Lajmet

Dodiku kërcënon NATO-n, i gatshëm edhe për konflikt të armatosur në Bosnjë

Dodik deklaroi mbrëmë se ata janë gati për konflikte të armatosura në BeH në Republikën Srpska.

Published

4 years ago

on

Anëtari serb i Presidencës së Bosnjë e Hercegovinës, Millorad Dodik deklaroi mbrëmë se ata janë gati për konflikte të armatosura në BeH në Republikën Srpska dhe se në rast të një skenari të tillë, ata do t’i thërrasin miqtë për t’i mbrojtur, shkruan agjencia kroate e lajmeve, Index.hr.

“Nëse është e nevojshme, ne do të mbrohemi me forcat tona. Nëse ata vijnë për të thënë se NATO do të ndërhyjë, ne do të kërkojmë ndihmën e miqve tanë të cilët na thanë qartë dhe me zë të lartë se ata kurrë nuk i lënë shokët e tyre të ngecur”, tha Dodik në një intervistë për Televizionin RS.

Ai nuk shpjegoi saktësisht se cilët miq të huaj i kishte në mendje.

Dodik njoftoi më parë se ai së shpejti do t’i jepte disa propozime lidhur me forcat e armatosura në RS, agjencitë e sigurisë shtetërore dhe organet gjyqësore.

Edhe pse ai kishte thënë se kjo do të thoshte vetëm “forcim i pavarësisë së RS brenda BeH”, ai tani pohoi se qëllimi është “ndarja paqësore” dhe se ishte i bindur se ushtria e BeH nuk do të reagonte ndaj kësaj.

“Unë e di se asnjë serb në forcat e armatosura nuk do të pranojë të angazhohet ushtarakisht kundër Republikës Srpska. Unë besoj se shumica e kroatëve nuk do ta bënin këtë”, tha Dodik.

Dy anëtarët e tjerë të Presidencës së BeH, Zheljko Komshiq dhe Shefik Xhaferoviq iu përgjigjën njoftimeve secesioniste të Dodikut me një paralajmërim se zbatimi praktik i planeve të tilla do të çonte në një përgjigje vendimtare.

“Nëse nuk ka reagim nga bashkësia ndërkombëtare, forcat shtetërore (BeH) do të reagojnë, me çdo kusht, sepse shpërbërja nuk është në pyetje. Ndarja e një grushti të Bosnjë e Hercegovinës nuk do të lejohet. Kjo gjë që do të prodhonte pasoja”, thuhet në deklaratën e përbashkët të lëshuar në media nga Komshiq dhe Xhaferoviq.

Related Topics:
Continue Reading

Lajmet

Ambasada amerikane: Familjet e të zhdukurve meritojnë informacion të plotë për fatin e më të dashurve të tyre

Published

57 minutes ago

on

April 28, 2025

By

E ngarkuara me Punë në ambasadën e SHBA-së në Kosovë, Anu Prattipati, bëri homazhe te memoriali kushtuar personave të zhdukur.

“Ambasada amerikane është e përkushtuar të mbështesë të vërtetën, drejtësinë dhe përpjekjet për pajtim”, thuhet në postimin e ambasadës.

Më tutje, ambasada thekson se familjet meritojnë informacion të plotë për fatin e më të dashurve të tyre.

Continue Reading

Lajmet

Pesë të lënduar në aksidentin mes pesë veturave në magjistralen Mitrovicë-Prishtinë

Published

1 hour ago

on

April 28, 2025

By

Pesë persona kanë pësuar lëndime trupore si pasojë e aksidentit në magjistralen Mitrovicë-Prishtinë. Mes tyre ishte e përfshirë edhe një veturë e Policisë.

Lajmin e ka konfirmuar për “Betimi për Drejtësi“, Flora Ahmeti, zëdhënëse e Policisë për rajonin e Prishtinës.

“Sot rreth orës 07:30 kemi pranuar informatën se në rrugën Mitrovicë-Prishtinë, ka ndodhur një aksident trafiku me lëndime. Në këtë aksident kanë qenë të përfshira 5 automjete ( prej tyre një automjet i policisë). Si pasojë e aksidentit janë lënduar pesë persona. Me rastin po merret njësiti i trafikut rajonal”, tha Ahmeti.

Continue Reading

Lajmet

Narkotikë të konfiskuar në Suharekë, një person arrestohet

Published

1 hour ago

on

April 28, 2025

By

Policia e Kosovës ka njoftuar se të dielën, në rrugën “Brigada 123” në Suharekë, gjatë kontrollit të një veture kanë gjetur substanca narkotike.

Gjatë kontrollit në veturën e një të dyshuari, shtetas i Kosovës, janë konfiskuar dy pako rizlla, një mulli për bluarje (grinder) dhe një qese plastike që përmbante substancë të dyshuar narkotike të llojit marihuanë, me peshë 6.91 gram.

I dyshuari është arrestuar dhe pas intervistimit, me vendim të prokurorit, është liruar në procedurë të rregullt.

Continue Reading

Lajmet

Aksident me fatalitet në Gjakovë, humb jetën një person

Published

3 hours ago

on

April 28, 2025

By

Policia e Kosovës ka njoftuar se të dielën në fshatin Vogovë të Gjakovës ka ndodhur një aksident trafiku me pasojë vdekjen e një personi.

Sipas njoftimit, një shtetas i Shqipërisë, duke drejtuar automjetin, dyshohet se nga pakujdesia ka humbur kontrollin dhe ka shkaktuar vetaksident. Si pasojë, drejtuesi i automjetit ka humbur jetën në vend, ndërsa vdekja e tij është konstatuar nga ekipi mjekësor.

Në aksident janë lënduar edhe tre pasagjerë, shtetas të Shqipërisë, të cilët po trajtohen në spitalin e Gjakovës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është duke u hetuar.

Continue Reading

Të kërkuara