Lajmet
Ekonomia e Australisë- Shënohet performanca më e keqe që nga viti 1992
Ekonomia e Australisë ka regjistruar performancën më të keqe në më shumë se 30 vjet, përjashtuar vitin e parë të pandemisë COVID-19. Sipas të dhënave të fundit nga Byroja Australiane e Statistikave, Prodhimi i Brendshëm Bruto (PBB) i Australisë u zgjerua me vetëm 0.2 për qind në periudhën prill-qershor dhe 1 për qind gjatë vitit të kaluar.
Nëse përjashtojmë vitin 2020, rritja vjetore e PBB-së është më e ngadalta që nga viti 1991-92, kur Australia po rikuperohej nga një recesion ekonomik. PBB-ja ka rënë me 0.4 për qind në bazë tremujore – rënia e gjashtë radhazi dhe 1.5 për qind nga viti në vit.
Para pandemisë, Australia kishte gëzuar një periudhë të gjatë të rritjes së pandërprerë ekonomike, duke dalë si e vetmja ekonomi e madhe që shmangu recesionin gjatë krizës financiare globale të vitit 2008. Megjithatë, rimëkëmbja e Australisë pas COVID-19 ka hasur në vështirësi, për shkak të ngritjes së normave të interesit nga banka qendrore.
Midis majit 2022 dhe nëntorit 2023, banka qendrore e Australisë ngriti normat e interesit 13 herë në një përpjekje për të luftuar inflacionin që kishte arritur në nivele rekord për një çerek shekulli. Të dielën, Thesarari Jim Chalmers theksoi se këto rritje të njëpasnjëshme të normave të interesit po “shkatërronin ekonominë.”
Përkundër kësaj, inflacioni u rrit pak në tremujorin e qershorit dhe mbetet shumë mbi objektivin e bankës qendrore prej 2-3 për qind. Këto të dhëna të dobëta ekonomike kanë rritur thirrjet për uljen e normave të interesit nga Banka e Rezervës së Australisë.
Rritja e pakënaqësisë mbi situatën ekonomike ka ndikuar në mbështetje për qeverinë e Partisë Laburiste të kryeministrit Anthony Albanese. Sipas një sondazhi të Newspoll të publikuar të hënën, vetëm 41 përqind e të anketuarve e miratuan performancën e Albanese, krahasuar me 54 përqind që nuk e miratuan – performanca më e keqe e liderit australian që nga zgjedhja e tij në maj 2022.
Një sondazh i veçantë nga RedBridge tregoi se vetëm 24 përqind e australianëve mund të përmendnin një përmirësim në jetën e tyre që kur Albanese hyri në detyrë./UBTNews/
Futen ilegalisht nga Serbia në Kosovë, ndalohen nga policia
Aksident në dalje të Lushnjës, një i plagosur
Apple diversifikon furnitorët, Intel futet sërish në lojë
Një kapitull i ri për Megan Fox dhe Machine Gun Kelly?
FIFA teston rregullin dy-minutësh
Futen ilegalisht nga Serbia në Kosovë, ndalohen nga policia
Hamza njofton për takimet në ShBA: Kosova do të kthehet në Washington më e fortë se kurrë
Ja pse ndiheni të lodhur edhe pas gjumit
Sot publikohet dhe promovohet kompleti i veprave të Xhemail Mustafës
-
Aktualitet1 month agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet3 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoUBT shpall thirrjen për Konferencën Ndërkombëtare të Gjuhës dhe Kulturës 2025