Sport

E pranon Klopp: E morëm atë që e merituam

Published

6 years ago

April 7, 2021

Betim Gashi

Trajneri i Liverpoolit, Jurgen Klopp, e ka pranuar se Liverpooli e meritoi humbjen 3:1 kundër Real Madridit në ndeshjen e parë çerekfinale në Ligën e Kampionëve të martën, e cila ia zbeh dukshëm shpresat të kuqve për ta arritur gjysmëfinalen.

Vinicius Junior me dy gola dhe Marcos Asensio me një ia siguruan Madridit një fitore të lehtë në Alfredo Di Stefano, por goli i Mohamed Salah në pjesën e dytë e mban Liverpoolin ende në lojë, transmeton Gazeta Express.

Të kuqtë do ta presion gjigantin spanjoll në Anfield javën e ardhshme për ndeshjen e kthimit, ku do të përpiqet ta arrijë një rikthim tjetër të vështirë, por këtë herë pa ndihmën e tifozëve.

Klopp, duke folur pas ndeshjes, tha se shqetësimi kryesor i tij ishte loja e dobët nga skuadra e tij.

“Pik së pari, mendoj se nuk e merituam fitoren sonte, sepse ne nuk luajtëm mjaftueshëm mirë dhe ky është shqetësimi im i parë”, tha Klopp.

“Ne nuk luajtëm mirë në pjesën e parë, veçanërisht. E pranuam golin e parë e pastaj ia sërvuam në pjatën golin e dytë Madridit (pas gabimit të Trent Alexander-Arnold). Në pjesën e dytë luajtëm më mirë dhe e shënuam golin, i cili është gjëja e vetme pozitive e mbrëmjes”, shtoi ai.

Vendi

Akil Gjakova mbyll garën pa medalje në Abu Dhabi

Published

1 day ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

1 day ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

1 day ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/