Sport

Dukagjini nënshkruan me portierin Cyrus Margono

Published

on

Klubi klinas, Dukagjini ka konfirmuar zyrtarisht gjatë ditës së sotme (e mërkurë) nënshkrimin me portierin nga Indonezia, Cyrus Margono.

Dukagjini ka vazhduar me përforcime para nisjes së sezonit pranveror në Albi Mall Superligën e Kosovës.

Pas nënshkrimeve me Dienit Isufin, Elan Racin dhe Etienne Tare, ‘Hithat’ kanë zyrtarizuar edhe një transferim.

Bëhet fjalë për portierin indonezian, Cyrus Margano, i cili së fundmi ishte në Greqi te Panathinaikos B.

Postimi pa ndërhyrje i Dukagjinit:

KF Dukagjini ka kënaqësinë të zyrtarizojë marrëveshjen me portierin, Cyrus Margono.

Margono vjen pas një periudhe të kaluar në Greqi te Panathinaikos B, ku u aktivizua në 17 ndeshje.

“Gardiani” indonezian ka luajtur edhe për ekipet universitare në SHBA: Denver Pioneers dhe UK Ëildcats.

23-vjeçari ishte me ne edhe gjatë fazës përgatitore në Turqi, ku me cilësitë e treguara mes shtyllave dhe besimin që fitoi gjatë kësaj periudhe, besojmë se ai do të jetë një forcë e rëndësishme dhe një vlerë e shtuar për ekipin tonë.

Cyrus është i gatshëm për sfidat pranverore, andaj ne i urojmë mirëseardhje dhe suksese me fanellën “bardhegjelbër”.

Selamat datang, Cyrus Margono!

Sport

Drita prezanton përforcimin e ri

Published

on

By

Skuadra kosovare Drita ka zyrtarizuar blerjen më të re, ukrainasin Denys Kostyshyn. Denys vjen nga superliga e Ukrainës dhe do të jetë një alternativë shtesë për trenerin Ramadani.

Denys është lojtarë me tipare ofenzive dhe pozita e tij e preferuar është mesfushor ofenziv por që mund të luaj edhe në krahët e fazës sulmuese.

Denys në kampionatin e ukrainës ka qenë pjesë e ekipeve si Dnipro ku dhe është zhvilluar si futbollist, Kolos Kovalivka dhe së fundmi ishte pjesë e ekipit të Oleksandriya.

Klubi gjilanas ka bërë të ditur se Kostyshyn ka nënshkruar kontratë deri në qershor 2026.

Continue Reading

Sport

Tensione te Milani: Përplasje mes Ibrahimović dhe Conceição

Published

on

By

Trajneri i Milanit Sergio Conceição është tashmë nën vëzhgimin e Milanit për rezultate të paqëndrueshme dhe disa pretendime që kanë irrituar Zlatan Ibrahimović.

Sipas “Il Corriere dello Sport”, këshilltari i Milanit dhe “Red Bird”, Ibrahimovic nuk janë plotësisht të kënaqur me trajnerin e ri Conceiçao, i cili zëvendësoi Paulo Fonsecan në dhjetor të vitit 2024.

Conceiçao ka një mesatare më të mirë pikësh për lojë se paraardhësi i tij (1,83 kundër 1,58), por kuqezinjtë mbeten shtatë pikë poshtë katër të parëve në renditjen e Serie-A me një lojë më pak dhe humbën në ndeshjen e parë të play-off-it të Champions League kundër Feyenoord të mërkurën.

Sipas “CDS” Ibrahimovic dukej i pakënaqur në tribunë kur pa Conceiçao të zëvendësonte Santiago Gimenez dhe Rafael Leao me Francesco Camarda dhe Tammy Abraham në minutat e fundit të lojës në Roterdam.

Ish-sulmuesi, i cili shërben si këshilltar i Red Bird, tha para ndeshjes se Conceiçao “kishte dy ekipe” në dispozicion pasi mirëpriti pesë nënshkrimet e janarit. Trajneri u përgjigj: “Në të vërtetë janë më shumë se dy, pasi kemi shumë në sektorin e të rinjve”, por sipas “CorSport”, Ibras nuk i ka pëlqyer komenti i tij.

Conceiçao mori detyrën e trajnerit të Milanit më 30 dhjetor 2024. Nën drejtimin e tij, Milani siguroi titullin e Superkupës së Italisë dhe luajti gjashtë ndeshje në Serinë A, duke arritur tre fitore, dy barazime dhe një humbje, me 11 pikë në total.

Conceiçao nënshkroi një kontratë deri në qershor 2026, por klubi mund të vendosë në mënyrë autonome të ndërpresë marrëveshjen në fund të sezonit. Kualifikimi në Champions League 2025-26 shihet si një kërkesë e detyrueshme për të mbajtur portugezin përtej verës.

Continue Reading

Sport

​Përfundon trajnimi për sistemin ‘MyFFK’, synon dixhitalizimin e futbollit

Published

on

By

Ka përfunduar trajnimi disa ditor për implementimin e sistemit digjital “MyFFK” i cili synon dixhitalizimin e futbollit kosovar.

Pas trajnimit, presidenti i Federatës së Futbollit të Kosovës Agim Ademi ka pritur në takim zyrtarët e Federatës së Futbollit të Arabisë Saudite, Mohamed Mansour dhe Khalid Alhëiti, përgjegjës të teknologjisë dhe inovacioneve, të cilët ishin në Kosovë për këtë trajnim.

Sipas Ademit, ata ishin shumë të kënaqur me performancën e administratës së FFK-së, zyrtarëve të klubeve, delegatëve të ndeshjeve dhe Lidhjeve Rajonale, duke u larguar nga Kosova me përshtypjet më të mira që ky sistem shumë i avancuar tashmë ka gjetur zbatim në Kosovë.

Ademi gjithashtu ka bërë të ditur se administrata e FFK-së, nga dita e hënë, ka filluar të punojë me këtë sistem, ndërkohë që nga qershori do të jetë obligativ edhe për të gjitha garat.

Continue Reading

Sport

​Shefi i Leverkusenit kërkon që Alonsos t’i ndërtohet një statujë

Published

on

By

Shefi i skuadrës së Bayer Leverkusen, Fernando Carro është shprehur se trajneri i kësaj skuadre, Xabi Alonso pasi fitoi titullin kampion vitin e kaluare meriton një statujë jashtë stadiumit.

Duke pasur parasysh shtrirjen e arritjeve të vitit të kaluar, ku Alonso e çoi Leverkusenin drejt titullit ligës dhe kupës në Gjermani.

I njohur prej kohësh si ‘Neverkusen’ për dështimin për të fituar Bundesligën që nga viti 1997 dhe një humbje nga Real Madrid në finalen e Ligës së Kampionëve të vitit 2002, Alonso e ka ndryshuar klubin përgjithmonë.

Carro, i cili solli Alonson-i cili kurrë më parë nuk kishte drejtuar një ekip të divizionit të lartë – në Leverkusen në vitin 2022, tani përballet me një betejë për ta mbajtur atë, përcjellë KosovaPress.

Kur Leverkusen thirri Alonson në tetor 2022, ata ishin të dytët nga fundi në tabelën e Bundesligës, pasi kishin shkarkuar trajnerin e mëparshëm Gerardo Seoane.

Ne kishim përshtypjen se do të kishim nevojë për një ndryshim, një impuls të ri në ekip”, tha Carro për “AFP”. “Për ne nuk ishte rrezik. Ne ishim shumë të sigurt që pas bisedës së parë se ai ishte i qartë në idetë e tij dhe do të ishte në gjendje t’i fuste idetë dhe përvojën e tij në ekip.

Alonso e mbajti anijen, duke e çuar Leverkusen në vendin e gjashtë në 2022-2023. Një vit më vonë, Leverkusen kishte krijuar një nga sezonet më të mëdha në historinë evropiane.

Leverkusen humbi vetëm një nga 53 ndeshjet në sezonin 2023-24, finalen e Europa League, për të mos arritur tripletën.

Klubi ishte në gjendje të mbante Alonson pavarësisht interesimit të raportuar nga Real Madrid, Liverpool dhe Bayern sezonin e kaluar.

Continue Reading

Të kërkuara