Sport

Duka: Kombëtarja zhgënjeu jo vetëm me rezultat, por nuk dha gjë në fushë

Published

5 years ago

September 9, 2020

Presidenti i Federatës Shqiptare të Futbollit, Armand Duka, ka thyer heshtjen. Fitorja me përmbysje e Shpresave ndaj Andorrës ka rikthyer optimizmin te numri 1 i FSHF, i cili i ka bërë një analizë jo vetëm suksesit të talenteve të drejtuar nga Alban Bushi por edhe disfatës së kombëtares së madhe në sfidën ndaj Lituanisë.

“Të dyja ishin ndeshje të vështira, por ekipi U21 luajti edhe pse ishte në disavantazh. Kishte besim dhe ta kthesh ndeshjen është vërtet karakter. Kështu që U21 është në udhën e mbarë, me lojën e bërë në Austri edhe këtu”, thotë fillimisht Duka, transmeton SuperSport.

“Ndërsa ekipi i parë zhgënjeu jo vetëm me rezultat, por nuk dha gjë në fushë. Nuk mendoj që ishte vetëm lodhja, që padyshim ndikoi, por përqendrimi për të vlerësuar çdo lloj kundërshtari, domethënë për t’u kthyer me këmbë në tokë dhe për ta fituar ndeshjen në fushë. Por që të jesh skuadër e madhe duhet të kesh përqendrimin e duhur. Pikërisht për këtë ne nuk jemi skuadër e madhe. Duhet të përqendrohemi maksimalisht, të japim mbi 100 për qind që të bëjmë rezultat. Nëse hymë në fushë si gjeneralë, patjetër që do të dalim të turpëruar”, deklaron presidenti i FSHF, ndërkohë që vijon me mesazhet e tij për ekipin e parë, duke marrë si shembull pikërisht dëshirën e futbollistëve të Shqipërisë U21.

Një pjesë e titullarëve luajnë në Superiore dhe kur Duka pyetet nëse e mendojnë që klubet që çojnë lojtarë në kombëtaret e moshave të shpërblehen.

“Patjetër, ne i mbështesim talentet. Ata janë fryt i punës së përbashkët i të gjithë futbollit shqiptar. Ata janë edhe e ardhmja e ekipit të parë. Në fushë pamë shumë lojtarë nga kampionati shqiptarë, që kanë dëshirë për të luajtur. Ata që të japin rezultat janë futbollistët që kanë dëshirë për të luajtur, që japin maksimumin në fushë. Pamë mbrojtësin, Selmanin, që shënoi gol për herë të dytë. Domethënë vetëm me seriozitet, dëshirë dhe përkushtim maksimal ecet përpara”, përfundoi Duka deklaratën e tij.

Sport

Kosova pëson humbje nga Portugalia në kuadër të Kampionatit Evropian për Femra U17

Published

5 hours ago

March 5, 2026

UBTNews

Përfaqësuesja e vajzave të Kosovës është mposhtur me rezultat 3-0 nga Përfaqësuesja e Portugalisë në kuadër të ndeshjeve të UEFA për Kampionatin Evropian për Femra U17.

Ndeshja u zhvillua në stadiumin Cidade do Futebol, ku Përfaqësuesja e Kosovës u përball me një nga skuadrat më të forta të grupit.

Portugalia dominoi pjesën më të madhe të takimit dhe arriti të shënojë tre gola, duke siguruar fitoren 3-0. Pavarësisht rezultatit, vajzat kosovare treguan përkushtim dhe luftuan deri në fund, duke fituar përvojë të rëndësishme në arenën ndërkombëtare.

Ky takim ishte një test i rëndësishëm për Përfaqësuesen e Kosovës U17, e cila vazhdon të ndërtojë ekipin dhe të zhvillojë talentet e reja në futbollin e vajzave.

Sport

Chelsea me interesim të madh për yllin e Kosovës

Published

5 hours ago

March 5, 2026

UBTNews

Sulmuesi i përfaqësueses së Kosovës, Fisnik Asllani, është një potencial i vërtetë për merkaton e verës së vitit 2026, me Chelsea-in që thuhet se ka një interesim serioz për transferimin e tij.

Sipas raportimeve nga Fussball Daten, skautistët të klubit londinez po e vëzhgon me vëmendje 23-vjeçarin e Hoffenheim-it, të cilin e shohin si një sulmues të kompletuar që mund të luajë në disa pozicione të sulmit. Me një klauzolë prej 30 milionë eurosh, Asllani konsiderohet si një mundësi e artë për të përforcuar sulmin e Chealsea-it.

Megjithatë, gara për blerjen e tij është e ashpër, pasi edhe klube si Tottenham Hotspur, Aston Villa dhe Bayern Munich po ndjekin progresin e tij pas formës fantastike këtë sezon me 8 gola dhe 7 asistime në ligën gjermane.

Pavarësisht interesimit të madh nga Premier League, raportohet se klubi i ëndrrave të fëmijërisë për Fisnik Asllanin është Barcelona, e cila po kërkon një zëvendësim për Robert Lewandowskin, sipas TeamTalk.

Mbetet të shihet nëse Chelsea do të arrijë ta bindë yllin kosovar për t’u transferuar në Stamford Bridge përpara rivalëve të tjerë europianë.

Sport

FFK miratohet nga UEFA për dhënien e licencës Fitness B për trajnerët

Published

1 day ago

March 4, 2026

UBTNews

Federata e Futbollit e Kosovës (FFK) ka marrë konfirmimin zyrtar nga UEFA për pranim në Konventën e Trajnerëve në nivelin shtesë të diplomës Fitness B, pas përfundimit me sukses të kursit të parë për UEFA Fitness nga Departamenti i Edukimit në FFK.

Në shkresën e UEFA-s, e nënshkruar nga Shefi i Zhvillimit të Trajnerëve në UEFA, Kris Van Der Haegen, konfirmohet se raporti pozitiv i vlerësimit për kursin inaugurues për Fitness është shqyrtuar dhe miratuar nga paneli përkatës, duke i hapur rrugë FFK-së për anëtarësim në këtë nivel të ri të Konventës.

Me këtë vendim, FFK tashmë ka të drejtë të organizojë dhe të lëshojë diploma dhe licenca UEFA Fitness B për kandidatët që përmbushin kriteret dhe përfundojnë me sukses programin përkatës, në përputhje me standardet dhe rregulloret e UEFA-s.

Ky hap përfaqëson një avancim të rëndësishëm në edukimin e trajnerëve në Kosovë dhe në ngritjen e kapaciteteve profesionale në fushën e përgatitjes fizike.

Departamenti i Edukimit në FFK do të vazhdojë të ofrojë programe cilësore dhe të harmonizuara plotësisht me standardet evropiane, duke kontribuar drejtpërdrejt në zhvillimin e futbollit në vend.

Pranimi në nivelin UEFA Fitness B dëshmon punën serioze dhe të qëndrueshme të FFK-së në ndërtimin e një strukture moderne të edukimit të trajnerëve dhe profesionalizimin e sportit në Kosovë.

Sport

Kosova përballet me Portugalinë në UEFA Femra U17

Published

1 day ago

March 4, 2026

UBTNews

Sot zhvillohet një përballje e rëndësishme për Përfaqësuesen e vajzave të Kosovës U17 në kuadër të Kampionatit Evropian për Femra U17 të UEFA-s.

Përfaqësuesja e vajzave e Kosovës do të përballet me Përfaqësuesen e vajzave të Portugalisë U17 nga ora 17:00 në stadiumin Qyteti i Futbollit në Oeiras.

Ky takim është një mundësi për vajzat kosovare të tregojnë talentin e tyre dhe të konkurrojnë në arenën ndërkombëtare, duke kërkuar një rezultat pozitiv ndaj një prej skuadrave më të forta të grupit. Fansat e futbollit të vajzave presin një përballje emocionuese dhe të mbushur me momente spektakolare.