Sport

E papritur, Reus largohet nga posti i kapitenit te Dortmundi

34-vjeçari gjerman u emërua kapiten i Dortmundit në fillim të sezonit 2018/19.

Published

on

Sulmuesi i Borussia Dortmundit, Marco Reus, ka konfirmuar se ka vendosur të largohet nga posti i kapitenit të klubit.

34-vjeçari gjerman u emërua kapiten i Dortmundit në fillim të sezonit 2018/19, duke zëvendësuar ish-mbrojtësin Marcel Schmelzer.

Megjithatë, pas pesë vitesh si kapiten i skuadrës, Reus ka njoftuar vendimin e tij për të hequr dorë nga kapiteni i klubit, duke konfirmuar se ai ka informuar trajnerin Edin Terzic dhe drejtorin sportiv Sebastian Kehl për vendimin e tij.

Reus tha: “Kam pasur shumë kohë për të menduar gjatë pushimeve të mia dhe kam vendosur ta lë shiritin e kapitenit. Unë i informova Terzic dhe Kehlin për vendimin tim dje. Më lejuan ta mbaj këtë shirit për pesë vjet me krenari dhe nder. Faleminderit për mbështetjen tuaj ndër vite. Uroj që Sebastiani dhe Edin të gjejnë një pasardhës shumë të mirë. Jam i sigurt se do të kenë sukses”, tha Reus.

Një shërbëtor besnik i klubit, Reus iu bashkua Dortmundit në vitin 2012 nga Borussia Monchengladbach pasi më parë kishte kaluar nëpër akademinë e Dortmundit.

Pavarësisht se ka pasur probleme me lëndime gjatë 11 viteve të tij në klub, ai ka bërë 387 paraqitje në total, duke shënuar 161 gola dhe duke dhënë 121 asistime.

Ai ka fituar pesë trofe me skuadrën gjermane, por nuk ka qenë në gjendje të fitojë një titull të Bundelisgas.

Sport

Trajneri portugez: Duhet të fokusohemi në Ligën e Evropës

Published

on

Trajneri portugez, Ruben Amorim, ka bërë të ditur se Manchester United tashmë do ta përqendrojë vëmendjen tërësisht në Ligën e Evropës – kompeticionin e dytë më të rëndësishëm për klube në kontinent.

“Djajtë e Kuq” aktualisht gjenden në pozitën e 14-të në Premier League dhe me këtë formë, rrezikojnë ta përfundojnë sezonin në pjesën e poshtme të tabelës.

Megjithatë, në Evropë gjërat po shkojnë ndryshe për ekipin nga Old Trafford, që ka siguruar një vend në gjysmëfinale të Ligës së Evropës.

Një triumf në këtë garë do t’u siguronte atyre një biletë për në Ligën e Kampionëve sezonin e ardhshëm.

Pas fitores kundër Lyonit në çerekfinale, trajneri Amorim theksoi se ky është objektivi kryesor i skuadrës në vazhdim.

“Ne me të vërtetë duhet të fokusohemi në Ligën e Evropës dhe ndonjëherë të rrezikojmë me fëmijë në Ligën Premier. Tifozët duhet të kuptojnë se ne duhet të fokusohemi në Ligën e Evropës”, ka thënë Amorim.

Continue Reading

Sport

Shkak konflikti me vëllain? Ndërron jetë futbollisti i njohur Boupendza, ra nga kati i 11-të

Published

on

Sulmuesi gabonez Aaron Boupendza ka ndërruar jetë në moshën 28 vjeçare, si pasojë e rënies nga kati i 11-të nga një ndërtesë banimi në Kinë.

Raportohet se Boupendza ka rënë nga banesa ku po banonte, i njëjti ishte duke luajtur për ekipin Zheijang FC në Superligën kineze. Autoritetet kanë nisur hetimet rreth arsyes së incidentit me fatalitet, njoftojnë mediat kineze.

Policia kineze i ka përpara tre skenarë të mundshëm: vetëvrasja, rënia aksidentale dhe vrasja. Bëhet e ditur se vëllai i Boupendzas ishte prezent në apartament në momentin e incidentit dhe raportohet se të dy e kishin një fjalosje.

Autoritetet po e shqyrtojnë mundësinë nëse kjo zënkë ishte arsyeja që e shtyu Boupendzan të kërcente. Pritet që vëllai të merret në pyetje rreth asaj që i ndodhi atij.

Boupendza mungoi në stërvitjen e fundit të ekipit pa arsye dhe drejtuesit e Zhejiang FC thanë se ishte e pamundur të binin në kontakt me të para se ta merrnin lajmin për vdekjen e tij.

28 vjeçari ishte bërë i famshëm kur me Hataysporin në Turqi i kishte realizuar 22 gola në 36 ndeshje gjatë sezonit 2020/21, duke e fituar titullin e golashënuesit më të mirë të vitit në Superligën turke.

Gjatë karrierës së tij ka luajtur për klube të ndryshme përfshirë këtu: CF Mounana, Bordeaux, Pau FC, Ajaccio, Tours FC, Feirense, Al-Arabi, Al-Shabab, FC Cincinnati, Rapid Bucharst dhe së fundmi në Zhejing FC.

Autoritetet kineze shumë shpejt pritet t’i bëjnë të ditura shkaqet e vdekjes së futbollistit.

Continue Reading

Sport

Neymar dëmtohet sërish, lë fushën mes lotësh

Published

on

Sulmuesi i Santos, Neymar u largua nga fusha në lot pasi dëmtoi këmbën, vetëm 34 minuta në ndeshjen e tij të parë si titullar në kampionatin brazilian të futbollit.

33-vjeçari, i cili u rikthye pas gjashtë javësh pasi ishte jashtë fushe si pasojë e një një dëmtimi në kofshë, e nisi titullar kundër Atletico MG.

Ish-sulmuesi i Barcelonës kishte veshur një fanellë speciale me numrin 100 për të përkujtuar paraqitjet e tij të 100-të në stadiumin ‘Vila Belmiro’ të Santos.

Por, Neymar bëri me shenjë drejt pankinës pas golit të Alvaro Barreal që i dha Santosit epërsinë 2-0. Sulmuesi u ul në fushë për të pritur ndihmën mjekësore.

Mjekët treguan se ai nuk mund të vazhdonte dhe një Neymar qartësisht emocional u largua nga fusha në lot, duke mbajtur me dorë zonën e majtë të kofshës që e kishte mbajtur jashtë për gjashtë javët e mëparshme.

Continue Reading

Sport

Drita – Prishtina, super-derbi kosovar do të luhet sot

Published

on

Superliga e futbollit kosovar do të vazhdojë sot me dy ndeshjet e fundit të xhiros së 29-të. Padyshim, dueli kryesor i ditës, por edhe i krejt kësaj xhiroje do të jetë ai mes Dritës dhe Prishtinës.

Gjilanasit vijnë nga gabimi kundër Malishevës, me ç’rast distanca me Ballkanin u ngushtua në 10 pikë, Prandaj, “Intelektualët” kanë nevojë për fitore në shtëpi për ta ruajtur këtë diferencë dhe për të qenë kështu më të qetë.

Kryeqytetasit e mposhtën në mesjavën e kaluar Dritën në Kupën e Kosovës, ndërsa vazhduan më pas me një tjetër performancë spektakolare kundër Suharekës në Superligë, për ta konfirmuar këndelljen me trajnerin e ri, Arsim Thaqi.

Për këtë, dueli i sotëm mes rivalëve të moçëm pritet të jetë “i zjarrtë”.

Ndërkohë, në ndeshjen tjetër të ditës, Ballkani do ta ketë të obligueshme fitoren ndaj Gjilanit në shtëpi dhe të shpresojë më pas në një gabim eventual të lideres Drita, me shpresën që ta ngushtojë disavantazhin në pikë.

Dy ndeshjet e sotme të Superligës do të nisin prej orës 15:00.

Continue Reading

Të kërkuara