Lajmet

Ish-komandantë të grupit Wagner pranojnë se kanë vrarë fëmijë dhe civilë në Ukrainë

Sipas Uldarov, mercenarëve të Wagner “u dha komanda për të asgjësuar të gjithë”.

Published

3 years ago

on

Dy burra rusë që pretendojnë se janë ish-komandantë të Grupit Wagner i kanë thënë një aktivisti për të drejtat e njeriut se kanë vrarë fëmijë dhe civilë gjatë kohës së tyre në Ukrainë.

Pretendimet u bënë në intervista video me Gulagu.net, një organizatë e të drejtave të njeriut që synon korrupsionin dhe torturën në Rusi.

Aty ish-të dënuarit rusë Azamat Uldarov dhe Alexey Savichev përshkruajnë veprimet e tyre në Ukrainë, gjatë pushtimit të Rusisë.

CNN nuk mund të verifikojë në mënyrë të pavarur pretendimet ose identitetin e tyre në video, por ka marrë dokumente penale ruse që tregojnë se ata u liruan me falje presidenciale në shtator dhe gusht të 2022.

Uldarov, i cili duket se ka qenë duke pirë, detajon se si qëlloi dhe vrau një vajzë pesë ose gjashtë vjeçare.

“(Ishte) një vendim menaxhimi. Nuk më lejuan të lija askënd të gjallë, sepse urdhri im ishte të vrisja gjithcka në rrugën time”, tha ai.

Sipas Gulagu.net, dëshmitë iu dhanë themeluesit dhe disidentit rus Vladimir Osechkin për një javë. Ai tha se Uldarov dhe Savichev ishin në Rusi kur folën.

“Dua që Rusia dhe vendet e tjera ta dinë të vërtetën. Unë nuk dua luftë dhe gjakderdhje. E shihni se unë mbaj një cigare në këtë dorë. Kam ndjekur urdhrat me këtë dorë dhe kam vrarë fëmijë”, tha Uldarov, duke përshkruar motivimin e tij për intervistën.

Uldarov tha se në qytetet lindore të Ukrainës, Soledar dhe Bakhmut – të cilat kanë parë disa nga luftimet më të ashpra – mercenarëve të Wagner “u dha komanda për të asgjësuar të gjithë”.

“Ka një epror mbi të gjithë komandantët – është Prigozhin, i cili na tha që të mos lejojmë askënd të dalë prej andej dhe të asgjësojmë të gjithë”, shtoi ai.

Në një moment të intervistës, Savichev përshkroi se si ata “morën urdhrin për të ekzekutuar çdo burrë që ishte 15 vjeç e lart”.

“Qoftë një kasolle apo një shtëpi, qëllimi ishte të sigurohesh që të mos kishte mbetur asnjë person i vetëm brenda gjallë”, tha ai. “Mund të më dënoni për këtë. Unë nuk do të kundërshtoj, është e drejta juaj. Por edhe unë doja të jetoja”.

Savichev tha se luftëtarët e Wagnerit që nuk zbatuan urdhrat u vranë.

Shefi i Wagner Group, Prigozhin konfirmoi në kanalin e tij Telegram se kishte parë pjesë të videos dhe kërcënoi me hakmarrje ndaj dy ish-luftëtarëve të Wagner. “Sa i përket asaj që filmoi (Osechkin), shikova pjesët e videos që arrita të shihja” tha ai. “Mund të them sa vijon: nëse të paktën një nga këto akuza ndaj meje vërtetohet, unë jam i gatshëm të mbaj përgjegjësi sipas çdo ligji”.

Por Prigozhin tha se “nëse asgjë nuk konfirmohet, unë do të dërgoj një listë me 30-40 persona që po më pështyjnë si Osechkin, që Prokuroria e Përgjithshme e Ukrainës është i detyruar të më dorëzojë për një “gjykim të drejtë”, tani sa flasim”.

“Kjo është një gënjeshtër flagrante. Këta njerëz janë armiqtë tanë dhe ne do të sillemi me ta në një mënyrë të veçantë”.

“Në lidhje me ekzekutimin e fëmijëve, natyrisht, askush nuk qëllon kurrë civilë ose fëmijë, absolutisht askush nuk ka nevojë për këtë. Ne shkuam atje për t’i shpëtuar nga regjimi nën të cilin ishin”, tha Prigozhin në Telegram./UBTNews/

Related Topics:
Continue Reading

Lajmet

Një 18-vjecar nga Kosova gjendet pa shenja jete në Shëngjin

Published

1 minute ago

on

August 24, 2026

By

Një i ri nga Kosova ka humbur jetën në zonën e Kunesë, në Shëngjin të Shqipërisë.

I riu është gjetur në ujë, pa shenja jete. Ende nuk dihen rrethanat e rastit, ndërsa po hetohet se a është mbytur apo ka pësuar arrest kardiak gjatë qëndrimit në det, shkruan A2.

Në morgun e Lezhës pritet të kryhet ekspertiza mjeko-ligjore për përcaktimin e shkakut të vdekjes.

Rasti është duke u hetuar nga policia. A.M.

 

 

Continue Reading

Lajmet

Mbi 1 mijë raste të dhunës në familje u raportuan në Kosovë gjatë gjashtë muajve të parë të vitit 2026

Published

1 hour ago

on

August 24, 2026

By

Dhuna në familje vazhdon të mbetet një prej problemeve më serioze sociale në Kosovë. Sipas të dhënave të publikuara nga Ministria e Drejtësisë, gjatë periudhës janar-qershor 2026 janë raportuar gjithsej 1,341 raste të dhunës në familje, duke përfshirë viktima të gjinive dhe grupmoshave të ndryshme. Kjo i i bie se në Kosovë mesatarisht raportohen më shumë se shtatë raste të dhunës në familje çdo ditë.

Sipas statistikave për viktimat e përfunduara me fatalitet, janë evidentuar gjashtë persona të vrarë – katër burra dhe dy gra. Ndërkaq, sa i përket dhunimeve seksuale të raportuara brenda familjes, janë regjistruar dy raste, përkatësisht në Pejë dhe Gjilan.

Për sa u përket urdhrave për mbrojtje të përkohshme emergjente, janë lëshuar gjithsej 77 urdhra. Mitrovica shënon numrin më të lartë të shqiptimit të këtyre urdhrave, e ndjekur nga Prishtina dhe Gjakova me nga tetë raste, si dhe Prizreni, Ferizaj dhe Gjilani me nga tri raste secili.

Nga raporti i Ministrisë së Drejtësisë rezulton se numri më i lartë i kryesve të dhunës në familje i përket grupmoshës 30-40 vjeç, ku shumica e viktimave janë gra. Ndërkaq, mosha më e prekur e viktimave i përket grupmoshës 20-30 vjeç.

Sa i përket rajoneve, Prishtina prin me numrin më të madh të raportimeve për dhunë në familje me 441 raste. Pas saj renditen:

  • Mitrovica: 174 raste
  • Gjakova: 165 raste
  • Peja: 162 raste
  • Gjilani: 150 raste
  • Prizreni: 135 raste
  • Ferizaj: 114 raste

 

Continue Reading

Lajmet

Joe dhe Shirley DioGuardi, lobistët e njohur amerikanë, pajisen me shtetësi të Kosovës

Published

1 hour ago

on

August 24, 2026

By

Ushtruesja e detyrës së Presidentes, Albulena Haxhiu, i ka dorëzuar zyrtarisht dekretin e shtetësisë së Kosovës ish-kongresistit amerikan Joe DioGuardi dhe bashkëshortes së tij, Shirley Cloyes DioGuardi.

Ceremonia e dorëzimit të dekretit u zhvillua në ambientet e zyrës së Presidencës.

Joe DioGuardi, ish-drejtues i Ligës Qytetare Shqiptaro-Amerikane, njihet si një nga miqtë e mëdhenj të Kosovës dhe zë i fuqishëm në SHBA në mbështetje të lirisë dhe pavarësisë së vendit. Po ashtu, edhe Shirley Cloyes DioGuardi ka vepruar për vite me radhë në promovimin e çështjes së Kosovës dhe mbrojtjen e të drejtave të shqiptarëve në Uashington.

Me rastin e dorëzimit të dokumenteve, Haxhiu i uroi ata për marrjen e shtetësisë.

“Për mua është nder i veçantë t’ua uroj shtetësinë e Republikës së Kosovës dhe t’ju them mirësevini në mesin e qytetarëve të saj, mirësevini në shtetin tuaj të dytë, në Republikën e Kosovës”, deklaroi Haxhiu. /E.A/

Continue Reading

Lajmet

PDK-ja dhe AAK-ja mblidhen në Kuvend, akuzojnë pushtetin për mospërgjegjësi

Published

2 hours ago

on

August 24, 2026

By

Deputetët e Partisë Demokratike të Kosovës (PDK) dhe Aleancës për Ardhmërinë e Kosovës (AAK) janë mbledhur sërish sot në Kuvendin e Kosovës, ku kanë drejtuar akuza ndaj Lëvizjes Vetëvendosje për uzurpim të institucioneve dhe prirje për ta dërguar vendin në zgjedhje të reja.

Gjatë këtij takimi, deputetja e PDK-së, Sala Jashari, deklaroi se karriget e zbrazëta në sallën e Kuvendit pasqyrojnë ikjen e pushtetit nga përgjegjësitë që i takojnë. Ajo theksoi se kërkesa e tyre e vazhdueshme ka qenë që shteti të punojë në shërbim të qytetarëve dhe jo për interesa partiake.

“Demokracia nuk matet vetëm në ditën kur numërohen votat, por çdo ditë pas zgjedhjeve. Për gati 2 vjet Kosova ka pritur që përgjegjësitë të merren, dhe pas 6 vjet qeverisjeje, çfarë kanë bërë të tjerët nuk mund të jetë përgjigje, sepse përgjegjësia ju takon juve. Jemi vetëm pak ditë larg shtatorit dhe prindërit ende përballen me pasiguri për librat e fëmijëve të tyre”, deklaroi Jashari. /E.A/

Continue Reading

Të kërkuara