Lajmet

Dugolli i VV-së kërkon mbështjetjen e ndërkombëtarëve pë hapjen e urës: Serbia nuk mund ta pengojë lëvizjen

Published

on

Rreth 600 serbë kanë protestuar dje në veri të Mitrovicës, duke kundërshtuar hapjen e urës së Ibrit. Kështu bëri të ditur policia e Kosovës, derisa tha se protesta ishte e qetë dhe pa incidente. Qeveria po insiston në hapjen e kësaj ure, derisa ndërkombëtarët janë shprehur kundër.

Deputeti i Lëvizjes Vetëvendosje, Enver Dugolli, thotë se ura duhet të hapet pasi nuk mund të shndërrohet në pengesë për lëvizjen e lirë të qytetarëve, duke theksuar se s’mund të ketë tensione.

“Ura duhet të hapet sepse ajo nuk mund të shndërrohet në pengesë për lëvizjen e lirë të qytetarëve. Kanë pushuar të gjitha rrethanat që lidheshin me çështjen e sigurisë, prandaj edhe nuk mund ketë asnjë lloj tensioni. Janë vet qytetarët të cilët do përfitonin më së shumti me futjen në funksion të kësaj ure”, shprehet ai.

Sipas Dugollit, zhurma që po bëhet nga Serbia nuk mund ta pengojë lëvizjen e lirë për të cilën po angazhohet qeveria e Kosovës, duke shtuar se ndërkombëtarët do të duhej ta mbështesnin atë, pasi i kontribuon paqes dhe stabilitetit.

“Zhurma qe bëhet nga Serbia dhe eksponent të Listës Serbe nuk mund ta pengojnë lirinë e lëvizjes për të cilën qeveria e Kosovës po angazhohet. Bashkësia ndërkombëtare do duhej ta mbështeste lirinë e lëvizjes së qytetarëve dhe funksionalizimin e Urës sepse liria e lëvizjes është e drejtë universale dhe parim i patjetërsueshme i shoqërive demokratike. Ne mbështesim parimin e lëvizjes së lirë të qytetarëve, automjeteve dhe mallrave sepse jemi të bindur se kjo i kontribuon paqes dhe stabilitetit”, vlerëson ai për Gazeta Blic.

Deputeti shton se hapja e urës nuk duhet parë si akt kundër dikujt, por si e drejtë e mohuar që sa kohë.

“Hapja e urës nuk duhet parë si akt kundër dikujt por si një e drejtë e mohuar që ka ndodhur që sa kohë. Tani ka ardhur koha që ura si objekt ta kryejë funksionin dhe misionin që ka”, deklaron Enver Dugolli.

Ndryshe, sot lideri i AAK-së, Ramush Haradinaj ka shprehur mbështetje për hapjen e urës së Ibrit, derisa u ka bërë thirrje serbëve të Kosovës që të mos bien pre e politikave shkurtpamëse për të protestuar./UBTNews/

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Lajmet

PDK-ja sot nis betejën ligjore për të rrëzuar vendimin e ZRRE-së

Published

on

By

Partia Demokratike e Kosovës (PDK) sot do të fillojë betejën ligjore për të kontestuar vendimin e ZRRE-së lidhur me kalimin në tregun e lirë të energjisë elektrike.

Kryetari i PDK-së, Memli Krasniqi, ka deklaruar se kundërshtimi i këtij vendimi do të bëhet duke bërë kundërshtimin administrativ të vendimit të ZRRE-së.

Sipas Krasniqit, PDK-ja nuk do të ndalet deri në rrëzimin e këtij vendimi, të cilin e konsideron të padrejtë dhe të dëmshëm për qytetarët dhe ekonominë e Kosovës.

PDK do të fillojë nesër betejë ligjore për këtë rast. Kemi besuar se do ta shtyjë vendimin. Sepse nuk ka treg të lirë. Është vetëm një ofertues, monopol. Nesër do të bëjmë kundërshtim administrativ në ZRRE, pastaj betejën ligjore deri në anulim. Vendim i tmerrshëm dhe krim kundër ekonomisë së Kosovës”, tha Krasniqi.

Continue Reading

Lajmet

Rizvanolli akuzon OEK për pengesa

Published

on

By

Ministrja e Ekonomisë, Artane Rizvanolli ka deklaruar se kanë ftuar për takim bizneset dhe odat sot nga ora 13:00 lidhur me vendimin për daljen në treg të lirë të bizneseve, porse siç tha ajo, kanë presion nga odat ekonomike që të mos mbajnë takime.

Në një konferencë për media, Rizvanolli tha se disa nga bizneset hezitojnë të vinë në takimin e sotëm.

Kemi dëgjuar se bizneset kanë presion nga Oda Ekonomike e Kosovës për të mos marrë pjesë në takime. Disa kanë thënë hezitojnë të vinë në takimin e sotëm, pasi nuk ndjehen mirë në një pozitë të tillë“, ka thënë Rizvanolli.

Ajo po ashtu ka thënë se duhet kaluar ky tranzicion.

OEK që sot ka vendos të bart problemin, dhe t’i bllokojë rrugët nuk ka ndërmarrë asnjë hap t’i përgatit bizneset. Kjo është sfidë të cilës nuk mund t’i ikim, duhet të kalojmë në këtë tranzicion. Qeveria do të jetë në çdo hap dhe betejë me secilin prej tyre“, ka shtuar Rizvanolli.

Ndërsa ka thënë se deklaratat që KESCO blen energjinë me 30 euro dhe do të shes në treg të lirë është dezinformatë.

Është dezinformatë që ka qarkulluar, nuk është e saktë që KESCO do të blejë energjinë me 30 euro dhe do të shes në treg të lirë“, nënvizoi ajo.

Bizneset kanë protestuar sot me bllokimin e disa hyrjeve në Prishtinë kundër vendimit për kalimin e bizneseve në tregun e lirë të energjisë elektrike më 1 qershor. Përfaqësuesit e bizneseve kërkojnë shtyrje të këtij procesi për një vit, në të kundërtën paralajmërojnë pasoja të rënda për ekonominë vendore.

Continue Reading

Lajmet

Përfundon protesta e bizneseve me kërkesën për reflektimin e institucioneve

Published

on

By

Ka përfunduar protesta e organizuar nga bizneset dhe odat e bizneseve, e cila ka qenë kundër vendimit për liberalizimin e tregut të energjisë. Bizneset protestuan me bllokimin e disa hyrjeve në Prishtinë kundër vendimit për kalimin e bizneseve në tregun e lirë të energjisë elektrike më 1 qershor.

Kryetari i Odes Ekonomike të Kosovës, Lulzim Rafuna tha se kërkesa mbetet që institucionet t’ua mundësojnë bizneseve një faze të tranzicionit.

Arritëm në fund të protestës, jemi të kënaqur me efektin e protestës, pjesëmarrjen e protestës. Kërkesa jonë mbete që institucionet e vendit të reflektojnë, t’ua mundësojnë biznesit një fazë të tranzicionit, as më shumë, as më pak se sa e kanë pasur bizneset në vendet e rajonit dhe më gjerë. Kërkojmë që të reflejtonë nëse nuk do të ketë reflektim, ne do të vazhdojmë, këshilli protestues do të takohet dhe do të shohim hapat e tjerë”, tha Rafuna.

Rafuna paralajmëroi se protesta do të radikalizohet nëse nuk ka reflektim nga institucionet shtetërore.

Qoftë se nuk do të ketë refkeltim, protesta do të shkojnë duke u radikalizuar. Arsyeja ka qenë për shkak të ushtrimeve Defender që janë duke u zhvilluar në Kosovës, kjo është vetëm dita e parë e protestës, nuk nënkupton kjo që në të ardhmen nuk do të bllokohet”, shtoi Rafuna./KP

 

Continue Reading

Të kërkuara