Efektet negative dhe shenjat që jep trupi kur jeni të sëmurë nga tiroidja

Bëhet fjalë për plogështinë, lodhjen, mungesën e përqendrimit, ankthin dhe simptoma të tjera.

Published

3 years ago

October 31, 2022

UBT news

Miliona njerëz në botë kalojnë jetën me sëmundje kronike për të cilat nuk janë në dijeni. Simptomat e këtyre problemeve shëndetësore mund të bëhen pjesë e jetës së përditshme.

Bëhet fjalë për plogështinë, lodhjen, mungesën e përqendrimit, ankthin dhe simptoma të tjera.

Por këto simptoma nuk janë aspak normale, thonë studimet të cilave u referohet AgroWeb.org.

Këto simptoma janë tipike të njerëzve të prekur nga hipotiroidizmi.

Cilat janë funksionet e tiroides?

Tiroidja është një gjendër që sekreton hormone duke ndihmuar rritjen dhe zhvillimin e organizmit.

Kur puna e tiroides ngadalësohet, në organizëm krijohet një efekt domino që prek stomakun, muskujt, trurin dhe zemrën.

Të dhënat tregojnë se 200 milionë njerëz në botë vuajnë nga një çrregullim i caktuar i tiroides.

Çrregullimet më të përhapura janë: hipotiroidizmi, hipertiroidizmi, tumoret e të tjerë.

Në 50% të rasteve, këto çrregullime janë të padiagnostikuara, për shkak të mungesës së vizitës te mjeku.

Shenjat paralajmëruese kur tiroidja ka probleme:

1. Përtharja dhe enjtja e lëkurës

Sipas të dhënave të AgroWeb.org, simptoma të tilla janë më të ashpra sidomos në muajt e dimrit.

Ato shoqërohen me zverdhje të lëkurës, çarje të thembrave, kruarje të skalpit dhe ekzemë.

Prishjet e ekuilibrave hormonale dhe problemet e hipotiroidizmit apo hipertiroidizmit manifestohen menjëherë në lëkurë.

Këto simptoma janë më të përhapura tek gratë.

2. Mungesa e energjisë

Lodhja dhe mungesa e energjisë është një nga shenjat më të qarta të problemeve me tiroiden.

Përdorimi i duhanit, kafesë dhe sheqerit mund t’i përkeqësojë këto simptoma.

Njerëzit mund të ankohen se e kanë kokën të rëndë, humorin e keq dhe ndihen të lodhur.

Për të përmirësuar situatën, ata duhet të marrin mangan, vitamin B12, jod dhe zink.

3. Problemet me tretjen

Njerëzit e prekur nga problemet me tiroiden ankohen gjithmonë për problemet me tretjen.

Këtu përfshihen konstipacioni dhe diarea.

Konsipacioni vërehet tek njerëzit e prekur nga hipertiroidizmi, kur tiroidja prodhon shumë hormone ndërsa diarea tek rastet e hipotiroidizmit, kur prodhon pak hormone.

4. Luhatjet e peshës

Ritmi i metabolizmit tek njerëzit e prekur nga hipotiroidizmi është tepër i ulët.

Kur kjo ndodh, shtimi në peshë në rast hipotiroidizmi, është mëse i dukshëm.

Nga ana tjetër, pacientët e prekur nga hipertiroidizmi vuajnë nga një rënie e pashëndetshme në peshë./AgroWeb.org

Si të ulni nepsin për ëmbëlsira? Këto ushqime ju vijnë në ndihmë

Published

2 days ago

December 12, 2025

UBT News

Frenimi i nepsit është një nga sfidat më të mëdha si gjatë dietës, ashtu edhe në përditshmëri.

Dëshira për të konsumuar të ëmbla, karbohidrate a ushqime të yndyrshme shfaqet si mënyrë për të shtuar energjinë, edhe kur e dimë që ato nuk janë zgjedhja më e shëndetshme.

Megjithatë, ka alternativa të thjeshta që mund t’ju ndihmojnë ta kontrolloni këtë dëshirë.

Avokado

E pasur me minerale, vitaminë E dhe yndyrna të shëndetshme, avokado është një ushqim ideal për t’ju mbajtur të ngopur më gjatë. Mund ta konsumoni të thjeshtë me pak kripë e piper ose ta shtoni në sallata.

Vaji i kokosit

Përdorimi në vend të sheqerit në disa receta ndihmon në uljen e dëshirës për ushqime të përpunuara. Ai përmban yndyrna të shëndetshme që kontribuojnë në një ndjesi më të qëndrueshme ngopjeje.

Arra dhe arrorë të tjerë

Janë të pasura me yndyrna e proteina, mund të reduktojnë nepsin për të ëmbla apo karbohidrate. Zgjidhni versione natyrale, pa kripë dhe pa shtesa të tjera.

Karrotat dhe selinoja

Janë të pasura me fibra, ju ngopin natyrshëm e ju ndihmojnë të shmangni ushqimet e panevojshme. Mund t’i konsumoni si snack, në sallata ose bashkë me një çaj të ngrohtë.

Pini mjaftueshëm ujë

Trupi ngatërron etjen me uri. Duke pirë rregullisht ujë gjatë ditës, mund të zvogëloni nepsin dhe të përmirësoni hidratimin. Këto zgjedhje mund t’ju ndihmojnë të kontrolloni dëshirat e papritura për ushqime jo të shëndetshme dhe të mbani një rutinë ushqimore më të balancuar. /A.Z/UBT News/

Shëndet

Sekreti i çokollatës së zezë për një trup më të ri

Published

3 days ago

December 11, 2025

UBT News

Një studim i ri ka gjetur një lidhje mes teobrominës, një përbërësi natyral i çokollatës së zezë, dhe ngadalësimit të plakjes biologjike.

Studiuesit analizuan mbi 1,600 persona në Britani dhe Gjermani dhe vunë re se ata me nivele më të larta teobromine kishin një moshë biologjike më të ulët se mosha reale.

Mosha biologjike mat gjendjen reale të trupit duke u bazuar në qelizat, indet dhe organet, dhe lidhet me faktorë si stili i jetesës, mjedisi dhe gjenetika.

Studiuesit përdorën ndryshimet në ADN dhe gjatësinë e telomereve për këtë matje.

Ekspertët theksojnë se nevojiten më shumë studime për të kuptuar ndikimin e teobrominës dhe paralajmërojnë që sheqeri dhe yndyra në çokollatë mund të ulin përfitimet.

Shija e çokollatës mund të shijohet në sasi të vogla dhe rrallë. /A.Z/UBT News/

Shëndet

Varianti K: Mutacioni më infektues që po përhapet shpejt në botë

Published

4 days ago

December 10, 2025

UBT News

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Shëndet

Kombinimet e rrezikshme të suplementeve! Çfarë nuk duhet marrë kurrë bashkë?

Published

4 days ago

December 10, 2025

UBT News

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/