Teknologji

Edhe Google ndalon të ardhurat nga reklamat për mediat shtetërore ruse

Kjo është goditja e fundit për mediat e lidhura me Rusinë.

Published

4 years ago

on

Google nuk do të lejojë më mediat shtetërore ruse të shfaqin reklama, pas një vendimi të ngjashëm të shtunën nga YouTube.

“Si përgjigje ndaj luftës në Ukrainë, ne po ndalojmë fitimin e parave nga Google të mediave të financuara nga shteti rus nëpër platformat tona. Ne jemi duke monitoruar në mënyrë aktive zhvillimet e reja dhe do të ndërmarrim hapa të mëtejshëm nëse është e nevojshme”, tha Google në një deklaratë për CNN Business të dielën.

Kjo është goditja e fundit për mediat e lidhura me Rusinë mes një vale kritikash të drejtuara ndaj platformave Big Tech javën e kaluar për lejimin e vazhdimit të të ardhurave pavarësisht pushtimit rus të Ukrainës.

Në një deklaratë të veçantë këtë fundjavë, YouTube tha se do të ndalojë përkohësisht të ardhurat për një numër kanalesh ruse duke përfshirë RT të sponsorizuar nga shteti, të cilat fitojnë të ardhura nga përmbajtja e tyre në platformë.

Ndërsa kriza në Ukrainë intensifikohet, kompanitë e mediave sociale po përpiqen të frenojnë dezinformimin dhe propagandën shtetërore ruse. Një zëdhënës i YouTube tha se kompania ka hequr qindra kanale dhe mijëra video gjatë ditëve të fundit, duke përfshirë kanale për praktika të koordinuara mashtruese.

Lëvizja nga Google vjen pas ndalimit të shpallur të premten nga Meta (FB), mbi aftësinë e medias shtetërore ruse për të shfaqur reklama dhe për të fituar para nga ato në platformën e Meta-s. Kreu i politikës së sigurisë së Metës, Nathaniel Gleicher, tha në Twitter të shtunën se kompania do të vazhdojë të vendosë etiketa në postimet shtesë të medias shtetërore ruse.

Gjithashtu të premten, qeveria ruse u zhvendos për të kufizuar pjesërisht aksesin në Facebook në vend pasi akuzoi platformën për censurë të paligjshme. Ministria e Komunikimeve e Rusisë pretendoi se Facebook “ka shkelur të drejtat dhe liritë e qytetarëve rusë”, duke pretenduar se rrjeti social kishte shtypur disa media ruse të enjten.

Në përgjigje të akuzave, presidenti i Meta-s për çështjet globale, Nick Clegg tha të premten se Rusia kishte urdhëruar kompaninë të “ndalojë kontrollin e pavarur të fakteve dhe etiketimin” e katër mediave ruse.

“Ne refuzuam, rusët e zakonshëm po përdorin aplikacionet tona për t’u shprehur dhe organizuar për veprim. Ne duam që ata të vazhdojnë të dëgjojnë zërat e tyre, të ndajnë atë që po ndodh dhe të organizohen”, tha Clegg në një deklaratë./UBTNews/

Related Topics:
Continue Reading

Teknologji

Të tjerë “mbështjellës” për serinë iPhone 17 rrjedhin përpara ngjarjes së 9 shtatorit

Published

22 hours ago

on

September 2, 2025

By

Apple ka konfirmuar zyrtarisht një ngjarje lansimi për 9 shtator, ku kompania pritet të zbulojë iPhone 17, iPhone 17 Air, iPhone 17 Pro dhe iPhone 17 Pro Max.

Ndërsa presim njoftimin, një informator ka ndarë “mbështjellës” të rinj për linjën iPhone 17.

Evan Blass, ka përdorur X për të ndarë “mbështjellësit” për iPhone 17 nga marka e njohur Urban Armor Gear (UAG).

Ato tregojnë dizajnin e kamerës së pasme për modelet iPhone 17 Air dhe Pro.

Pritet që iPhone 17 të duket shumë i ngjashëm me iPhone 16 që po del në treg, ndërsa 17 Pro dhe 17 Pro Max do të kenë një modul të ridizajnuar të kamerës së pasme. Ato tregojnë edhe “prerjet për butonin e Veprimit, si dhe Kontrollin e Kamerës”.

 

Continue Reading

Teknologji

Ja pse telefonat do të bëhen edhe më të shtrenjtë vetëm brenda pak muajsh

Published

2 days ago

on

September 1, 2025

By

Këtë vit, TSMC (Taiwan Semiconductor Manufacturing Company) rriti çmimet për prodhimin e çipave.

Vitin tjetër, pritet që TSMC të rrisë më tej kostot me 5-10% të tjera për të luftuar tarifat e SHBA-së, luhatjet e tregut dhe faktorë të tjerë të jashtëm, duke çuar në telefona inteligjentë më të shtrenjtë për konsumatorin.

Çipat e TSMC aktualisht përdoren në të dy telefonat Apple dhe Samsung, shkruajnë mediat e huaja.

Telefonat iPhone 17 do të përdorin çipat A19 këtë muaj, ndërsa seria Samsung Galaxy S26 ka shumë të ngjarë të përdorë Snapdragon 8 Elite Gen 2 (ose 8 Elite Gen 5) të Qualcomm vitin e ardhshëm.

Si çipat e serisë A ashtu edhe procesorët Snapdragon prodhohen në fabrikat e TSMC, dhe të dy kompanitë nuk pritet të ndalojnë së bëri biznes me prodhuesin me bazë në Tajvan së shpejti.

iPhone 17 – veçanërisht iPhone 17 Pro dhe iPhone 17 Pro Max – ka shumë të ngjarë të shohin një rritje çmimi këtë vit, dhe do ta dimë me siguri kur të zbulohen më 9 shtator. Për momentin, rritja e çmimit të përfolur është rreth 50 dollarë.

Continue Reading

Teknologji

E kemi pritur të gjithë! TikTok sjell risi për përdoruesit

Published

2 days ago

on

September 1, 2025

By

TikTok ka nisur përmirësimin e sistemit të mesazheve direkte, duke prezantuar funksione të reja për përdoruesit mbi moshën 16 vjeç.

Tani, përveç mesazheve të zakonshme, përdoruesit mund të dërgojnë mesazhe zanore, imazhe dhe video deri në një minutë në DM.

Zëdhënësi i TikTok, JaShel Jones, ka konfirmuar se funksionet do të bëhen të disponueshme për të gjithë përdoruesit gjatë javëve në vijim.

Kujdes: nëse shtypni dhe mbani butonin e mikrofonit për të regjistruar një mesazh zanor, ai do të dërgohet automatikisht sapo ta lëshoni, përveç nëse e anuloni duke e tërhequr majtas ose lart.

Përdoruesit mund të dërgojnë deri në nëntë imazhe ose video në të njëjtën kohë – një hap që afron TikTok më shumë me platformat e tjera sociale.

Continue Reading

Teknologji

WhatsApp teston heqjen e lajmeve të rreme me anë të Al

Published

2 days ago

on

September 1, 2025

By

Meta po punon në një veçori të WhatsApp që u lejon përdoruesve të verifikojnë dezinformimin dhe lajmet e rreme në biseda, në kohë reale dhe pa dalë nga aplikacioni.

Butoni quhet Ask Meta AI dhe u zbulua nga faqja e specializuar e internetit WaBetaInfo.

Për të verifikuar përmbajtjen e një lajmi, zgjidhni Ask Meta AI nga menyja e aplikacionit dhe përmbajtja do të përcillet automatikisht te chatbot-i i Metës, të cilit përdoruesi do t’i bëjë një pyetje specifike.

Për momentin, veçoria është e disponueshme vetëm për disa përdorues si provë dhe ajo do të shpërndahet gradualisht për të gjithë.

Kompania e Mark Zuckerberg synon të frenojë përhapjen e dezinformimit, i cili përhapet me shpejtësi përmes bisedave.

Mbetet të shihet se si do të funksionojë ky sistem, i cili mbështetet në Inteligjencën Artificiale (IA), pa mbikëqyrje njerëzore. /KP/

Continue Reading

Të kërkuara