë se duhet të ketë ashpërsim të masave antiCOVID.

“Mbyllja totale është e rëndë, por megjithatë masat duhet të merren gjithsesi… Qarkullimi si në orën 12:00 të ditës sikurse në orën 24:00 të natës është njëjtë, duhet të mbajmë maskë dhe të mos shkojmë ku ka shumë njerëz”, tha ai.

Një qytetar tjetër që nuk deshi të identifikohej tha se duhet pasur kujdes ndaj situatës së krijuar me pandemi, por sistemi arsimor nuk duhet të vazhdojë sipas skenarit online.

“Të ruhemi, të gjithë duhet ta përdorim maskën, ta mbajmë pastërtinë dhe t’i përmbahemi këshillave të cilat po i jep Ministria e Shëndetësisë, për shkollat nuk do të mund të thosha sepse shkollat online dhe me prezent fizike nuk është njësoj… Pas orës 22:00, qytetarët të kthehen në shtëpi”, u shpreh ai.

Sot është takuar Komitetit për koordinim dhe vlerësimin e situatës epidemiologjike i cili ka rekomanduar për masat e reja antiCOVID, masa të cilat pritet që sot apo nesër në mëngjes të dërgohen për miratim në qeveri.

Ministri i Shëndetësisë, Rifat Latifi njoftoi se është e mundshme që qarkullimi i gastronomisë të lejohet deri në 22:00, ndërsa theksoi se masat do jenë në proporcion të mundësive që shkollat dhe ekonomia të jenë të hapura.

Në 24 orët e fundit është regjistruar rekord i rasteve të reja me koronavirus në Kosovë. Gjatë kësaj periudhe janë regjistruar 2708 raste të reja nga testimi i 10.833 mostrave. Gjatë 24 orëve është regjistruar edhe një rast me fatalitet.

Related Topics:
Continue Reading

Aktualitet

UBT përgatit liderët e ardhshëm të fushës paramjekësore

Published

2 hours ago

on

August 16, 2025

By

UBT ka hapur regjistrimet për programin Master në Shkenca Paramjekësore, i cili synon të përgatisë profesionistë të domosdoshëm për sektorin shëndetësor, të aftë për të kontribuar në diagnostikim, trajtim dhe parandalim të sëmundjeve, duke vepruar në vijën e parë të kujdesit për jetën.

Ky program është ndërtuar mbi një kurrikulë multidisiplinare, të harmonizuar me modelet më të mira evropiane dhe amerikane, që ndërthur mësimin teorik me përgatitjen praktike. Studentët përfitojnë trajnim të avancuar në fushat e kujdesit emergjent, laboratorëve mjekësorë dhe diagnostikës klinike, duke përdorur pajisje bashkëkohore mjekësore dhe laboratorike.

Përgatitje gjithëpërfshirëse dhe praktike

Gjatë studimeve, studentët do të aftësohen në pesë kategori kyçe të fushës së paramedikëve:

  • Parandalimi i vdekjes së njerëzve
  • Rritja e cilësisë së jetës
  • Ndihma në rikuperimin nga sëmundjet apo dëmtimet
  • Menaxhimi i pranimeve dhe ri-pranimeve urgjente
  • Kujdesi për rastet kronike të ndjeshme (astma, diabeti, epilepsia etj.)

Programi përfshin gjithashtu përdorimin e tele-shëndetit dhe kujdesit tele-komunikues, duke u mundësuar studentëve të ofrojnë kujdes efikas dhe inovativ, sidomos për zonat e largëta apo për pacientët me nevoja të veçanta.

Misioni dhe vizioni

Misioni i Masterit në Shkenca Paramjekësore është të kontribuojë në arsimin e lartë përmes:

  • Kurrikulave bashkëkohore, të bazuara në praktikat më të mira ndërkombëtare
  • Hulumtimit shkencor në bashkëpunim me partnerë vendas e ndërkombëtarë

Programi synon të ofrojë një mjedis mësimor mbështetës, ku studentët zhvillojnë aftësitë klinike, kërkimore dhe menaxheriale që kërkohen në tregun e punës.

Përfshirje aktive në kërkim dhe shërbim

Studentët dhe stafi i programit marrin pjesë në:

  • Projekte kërkimore kombëtare dhe ndërkombëtare
  • Simpoziume dhe forume shkencore
  • Konsulencë dhe asistencë teknike për institucione shëndetësore publike e private
  • Hartimin e politikave shëndetësore në bashkëpunim me Ministrinë e Shëndetësisë

Aftësitë e të diplomuarve

Pas përfundimit të programit, të diplomuarit do të jenë të aftë:

  • Të ofrojnë kujdes shëndetësor holistik në komunitetet urbane, rurale dhe industriale
  • Të marrin vendime komplekse në situata emergjente dhe të udhëheqin ekipe paramjekësore
  • Të zbatojnë standarde të larta ligjore, etike dhe profesionale në praktikë
  • Të përdorin metoda kërkimore për të përmirësuar rezultatet shëndetësore
  • Të integrojnë njohuritë ndërdisiplinore në menaxhimin e shërbimeve shëndetësore

Masteri në Shkenca Paramjekësore në UBT është më shumë sesa një diplomë – është një përgatitje për jetë, duke formuar profesionistë që jo vetëm reagojnë ndaj emergjencave, por punojnë për t’i parandaluar ato, duke i dhënë shoqërisë ekspertë të gatshëm për të mbrojtur dhe përmirësuar jetën.

APLIKO TANI ONLINE!

Continue Reading

Aktualitet

A janë sëmundjet e zemrës trashëgimore dhe si ndikon diabeti? Flet kardiologu Edis Demiri

Published

3 hours ago

on

August 16, 2025

By

Historia familjare dhe diabeti janë faktorët më të fortë rreziku për sëmundjet kardiovaskulare. Kështu thekson kardiologu invaziv nga United Hospital, Edis Demiri në episodin e podcastit “Shëndeti në rend të parë” në Telegrafi, ku flet si për shkaqet kryesore ashtu edhe për një rast të pazakontë klinik që i shpëtoi jetën një pacienti.

“Faktori më i rëndësishëm është historia familjare për sëmundjet e zemrës”, thotë Demiri, duke shtuar se nëse prindërit ose vëllezërit/motrat kanë pësuar infarkt apo ndërhyrje kardiake në moshë të re, “edhe ai person është i rrezikuar”.

Sipas tij, “diabeti është pothuajse po aq i rëndësishëm sa historia familjare”, ndërsa më pas vijnë faktorë të tjerë si duhani, hipertensioni dhe yndyrnat e larta në gjak.

Mesazhi i mjekut është i qartë: kontrolloni rregullisht shëndetin e zemrës, veçanërisht nëse keni histori familjare apo diabet; ndaloni duhanin, mbani tensionin dhe lipidet nën kontroll dhe kërkoni ndihmë mjekësore urgjentisht në shenja si dhimbje gjoksi, djersitje të ftohta, marramendje ose vështirësi në frymëmarrje.

Për bisedën e plotë me këshilla praktike dhe sqarime të mëtejshme, ndiqni episodin e ri të podcastit “Shëndeti në rend të parë” në Telegrafi.

Continue Reading

Lajmet

Sa ka ndryshuar pas 25 vitesh lokacioni ku u xhirua seriali ikonik “Teletubbies”?

Published

18 hours ago

on

August 15, 2025

By

Seti i njohur i serialit “Teletubbies” duket i panjohur 24 vjet pas përfundimit të shfaqjes, pasi pronari i tokës ka bërë ndryshim të madh.

Seriali popullor për fëmijë u transmetua fillimisht në BBC Two nga viti 1997 deri në 2001. Gjatë kësaj periudhe, xhirimet për serinë u realizuan në Wimpstone, Warwickshire.

Më shumë se dy dekada më vonë, vendi duket shumë ndryshe që nga hera e fundit kur u xhirua “Teletubbies” atje, shkruan The Sun.

Një video e shpërndarë në Instagram tregoi se deri në vitin 2007 – gjashtë vjet pas përfundimit të shfaqjes – pronari i tokës kishte krijuar një pellg gjigant për të parandaluar hyrjen e të huajve.

Deri më 2025, toka mbetet e zbrazët, edhe pse pronarët menaxhojnë një fermë dhe dyqan me produkte ujore pranë saj. Një fans shkroi: “Trishtim. Ishte shumë e rëndësishme në atë kohë. Mund të kishte qenë një destinacion turistik. Shumë fëmijë, tani të rritur, janë rritur me të”.

Një tjetër komentoi: “Fakti që gjithçka u xhirua në atë copë të vogël toke është e pabesueshme”.

Një i tretë shtoi: “Njerëzit nuk e kuptojnë që ata janë fermerë dhe nuk u intereson paratë që mund të fitonin duke shitur bileta për vizitorët nostalgjikë – ata thjesht duan paqe”.

Një i katërt: “Imagjino dikë që e donte “Teletubbies” të kishte blerë atë tokë, të shkarkonte pellgun dhe të ringjallte të gjithë setin, duke e kthyer në muze?”.

Vitin e kaluar, një nga yjet e shfaqjes u shfaq në emisionin “This Morning” me fëmijën e saj.

Jess Smith, tani 30, është e njohur për rolin si bebi në diell në shfaqjen për fëmijë. Ajo me kolegët Nikki Smedley (Laa-Laa) e John Simmit (Dispy), rikujtuan kohën e tyre në “Teletubbies”. Jess u shoqërua nga vajza, Poppy, që atëherë ishte pesë muajshe, u pyet nëse i tregon miqve për famën e saj gjatë fëmijërisë.

Jess tha: “Nuk ua them unë, por të gjithë që janë me mua e dinë, kështu që të tjerët ua tregojnë gjithkujt. Partneri im Ricky ua thotë të gjithëve, po ashtu familja e tij, edhe familja ime. Të gjithë ua tregojnë të gjithëve, kështu që nuk ka rëndësi ku shkoj, të gjithë e dinë”.

Continue Reading

Bota

​Zelensky dhe Macron bien dakord të takohen pas samitit Trump-Putin

Published

21 hours ago

on

August 15, 2025

By

Presidenti ukrainas Volodymyr Zelensky dhe presidenti francez Emmanuel Macron folën sot, sipas Pallatit Élysée.

Të dy udhëheqësit ranë dakord të takohen “në momentin kur do të jetë më i dobishëm dhe efektiv” pas takimit të presidentit të SHBA-së Donald Trump dhe presidentit rus Vladimir Putin, thuhet në deklaratë.

Zelensky u takua këtë javë në Berlin me kancelarin gjerman Friedrich Merz dhe në Londër me kryeministrin britanik Keir Starmer.

Continue Reading

Të kërkuara