Sport

Dybala pritet ta negociojë kontratën e re me Juventusin

Published

5 years ago

May 31, 2021

Betim Gashi

Trajneri i sapoemëruar i bardhezinjve dëshiron që argjentinasi të qëndrojë në Allianz Stadium edhe pas vitit 2022.

Paulo Dybala pritet që t’i rifillojë bisedimet për një kontratë të re me Juventusin, me Massimiliano Allegri që dëshiron që ta sigurojë për kohë të gjatë sulmuesin në Torino. Dybala, kontrata e të cilit skadon në qershor të vitit 2022, është lidhur shumë me një largim nga Torino gjatë këtij afati veror.

Është thënë që Juve po shikon që ta shesë argjentinasin këtë verë, pasi që ai mund të largohet si lojtar i lirë verën tjetër, por Allegri është i përkushtuar që ta mbanë atë derisa po përgatitet për ciklin e tij të dytë në krye të kësaj skuadre. Allegri kishte dhënë dorëheqje nga Juve më 2019 pasi që e kishte udhëhequr klubin për pesë herë radhazi Serie A dhe dy finale të Ligës së Kampionëve në një hapësirë kohore pesë vjeçare, derisa u kthye të premten pasi skuadra shkarkoi Andrea Pirlon.

Goal ka mësuar me anë të burimeve të veta që Italiani i ka thënë klubit që gjëja e parë që ata duhet të bëjnë është kontrata e re me Dybala, me zyrtarët e klubit që pritet t’i fillojnë negociatat më 27 vjeçarin gjatë kësaj jave. Bardhezinjtë nuk kishin arritur një marrëveshje për rinovim me Dybala në fillim të këtij viti por ai mund ta bëjë këtë me Allegrin duke biseduar rolin e tij brenda skuadrës dhe pozitën në sulm.

Forma e Dybalas nën drejtimin e Allegrit

Dybala ishte njëri prej lojtarëve më të mirë në Juve kur ishte Allegri në drejtim të saj nga vitit 2014-2019. Sulmuesi kishte shënuar 74 gola gjatë asaj kohe, përfshirë 26 vetëm në sezonin e tij më të mirë 2017-18, ku mesatarisht shënonte një gol në çdo 125 minuta.

Dyshja kishin fituar nëntë trofe së bashku në Torino dhe tifozët shpresojnë që ata mund ta ripërsëritin këtë bashkëpunim të tyre profitabil për sezonin e ri, derisa bardhezinjtë dëshirojnë që të fitojnë titullin në Itali por edhe Ligën e Kampionëve.

Up Next

Ndryshime drastike në sulm, ja plani i Guardiolas për ta synuar sërish Ligën e Kampionëve

Don't Miss

Kupa e Amerikës drejt dështimit për shkak të COVID-19

Lajmet

DONJETA SADIKU SHPALLËT KAMPIONE, MPOSHT SERBEN NË FINALEN E TARANTO 2026

Published

3 hours ago

August 27, 2026

UBTNews

Donjeta Sadiku ka triumfuar në finalen e kategorisë deri në 60 kilogramë në Lojërat Mesdhetare “Taranto 2026”.

Boksierja kosovare ka mposhtur përfaqësuesen e Serbisë, Kristina Kuluhova, ndërsa kundërshtarja u tërhoq që në minutat e para të duelit.

Kështu, Sadiku e mbyll me medaljen e artë aventurën e saj në Taranto, duke i sjellë Kosovës një tjetër sukses të madh në arenën ndërkombëtare.

Një triumf i veçantë për boksieren kosovare, e cila edhe një herë dëshmoi nivelin e saj dhe u ngjit në podiumin më të lartë.

DONJETA SADIKU – KAMPIONE E MESDHEUT!

Foto: RTK

D.L

Sport

Serbia tërhiqet nga 3×3, shmanget përballja me Kosovën në Taranto

Published

6 hours ago

August 27, 2026

UBTNews

Serbia ka vendosur të tërheqë ekipin e saj nga gara e basketbollit 3×3 në Lojërat Mesdhetare “Taranto 2026”, duke bërë që të mos zhvillohet përballja e planifikuar me Kosovën.

Kosova dhe Serbia ishin shortuar në të njëjtin grup, ndërsa dueli mes tyre ishte paraparë të zhvillohej më 29 gusht.

Pas tërheqjes së Serbisë dhe Maqedonisë së Veriut, organizatorët kanë njoftuar për ndryshime në orarin e garave.

Për këtë zhvillim kanë raportuar disa gazetarë nga vendi i ngjarjes në Taranto, ndërsa deri tani nuk është bërë e ditur ndonjë arsye zyrtare për vendimin e Serbisë.

Tërheqja ka ngjallur vëmendje, veçanërisht për faktin se Kosova dhe Serbia ishin në të njëjtin grup dhe do të përballeshin më 29 gusht.

Zhvillimet e fundit nga Taranto vazhdojnë të përcillen nga afër.

D.L

Sport

Mbappé shpërthen me “hat-trick” në rikthimin e Mourinhos në “Bernabéu”

Published

10 hours ago

August 27, 2026

UBTNews

Kylian Mbappé ka shkëlqyer me një “hat-trick” në ndeshjen e veçantë të José Mourinhos në stolin e Real Madridit.

Për trajnerin portugez, sfida e së mërkurës mbrëma ishte e para në “Santiago Bernabéu” pas rikthimit të tij te klubi madrilen.

Real Madridi triumfoi ndaj Real Sociedadit në kuadër të xhiros së parë të La Ligës.

Mbappé ishte protagonisti kryesor i takimit, duke shënuar në minutat 40’, 60’ dhe 80’, ndërsa një tjetër gol për madrilenët e realizoi Vinicius Junior në minutën e 68-të.

Golin e vetëm për Real Sociedadin e shënoi Luka Sučić në minutën e 44-t.

Pas dy ndeshjeve, Real Madridi, Sevilla dhe Real Betisi kanë nga gjashtë pikë.

D.L

Sport

Shorti i Ligës së Kampionëve zhvillohet sot, 36 skuadra në pritje

Published

10 hours ago

August 27, 2026

UBTNews

Sot, nga ora 18:00, do të hidhet shorti për fazën e ligës së Ligës së Kampionëve.

Në këtë fazë do të garojnë 36 skuadra, me ekipet e fundit që siguruan pjesëmarrjen pas ndeshjeve të plejofit të zhvilluara të mërkurën mbrëma.

Në vazon e parë janë disa prej gjigantëve të futbollit evropian: Paris Saint-Germain, Bayern Munich, Real Madrid, Liverpool, Inter, Manchester City, Arsenal, Barcelona dhe Atletico Madrid.

Shorti do të përcaktojë përballjet e para të kësaj faze të re të garës.

Ndeshjet e para të Ligës së Kampionëve do të zhvillohen më 8 shtator.

D.L