Sport

Dortmund synon rinovimin me Haaland

Erling Haland pritet që të qëndrojë në Dormtund së paku dhe për një sezon tjetër.

Published

3 years ago

October 7, 2021

Betim Gashi

21-vjeçari është në qendër të vëmendjes për një lëvizje të mundshme në merkaton e vitit të ardhshëm, referuar dhe një klauzole që e lejon sulmuesin të largohet për një shifër prej 75 milionë euro, megjithatë lëvizjet e fundit të Dortmund mund ta bindin sulmuesin që të qëndrojë në Signal Iduna Park.

Me rendimentin e treguar te verdhezinjtë, shumë skuadra në Europë kanë nisur interesimin konkret, megjithatë e ardhmja e Haaland mund të marrë një tjetër drejtim, pasi Dortmund është gati që t’i rinovojë kontratën futbollistit me kushte të përmirësuara. Fituesit e Kupës së Gjermanisë janë gati që ti ofrojnë 15 milionë euro në sezon 21-vjeçarit, gati 2-fishin e pagës aktuale.

Për Haaland interesim konkret ka dhe Manchester City dhe Liverpool që e shohin shtatlartin si një futbollist që do i ndihmonte në luftën për titull në Premier League. PSG po ashtu e sheh norvegjezin si një opsion për të pasuar Kylian Mbappe i cili sezonin e ardhshëm do të largohet nga Parisi.

Këtë edicion Haaland ka shënuar 7 gola në 5 ndeshjet që është aktivizuar në kampionat, ndërsa ka munguar në ndeshjet e fundit për shkak të një shqetësimi fizik. Haland konsiderohet si një prej talenteve më të medhenj të futbollit dhe Dortmund do të bëjë çmos për të mos humbur shërbimet e 21-vjeçarit së paku dhe për një edicion tjetër.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

3 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

3 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

3 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.