Sport

Duka: Xhaka do të bënte mirë te Roma, Hysaj nuk e meriton situatën e krijuar

Publikuar

3 vjet më parë

më

Presidenti i Federatës Shqiptare të Futbollit, Armand Duka, ka dhënë një intervistë për median italiane “Tuttomercatoweb” ku ka folur për një sërë çështjesh të ndryshme të aktualitetit në futboll.

Nga finalet e kampionatit Europian, te Shqipëria e trajnerit Edy Reja, e ardhmja e futbollistit shqiptar Granit Xhaka e deri te shpërthimet e tifozëve lacialë ndaj Elseid Hysaj.

Në lidhje me Kampionatin Evropian Euro 2020, Duka tha se ishte një turne shumë cilësor, ndërsa Italia e mori me meritë titullin e më të mirit të Evropës.

“Pashë një Itali të bukur në të gjitha ndeshjet. Një sukses i madh për skuadrën e Mançinit, i cili pa diskutim është pritur shumë mirë edhe në Shqipëri ku ka një numër të madh tifozësh italian për shkak të dashurisë që kanë për futbollin italian, por edhe për vendin fqinj, me të cilët historikisht kemi qenë shumë të lidhur. Italia tregoi cilësi të shkëlqyera. Tregoi se ka ndryshuar dhe është përmirësuar shumë. Trajneri Mançini ka merita të mëdha, sepse i ka bërë shumë grup dhe shumë skuadër. Futbolli italian meriton nota maksimale për atë që dha në Europian. Suksesi i Italisë i përket Federatës, drejtuesve dhe lojtarëve. Krijuan një skuadër me dëshirë për të fituar. Krijuan një klimë besimi dhe gjithmonë theksonin se kjo skuadër mund të shkojë larg dhe arritën në fund një sukses të merituar.”, theksoi Duka.

“Anglia nuk e besonte se do arrinte të fitonte Kampionatin Europian edhe pse i gjithë opinioni publik dhe tifozët kishin krijuar një atmosferë që trofeu po vjen në shtëpi, por ata nuk e besonin. Belgjika kishte një skuadër të fortë, për shumë shikohej si një nga favoritet kryesore por për mua nuk ishte në listën e favoriteve.”

I pari i FSHF-së ka folur edhe rreth transferimit të Xhakës nga Arsenali te Roma duke thënë se ai do të ishte një vler e shtuar për skuadrën italiane.

“Graniti është një mesfushor i shkëlqyer, me shumë cilësi. Cilësitë e tij u konfirmuan tashmë edhe në kampionatin Europian, ku pamë paraqitje të shkëlqyera dhe një lider që dinte si të drejtonte skuadrën në momente të vështira, si në suksesin kundër Francës. Pa dyshim që do të ishte një vlerë e shtuar për Serinë A dhe për Romën, që besoj se do të zhvillojë një kampionat të mirë këtë sezon.”, tha Duka

Ai komentoi gjithashtu edhe situatën jo të mirë nëpër të mirë nëpër të cilën po kalon Elseid Hysaj pas problemeve që u shfaqën me tifozët e Lazios që erdhën si pasojë e interpretimit të këngës “Bela Ciao”.

“Është një çështje shumë serioze kjo që ka ndodhur. Elsi është një lojtar i madh dhe një djalë i shkëlqyer, që nuk e meriton aspak sulmin që i është bërë. Karakteri i tij i fortë do të jetë në gjendje të triumfojë përballë këtyre sulmeve dhe do të bëjë një sezon të madh me Lacion dhe Kombëtaren tonë. Dhuna verbale dhe ajo ideologjike nuk ka asnjë lidhje me futbollin dhe vlerat e tij. Ato duhet të qëndrojnë gjithmonë larg futbollit.”, u shpreh Duka.

Etiketa
Vazhdo të lexosh

Sport

Zinedine Zidane shumë pranë emërtimit si trajner i Bayern Munich

33-herë kampionët e Gjermanisë kanë nisur bisedimet për ta ulur në stolin e trajnerit, legjendën e futbollit francez, Zinedine Zidane.

Publikuar

5 orë më parë

më

19 Prill, 2024

nga

Bayern Munich nuk po kalon nëpër një formë të mirë nën drejtimin e Thomas Tuchelit këtë sezon dhe si duket aventurës së tij te bavarezët po i afrohet fundi.

Drejtuesit e klubit gjerman para disa javësh kishin filluar kontaktet me ‘ishin’ e tyre, Juilan Nagelsmann, mirëpo ai refuzoi të merrte postin e trajnerit për herën e dytë te Bayerni. Kështu sot ai zyrtarizoi marrëveshjen e re me Kombëtaren e Gjermanisë.

Në anën tjetër, sipas mediave spanjolle, 33-herë kampionët e Gjermanisë kanë nisur bisedimet për ta ulur në stolin e trajnerit, legjendën e futbollit francez, Zinedine Zidane.

Zidane më parë kishte drejtuar vetëm Real Madrid-in, por që në këtë aventurë bilanci i tij është mbreslënës, duke fituar tri herë Ligën e Kampionëve dhe dy herë La Liga-n.

“Mundo Deportivo”, ka bërë të ditur se edhe për vetë Zidane, Bayern Munich cilësohet si një prej klubeve që plotësojnë kushtet të cilat kërkon ai për një projekt ambicioz, si për historinë që ka, ashtu edhe për projektet afatgjata që ndërton.

Palët pritet të vihen në kontakt në javët e ardhshme, për të diskutuar rreth një marrëveshje të mundshme./UBTNews/

Vazhdo të lexosh

Sport

Roma i vihet pas sulmuesit të Juventusit

Trajneri De Rossi e pëlqen shumë futbollistin.

Publikuar

7 orë më parë

më

19 Prill, 2024

nga

Sipas mediumit italian “Tuttosport”, skuadra e Romës ka shfaqur interes për yllin e Juventusit, Federico Chiesa.

Trajneri De Rossi e pëlqen shumë futbollistin dhe e njeh mjaft mirë atë pasi kishin punuar bashkë gjatë kohës sa ishte asistent i Roberto Mancinit te Kombëtarja e Italisë.

Kontrata e Chiesas me Juventusin skadon në verën e vitit 2025, dhe Matteo Moretto bën të ditur se Juventusi ka filluar të punojë me agjentin e tij për të diskutuar rreth një marrëveshjeje të re.

Për sulmuesin 25-vjeçar thuhet se interes ka shfaqur edhe skuadra e Newcastle, mirëpo asgjë nuk është e konfirmuar sa i përket kësaj pjese.

Chiesa deri më tani gjatë këtij edicioni ka tetë gola dhe dy asistime në 29 paraqitje në të gjitha garat./UBTNews/

Vazhdo të lexosh

Sport

Julian Nagelsmann zbulon të ardhmen e tij

Interesimi për trajnerin gjerman nuk kishte munguar nga klubet e mëdha evropiane.

Publikuar

8 orë më parë

më

19 Prill, 2024

nga

Julian Nagelsman i ka dhënë fund të gjitha spekulimeve për të ardhmen e tij. Trajneri gjerman ka nënshkruar sot një kontratë të re me Federatën Gjermane, duke konfirmuar se do ta drejtojë përfaqësuesen e vendit të tij deri në Botërorin 2026.

Interesimi për trajnerin gjerman nuk kishte munguar nga klubet e mëdha evropiane. Bayern Munich po e shihte me kujdes, duke kërkuar rikthimin e tij në “Allianz Arena”, Në anën tjetër ishin edhe Liverpool e Manchester United ekipe të cilat donin të ofronin shërbimet e trajnerit. Por sot erdhi vendimi për rinovimin, që u bë zyrtar nga Federata Gjermane duke i dhënë fund çdo spekulimi rreth tij.

“Ky është një vendim zemre. Është një nder i madh që të jem unë ai që drejton ekipin kombëtar dhe të punoj me lojtarët më të mirë të vendit”, tha ai.

Ndërkaq edhe presidenti i Federatës, Bernd Neuendorf, u shpreh i lumtur për nënshkrimin e kontratës me trajnerin.

“Ky është një sinjal i fortë për Federatën dhe ekipin kombëtar që Julian Nagelsman do të qëndrojë trajner përtej Evropianit. Pasi ai ishte në listën e shumë klubeve të mëdha në Evropë. Por ekipi kombëtar është më shumë se një punë për Nagelsman, është çështje zemre”, deklaroi ai./UBTNews/

Vazhdo të lexosh

Sport

Liverpool e gjen zëvëndësuesin e Salahut te West Hami

“The Reds” tani më ka filluar të mendojë për zëvëndësuesin e sulmuesit egjiptian dhe një nga emrat e fundit që i është shtuar listës është Mohammed Kudus.

Publikuar

11 orë më parë

më

19 Prill, 2024

nga

Në sezonin e kaluar, Liverpooli refuzoi një ofertë prej 150 milionë eurosh për Mohamed Salah dhe si duket në fund të këtij sezoni egjiptiani do të përshëndetet me anglezët.

“The Reds” tani më ka filluar të mendojë për zëvëndësuesin e sulmuesit egjiptian dhe një nga emrat e fundit që i është shtuar listës është Mohammed Kudus.

Reprezentuesi ganez ka shkëlqyer këtë sezon me fanellën e West Hamit, duke shënuar 13 herë dhe asistuar katër herë në të gjitha kompeticionet.

23-vjeçari po konsiderohet si opsion ideal për të zëvendësuar Salah. Po ashtu ai mund të luajë në të dy krahët e sulmit, gjë e cila është një ‘bonus’ për të.

West Ham e transferoi atë për vetëm 38 milionë euro nga Ajaxi, teksa vlera aktuale e tij në tregun e transferimeve arrin shifrën e 50 milionë eurove./UBTNews/

Vazhdo të lexosh

Të kërkuara