Sport
E gjithë bota në këmbë: Titani i Anglisë përballet me gjigantin e Italisë
Një tjetër natë emocionuese në raundin e parë të Ligës së Kampionëve, ku Manchester City do të përballet me Interin, në një ndeshje që është një përsëritje e finales së vitit 2023, të fituar nga “Qytetarët”. Kjo ndeshje, e cila do të zhvillohet të mërkurën, premton të sjellë tension dhe pasion për tifozët e të dyja ekipeve.
Manchester City, kampion i Premier League-s, do të pret Interin, kampionin e Serisë A. Në finalen e vitit të kaluar, City arriti një sukses historik me një gol të shënuar nga Rodrigo, duke ngritur për herë të parë trofeun e Ligës së Kampionëve. Kjo përballje sjell jo vetëm rikthimin e emocioneve të asaj nate, por gjithashtu edhe një rivalitet të vazhdueshëm mes dy trajnerëve të njohur, Pep Guardiolës dhe Simone Inzaghit.
Arma më e fortë e City-t është sulmuesi norvegjez Erling Haaland, i cili ka shënuar 9 gola në katër ndeshje të sezonit të ri. Guardiola e përshkroi performancën e tij me humor, duke thënë: “Kam shënuar 11 gola në 11 vite, ai 9 gola në 4 ndeshje…” Kjo tregon fuqinë dhe potencialin e sulmuesit, i cili është një nga lojtarët më të spikatur të momentit.
Nga ana tjetër, Simone Inzaghi, trajner i Interit, e përjashtoi idenë e hakmarrjes për finalen e humbur. Ai theksoi se kjo ndeshje është një rast i ri për të demonstruar forcën e skuadrës së tij: “Nuk ka hakmarrje në futboll. Kjo ndeshje nuk ka të bëjë fare me atë, nuk do të jetë një revansh.” Ai gjithashtu mbrojti golashënuesin e tij, Lautaro Martínez, duke thënë se ai është gjithmonë një zgjidhje për skuadrën dhe do të vazhdojë të shënojë gola.
Ndërkohë, në të njëjtën kohë, Paris Saint-Germain do të presë Gironën, skuadër që kishte surprizuar në edicionin e kaluar të La Ligës. Këto ndeshje premtojnë të sjellin emocione dhe spektakël, duke vazhduar traditën e Ligës së Kampionëve si një nga garat më të ndjekura në botë.
Të gjithë sytë do të jenë të përqendruar në këto përballje, ndërsa tifozët shpresojnë për një natë të paharrueshme futbolli./UBTNews/
Xhiro e 21-të e Superligës së Kosovës në futboll nisi sot me një ndeshje mjaftë interesante.
Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.
Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.
Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.
Kjo ndeshje u zhvillua me fillim nga ora 13:00.
Ish-udhëheqësi i Hezbollah do të varroset të dielën
Shteti mbështet kinematografinë, 800 mijë euro për tri projekte filmi
Izraeli do të lirojë 602 të burgosur palestinezë të shtunën sipas marrëveshjes së shkëmbimit
Arrestohet ish-kryetarja e Nishit, Dragana Sotirovski
KQZ: Votat me kusht dhe ato nga Diaspora numërohen javën e ardhshme
Kremlini mohon se ka kërkuar që NATO-ja të tërheqë trupat nga krahu lindor
Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë
Trump: Kanadaja mund të mbajë himnin e saj si shteti i 51-të amerikan
Çfarë dihet nga operacionet e fshehta të CIA-s në Meksikë
-
Magazinë2 months agoKy mendohet se është djali 20 vjeçar i Parashqevi Simaku, Luke Nohfe
-
Bota4 weeks agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota4 weeks agoFluturimet e dëbimit kanë filluar, thotë Shtëpia e Bardhë
-
Bota4 weeks agoShtëpia e Bardhë: Armëpushimi në Liban do të zgjatet deri më 18 shkurt