Një sistem i fortë imunitar ndihmon për të mbajtur një person të shëndetshëm. Një dietë e shëndetshme, e ekuilibruar, luan një rol jetësor.

Ushqimet e mëposhtme mund të ndihmojnë në forcimin e sistemit imunitar.

Boronica

Boronica ka veti antioksiduese, që mund të forcojnë sistemin imunitar. Boronica përmban një lloj flavonoid të quajtur anthocyanin, i cili ka veti antioksiduese, që mund të ndihmojnë në rritjen e sistemit imunitar të një personi. Studiuesit zbuluan se njerëzit që hanin ushqime të pasura me flavonoide, kishin më pak të ngjarë të merrnin një infeksion të traktit të sipërm respirator ose ftohje të zakonshme, në raport me të tjerët.

Çokollata e zezë

Çokollata e zezë përmban antioksidantë që ndihmojnë në forcimin e sistemit imunitar, duke mbrojtur qelizat e trupit nga radikalet e lira. Me gjithë përfitimet e mundshme, çokollata e zezë ka shumë kalori dhe yndyrë, kështu që është e rëndësishme ta hani në mënyrë të moderuar.

Brokoli

Brokoli është një burim i vitaminës C. Ai gjithashtu përmban antioksidantë të fuqishëm, siç është sulforafani. Për këto arsye, është një zgjedhje e mirë që duhet konsumuar rregullisht për të mbështetur sistemin imunitar.

Spinaqi

Spinaqi po ashtu është i rëndësishëm, pasi përmban shumë lëndë ushqyese thelbësore dhe antioksidantë, përfshirë: flavonoids, vitaminë C dhe vitamina E. Gjithashtu, studimet tregojnë se flavonoidet mund të ndihmojnë në parandalimin e ftohjes.

Speci i kuq

Nëse mendoni se agrumet kanë më shumë vitaminë C se çdo gjë tjetër, gaboheni. Specat e kuq përmbajnë dy herë më shumë vitaminë C se agrumet. Ata janë gjithashtu një burim i pasur i beta karotenit.

Përveç rritjes së sistemit tuaj imunitar, vitamina C mund të ndihmojë në mirëmbajtjen e lëkurës së shëndetshme. Beta carotene ndihmon në mbrojtjen e syve.

Bajamet

Kur bëhet fjalë për parandalimin dhe luftimin e ftohjes, vitamina E luan një rol të rëndësishëm. Bajamet janë të pasura me këtë vitaminë dhe kanë yndyrna të shëndetshme.

Mishi i shpendëve

Kur jeni të sëmurë, supa e pulës është më shumë sesa një ushqim i mirë. Ajo ndihmon në përmirësimin e simptomave të ftohjes dhe ju ndihmon të mbroni nga sëmundja, në radhë të parë. Shpendët si pula dhe gjeli i detit, janë të pasura me vitaminë B-6. Vitamina B-6 është një lojtar i rëndësishëm në shumë prej reaksioneve kimike që ndodhin në trup. Është gjithashtu jetike për formimin e qelizave të reja dhe të shëndetshme të gjakut.

Supa e bërë nga kockat e pulave të ziera përmban xhelatinë, kondroitinë dhe lëndë ushqyese të tjera, të dobishme për shërimin e zorrëve dhe imunitetin.

Farat e lulediellit

Farat e lulediellit janë plot me lëndë ushqyese, përfshirë fosfor, magnez dhe vitaminë B-6. Ato janë gjithashtu tepër të larta me vitaminë E, një antioksidant i fuqishëm. Vitamina E është e rëndësishme në rregullimin dhe mirëmbajtjen e funksionit të sistemit imunitar. Ushqime të tjera me sasi të lartë të vitaminës E përfshijnë avokadon dhe zarzavatet me gjethe të errëta.

Neuroplasticiteti është një koncept shkencor i cili përshkruan aftësinë e trurit për të rikonfiguruar veten dhe për të formuar lidhje të reja nervore. Kjo ndodh përmes rikonfigurimit të rrjetit të qelizave nervore dhe formimit të lidhjeve të reja në ndërtim të trurit. Këtë proces e bën truri gjatë tërë jetës, duke reaguar ndaj përvojave, mësimdhënies dhe ndryshimeve në mjedis.

Si ndikojnë përvojat dhe mësimi në neuroplasticitet:

Përvojat e reja dhe ndryshimet në mjedis mund të shkaktojnë ndryshime në strukturën e trurit. Për shembull, të mësuarit e një aftësie të re ose eksperienca emocionale e re mund të ndikojë në neuroplasticitetin. Studimet tregojnë se mësimi i një gjuhe të re ose mjeshtërimi i një instrumenti muzikor mund të çojë në ndryshime në tru dhe të rrisë neuroplasticitetin.

Rëndësia e neuroplasticitetit në rehabilitim dhe rimëkëmbje:

Pas një goditjeje apo dëmtimi cerebral, terapitë e personalizuara mund të përdorin neuroplasticitetin për të përmirësuar aftësitë motorike duke rikonfiguruar rrjetin e qelizave nervore. Ndihma e neuroplasticitetit në përmirësimin e funksioneve kognitive mund të shërbejë për të përmirësuar kujtesën dhe aftësinë e mësimdhënies.

Neuroplasticiteti na tregon se truri ynë është një organ i pashpjegueshëm i aftë të përshtatet dhe të zhvillohet përmes përvojave dhe mësimeve. Kjo njohuri sjell perspektiva të reja për trajtimin e dëmtimit cerebral, përmirësimin e aftësive kognitive, dhe kujdesin e përgjithshëm të trurit./UBTNews/

Me koronavirusin nëpër këmbë dhe me fillimin e sezonit të gripit dhe ftohjeve, me shumë mundësi jeni duke kërkuar për mënyra se si të ushqeheni sa më shëndetshëm, për të forcuar imunitetin.

Për ta mbajtur sistemin tuaj imunitar të fortë rol të rëndësishëm luan higjiena, gjumi dhe sigurisht një regjim ushqimor i ekuilibruar.

Rritja e konsumit të frutave dhe perimeve por edhe zvogëlimi i sheqerit të përpunuar, janë pjesë e një regjimi ushqimor të shëndetshëm dhe të ekuilibruar.

Dhe kur është fjala për imunitetin, vitamina C dhe probiotikët mund të ndihmojnë në shërimin nga infeksionet virale.

Vitamina C mbështet funksionin e sistemit imunitar dhe thithjen e hekurit, dhe për shkak se trupi juaj nuk prodhon ose ruan vitaminën C, marrja ditore përmes ushqimeve është një përparësi kryesore.

AgroWeb.org ju njeh me disa mënyra të thjeshta të cilat do t’ju ndihmojnë që të përfitoni sa më shumë vitaminë C nga ushqimet që konsumoni.

Konsumoni farat e shegës

Shegët janë të mbushura me fibra, proteina, vitaminë C, vitaminë K, folate dhe kalium.

Disa studime kanë konfirmuar se ato janë të larta në antioksidantë dhe se janë një anti-inflamator natyral.

Gjithashtu studimet bëjnë të ditur se konsumi i farave të shegës mund të ndihmojnë në uljen e presionit të gjakut, luftimin e kancerit të gjirit e të prostatës, në mbrojtjen kundër artritit, përmirësimin e kujtesës dhe në performancën stërvitore.

Shtoni manaferrat në vaktet tuaja

Manaferrat janë të pasura me vitaminë C, hekur dhe ju japin shumë energji.

Ato përmbajnë një antioksidant të quajtur zeaxanthin, i cili ju ndihmon të detoksifikoheni nga ekspozimi ndaj tymit.

Studimet kanë treguar gjithashtu se këto fruta mund të ndihmojnë në zvogëlimin e dhimbjeve që shkaktohen nga artrit, mbrojnë sytë dhe ulin rrezikun e sëmundjeve të zemrës.

Konsumoni mandarina dhe portokalle

Mandarinat dhe portokallet janë disa nga burimet më të mira të vitaminës C dhe janë të pasura me fitonutrientë të fuqishëm.

Studime të ndryshme kanë zbuluar se konsumi i tyre mund të zvogëlojë rrezikun e zhvillimit të kancerit të mëlçisë.

Plus, ato janë perfekte nësë shtohen në sallatë ose në ëmbëlsira të ndryshme.

Pini më tepër lëngje

Është e vështirë të marrësh sasinë e duhur të lëndëve ushqyese çdo ditë. Për këtë arsye ekspertët rekomandojnë që midis vakteve ose pas stërvitjes, të konsumoni lëngje të shtrydhura, të cilat janë shumë të dobishme në forcimin e imunitetit tuaj.

Konsumoni më tepër lakër Brukseli, brokoli dhe spinaq

Nuk janë vetëm agrumet dhe manaferrat ato që ju japin më tepër vitaminë C.

Lakrat e Brukselit, brokoli dhe spinaqi janë gjithashtu burime të forta të vitaminës C.

Ju mund t’i shtoni ato jo vetëm në sallatë por edhe nëpër receta të ndryshme gatimi, në mënyrë që të përfitoni sa më tepër vitaminë C./AgroWeb.org

Është normale që duart të jenë të ftohta kur jeni jashtë në dimër ose në një ambient të ftohtë. Por kur kjo ndjenjë ju shoqëron gjithnjë atëherë trupi juaj mund të jetë duke ju diktuar diçka tjetër.

AgroWeb.org ju njeh me pesë nga shkaqet më të zakonshme të ftohjes së duarve, kur ia vlen të telefononi mjekun dhe çfarë mund të bëni për të luftuar të ftohtin.

Sindroma e Raynaud

Duar shumë të ftohta, të zbehta ose ta mpira në përgjigje të temperaturave të ftohta mund të jenë një shenjë e sëmundjes së Raynaud.

Gjendja bën që enët e gjakut në duar dhe gishta të ngushtohen, duke çuar në ulje të rrjedhjes së gjakut.

Sulmet e Raynaud shpesh godasin kur një person përjeton një ndryshim të shpejtë të temperaturës, si hyrja në një ndërtesë me ajër të kondicionuar ose ecja në pjesën frigoriferike të supermarketit.

Trajtimi shpesh përfshin shmangien e shkaktarëve si edhe ngrohjen e duarve.

Për simptoma më të rënda që shkaktojnë dhimbje, mund të ndihmojnë medikamentet orale ose kremrat.

Ju keni diabet

Njerëzit me neuropati shpesh e përshkruajnë ndjenjën si një mpirje, ndjesi shpimi gjilpërash ose një djegie të dhimbshme në duart e tyre.

Ndonjëherë gjendja mund të shkaktojë gjithashtu një ndjesi therjeje ose pulsimi.

Menaxhimi i diabetit dhe jetesa e shëndetshme, si arritja e një peshe të shëndetshme, presioni i gjakut në vlera normale, stërvitja e rregullt dhe marrja e medikamenteve të diabetit, mund të ndihmojnë në ngadalësimin ose ndalimin e përparimit të neuropatisë.

Dëmtimi nervor që ka ndodhur tashmë nuk mund të rikthehet. Por dhimbja e neuropatisë mund të menaxhohet me një kombinim të ilaçeve dhe terapisë fizike.

Ju keni anemi

Nëse duart ose këmbët tuaja janë jo vetëm të ftohta por në to ndjeni lodhje ose dobësi ekstreme, lëkurë të zbehtë dhe keni marramendje, mund të keni anemi.

Anemia ndodh kur gjaku ka mungesë të qelizave të kuqe dhe kjo shkaktohet më shpesh nga mungesa e hekurit.

Ngrënia e ushqimeve të pasura me hekur por edhe marrja e suplementeve mund të ndihmojë.

Hipotiroidizmi

Hipotiroidizmi është një tjetër shkak i zakonshëm i duarve të ftohta.

Gjendja ndodh kur tiroidja nuk prodhon mjaftueshëm hormone, të cilat mund të ngadalësojnë ritmin e funksioneve metabolike të trupit.

Kjo mund ta bëjë një person më të ndjeshëm ndaj temperaturave të ftohta, si dhe të shkaktojë simptoma të tjera si shtim në peshë, lodhje, dhimbje nyjesh ose muskujsh, lëkurë të thatë, flokë të holluar dhe madje edhe ndryshime humori.

Në shumicën e rasteve, thjesht marrja e hormonit sintetik të tiroides në formën e një pilule të përditshme mund t’ju ndihmojë.

Merrni medikamente të caktuara

Pilulat e kontrollit të lindjes, ilaçet për të ftohurin dhe alergjitë, ilaçet e migrenës, ilaçet për presionin e lartë të gjakut dhe disa ilaçe të kimioterapisë, mund të shkaktojnë sindromën dytësore të Raynaud-it. Për këtë këshillohet të flisni me mjekun tuaj./AgroWeb.org