Lajmet

“E torturuan dhe e vranë” pasi kritikoi talibanët në Facebook

Sharifullah Sharafat: Vëllai im është torturuar nga koka te këmbët.

Published

on

Luftëtarët talibanë e ndaluan Naweed Azamin pasi ai kishte kritikuar grupin militant përmes një postimi në Facebook.

Tri ditë pasi ishte ndaluar, trupi i pajetë i 30-vjeçarit u gjet përgjatë bregut të një lumi në qytetin Lashkar Gah, që gjendet në jug të Afganistanit.

Talibanët kanë pretenduar se Azami kishte ikur nga qendra e ndalimit. Por, familja e tij e ka akuzuar grupin militant se e kanë torturuar dhe vrarë Azamin.

“Vëllai im është torturuar nga koka te këmbët”, ka thënë për Radion Evropa e Lirë, Sharifullah Sharafat, vëllai i madh i Azamit.

“Ka pasur shenja të torturës në gjithë trupin e tij. Mjekët në spitalin lokal e kanë konfirmuar një gjë të tillë. Ata kanë fotografuar trupin e tij dhe kanë edhe video-incizime”.

Azami duket se është viktima e fundit e fushatës së vrasjeve që po kryejnë talibanët. Pavarësisht se pas marrjes së pushtetit në muajin gusht ata shpallën amnisti të përgjithshme, ky grup militant është akuzuar për ekzekutim të cilivive dhe ish-pjesëtarëve të Qeverisë së kaluar dhe forcave të armatosura.

Grupi i linjës së ashpër gjithashtu ka mbytur fjalën e lirë dhe ka përdorur forcë brutale për të shtypur disidentët, përfshirë edhe shtypjen e protestave paqësore dhe arrestimin dhe rrahjen e gazetarëve.

Në një raport të publikuar më 30 nëntor, Human Rights Watch ka thënë se talibanët kanë “ekzekutuar dhe zhdukur me forcë” mbi 100 ish-pjesëtarë të forcave të sigurisë në vetëm katër prej 34 provincave të Afganistanit, që prej se grupi mori kontrollin e vendit në mesin e muajit gusht.

“Kërkojmë drejtësi”

Azami ishte ndaluar në Lashkar Gah më 25 nëntor, vetëm disa ditë pasi kishte kritikuar talibanët në rrjetin social Facebook.

Në postimin e tij, Sharafat ka thënë se Azami ka pyetur se si talibanët do të mbajnë premtimet e tyre për t’ua paguar pagat mësuesve, kur regjimi “po mbijeton me donacione të ushqimeve”.

Azami e kishte fshirë këtë postim para se të ndalohej, ka thënë vëllai i tij Sharafat.

Dhjetëra-mijëra punëtorë qeveritarë nuk kanë marrë rroga që prej se talibanët morën kontrollin e Afganistanit. Militantët kanë thënë më 20 nëntor se do të fillojnë të paguajnë pagat. Por, ky njoftim gjerësisht është parë me skepticizëm.

Që prej se talibanët rimorën pushtetin, ekonomia e Afganistanit, që varet nga ndihmat, gjerësisht ka kolapsuar pasi shumë donatorë të huaj kanë pezulluar ndihmën e tyre. Grupi militant ka pranuar ndihmë të drejtpërdrejtë, përfshirë para kesh dhe ushqime elementare, vetëm nga disa shtete.

Kur familja e Azamit më 27 nëntor ka pyetur talibanët se ku po mbahej ai, talibanët kanë thënë se ai kishte ikur nga paraburgimi.

Më vonë atë ditë, trupi i Azamit u gjet nga një grup i fiseve nomade përgjatë bregut të lumit Helmand.

“Ne po kërkojmë drejtësi nga talibanët”, është shprehur Sharafat. “Nëse nuk arrijmë të kemi drejtësi këtu, ne do ta çojnë rastin në Kabul dhe ta trajtojmë me udhëheqësit e talibanëve”.

Familja e ka hedhur poshtë mundësinë që Azami – një dyqanxhi që kishte studiuar për agrikulturë në një universitet lokal – të jetë vrarë për ndonjë mosmarrëveshje personale.

Talibanët hetojnë vdekjen e Azamit

Mawlawi Abdul Jabbar, një prokuror taliban në Lashkar Gah, në kryeqytetin e provincës Helmand, ka thënë se është krijuar një komision prej katër anëtarësh që do të hetojë vdekjen e Azamit.

“Ne kemi biseduar me familjen e Naweedit dhe me ata që familja fajëson për vrasjen e tij”, ka thënë ai për Radio Azadi të Radios Evropa e Lirë.

Jabbar ka bërë të ditur se disa persona janë arrestuar, përfshirë edhe një polic taliban dhe zyrtarë të inteligjencës, që kishin ndaluar Azamin.

Mohammad Esa Sharif, një anëtar i këshillit provincal të talibanëve, që është pjesë e komisionit që po heton vdekjen e Azamit, e ka pranuar se viktima ishte torturuara. Por, ai ka pretenduar se Azami kishte ikur nga paraburgimi.

“Ai ishte i dyshuar, prandaj zyrtarët e inteligjencës së talibanëve e kapën”, ka thënë Sharif për REL-in. “Ata e dërguan në qendrën e ndalimit, ku e morën në pyetje. Ai ishte shumë i fuqishëm dhe i rezistojë ndalimit. Edhe ora e dorës e tij u thye gjatë përleshjes”, ka shtuar ai.

Sharif pretendoi se Azami kishte tentuar disa herë të ikte nga qendra e ndalimit, përpara se të ishte i suksesshëm. Pas një tentimi për të ikur, Sharif ka thënë se hetuesit talibanë e kishin “goditur disa herë atë me një tub”.

Continue Reading

Lajmet

Kushtetuesja publikon aktgjykimin e plotë

Published

on

By

Gjykata Kushtetuese e Kosovës ka publikuar aktgjykimin e plotë për konstituimin e Kuvendit të Kosovës.

Ajo ka konstatuar se seanca konstituive e Kuvendit, e filluar me 15 prill 2025 nuk ka përfunduar si rezultat i mos zgjedhjes së nënkryetarit të Kuvendit nga radhët e deputetëve të komunitetit serb, dhe Kuvendi nuk është konstituuar në pajtim me përcaktimet e paragrafit 1 të nenit 66 (Zgjedhja dhe mandati) dhe paragrafët 1 dhe 4 të nenit 67 (Zgjedhja e kryetarit dhe nënkryetarëve) të Kushtetutës së Republikës së Kosovës.

Gjykata ka urdhëruar që seanca konstituive e Kuvendit të përfundojë brenda afatit të mbetur prej 12 ditëve nga hyrja në fuqi e këtij Aktgjykimi.

Kushtetuesja ka urdhëruar të gjithë deputetët e zgjedhur të Kuvendit që gjatë procedurës së zgjedhjes së nënkryetarit të Kuvendit nga radhët e deputetëve të komunitetit serb, të ushtrojnë funksionin e tyre kushtetues në interesin më të mirë të Kosovës dhe në pajtim me Kushtetutën dhe rregulloren e Kuvendit./D.B/KP

Continue Reading

Lajmet

Në pritje të aktgjykimit të plotë, Ambasada gjermane bën thirrje për zbatimin e vendimeve Kushtetueses

Published

on

By

I ngarkuari me Punë në Ambasadën e Gjermanisë në Kosovë, Christian Böttcher, është takuar të mërkurën me kryetarin e Gjykatës Kushtetuese, Nexhmi Rexhepi.

Ambasada bënë të ditur se Böttcher ka vlerësuar punën e gjykatës dhe rikonfirmuar mbështetjen e plotë të Gjermanisë për punën e gjykatës, teksa ka bërë thirrje për zbatimin e vendimeve të Gjykatës Kushtetueses.

Ambasada Gjermane kërkon nga të gjithë aktorët politikë të zbatojnë vendimet e Gjykatës, pasi siç thuhet ky është një detyrim kushtetues për deputetët, për konstituimin e Kuvendit.

Të gjithë aktorët politikë duhet të zbatojnë vendimet e Gjykatës – ky është një detyrim kushtetues për deputetët. Mosveprimi jo vetëm që zgjat, por edhe thellon krizën politike, duke dëmtuar vendin. Siç u tha më parë: Është koha e duhur për ta vënë vendin në vend të parë, jo politikën partiake”, thuhet në njoftim.

Deputetët e Kuvendit të Kosovës janë në pritje të publikimit të aktgjykimit të plotë të Gjykatës Kushtetuese në lidhje me seancën konstituive.

Kushtetuesja më 30 shtator ka dalë me një njoftim ku ka thënë se seanca konstituive e Kuvendit të Kosovës, që ka nisur më 15 prill, nuk ka përfunduar, pasi që nuk është zgjedhur nënkryetari nga komuniteti serb.

Vendimi i Kushtetueses ka ardhur pas ankesës së Listës Serbe, partisë më të madhe të serbëve në Kosovë, lidhur me votimin ndaras të kandidatëve për nënkryetarë të Kuvendit nga radhët e komuniteteve jo shumicë.

Kushtetuesja ka urdhëruar deputetët e Kuvendit të konstituojnë legjislaturën e nëntë brenda afatit 12-ditor prej publikimit të aktgjykimit të plotë, por pa specifikuar pasojat juridike në rast se nuk kompletohen trupat e legjislativit./D.B/KP

Continue Reading

Lajmet

​Gërvalla merr pjesë në Takimin e Ministrave të Jashtëm në kuadër të Procesit të Berlinit

Published

on

By

Zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, po merr pjesë në Takimin e Ministrave të Jashtëm të Procesit të Berlinit, që zhvillohet më 8 dhe 9 tetor në Belfast të Irlandës së Veriut, me pjesëmarrjen edhe të sekretares së Shtetit për Punë të Jashtme të Britanisë së Madhe, Yvette Cooper.

Takimi bashkon ministrat e punëve të jashtme të vendeve të Ballkanit Perëndimor dhe të shteteve pjesëmarrëse në këtë proces.

Në fokus të diskutimeve të këtij viti janë temat e sigurisë dhe zhvillimit rajonal si dhe domosdoshmëria e bashkëpunimit përballë sfidave dhe kërcënimeve të përbashkëta në një botë gjithnjë e më të paqëndrueshme, raporton KosovaPress.

Gjatë punimeve të këtij procesi, Gërvalla do të zhvillojë një sërë takimesh bilaterale me homologë dhe përfaqësues të lartë të vendeve pjesëmarrëse.

Procesi i Berlinit, i nisur në vitin 2014, mbetet nisma qendrore për bashkëpunim politik, ekonomik dhe shoqëror mes vendeve të Ballkanit Perëndimor dhe partnerëve evropianë./D.B/KP

Continue Reading

Lajmet

Përurohet rruga që lidh zonën e dytë ekonomike të Gllavicës me magjistralen mes Shtimes dhe Ferizajt

Published

on

By

Në komunën e Shtimes sot është përuruar rruga që lidh Zonën e dytë Ekonomike të Gllavicës me rrugën magjistrale mes Shtimes dhe Ferizajt, investim ky që pritet të ndikojë drejtpërdrejt në zhvillimin ekonomik të komunës dhe më gjerë.

Kryetari i Komunës së Shtimes, Qemajl Aliu, tha se kjo rrugë është një hap i rëndësishëm drejt funksionalizimit të zonës ekonomike.

Jemi në përurimin e rrugës që të dërgon te zona e dytë ekonomike në Gllavicë, rrugë e cila këtë zonë ekonomike e lidh me rrugën magjistrale mes Shtimës dhe Ferizajt. Është investim mbi 600 mijë euro, rrugë me gjerësi shtatë metra, me kanale kulluese, kanalizim atmosferik për ujëra të zeza, trotuar, me ndriçim, me të gjitha normat e një rruge që i lidhë magjistralen mes dy qyteteve”, tha Aliu.

Ai shtoi se rruga është në shërbim të funksionalizimit të zonës ekonomike, ndërsa përveç saj, komuna ka bërë edhe investime të tjera në këtë zonë.

Kjo rrugë është në shërbim të funksionalizimit të zonës ekonomike dhe përveç kësaj rruge, ne kemi bërë afro gjysmë milioni euro investime në zonën ekonomike dhe presim që pranverën e ardhshme, siç edhe jemi zotuar me fillu funksionalizimin dhe vendosjen e bizneseve në këtë zonë, e cila do të ndihmojë dhe shërbejë në zhvillimin ekonomik të gjithëmbarshëm në Komunën e Shtimes, por edhe përreth. Kjo zonë ekonomike ka diku 37 hektarë dhe pritet me qenë një nga zonat më të mëdha me biznese”, tha Aliu.

Ky investim i ka kushtuar Komunës së Shtimës mbi 600 mijë euro./D.B/KP

Continue Reading

Të kërkuara