Rëndësia e gjëndrës tiroide është e jashtëzakonshme, kjo pasi që është edhe gjëndra më e madhe në sistemin endokrin. Mungesa apo tepria e jodit mund të shkaktojë komplikime në gjëndrën tiroide.

Nëse këto komplikime të gjëndrës tiroide nuk shërohen më kohë mund ë qojnë deri në probleme të tjera serioze.

Simptomat e pacientit me mungesë të jodit janë lodhja, gjumi i tepërt, kapsllëk, lëkurë të thatë etj.

Ndërsa simptomat e pacientit me tepricë të jodit janë energjia e tepërt, ecin dhe flasin shpejt, djers të shumta etj.

Për ta diagnostifikuara këtë sëmundje nevojiten ekzaminime të thjeshta si ekografi, analiza hormonale, elastografi etj.

Uji i gazuar ofron të njëjtat përfitime hidratuese si uji mineral por pasurohet me bulëzat argëtuese që i japin ujit një nuancë më interesante. Ekspertët thonë se uji i gazuar pa asnjë lloj sheqeri apo ëmbëlsuesi artificial nuk ka ndikim në peshën trupore.

Uji i gazuar ju mban të hidratuar dhe konsiderohet i shëndetshëm, por pirja e tepërt e ujit të gazuar e shtyn njeriun të hajë më shumë.

Rrjedhimisht ai do të shtojë në peshë, përmbajtja e ujit me gaz, shkakton probleme me tretjen.

Ajo rrit rrezikun e shtimit në peshë, mbipeshës dhe dhjamosjes së mëlçisë, uji me gaz nxit çlirimin e një hormoni në sistemin tretës që i tregon trupit kur është i uritur. Sekretimi i tepërt i këtij hormoni nënkupton një uri më të madhe dhe ushqyerje të përsëritur.

Si në rastin e çdo pijeje tjetër, edhe te uji me gaz, sekreti qëndron te të mos tepruarit. Ekspertët nuk këshillojnë që njerëzit të zëvendësojnë ujin e zakonshëm me ujë me gaz.

Uji me gaz me aroma dhe shije shtesë nuk është i shëndetshëm

Uji i gazuar dhe i ëmbëlsuar me produkte shtesë ose ‘aroma natyrale’ siç mund të jetë aroma limoni, duhen shmangur.

Përbërësit e ujit janë të paqartë dhe mbartin rreziqe të fshehura. Nëse doni t’i shtoni limon, erëza apo frutat e preferuara në ujin e gazuar.

Ndikimi në shëndetin e dhëmbëve

Uji i gazuar është një alternativë shumë më e shëndetshme se pijet e gazuara apo lëngjet e frutave, megjithatë mënyra si e pini ka ndikim në shëndetin dentar. Për të mbrojtur dhëmbët, këshillohet që uji me gaz nuk duhet pirë gjithë ditën.

Në fakt, jeni duke larë dhëmbët me acid. Uji me gaz duhet pirë brenda 5-10 minutave që të lejojë pështymën të mbrojë dhëmbët sërish. /UBT News/

Organizata Botërore e Shëndetësisë (OBSH) tha se rreth 2.2 miliardë raste të malaries u parandaluan që nga viti 2000 përmes edukimit, përdorimit të rrjetave kundër mushkonjave dhe vaksinimit.

Në këtë proces u shmangën rreth 12.7 milionë vdekje, vlerësoi OBSH-ja në raportin e publikuar të mërkurën.

Shtatëmbëdhjetë vende tani i vaksinojnë në mënyrë rutinore fëmijët e vegjël kundër malaries.

Sipas vlerësimit të OBSH-së, një gjë e tillë mund të shmangë dhjetëra mijëra vdekje çdo vit.

Malaria është sëmundja më e zakonshme tropikale.

Paraziti transmetohet nga mushkonjat anofele, të cilat pickojnë kryesisht në mbrëmje dhe gjatë natës.

Sëmundja shkakton temperaturë të lartë dhe dhimbje të gjymtyrëve dhe mund të trajtohet me barna.

Në raportin e OBSH-së thuhet se, vitin e kaluar, gjithsej 597.000 njerëz kanë vdekur nga malaria – pak më pak se në vitin 2022.

Rreth 95% e vdekjeve janë regjistruar në vendet afrikane.

Atje, shumë njerëz ende nuk kanë mjete për t’i parandaluar infeksionet ose për t’i diagnostikuar dhe trajtuar ato, thuhet në raportin e OBSH-së.

Sipas kësaj organizate, sëmundja infektive është zhdukur tashmë në 44 vende.

Nga 83 vende ku ende shfaqet, 25 kanë tani më pak se dhjetë raste në vit.

Në Afrikë, shkalla e vdekshmërisë është ulur për 16% që nga viti 2015./REL/

Stina e dimrit na imponon që të mbajmë temperaturën më të ngrohtë në ambientin e shtëpisë sonë. Metodat me të cilat ngrohim dhomën janë të ndryshme. E, nëse për të ngrohur ambientin përdorni shporetin apo kaminin, ajri thahet edhe më shumë.

Për t’i dhënë paksa lagështi ajrit, në ndihmë vjen kamomili dhe uji.

Vendosni disa qeska kamomili në një tenxhere me ujë dhe vendoseni mbi shporet apo kamin.

Lëreni ashtu të qëndrojë gjatë tërë kohës sa shporeti qëndron i ndezur.

Ju mund të shtoni ujë kohë pas kohe kur uji të shterohet.

Në këtë mënyrë, do të arrini të mbani lagështinë e ajrit në normën e duhur.