Shëndeti

Efekti i lëngut të limonit në funksionin e mëlçisë

Lëngu i limonit është i pasur me vitaminë C, që përmirëson dhe forcon funksionin e imunitetit.

Published

on

Tashmë ju duhet të keni dëgjuar për përfitimet e limonit dhe lëngut të tij në organizëm. Edhe pse ende mungojnë provat shkencore, askush nuk mund ta mohojë se ky frut ka një sasi të madhe lëndësh ushqyese.

Lëngu i limonit është i pasur me vitaminë C, që përmirëson dhe forcon funksionin e imunitetit.

Në fakt, vetëm një gjysmë filxhani me këtë lëng ofron më shumë se gjysmën e sasisë së rekomanduar ditore të vitaminës C.

Lëngu i limonit është gjithashtu një burim i mirë i vitaminave të kompleksit B, magnezit, bakrit dhe shumë antioksidantëve. Për më tepër, ai përmban shumë pak kalori, karbohidrate dhe sheqerna.

Antioksidantët tek vitamina C mbrojnë nga stresi oksidativ, ruajnë funksionin normal të sistemit nervor, rrisin sintezën e kolagjenit dhe mund të përmirësojnë shëndetin e lëkurës.

Por se cilat janë efektet e tij në shëndetin e mëlçisë, AgroWeb.org ju t’i mësoni më poshtë.

Limoni dhe shëndeti i mëlçisë

Kjo pije freskuese përdoret gjerësisht për efektet e saj të dobishme në shëndetin e mëlçisë.

Nëse bëni një kërkim të shpejtë në internet do të gjeni dhjetëra faqe që paraqesin programe pastrimi, ku disa kërkojnë që të konsumoni lëng limoni për javë apo edhe muaj.

Edhe pse nuk ka asnjë provë shkencore që programet e detoksit funksionojnë, konsumi i limonit mund të përmirësojë funksionin e mëlçisë.

Sipas të dhënave të mbledhura nga AgroWeb.org efektet e flavonoideve tek agrumet lujanë një rol të rëndësishëm në shëndetin kardiometabolik.

Këta antioksidantë reduktojnë inflamacionin, pastrojnë radikalet e lira dhe përmirësojnë aftësinë e trupit tuaj për të përpunuar glukozën.

Disa studime sugjerojnë se flavonoidet e agrumeve mund të ulin sheqerin në gjak dhe nivelet e kolesterolit.

Ato gjithashtu mund të përmirësojnë simptomat e diabetit dhe të mbrojnë kundër sëmundjeve kardiovaskulare.

Gjithashtu naringenina, një përbërës flavonoid, mund të zvogëlojë sasinë e yndyrës në mëlçi.

Megjithatë, shumica e hulumtimeve janë kryer te kafshët, kështu që rezultatet mund të mos vlejnë për njerëzit.

Për shembull, një studim tjetër ku AgroWeb.org u mbështet zbuloi se lëngu i limonit mund të zvogëlojë dëmtimin kronik të mëlçisë të shkaktuar nga alkooli tek minjtë.

Kjo për shkak të vetive të tij antioksiduese por asnjë studim i tillë nuk është kryer ende tek njerëzit.

Siç vërejnë shkencëtarët, limoni përmban vitaminë C, flavonoidë, karotenoidë dhe komponime të tjera bioaktive që mbrojnë mëlçinë./AgroWeb.org

Shëndeti

Dylli i veshit mund ta parashikojë sëmundjen e Parkinsonit

Published

on

Studiuesit nga “American Chemical Society” po pretendojnë se kanë zhvilluar një sistem të ri që ndihmon në zbulimin e hershëm të sëmundjes neurologjike, Parkinson.

Ky zbulim lidhet me erën e veçantë të sebumit, përbërës kryesor i dyllit të veshit, është substancë yndyrore që trupi e prodhon për të mbrojtur dhe lubrifikuar lëkurën. Studiuesit kanë deklaruar se te personat me Parkinson, sebumi mund të marrë një erë karakteristike dhe paksa të rëndë, pasi sëmundja ndikon në mënyrën se si trupi prodhon komponimet organike që lëshohen përmes sebumit, ka raportuar The Independent.

Çdo vit, rreth 90,000 persona diagnostikohen me Parkinson në Shtetet e Bashkuara, dhe numri i vdekjeve të shkaktuara nga kjo sëmundje është rritur dukshëm në dekadat e fundit. Lidhja në mes të erës së sebumit dhe sëmundjes së Parkinsonit është vërejtur edhe në studime tjera, tani ekspertët kanë arritur të identifikojnë disa komponime specifike që mund të shërbejnë si shenja biologjike të Parkinsonit.

Morën mostra nga kanalet e 209 personave, ku më shumë se gjysma ishin të diagnostikuar me Parkinson, mostrat u analizuan me teknika të avancuara të:

-Kromatografisë së gazit (analizë që tregon se cilët përbërës janë të pranishëm në një mostër dhe ndihmon të kuptohet saktësisht se çfarë substancash përmban dylli i veshit), si dhe

-Spektrometrisë së masës (analizë që ndihmon të identifikohen me saktësi se cilat janë përbërësit kimikë që gjenden në mostër dhe në çfarë sasie janë).

Studiuesit kanë zbuluar se te personat me Parkinson, katër komponime organike ishin të ndryshme krahasuar me ata që nuk kishin sëmundjen. Këtu përfshihen komponimet e quajtura Ethylbenzene, 4-ethyltoluene, Pentanal, 2-pentadecyl-1 dhe 3-dioxolane.

Këto komponime shërbejnë si shenja për diagnostikimin e Parkinsonit, krijuan sistem që përdoret si metodë praktike për zbulimin e hershëm të Parkinsonit, studiuesit ndërtuan sistem të inteligjencës artificiale që simulon nuhatjen njerëzore, model robotik që mund të “ndiej” aromën duke përdorur të dhënat nga dylli i veshit. Sistemi ishte në gjendje të dallonte me 94 për qind saktësi mostrat e njerëzve me Parkinson nga ata pa sëmundjen.

Aktualisht, rreth 1.1 milionë amerikanë jetojnë me Parkinson.

Ekspertët kanë bërë të ditur se zbulimi i hershëm është shumë i rëndësishëm, sepse shumica e trajtimeve ekzistuese vetëm e ngadalësojnë përparimin e sëmundjes, por nuk e shërojnë. Sipas tyre, metodat aktuale të diagnostikimit janë të kushtueshme dhe ndonjëherë të paqarta.

Studiuesit kanë deklaruar se ky sistem me inteligjencë artificiale mund të përdoret si mjet i shpejtë dhe i parë për të zbuluar sëmundjen në fazat e hershme.

“Kjo metodë është në fazë fillestare, është testuar vetëm në një qendër kërkimore në Kinë. Hapi i radhës është të zhvillojmë studime në faza të ndryshme të sëmundjes, në qendra dhe grupe të ndryshme etnike, për të vlerësuar nëse kjo metodë ka vlerë praktike më të gjerë”, ka shpjeguar autori Hao Dong.

Continue Reading

Shëndeti

Aktiviteti fizik i rregullt ndihmon trurin të harrojë kujtimet traumatike

Published

on

Një studim i ri i realizuar nga Universiteti i Kyushus në Japoni dhe Universiteti i Torontos ka zbuluar se aktiviteti fizik i vazhdueshëm mund të ndihmojë në zbehjen e kujtimeve traumatike apo të lidhura me varësinë.

Studiuesit testuan këtë teori te minjtë, të cilëve u ishin dhënë tronditje elektrike, duke shkaktuar tek ta sjellje të ngjashme me çrregullimin e stresit post-traumatik, si frikë, ankth dhe shmangie të mjediseve që lidhen me traumën.

Kur minjtë u lanë të ushtronin, filluan të prodhonin më shumë neurone në pjesën e trurit të quajtur hipokampus, zonë kyçe për kujtesën dhe simptomat e traumës u pakësuan ndjeshëm.

Edhe ndërhyrja gjenetike për të përshpejtuar prodhimin e neuroneve dha rezultate pozitive, ndonëse jo aq efektive sa aktiviteti fizik.

E njëjta metodë u aplikua edhe për sjellje të lidhura me varësinë. Minjtë që më parë shfaqnin preferencë për një dhomë të lidhur me përdorimin e kokainës, pas rritjes së neurogjenezës, nuk tregonin më të njëjtën tërheqje ndaj saj.

Sipas studiuesve, rezultatet hapin rrugën për trajtime të reja ndaj PTSD-së dhe varësive, duke u fokusuar në riformësimin e lidhjeve në tru.

Por deri atëherë, aktiviteti fizik mbetet një mënyrë e fuqishme dhe lehtësisht e arritshme për të ndihmuar trurin të çlirohet nga e shkuara.

Continue Reading

Shëndeti

Si të ruani të freskëta bananet për një javë?

Published

on

Ju blini banane, por nuk keni për t’i ngrënë ato, kështu që kur ato bëhen të zeza, zakonisht përfundojnë në plehra.

Me këtë trik të dobishëm, bananet do të qëndrojnë të freskëta, të forta, të shijshme dhe kryesisht të verdha më gjatë.

Bananet janë të shëndetshme, përmbajnë minerale, vitamina dhe fibra dhe janë të mira për t’u ngrënë çdo ditë.

Banania e pjekur ka njolla të vogla kafe dhe është e ëmbël. Njollat formohen ndërsa një enzimë zhvillohet në këtë frutë që përshpejton procesin e pjekjes.

Në disa dhoma, bananet piqen më shpejt – në një apartament që nxehet në njëzet gradë Celsius.

Njollat kafe janë shenjë që banania po piqet, zonat e mëdha kafe ose kur banania është nxirë janë të këqija, është shenjë që është e pjekur dhe ka shije të keqe.

Çfarë duhet të bëni për të mbajtur banane të freskëta për më gjatë?

E vetmja gjë që ju nevojitet janë foli transparente që ndoshta keni tashmë në kuzhinën tuaj.

Mbështillni bananet me foli, pasi ngadalëson procesin e pjekjes. Bananet që i ruani në këtë mënyrë mund të qëndrojnë të freskëta për një javë,

Continue Reading

Shëndeti

A duhet të pimë pije energjike në verë?

Published

on

Kur temperaturat rriten dhe ndihesh i lodhur apo i etur, tundimi për të kapur një pije energjike të ftohtë është i madh. Por a është kjo zgjidhja e duhur për organizmin tonë?

Pijet energjike, megjithëse na japin një ndjesi të menjëhershme “rifreskimi”, nuk janë ideale për hidratim, veçanërisht në ditët e nxehta.

Ato përmbajnë kafeinë të lartë, sheqerna të përpunuar dhe substanca stimuluese, të cilat mund të rrisin rrahjet e zemrës, të ngrejnë tensionin dhe madje të çojnë në dehidrim nëse konsumohen në sasi të mëdha.

Çfarë rekomandojnë ekspertët?

Ujë i thjeshtë ose me limon;

Lëngje natyrale pa sheqer të shtuar;

Pije izotonike me elektrolite (nëse ke humbur shumë lëngje nga djersitja).

Në vend që të kërkojmë energji të shpejtë nga një kanaçe, zgjedhje më e mirë është të mbajmë trupin të hidratuar dhe të ushqyer mirë gjatë ditës.

Continue Reading

Të kërkuara