Sport

Djali i Michael Schumacher i futet garës së Formula 1

Published

4 years ago

December 2, 2020

Betim Gashi

Tashmë zyrtarisht Mick Schumacher do t’i futet garës së Formula 1 në sezonin e ardhshëm dhe ai do pilotoj makinën amerikane Haas.

Mick është djali i shtatë herë kampionit të botës në Formula 1, Michael Schumacher dhe aktualisht është duke garuar me Prema në Formula 2. Gjithashtu, ai është pjesë e Akademisë Ferrari, gjë që është duke ndjekur hapat e babait të tij, që është në gjendje shumë të rëndë shëndetësore.

Makina me të cilën do të pilotoj 21 vjeçari, përdor motor Ferrari, ndaj edhe ky kalim në Formula 1 ishte i pritshëm, kësisoj Mick Schumacher, pritet të ambientohet shpejtë në Formula 1, marrë parasysh makinën me të cilën do të debutoj.

Më 29 dhjetor 2013, babai i Mick, Michael Schumacher pësoi aksident të rëndë me ski. Rrëzimi në Meribel të Francës i shkaktoi lëndim të rëndë në kokë, për të cilin u operua 2 herë. Ai mbeti në gjendje kritike me muaj dhe iu deshtën 254 ditë për të lënë spitalin. Familja vendosi ta zhvendoste dhe ta linte shërbimin mjekësor spitalor për në shtëpi, në Lozanë të Zvicrës.

Nuk dihet shumë për gjendjen e tij, dhe nga atëherë e deri më sot nuk ka asnjë lajm të sigurt. Shtatë herë kampioni i Formulës 1 ka qenë gjithmonë tip i mbyllur kur vinte puna te jeta private, kështu që familja Schumacher vendosi të mbante një qasje të rezervuar dhe shumë strikte me mediat.

Edhe pse pa komunikime zyrtare në gjashtë vitet e fundit, gjendja shëndetësore e Schumacher, i cili mbush 52 vjeç vitin e ardhshëm, konsiderohet si lajmi më i mirëruajtur i botës sportive./UBTNews

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.