Kronikë e zezë

Drogoi dhe më pas ngufati pesë fëmijët e saj, nëna nga Gjermania i shkruan letër nga burgu djalit më të madh

Published

4 years ago

on

Kristiana K, e cila po gjykohet për vrasjen e pesë fëmijëve në Solingen të Gjermanisë, ka dërguar letra rrëqethëse nga burgu të ëmës së saj dhe birit të saj të vetëm që i mbijetoi më të keqes.

E ëma që në fillim të shtatorit të vitit të kaluar mbyti Luk, 8-vjeçar dhe Tim, 6, Sofian, 3, dhe Melinën, 1, pretendon në letër se është e pafajshme, transmeton Telegrafi.

Kristiana drogoi fëmijët e saj, më pas i ngufati që të gjithë. Djali më i madh ka mbijetuar pasi në momentin kur ajo kreu sulmin ishte në shkollë.

Tani kjo nënë po tenton të mësojë më shumë për fatin e vogëlushit Marsel, sepse pas tragjedisë ai po jeton me gjyshen. Të ëmën e Kristianas.

Letrat i janë lexuar familjes dje gjatë seancës gjyqësore, e në to Kristiana pyet të ëmën se si është Marseli, për të cilin dyshohet se qëllimisht e kishte kursyer nga vrasja.

Madje ka pyetur nëse mund ta sheh, pasi e konsideron veten të pafajshme duke theksuar se nuk i ka kryer vrasjet të cilat rëndojnë mbi të.

Sikur kjo të mos mjaftonte, në letra ajo thekson se si në burg ka “shumë prindër të këqij” që kanë keqtrajtuar fëmijë duke i lënë të vdesin nga uria.

“Si kanë mundur të bëjnë diçka të tillë”, ka pyetur Kristiana në letër. Tutje ajo ka shkruar se është njoftuar me një grua e cila tri herë radhazi ka tentuar të kryej vetëvrasje për shkak të bashkëshortit.

Gjatë procesit të gjykimit, gjykatësi ka theksuar që Kristiana ka qenë plot vetëbesim dhe e vendosur derisa i ka shkruar letrat. Konsideron se është shumë inteligjente dhe se po tenton të manipuloj.

Kujtojmë që mëngjesin e kobshëm kur u mbytën fëmijët, Kristiana ishte zgjuar herët duke u dhënë ushqim fëmijë. E në atë ushqim u kishte hedhur ilaçe të ndryshme nga të cilat fëmijët filluan të ngufaten – e ata që i rezistuan kësaj ngufatje, ajo i ka mbytur me duar.

Besohet se krimin e kreu e pushtuar nga emocionet dhe zhgënjimi pasi ishte ndarë nga bashkëshorti. Para kryerjes së krimit, ajo kishte jetuar ndarazi nga bashkëshorti i fundit. Kristiana ishte martuar me 28-vjeçarin Pascal gjatë vitit 2014, kishin katër fëmijë dhe jetonin së bashku me dy fëmijët e saj të tjerë nga lidhjet e mëparshme. Ishte një familje e lumtur – deri në vitin 2019, kur edhe u ndanë.

Nga ai moment kishte mbetur vetëm me fëmijë. Për një arsye, vendosi që djalin më të madh ta kursej. Pas krimit të tmerrshëm, shkoi për ta marrë në shkollë Marselin, të cilit i kishte thënë se në familje ka ndodhur një rast vdekje. Hipën në treni për në Dyseldorf, e të birit të tyre i tha lamtumirë kur ndërruan trenat. 

Related Topics:
Continue Reading

Lajmet

Aksioni i Policisë me AKI-në, arrestohen dy të huaj për kontrabandim me migrantë

Published

6 days ago

on

December 24, 2025

By

Policia e Kosovës më saktë Sektori i Hetimeve të Departamentit për Kufi, në bashkëpunim dhe në asistencë edhe të Agjencisë së Kosovës për Inteligjencë (AKI), pas një periudhe disa mujore monitorimi nga institucionet kompetente, ka arrestuar një shtetas jordanez dhe një shtetase turke, nën dyshimin për kryerje të veprës penale “Kontrabandim me migrantë”.

Policia njofton se sipas të dhënave hetimore, i lartcekuri dyshohet se ka organizuar ardhjen e shtetasve të huaj, kryesisht nga shtetet e Lindjes së Mesme dhe Azia, me qëllim të hyrjes së tyre në Republikën e Kosovës, prej nga më pas dyshohet se bëhej kontrabandimi i tyre në drejtim të vendeve të Bashkimit Evropian.

“Po ashtu ndaj të njëjtit egziston dyshimi se ka udhëhequr një grup të mirë organizuar kriminal, të cilët dyshohet se kanë përfituar mjete të konsiderueshme financiare nga kjo veprimtari e paligjshme”, thuhet në njoftimin e Policisë.

Lidhur me rastin është realizuar kontrolli tek personi i dyshuar ku janë gjetur dhe konfiskuar gjithsej 53 (pesëdhjetë e tre) pasaporta të shtetasve jordanezë.

Policia në fund tha se për veprimet e ndërmarra është konsultuar edhe prokuroria kompetente, me vendimin e së cilës dy të dyshuarit dërgohen në ndalim për 48 orë./S.K/KP/PK/

Continue Reading

Lajmet

Aksion i madh kundër korrupsionit në Prishtinë, arrestohen 7 persona

Published

2 weeks ago

on

December 19, 2025

By

Një aksion i gjerë kundër korrupsionit është zhvilluar më 18 dhjetor 2025 në rajonin e Prishtinës, nën udhëheqjen e Prokurorisë Speciale të Republikës së Kosovës, ku janë arrestuar disa persona të dyshuar për vepra të rënda penale.

Sipas njoftimit zyrtar, operacioni është realizuar nga Drejtoria për Hetimin e Krimeve Ekonomike, pas një periudhe monitorimi dhe hetimi, përfshirë edhe zbatimin e masave të veçanta hetimore.

Aksioni lidhet me dyshimet për përfshirje në vepra penale si korrupsioni, keqpërdorimi i detyrës zyrtare, dhënia dhe marrja e ryshfetit, ushtrimi i ndikimit, mashtrimi si dhe armëmbajtja pa leje.

Gjatë këtij aksioni policor janë arrestuar shtatë persona me inicialet: F.I., J.M., N.K., M.D., B.D., Sh.T. dhe G.L. Të dyshuarit, sipas autoriteteve, janë kapur në flagrancë gjatë shkëmbimit të parave.

Me vendim të Prokurorisë Speciale, shtatë të arrestuarit janë ndaluar për 48 orë. Gjatë kontrolleve të zhvilluara në kuadër të operacionit janë sekuestruar rreth 20 mijë euro para të gatshme, armë, bizhuteri, dokumente të ndryshme, pajisje elektronike si dhe tri automjete.

Autoritetet kanë bërë të ditur se hetimet lidhur me këtë rast janë duke vazhduar, në koordinim të plotë ndërmjet Policisë së Kosovës dhe Prokurorisë Speciale të Republikës së Kosovës./S.K/KP/

Continue Reading

Lajmet

Plagoset me armë zjarri një person në Pejë

Published

2 weeks ago

on

December 15, 2025

By

Policia e Kosovës ka njoftuar se është plagosur me armë zjarri një person mbrëmë në Pejë.

Lajmin e ka konfirmuar zëdhënësi i policisë për rajonin e Pejës, Fadil Gashi, i cili bëri të ditur se dyshohet që kjo ka ndodhur aksidentalisht.

Ai bëri të ditur se në bazë të informacioneve, i plagosuri është jashtë rrezikut për jetë.

“Pas orës 19:00 policia është njoftuar nga Spitali i Pejës se një person ka shkuar atje i lënduar nga arma e zjarrit. Ai dyshohet se është plagosur aksidentalisht nga një person. I plagosuri është jashtë rrezikut për jetë”, thuhet në konfirmim.

Gashi gjithashtu tha se i dyshuari është shoqëruar për në stacion policor./S.K/EO/PK/

Continue Reading

Lajmet

Vetëplagoset me armë zjarri një 50-vjeçar në Lipjan

Published

2 weeks ago

on

December 15, 2025

By

Një burrë është vetëplagosur me armë zjarri në fshatin Mirenë të Lipjanit, ku viktima, 50-vjeçar, u dërgua fillimisht për trajtim në Qendrën e Mjekësisë Familjare në Drenas, ndërsa më pas u transferua në QKUK për kujdes të specializuar.

Drejtori i Emergjencës Naser Syla, deklaroi se gjendja e tij ishte stabile.

“Janë kryer ekzaminimet e nevojshme,pasi ishte në sallën operative të Emergjencës duke u intervenuar nga ekipët e anestezionit dhe urologjisë, pas operacionit u transferua në Klinikën e Urologjisë për trajtim të metutjeshëm”, deklaroi Syla.

Rreth ngjarjes u deklarua edhe Policia e Kosovës.

Zëdhënësja për rajonin e Prishtinës Flora Ahmeti, deklaroi se në koordinim me Prokurorin e Shtetit po hetohen të gjitha rrethanat që lidhen me rastin.

“Rreth orës 12:00,   policia është njoftuar se në fshatin Mirenë të Lipjanit, një  person (mashkull) është plagosur me armë zjarri. Njësitet  policore kanë dalë në vendngjarje dhe në koordinim me Prokurorin e shtetit,janë duke u marrë me hetimin e të gjitha rrethanave që lidhen me rastin, ndërkohë që personi i lënduar është dërguar për tretman mjekësor”, tha Ahmeti./S.K/EO/PK/

Continue Reading

Të kërkuara