Sport

Drita nuk planifikon përforcime për janar, synon dy trofetë me fondin aktual

Published

5 years ago

on

Kampioni në fuqi e Kosovës në futboll, Drita, të martën nga ora 13:30 do t’i nisë përgatitjet për stinorin pranveror. Faza përgatitore do të fillojë me të gjithë lojtarët të cilët ishin pjesë e ekipit kampion edhe në vjeshtë.

Ekipi nga Gjilani ende nuk është përforcuar në afatin kalimtar të janarit, por as nuk ka larguar ndonjë futbollist. Drejtuesit e Dritës janë duke shikuar mundësinë që të sjellin në ekip vetëm lojtarë cilësorë, të cilët janë të nivelit të njëjtë ose më të lartë sesa futbollistët që kanë aktualisht në skuadër.

Drejtori i përgjithshëm i Dritës, Feti Murseli, ka thënë për KOHËN se në Kosovë nuk ka lojtarë të cilët mund t’i transferojnë, sipas tij, për shkak të kontratave që ata kanë me klubet e tyre. Murseli theksoi se fokusi është jashtë Kosovës, për shkak të cilësisë më të lartë.

“Nëse arrijmë të gjejmë ndonjë lojtar që është i nivelit të njëjtë ose më i mirë sesa lojtarët që i kemi, atëherë do ta transferojmë. Në të kundërtën, nuk do të transferojmë lojtarë të nivelit më të ulët. Mund të them se në Kosovë nuk ka lojtarë që ne kërkojmë, për shkak se kanë kontrata me klubet e tyre. Ne jemi duke shikuar të sjellim ndonjë lojtar nga jashtë Kosovës”, tha Murseli. Ai tregoi se më 20 janar ekipi do të niset drejt Antalyas në Turqi për fazë përgatitore.

Të njëjtin mendim me drejtorin Murseli e ndan edhe trajneri i skuadrës, Ardian Nuhiu. Ai shton se u beson shumë lojtarëve që ka në ekip, kurse sa u përket përforcimeve, thekson se mund të mbyllin afatin pa e sjellë asnjë lojtarë.

“Të gjithë futbollistët që i kemi në skuadër janë me kontrata dhe nuk do të largohet asnjë. Janari është i varfër sa u përket transferimeve, pasi lojtarët janë nën kontrata. Ne nuk jemi në bisedime me ndonjë lojtar, por do të shohim gjatë rrugës nëse do të kemi ndonjë lojtar cilësor që mund ta sjellim në ekip, atëherë do ta bëjmë një gjë të tillë. Sigurisht, e kam fjalën për lojtarë cilësorë të nivelit të Dritës ose më të mirë. Por nuk e përjashtoj mundësinë që të mos transferojmë asnjë lojtar. Unë i besoj këtij ekipi, kemi kontingjent të madh të lojtarëve”, ka deklaruar trajneri shqiptar nga Maqedonia e Veriut.

Nuhiu konfirmon se krahas përgatitjeve që do t’i fillojnë të martën, gjatë javës do të kenë edhe teste mjekësore.

“Do të nisim përgatitjet të martën. Do të kemi edhe kontrollet mjekësore brenda javës për të parë gjendjen e secilit lojtar. Do të jenë kontrolle të zakonshme. Në Kosovë do të qëndrojmë vetëm dy javë, e më pas do të zhvendosemi në Antalya”, tha Nuhiu. Sipas tij, qëndrimi në qytetin bregdetar të Turqisë, do të shërbejë për t’u përgatitur sa më mirë. Pozitive i sheh edhe ndeshjet miqësore që do t’i zhvillojnë ndaj skuadrave evropiane.

“Gjatë qëndrimit në Antalya do të mundohemi ta shfrytëzojmë kohën më të mirë që është atje, fushat, e po ashtu edhe kundërshtarët për ndeshje miqësore, të cilët janë të nivelit më të lartë dhe na ndihmojnë shumë që të përgatitemi sa më mirë. I kemi aranzhuar katër ndeshje miqësore. Ende nuk i dimë kundërshtarët pasi me këtë punë po merret agjencia , por e dimë që janë klube evropiane. Këto ndeshje miqësore me ekipe të nivelit të lartë janë të mira dhe të rëndësishme edhe për ndeshjet evropiane, pavarësisht që janë miqësore. Për ne e rëndësishme është që lojtarët të kapin formën e tyre”, shtoi Nuhiu.

Nuhiu konfirmoi se skuadra që ai drejton do të luftojë në të dyja fontet.

“Do të jetë një garë e fortë. Janë disa klube që kërkojnë titullin e kampionit. Synimi ynë është që të mbrojmë titullin. Do të shohim kundërshtarin e radhës në Kupë. Sigurisht do të japim më të mirën që të fitojmë edhe atë trofe”, përfundoi Nuhiu, i cili në sezonin e kaluar fitoi titullin e kampionit. Me Nuhiun në krye, Drita arriti deri në raundin e tretë të Ligës së Evropës, që është “rekord” për një klub kosovar në garat evropiane.

Drita do ta nisë stinorin pranveror nga pozita e parë. Pas 18 xhirove të luajtura, “intelektualët” kanë arritur 12 fitore, 5 barazime dhe kanë pësuar vetëm një humbje. Me 41 pikë renditen në vendin e parë, me tri pikë më shumë se Ballkani që është i dyti. Drita është skuadra e vetme në Superligë që e ka pësuar vetëm një humbje në stinorin vjeshtor. Drita së bashku me Ballkanin kanë sulmin më të mirë në ligë. Gjilanasit kanë realizuar 30 gola, kurse suharekasit 43.

Po ashtu, Drita bashkë me Prishtinën kanë mbrojtjen më të mirë në ligë. Drita ka pranuar 13 gola, kurse Prishtina 12 sosh

Related Topics:
Continue Reading

Lajmet

​Calhanoglu: Jam i Interit dhe dua të fitoj trofe këtu

Published

11 hours ago

on

July 23, 2025

By

Hakan Calhanoglu ka konfirmuar besnikërinë ndaj Interit, duke hedhur poshtë zërat për një largim të mundshëm drejt Turqisë. Mesfushori turk është rikthyer në stërvitje në Appiano Gentile pas dëmtimit të pësuar në Shtetet e Bashkuara dhe deklaroi se ndjehet në formë të mirë dhe i motivuar për sezonin e ri.

“Pushimet nuk ishin të lehta për shkak të spekulimeve, por jam i lumtur që jam kthyer dhe dua të punoj fort për Interin,” tha Calhanoglu. “Unë jam një lojtar i Interit dhe gjithmonë kam thënë se dua të vazhdoj këtu. Qëllimi im është të fitoj trofe.”, tha ai.

Duke folur edhe për marrëdhënien me kapitenin Lautaro Martinez, Calhanoglu theksoi se “gjithçka është sqaruar” pas deklaratave të mëparshme dhe se janë “profesionistë dhe të pjekur”.

Agjenti i tij kishte mohuar më parë zërat për një kalim te Galatasaray apo Fenerbahce, ndërsa vetë lojtari shprehu dëshirën për të rinovuar dhe vazhduar projektin me zikaltrit.

 

Continue Reading

Lajmet

​UEFA delegon sërish një gjyqtar kosovar në një ndeshje evropiane

Published

12 hours ago

on

July 23, 2025

By

Gjyqtari nga Kosova, Visar Kastratit i është besuar detyra për të ndarë drejtësinë në ndeshjen Hibernians – Spartak Trnava, në kuadër të raundit të dytë të garës UEFA Conference League.

Ndeshja do të zhvillohet në stadiumin Tony Bezzina në Paola të Maltës, ku Kastratin do ta asistojnë Besnik Morina dhe Granit Hyseni. Gjyqtar i katërt do të jetë Alban Shala.

Kjo ndeshje do të luhet të enjten, më 24 korrik, me fillim në orën 18:00.

 

Continue Reading

Lajmet

​Formacionet e mundshme të miqësores Arsenal – Milan

Published

14 hours ago

on

July 23, 2025

By

Pas ndeshjes së tyre të parë në shtëpi në Milanello kundër Milan Futuro, Rossonerët do të përballen me Arsenalin e Mikel Artetas në miqësoren e parë të Turneut të tyre Para-Sezoni 2025 në rajonin Azi-Paqësor.

Ndeshja kundër “Gunners” është pjesë e “Festivalit të Futbollit në Singapor”, i cili, përveç AC Milan dhe Arsenal, do të përfshijë edhe Newcastle.

Kjo ndeshje zhvillohet nga ora 13:30 dhe këto janë formacionet e mundshme:

ARSENAL (4-3-3) : Raya; Lëndë drusore, Saliba, Gabriel, Calafiori; Odegaard, Zubimendi, Rajs; Saka, Havertz, Trossard.

MILAN (4-3-3) : Maignan; Saelemaekers, Tomori, Gabbia, Jimenez; Fofana, Ricci, Loftus-Cheek; Pulisic, Okafor, Leao.

 

Continue Reading

Sport

Komenti vulgar i trajnerit italian ndaj gjyqtares kapet nga kamerat

Published

14 hours ago

on

July 23, 2025

By

Trajneri i Italisë, Andrea Soncin, u ndëshkua me karton të verdhë pas një shpërthimi ndaj gjyqtares në gjysmëfinalen dramatike të Euro 2025, Anglia përmbysi rezultatin në minutat e fundit për të siguruar finalen në kampionatin e femrave që po zhvillohet në Zvicër.

Italia ishte në epërsi deri në fund pas golit të Barbara Bonansea në pjesën e parë, por Michelle Agyemang, e futur si zëvendësuese për Anglinë, shënoi golin e barazimit në minutën e 96-të, duke e çuar ndeshjen në kohë shtesë. Rasti kontrovers erdhi në minutën e 117-të, kur Ivana Martincic akordoi një penallti për Anglinë, duke ndëshkuar Emma Severini për një mbajtje të lehtë ndaj Beth Mead brenda zonës.

Pas shqyrtimit me VAR, vendimi u konfirmua dhe Chloe Kelly u përball me portieren Laura Giuliani. Gjuajtja u ndal, por Kelly reagoi e para dhe shënoi në topin e kthyer, duke siguruar kalimin në finale për Anglinë. Soncin, i cili ishte paralajmëruar më herët për protestë ndaj vonesave të Giulianit në minutën e 74-të, shpërtheu në mënyrë vulgare pas akordimit të penalltisë, sipas sport.virgilio.it, bërtiti “f* you”**, një moment që u kap nga kamerat e transmetimit live.

Pas takimit, Soncin e kontestoi vendimin për penallti, duke thënë se bëhej fjalë për  “mbajtje të lehtë dhe të ndërsjellë” dhe se kishte diskutuar me zyrtarët e ndeshjes për këtë incident.

“E pashë shpejt. Fola me asistentët që po e shqyrtonin. Po mbaheshin të dyja palët. Do të doja të pyesja… a do të ishte dhënë një penallti e tillë në anën tjetër të fushës, në atë moment të ndeshjes? Nuk e di,” – tha Soncin.

“Është një penallti që mund të jepej, por edhe të mos jepej, sepse mbajtja ishte shumë e lehtë dhe reciproke.”

Kapitenia Cristiana Girelli gjithashtu kritikoi nivelin e ndarjes së drejtësisë.

“Kur ndeshja arrin këtë nivel, duhet edhe gjykim i nivelit të lartë. Kur merr një vendim kaq të rëndësishëm, duhet të jesh i ftohtë. Dhe nëse akordon një penallti të tillë, të paktën shko dhe shikoje vetë.”

Megjithatë, Girelli shtoi se Italia mund të kishte siguruar rezultatin:

“Kjo nuk është një justifikim. Mund të kishim shënuar golin e dytë në fund dhe ndeshja do të kishte mbaruar. Jam krenare për atë që bëmë. Këto janë lot trishtimi dhe krenarie.”

Anglia do të përballet në finalen e Euro 2025 ndaj fitueses së ndeshjes Gjermani – Spanjë, me takimin që do të luhet të dielën në orën 17:00, në St-Jakob’s Park në Basel. Kjo është finalja e tretë radhazi për Anglinë nën drejtimin e Sarina Wiegman.

Continue Reading

Të kërkuara