Teknologji

Edhe LinkedIn shkurton vendet e punës, por raporton rritje të ardhurash

Kjo kompani do të fillojë procesin e mbylljes së aplikacionit të saj lokal të punës në Kinë.

Published

on

LinkedIn është kompania më e fundit teknologjike që po i shkurton vendet e punës. Kjo kompani po shkurton 716 vende pune dhe do të fillojë procesin e mbylljes së aplikacionit të saj lokal të punës në Kinë.

Vendimi për mbylljen e aplikacionit të pavarur të Kinës, të quajtur InCareer, siç tha CEO i LinkedIn, Ryan Roslanky, ishte për shkak të “konkurrencës së ashpër dhe një klime sfiduese makroekonomike”, raporton TechCrunch.

Ndërkohë që redukton disa role, LinkedIn, i cili është në pronësi të Microsoft dhe ka 20 mijë punonjës, gjithashtu planifikon të hapë rreth 250 vende të reja pune në disa segmente të operacioneve të tij, si dhe ekipe të reja të menaxhimit të biznesit dhe kontabilitetit më 15 maj.

Kompania mëmë, Microsoft, tha se do të shkurtonte 10 mijë vende pune, ose gati 5% të fuqisë punëtore të saj në të gjithë botën në janar.

InCareer u hap në dhjetor të vitit 2021, disa muaj pasi LinkedIn njoftoi se po mbyllte shërbimin e tij kryesor në Kinë. LinkedIn planifikon të përfundojë mbylljen të InCareer më 9 gusht.

InCareer kishte për qëllim të ndihmonte profesionistët brenda rrjetit të Kinës, të gjenin dhe të aplikonin për punë, por ishte përballë konkurrentëve si Maimai, faqja dominuese e rrjeteve profesionale në vend, me mbi 120 milionë përdorues.

Përparësitë e Maimai përfshijnë aftësinë për të ndarë postimet në mënyrë anonime, gjë që e bën atë një platformë popullore për punonjësit, që kërkojnë të publikojnë ose të gjejnë informacione rreth kompanive të tyre.

Punonjësit e pushuar nga puna në SHBA do të marrin pagesën e largimit, mbulim të vazhdueshëm shëndetësor dhe shërbime të ndryshimit të karrierës, ndërsa punonjësit jashtë SHBA-së do të marrin përfitime, që përputhen me ligjet dhe praktikat lokale të punës.

LinkedIn po mbyll ekipin e tij të Produktivitetit të Biznesit. Ai gjithashtu planifikon të reduktojë rolet e menaxhimit dhe të përdorë më shumë shitës, për t’i “shërbyer në mënyrë më efektive tregjeve në zhvillim dhe rritje”.

Roslansky tha se ai pret, që viti fiskal 2024, të mbetet sfidues.

“Ne po përshtatemi, siç kemi bërë këtë vit dhe do të vazhdojmë të punojmë me ambicien që na nevojitet, për të ofruar vizionin tonë dhe pragmatizmin e kërkuar për të drejtuar mirë biznesin”, shkroi ai.

Si pjesë e raportit të fundit të të ardhurave tremujore të Microsoft, të publikuar në prill, LinkedIn raportoi një rritje prej 8% të të ardhurave vjetore.

Në raportin e mëparshëm, Microsoft paralajmëroi se priste, që rritja e të ardhurave të ngadalësohej në tremujorin e tretë, për shkak të ngadalësimit në punësimin dhe shpenzimet e reklamave./Albinfo.ch

Teknologji

DB12 S i ri nga Aston Martin, performancë maksimale dhe dizajn unik

Published

on

Aston Martin ka prezantuar modelin e ri DB12 S, i cili i bashkohet linjës së performancës së lartë të markës britanike, përkrah DBX S dhe Vantage S, si pjesë e strategjisë së CEO-s Adrian Hallmark për të ofruar më shumë versione sportive të modeleve ekzistuese.

Modeli DB12 S sjell përmirësime të dukshme në performancë dhe dizajn, duke e bërë edhe më emocionuese përvojën e drejtimit.

Nën kapakun elegant ndodhet motori V8 4.0 litra me dy turbo, i cili tani prodhon 691 kuaj fuqi, duke e bërë makinën të arrijë nga 0 në 100 km/orë për vetëm 3.4 sekonda (3.5 sekonda për versionin Volante). Shpejtësia maksimale arrin 320 km/orë.

Përveç fuqisë së shtuar, DB12 S përfshin frena qeramike karboni standarde, me disqe 16.1 inç përpara dhe 14.2 inç mbrapa, si dhe sistemin e ri të kontrollit të frenimit në kthesa.

Përmirësimet përfshijnë amortizatorët Bilstein DTX, diferencial elektronik të pasmë të avancuar e ngurtësim të shufrave kundër rrotullimit, për një drejtim më të saktë dhe stabilitet të lartë. Në pamje të jashtme, DB12 S dallohet me ndarësin aerodinamik të përparmë me dy elementë, grilat e reja të motorit (me ngjyrë të zezë ose fibra karboni).

Dhe, një spojler të fiksuar të pasmë e katër tuba shkarkimi inox – me mundësi për sistem titaniumi që ofron zë më të fuqishëm dhe peshë më të ulët. Brendësia e makinës kombinon luksin me sportivitetin, duke përfshirë lëkurë premium dhe Alcantara, si dhe një buton metalik rrotullues të kuq në qendër të konsolës – simbol i versionit “S”.

Modeli DB12 S do të jetë i disponueshëm në variantet kupé dhe kabriolet, me porosi që nisin që tani dhe dorëzime të planifikuara për tremujorin e parë të vitit 2026. Çmimi ende nuk është zbuluar, por pritet të jetë mbi 275 mijë dollarë, duke pasur parasysh që versioni bazë DB12 fillon nga 250 mijë dollarë. /A.Z/UBT News/

Continue Reading

Teknologji

Meta përditëson algoritmin e Facebook për të treguar më shumë Reels

Published

on

Meta njoftoi të martën një përditësim të ri të algoritmit të Facebook, i cili synon të shfaqë më shumë video Reels të personalizuara bazuar në preferencat e përdoruesve.

Ndryshimi përfshin funksione të reja që ofrojnë përdoruesve më shumë kontroll mbi përmbajtjen që shohin, sugjerime kërkimi të mundësuara nga inteligjenca artificiale dhe “flluska” miqsh të rinj që tregojnë postimet e preferuara të miqve.

Përdoruesit mund të zgjedhin opsionin “nuk jam i interesuar” në një Reel ose të raportojnë komente të papërshtatshme, duke ndihmuar algoritmin të përshtatet me preferencat e tyre.

Funksioni “Ruaj” është përditësuar gjithashtu, duke e bërë më të lehtë mbledhjen e Reels dhe postimeve të preferuara në një vend.

Ky përditësim vjen pas ankesave të përdoruesve për përmbajtje mashtruese, bezdisëse ose video të gjeneruara nga AI me cilësi të ulët. Meta ka investuar në këtë drejtim, duke lansuar edhe burimin video “Vibes”, i cili ofron përmbajtje të gjeneruar nga AI.

Sipas kompanisë, përdoruesit do të shohin 50% më shumë Reels të ngarkuara në të njëjtën ditë, duke favorizuar përmbajtjen më të freskët.

Sugjerimet e reja të kërkimit i ndihmojnë përdoruesit të zbulojnë më shumë video të ngjashme me interesat e tyre, flluskat e miqësisë do t’u lejojnë përdoruesve të shohin cilat video kanë pëlqyer miqtë e tyre dhe të hapin mesazhe private me një trokitje. /A.Z/UBT News/

Continue Reading

Teknologji

Amazon investon 1 miliard euro në Belgjikë për të përmirësuar dërgesat brenda ditës

Published

on

Gjigandi amerikan i teknologjisë, Amazon, ka njoftuar planet për të investuar një miliard euro në Belgjikë gjatë periudhës 2025–2027, raportoi të mërkurën gazeta L’Echo.

Kompania synon të zhvillojë infrastrukturën lokale dhe të forcojë partneritetet me operatorin belg të postës Bpost dhe me kompanitë e vogla dhe të mesme në vend.

Qëllimi kryesor është të përmirësojë zinxhirët e furnizimit në Belgjikë, duke mundësuar dërgesa brenda ditës për klientët.

Aktualisht, Amazon punëson rreth 400 persona në Belgjikë dhe ka investuar afërsisht 800 milionë euro gjatë 10 viteve të fundit në vend. /A.Z/UBT News/

 

 

Continue Reading

Teknologji

OpenAI ndërmerr masa kundër keqpërdorimit të ChatGPT

Published

on

OpenAI njoftoi të martën se ka mbyllur disa llogari të ChatGPT-së që dyshohet se kishin lidhje me entitete qeveritare kineze.

Në raportin e fundit mbi kërcënimet publike, kompania tha se disa përdorues kishin kërkuar nga chatbot-i që të përshkruante mënyra për “dëgjimin” e mediave sociale dhe metoda të tjera monitorimi veprime që shkelin politikat e saj të sigurisë kombëtare.

Raporti i firmës me seli në San Francisko thekson shqetësime në lidhje me rreziqet e mundshme të keqpërdorimit të inteligjencës artificiale gjeneruese, në një kohë kur rivaliteti mes SHBA-së dhe Kinës për kontrollin e zhvillimit dhe rregullimit të teknologjisë po rritet.

OpenAI bëri të ditur gjithashtu se ka pezulluar disa llogari në gjuhën kineze që përdornin ChatGPT për të ndihmuar fushata “phishing” dhe krijim të “malware”-eve, si dhe për të hulumtuar mënyra automatizimi përmes modelit DeepSeek të Kinës.

Kompania tha po ashtu se ka ndërprerë llogaritë e lidhura me grupe të dyshuara kriminale rusishtfolëse, të cilat po përpiqeshin të përdornin chatbot-in për zhvillimin e softuerëve të dëmshëm.

OpenAI, e cila aktualisht ka mbi 800 milionë përdorues aktivë çdo javë, është bërë startup-i më i vlefshëm në botë me një vlerësim prej 500 miliardë dollarësh, pas një shitjeje të fundit dytësore të aksioneve. /A.Z/UBT News/

Continue Reading

Të kërkuara