Pjatalarësja është një pajisje e dobishme për përditshme, e mund të thuhet lirisht që na ka lehtësuar jetën pasi na lejon të lajmë enët dhe të kursejmë kohë dhe lodhje. Por, nuk është gjithmonë zgjidhja më e mirë për të gjitha enët. Në fakt, ka disa objekte që duhen larë me dorë për të parandaluar që temperaturat e larta të dëmtojnë sipërfaqen e tyre.

Lexoni artikullin e mëposhtëm për të kuptuar se cilat gabime nuk duhet t’i bëni gjatë larjes së enëve.

Thikat – Nëse doni t’i mbani të mprehta, është më mirë të mos i lani në pjatalarëse, sepse tehet rrezikojnë të humbasin mpreftësinë. Megjithatë, nëse keni mjetin e duhur për t’i mprehur mund të vazhdoni me larjen e tyre në pjatalarëse.

Gotat e kristalit – Temperaturat e pjatalarëses copëtojnë objektet prej kristali ose të dëmtojnë sipërfaqen e tyre, më mirë është t’i lani me dorë e t’i thani për të parandaluar që uji i mbetur në sipërfaqen e tyre të krijojë njolla.

Enët prej druri – Uji i vluar ka tendencë të prishë objektet prej druri, këshillohet t’i lani me dorë, duke pasur kujdes të mos i lini në ujë për një kohë të gjatë. Kjo vlen si për lugët e drurit, shkopinjtë, ashtu edhe për dërrasat ku prisi ushqimet.

Enët e bakrit dhe gizës – Detergjentët agresivë dhe temperaturat e larta të pjatalarëses dëmtojnë sipërfaqen e objekteve prej bakri. Lani me dorë dhe nëse është e nevojshme lustroni me limon. E njëjta gjë vlen edhe për gizën. Në këtë rast ekspozimi i zgjatur ndaj ujit përshpejton procesin e oksidimit.

Tiganët që nuk ngjisin – Temperaturat e larta prishin veshjen e tiganëve që nuk ngjisin dhe t’ju ekspozojnë ndaj rrezikut të kontaktit me kimikate toksike dhe kancerogjene.

Enët prej qeramike dhe porcelani të pikturuara me dorë – Qeramika dhe porcelani mund të lahen në pjatalarëse pa problem, por në rastin e objekteve të lyera me dorë, është e këshillueshme të zgjidhni larjen me dorë.

Objektet prej alumini – Alumini është një material i lehtë, që në kontakt me ujin e nxehtë dhe sende të mprehta mund të dëmtohet. Për këtë arsye është mirë që gjithmonë të lani enët, tiganët dhe objektet e aluminit me dorë dhe nëse është e mundur, me një sfungjer delikat.

Kavanozat e reçelit – Nuk këshillohet t’i lani në pjatalarëse, pasi etiketat shkëputen dhe bllokon pajisjen.

Paisja e kafesë moka – Ndër objektet që janë rreptësisht të ndaluara të lahen është dhe moka pasi rrezikon të mos shpëlahet mirë nga detergjenti. Ajo duhet të lahet vetëm me dorë dhe me ujë të nxehtë.

Rendet – Mund t’i lani rendet në pjatalarëse, por duhet të dini se mbetjet e djathit dhe të çdo ushqimi tjetër, pas larjes qëndrojnë. Mënyra më e zgjuar dhe më efektive është pastrimi i rendes me dorë, me ujë të nxehtë dhe detergjent, menjëherë pas përdorimit. /UBT News/

Dhimbja e muskujve (e njohur ndryshe si mialgjia) është një shqetësim i zakonshëm pas ushtrimeve fizike të intensifikuara, ndonjëherë e njohur si dhimbje muskulore pas ushtrimeve që mund të ndodhë kur muskujt janë ekspozuar ndaj ngarkesave të reja ose të pazakonshme e cila shkaktohet nga dëmtimi i vogël i fijeve muskulore që ndodh gjatë stërvitjes dhe është një proces natyror i riparimit dhe rritjes së muskujve.

Kjo dhimbje ndjehet më shumë në mëngjes ku bëhet dhe ngurtësimi i muskujve që shkaktohet si nga osteoartriti por edhe reumatizma, dhe largohet me lëvizjen e ngrohjen e gjymtyrëve dhe muskujve. Megjithatë, ngurtësimi dhe kontraktimi si pasojë e reumatizmës mund të zgjasë deri në një orë.

Ndikimi i plakjes së gjymtyrëve për fat të keq është i pakthyeshëm, pacientët përdorin medikamente të caktuara për kontrollin e dhimbjeve të shkaktuara nga artriti dhe inflamacioni. Tek këto medikamente mund të përfshihen aspirina apo ibuprofeni dhe qetësues të tjerë.

Pavarësisht medikamenteve, ngurtësimi i muskujve është diçka që mund të ndodhë shpesh e madje nuk bën që individi të brengoset sepse me pak durim kjo situatë tejkalohet, ashpërsia dhe intensiteti i ngurtësimit të muskujve në mëngjes mund të largohet me disa hapa të thjeshtë.

Duhet të jeni më aktiv dhe të kryeni aktivitet fizik për të rritur forcën dhe fleksibilitetin e gjymtyrëve.

Mirëmbajtja e peshës është gjithashtu e rëndësishme dhe e dobishme. /UBT News/

A është e shëndetshme të konsumoni oriz më shumë se një herë në ditë? Kontributi i orizit në shëndetin e njeriut vihet në pikëpyetje që kur kanë filluar të shpeshtohen rastet me sëmundje metabolike si diabeti. Orizi ka filluar të ketë reputacion të keq pasi që shpesh është raportuar se ky ushqim rrit nivelin e sheqerit në gjak.

Njerëzt që e pëlqejnë këtë ushqim kanë pyetje rreth llojeve të ndryshme të orizit dhe se sa herë në ditë është e këshillueshme të konsumohet, shkruan “Times of India”. “Përderisa orizi konsumohet në mënyrë mesatare si pjesë e një diete të balancuar, nuk shkakton probleme shëndetësore dhe mund të konsumohet më shumë se njëherë në ditë”, ka thënë doktori Manjari Chandra.

Orizi përmban karbohidrate të cilat e mbushin trupin me energji, por doktori këshillon së duhet të kontrollohet sasia në mënyrë që të mos teprohet.

“Konsumimi i orizit shumë herë brenda ditës nuk do të ishte opsion shumë i mirë për ata persona që duan të kenë peshë të balancuar trupore apo për ata që kanë probleme shëndetësore si diabeti”, ka thënë dietologu.

Ai ka shtuar se është e këshillueshme që mënyra e të ushqyerit të përmbajë edhe drithëra të tjera si kuinoa apo meli. Chandra ka thënë se personat me diabet mund të konsumojnë oriz vetëm se duhet të kenë parasysh sasinë në mënyrë që të mos tejkalohet normalja. “Konsumimi i orizit dy herë në ditë mund të jetë në rregull nëse në dietë janë të inkorporuara edhe pemë e prime të ndryshme që balancojnë indeksin glikemik”, ka thënë ai.

Por, cili oriz është më i shëndetshëm?

Orizi i bardhë konsumohet më shpesh, ka më pak vlera ushqyese krahasuar me orizin ngjyrë kafe apo të kuq, pasi që orizi ngjyrë kafe dhe ai i kuq klasifikohen si drithëra të plota, kanë vlera ushqyese si fibra, vitamina e minerale dhe prandaj mund të jenë zgjedhje më e mirë për ata që konsumojnë shumë shpesh oriz.

“Balancimi është çelësi kur bëhet fjalë për menaxhim të shujtave. Një dietë që përmban shumë oriz, sidomos të bardhë rezulton në shtim më të madh të kalorive, gjë që mund të shkaktojë rritje të peshës trupore. Kur orizi shoqërohet me perime dhe proteina, konsiderohet pjatë e balancuar”,tha ai.  /UBT News/

Në momentin kur lindin foshnjat, ankthi i nënave rritet më shumë dhe ato ndihen të mbushura me përgjegjësi që kalojnë kapacitetin e tyre, duke bërë pyetje për të ushqyerit, gjumin dhe zhvillimin e foshnjës. Është e zakonshme që shumë nëna të kontrollojnë vazhdimisht nëse fëmija i tyre merr frymë gjatë gjumit.

Pikat e zhvillimit të foshnjës janë burim shqetësimi: Kur foshnja nuk ulet por as nuk qëndron në këmbë, nuk e mban lugën në moshën e përcaktuar, nënat fillojnë të shqetësohen, sepse ato mendojnë për cilësinë ushqyese të ushqimit, aditivët, hormonet në qumësht, dhe nëse fëmija po ha mjaftueshëm ose është gati të hiqet nga gjiri.

Çdo send i thjeshtë në shtëpi mund të bëhet potencialisht i rrezikshëm, dhe rreziqet duken të pakufishme për to. Shumë nëna krijojnë fobi për makina që kalojnë në rrugë, duke i mbajtur fo fëmijët për dore për t’i mbrojtur. Ato blejnë mbrojtëse për cepat e tavolinave, siguresa për dollapët dhe frigoriferët, dhe mbrojtëse për shkallët, duke u shqetësuar se diçka e keqe mund t’u ndodhë.

“Për muajt e parë, isha e fiksuar me idenë se foshnja ishte e pambrojtur, ishte e pamundur për mua të kuptoja se si mund ta mbroja dikë nëse diçka të ndodhte,” tregon Sue, një nënë e re.