Aktori i njohur, Charlie Sheen, po dëshiron që t’i riparaqitet adhuruesve përmes projekteve të reja.

60-vjeçari ka thënë se është lodhur duke kërkuar falje për gabimet që ka bërë në të kaluarën dhe tani po fokusohet tek e ardhmja.

Ai po shpreson se libri i tij me kujtime, si dhe dokumentari në platformën Netflix, t’i inkurajojë njerëzit që ta shijojnë përsëri punën që ka bërë në aktrim.

“Kur njerëzit duan të flasin për të kaluarën, do të jetë me vend të ju them: ‘A dini çka? Mund ta shikoni, mund të lexoni e mund ta dëgjoni, ka shumë zgjedhje që mund të bëni’. Por, kjo nuk është kërkim falje, është si riprezantim i imi”, ka thënë ai për revistën Interview.

Ai ka shtuar se arsyeja që po do të riprezantohet me publikun është se ka njerëz që ende nuk i dinë filmat e tij.

Ka shumë njerëz që nuk i dinë filmat e mi, nuk e dinë punën time, nuk e dinë evoluimin tim dhe ka të tillë që thonë: “Ah ky është ai që pati thënë se ka ‘gjak tigri’’. Mendoj se ka ardhur momenti që vetëm të riprezantohem për këtë pjesë të njerëzve”, ka thënë Sheen.

Ai ka shtuar se dokumentari tregon vetëm një pjesë së asaj nëpër çfarë ka kaluar në jetë. Aktori kontrovers, i cili ka kaluar edhe nëpër probleme me abuzimin e drogës e beteja ligjore, për librin e tij ka thënë se është shumë ‘cool’.

Sheen, i cili ka qenë aktori më i paguar që shfaqet në ekran, para problemeve personale, ka thënë se dokumentari është i jashtëzakonshëm.

“Dokumentari është i dhe nuk mundem të jem më i lumtur me të, por ka momente kur preket vetëm sipërfaqja e disa ngjarjeve të jetës time, të cilat ndoshta libri i shpjegon më mirë, i cili është shumë, shumë ‘cool’”, ka thënë ai.

Artisti tutje ka thënë se ka persona që pasi ta shohin dokumentarin do të duan ta lexojnë librin.

“Në fakt, është një pjesë në libër ku kam shkruar se: ‘vetëm pse ke arritur fundin e faqes nuk do të thotë se është fundi i historisë”, tha ajo.

Këngëtarja amerikane, Selena Gomez, ka folur për mënyrën se si ka qenë shënjestër e fyerjeve për vite me radhë për shkak të peshës së saj, gjë që e ka bërë të ndihet e pasigurt.

“Kam pasur shumë probleme me peshën në jetën time dhe është diçka për të cilën jam shumë e ndjeshme”, tha ajo në një intervistë për revistën Allure.

Ajo shtoi se i lufton këto pasiguri me terapinë dialektike të sjelljes , një terapi e krijuar për njerëzit që përjetojnë emocione intensive.

“Më lëndoi shumë personi që më tha se isha e shëndoshë. Pse më lind ky emocion?”, tha ajo.

Ajo tha se terapistët u ofrojnë pacientëve karta me emocione të ndryshme të shkruara e pyetje për t’i ndihmuar t’i kuptojnë ato.

“Patjetër që duhet të jesh i gatshëm të punosh për këtë, dhe kjo mund të jetë e ndërlikuar”, theksoi tutje.

Gomez u diagnostikua me lupus më 2014, pas së cilës i’u nënshtrua një transplanti veshke dhe kimioterapie.

Pesë vjet më parë, njoftoi se vuante nga çrregullimi bipolar, lufton me depresionin dhe ankthin, për të cilat flet hapur dhe në këtë mënyrë ngre ndërgjegjësimin e publikut se këto gjendje nuk duhet të jenë kurrë një temë tabu.

Britney Spears ka vendosur të mbrojë Justin Bieber, pas kritikave që mori për përfshirjen e fotove me djalin Jack Blues Bieber, në promovimin e albumit të ri “Swag II”.

Disa prej ndjekësve reaguan negativisht ndaj imazheve ku këngëtari shihej duke mbajtur në krahë të birin, por Spears e rishpërndau njërën prej tyre, duke shkruar:

“Turp për ata që e gjykuan. Jam e dashuruar me këtë foto, është kaq e bukur”.

Bieber ka zakon të publikojë rregullisht foto me djalin, por pa treguar fytyrën e tij.

Së fundmi, ndau edhe një postim ku  shiheshin duke kaluar kohë së bashku e duke treguar një anë më të ngrohtë dhe familjare të jetës së tij.

Ndërkohë, reagimi i Britney Spears erdhi vetëm pak kohë pasi ajo kishte ndarë një reflektim personal për periudhën e vështirë kur djemtë e saj u larguan për tre vite.

Përgatiti: A.Z. /UBT News/

Leonardo DiCaprio, u shfaq në qendër të vëmendjes gjatë premierës botërore të One Battle After Another në Teatrin Kinez TCL në Los Angeles.

Aktori hollivudian u shoqërua nga e dashura e tij, Vittoria Ceretti, 27 vjeçe, e cila, edhe pse nuk pozoi krah tij, e mbështeti nga publiku dhe shkëlqeu me një fustan elegant të bardhë të drapuar.

DiCaprio shfaqi një figurë klasike e të rafinuar, i veshur me kostum të zi të ngushtë dhe këmishë të bardhë, ndërsa modelja mahniti me veshje me të çara të theksuara që tregonin këmbët e saj të gjata dhe një stilim të plotësuar me bizhuteri diamanti, shkruan DailyMail.

Ajo nuk hezitoi të shfaqte entuziazmin e saj, duke e brohoritur aktorin dhe duke realizuar foto nga turmat e adhuruesve.

Ngjarja mblodhi shumë emra të njohur të Hollivudit, si Sean Penn, Benicio del Toro, Regina Hall dhe Teyana Taylor, të cilët gjithashtu shkëlqyen me pamjet e tyre glamuroze.

Të pranishëm ishin edhe Adrien Brody, Wendoline Christie, Billy Zane, Dove Cameron, Dita Von Teese dhe John C. Reilly, të cilët shtuan një atmosferë të veçantë në tapetin e kuq.

Romanca e DiCaprios dhe Cerettit, e nisur në gusht 2023, vazhdon të tërheqë vëmendjen e medieve.

Edhe pse modelja është parë me unazë, burimet mohuan thashethemet për fejesë, duke theksuar se po shijojnë lidhjen pa plane të menjëhershme martese.

Përgatiti: A.Z. /UBT News/