Kompania “Blue Origin” e miliarderit Jeff Bezos këtë mëngjes shënoi një arritje historike në industrinë e lëshimit të satelitëve me fluturimin e parë të suksesshëm të raketës së saj New Glenn. Raketa u lançua nga Florida dhe e njëjta është emëruar sipas astronautit John Glenn.

Shefi ekzekutiv i “Blue Origin”, Dave Limp, përmes një postimi në X bëri njoftoi suksesin e arritur. Ndërkohë, edhe kompania “Blue Origin” përmes një postimi në X njoftoi se “New Glenn ka kaluar vijën Kármán, kufirin e njohur ndërkombëtarisht të hapësirës”. Ky fluturim i pritur me padurim shënon hapin e parë të kompanisë për të sfiduar dominimin e kompanisë SpaceX në industrinë e hapësirës.

“Konfirmohet ndërprerja e motorit në fazën e dytë. Faza e dytë dhe ngarkesa e raketës New Glenn janë tani në orbitë”, shtoi kompania.

Faza e dytë, që është pjesa e sipërme e raketës, aktivizohet pasi të ndahet faza e parë, duke vazhduar udhëtimin në hapësirë. Raketa New Glenn, e pajisur me një pjesë të ripërdorshme, u ngrit nga Stacioni i Forcave Hapësinore Cape Canaveral, pas disa vonesave në fillim të javës.

Ambicia e miliarderit Bezos për të konkurruar me manjatin amerikan të biznesit, Elon Musk, i cili themeloi kompaninë SpaceX, mbështetet shumë në teknologjinë e ripërdorshme. Pjesa e poshtme e raketës, e cila mund të përdoret sërish, strehon rezervuarët e karburantit dhe siguron shtytjen fillestare për ta çuar raketën në qiell. Ndryshe nga raketat tradicionale, kjo pjesë është projektuar për t’u kthyer në mënyrë të sigurt në Tokë për ripërdorim./UBTNews/

Një anije që mbante 86 persona, kryesisht emigrantë pakistanezë, u fundos gjatë rrugës nga Mauritania drejt Ishujve Kanarie, duke shkaktuar 50 viktima. Sipas OJQ-së spanjolle Caminando Fronteras, mes të mbijetuarve janë 36 persona, përfshirë një vajzë adoleshente.

Anija kishte kaluar 13 ditë në det përpara tragjedisë, dhe autoritetet marokene ndihmuan në shpëtimin e të mbijetuarve. Numri i saktë i personave në bord mbetet i paqartë, ndërsa organizatat humanitare theksojnë nevojën për veprim urgjent për të parandaluar tragjedi të ngjashme në Mesdhe dhe Atlantik./UBTNews/

Presidenti i zgjedhur Donald Trump publikoi një listë të emrave që nuk do të jenë pjesë e administratës së tij të ardhshme. Në postimin e tij në Truth Social, ai përmendi ish-bashkëpunëtorë si John Bolton, Mike Pence, Nikki Haley, Dick dhe Liz Cheney, Mitt Romney, Paul Ryan, dhe Mark Milley, duke i akuzuar për “Sindromën e obsesionit ndaj Trump-it” (TDS).

Trump kritikoi ish-zëvendëspresidentin Mike Pence për marrëdhëniet e prishura pas sulmit të Kapitolit dhe kritikoi Mark Milley për komentet që e cilësonin atë si “fashist”. Ai siguroi se administrata e tij e re do të përbëhet nga mbi 1000 njerëz të kualifikuar për të realizuar vizionin e tij për “Bërjen e Amerikës të Madhe Sërish”.

Kjo listë ka nxitur debat mbi marrëdhëniet e tij të tensionuara me disa figura të njohura republikane./UBTNews/

Papa Françesku ka lënduar krahun e djathtë për shkak të rrëzimit në rezidencën e tij, Santa Marta sot në Vatikan. Një zëdhënës i Vatikanit tha se krahu i 88-vjeçarit nuk ishte thyer, por ishte i ishte dhënë ndihma e parë si masë paraprake.

Në fillim të dhjetorit, papa Françesku u pa me një mjekër të mavijosur pas një aksidenti të vogël. Vatikani tha se ai kishte goditur veten në një tavolinë pranë shtratit. Shëndeti i papa Françeskut me origjinë nga Argjentina, i cili është Papë që nga viti 2013, ka qenë një shqetësim prej disa kohësh. Papa Françesku, zakonisht përdor një karrige me rrota për daljet publike për shkak të një problemi serioz në gju./UBTNews/