Vokalisti i “Coldplay”, Chris Martin, ka folur për incidentin famëkeq të ‘puthjes në kamerën’ që u bë një nga momentet më virale të vitit pak më shumë se një muaj më parë.

Si kujtesë, një video e një çifti të kapur duke kaluar një moment intim në një koncert në Boston u bë shpejt virale, me ‘detektivët e internetit’ që zbuluan shpejt se të dy ishin CEO dhe drejtoresha e Burimeve Njerëzore e kompanisë teknologjike ‘Astronomer’.

Edhe pse Martin bëri shaka për çiftet në audiencë në shfaqjet pasuese, ai kishte shmangur komentet e drejtpërdrejta mbi skandalin deri këtë javë.

Kjo ndryshoi të hënën, më 18 gusht, në një koncert në Hull, teksa lexonte pankartat e turmës, vuri re një fans i cili shkroi se e kishte parë grupin “tri herë në tre muaj”, përfshirë koncertin kontrovers të Bostonit.

“Ti ishe në atë koncert të Bostonit”, tha Martin. “Epo, në rregull, faleminderit që u ktheve pas atij rasti”.

Këngëtari vazhdoi: “Ne kemi bërë Jumbotron për një kohë të gjatë dhe vetëm kohët e fundit u bë… po. Jeta të hedh limonë dhe ti duhet të bësh limonadë. Kështu që ne do të vazhdojmë ta bëjmë sepse do të takojmë disa prej jush”.

Më pas, Martini lëshoi një paralajmërim për audiencën, duke iu referuar skandalit.

“Kjo quhet jumbotron dhe e kemi bërë këtë për kohë të gjatë, zgjedhim njerëz për t’i përshëndetur dhe ndonjëherë rezultojnë të jenë një skandal ndërkombëtar”, shtoi mes tjerash.

“Por shumicën e kohës përpiqemi t’u themi përshëndetje disa njerëzve, kaq është. Tani të gjitha këto gjëra”, tha ai duke qeshur, duke shtuar: “Do të bëjmë kamerën tonë të puthjeve… Kështu që nëse nuk jeni gati të jeni në lajmet ndërkombëtare, ju lutem shmanguni”.

Regjisori i njohur hollywoodian, Taika Waititi, ka festuar 50-vjetorin e lindjes në një festë madhështore në Ibiza, ku të pranishëm ishin miq të ngushtë, familjarë dhe figura të njohura të botës së artit dhe muzikës.

Në një postim në Instagram, fituesi i Oscar-it ndau disa foto nga festa e falënderoi të gjithë, duke veçuar bashkëshorten, këngëtaren shqiptare Rita Ora, të cilën e quajti “regjisoren e vërtetë” të surprizës.

“Po, është e vërtetë, heroi, mentori dhe figura hyjnore ka mbushur më në fund 50 vjeç. Jam mirënjohës që isha i rrethuar nga një grup kaq i mrekullueshëm njerëzish, që më bënë të ndihem i veçantë duke ardhur në ditëlindjen time. Një falënderim për Vas J Morgan dhe Michael që u morën me organizimin – nën mbikëqyrjen e lideres supreme të jetës sime dhe gruas absolute të festave, Rita Ora. Ti vërtet e tejkalove veten këtë herë, e dashur”, shkroi Waititi.

Ai g i dha komplimente Ritës, duke e cilësuar si më të shkëlqyerën e mbrëmjes: “Sigurisht që i zbehe të gjithë me flokët, fytyrën, veshjen dhe sharmin e zakonshëm plot shkëlqim”.

Festa në vilën luksoze përfshinte performanca live, muzikë nga DJ e surprizë nga kushërinjtë e tij, që realizuan një haka tradicionale në nder të regjisorit.

“Më bënë dhurata, pije dhe mbi të gjitha më mbushën me DASHURI. Ndihesha i lumtur dhe i rrethuar nga njerëz që dua. Të 50-tat ndihen kaq mirë – ndihem i dashur, i lumtur, i ri… dhe i pashëm. Edhe pse gjuri më dhemb”, shtoi ai me humor.

Në fund, Waititi paralajmëroi se festimet nuk do të ndalen me kaq: “Në stil tipik të një Luani, do të festoj deri në fund të vitit, ndaj nëse e keni ditëlindjen nga tani deri në dhjetor – bëhuni gati të më lini rrugë”.

Robbie Williams, ka paralajmëruar koncertin më të veçantë karrierës, që do të mbahet më 9 tetor në Dingwalls, Camden të Londrës.

Koncerti është organizuar për të festuar daljen e albumit të tij të ri “Britpop”, i cili do të publikohet një ditë më pas, ka raportuar FemaleFirst.

Në këtë eveniment, këngëtari do të interpretojë të gjithë albumin e ri, por edhe çdo këngë nga albumi debutues më 1997, “Life Thru A Lens”, i cili përmban këngët klasike si “Angels” dhe “Let Me Entertain You”, si dhe këngët e dashura nga fansat si “Lazy Days” dhe “Old Before I Die”.

Për të siguruar qasje të hershme në bileta, fansat duhet të porosisin albumin në faqen zyrtare të Williamsit ose të regjistrojnë emailin e tyre.

Albumi i ri “Britpop” sjell tingull më të rëndë kitarash e përfshin bashkëpunime me emra si Chris Martin i grupit “Coldplay”, Gaz Coombes i “Supergrass”, dyshja latine Jesse & Joy, ish-kolegu i tij nga “Take That”, Gary Barlow, si dhe legjenda e “Black Sabbathit”, Tony Iommi.

“Sa me fat jam? Është guxim i madh nga të dy, një anëtar i ‘Black Sabbath’ në një këngë të Robbie Williamsit. Zoti e bekoftë që e bëri, dhe Zoti më bekoftë mua për guximin tim!”, ka thënë Williams.

Ai ka shtuar se ky album është më personal. “Unë po luaja në mënyrë të sigurt dhe nuk po drejtoja ‘makinën’ time. Nuk i kam pasur duart ‘në timon’ sepse gjithmonë po mendoja çfarë do t’u pëlqente njerëzve. Këtë herë thjesht doja të bëja diçka që më pëlqen mua”, ka thënë këngëtari.

Lista e plotë e këngëve në albumin “Britpop”:

1 Rocket

2 Spies

3 Pretty Face

4 Bite Your Tongue

5 Cocky

6 All My Life

7 Human

8 Morrissey

9 You

10 It’s OK Until The Drugs Stop Working

11 Pocket Rocket

Aubrey Plaza, e njohur në të gjithë botën për stilin unik, është rritur nga “Parks and Recreation” në një talent të madh në botën e Hollywoodit.

Me karrierë të gjerë profesionale ku ajo aktron, prodhon e investon në marrëveshje reklamash, pasuria neto rritet në rreth 8 milionë dollarë deri më 2025.

Mundësia e madhe për një rol të rëndësishëm për Plazan erdhi në vitin 2009 kur ajo luajti rolin e April Ludgate në serialin “Parks and Recreation” të NBC-së.

Stili i saj e bëri të dallohej dhe e futi në filma të tjerë të shkëlqyer. Që atëherë, ajo ka marrë role në hite indie si “Ingrid Goes West” dhe “Emily the Criminal” si dhe role të mëdha në filma si “Scott Pilgrim vs. the World”, “Child’s Play ” dhe “Happiest Season”.

Përveç aktrimit, Plaza ka dëshmuar aftësitë e saj edhe para kameras. Kompania e saj, Evil Hag Productions, ka realizuar projekte të mrekullueshme si “The Little Hours” dhe “Black Bear”.

Karriera televizive e Plazas gjithashtu paguhet mirë. Pjesa e saj e fundit në serialin e HBO-së, “The White Lotus”, thuhet se i ka sjellë rreth 40 mijë dollarë çdo herë që transmetohej, duke i shtuar shumë të ardhura portofolit të saj.

Ashtu si shumë yje të tjerë të mëdhenj, bukuroshja e përdor famën e saj në favor për të mbyllur marrëveshje të shkëlqyera partneriteti.

E njëjta është parë në reklama për Cointreau, Got Milk? dhe për markën luksoze të modës Loewe.

Bën zgjedhje të zgjuara, si blerja e një shtëpie prej 4.7 milionë dollarësh në Hollywood Hills më 2022, duke treguar se rritja financiare shkon përtej aktrimit.

Me karrierë të gjerë që kombinon dramën, komedinë, prodhimin dhe partneritetet e markave, pasuria e Aubrey Plaza vlerësohet në rreth 8 milionë dollarë.