Sport

Drejtori sportiv i Napolit shpjegon pse dështoi transferimi i Navas

Keylor Navas tani është zgjedhja e dytë e trajnerit të PSG-së.

Published

4 years ago

September 9, 2022

UBT.News

Gjatë kësaj vere spekulime të shumta e lidhnin portierin Keylor Navas me një largim të mundshëm nga gjiganti francez, Paris Saint-Germain.

Navas lidhej vazhdimisht me një kalim te Napoli, ku ky i fundit ishte shumë pranë transferimit të tij, por që në fund marrëveshja dështoi, përcjell KosovaPress.

Tani, drejtori sportiv i Napolit, Cristiano Giuntoli ka shpjeguar pse klubi nuk arriti ta finalizonte transferimin e Navas, duke thënë se kishte probleme mes portierit dhe kampionit francez sa i përket pagës.

“Marrëveshja e Keylor Navas dështoi sepse PSG dhe kampi i lojtarët nuk ranë dakord sa i përket pagës, ai përfiton 15 milionë euro bruto në sezon. Ne nuk do të provojmë ta transferojmë Navasin në janar. Ka përfunduar gjithçka”, tha Giuntoli.

Keylor Navas tani është zgjedhja e dytë e trajnerit të PSG-së, Christophe Galtier, pasi që francezi preferon që në portën e klubit të tij të ketë italianin, Gianluigi Donnarumma.

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/