Sport
Ditë kyçe për Barcelonën në afatin e transferimeve
Barcelona po përjeton momente të tensionuara në merkato, ndërsa oferta e Chelseat për mesfushorin Fermin Lopez ka ndezur debat të fortë brenda klubit katalanas. Megjithatë, trajneri Hansi Flick ka vendosur një kusht të qartë: klubi mund të autorizojë largimin e mesfushorit vetëm pasi sigurohet ardhja e një qendërmbrojtësi me këmbë të majtë.
Pas largimit të Inigo Martinez te Al Nassr, trajneri konsideron thelbësore përforcimin e këtij pozicioni për të stabilizuar mbrojtjen. Flick beson se një partneritet i fortë midis Pau Cubarsit dhe një mbrojtësi me këmbë të majtë do të përmirësojë jo vetëm mbrojtjen, por edhe posedimin e topit.
Performanca e pasigurt e Ronald Araujos në dy ndeshjet e para të La Ligës, edhe pse Barça fitoi, ka theksuar nevojën për një përforcim të këtij pozicioni. “Nuk mund të humbasim një mesfushor kyç pa siguruar më parë një mbrojtës që ofron garanci,” thuhet të ketë thënë Flick në bisedat me bordin drejtues.
Klubi po vlerëson tre kandidatë kryesorë për këtë pozicion:
Gonçalo Inacio (24 vjeç), portugez i Sporting Lisbonës, i njohur për shkathtësinë dhe mundësinë të luajë edhe si mbrojtës i krahut. Kontrata e tij skadon në 2027, ndërsa këtë sezon ka dhënë dy asistime dhe ka luajtur për kombëtaren portugeze.
Murillo (23 vjeç), mbrojtës brazilian i Nottingham Forest, me kontratë deri në 2029. Ai ka luajtur titullar në dy ndeshjet e para të Ligës Premier dhe konsiderohet si një talent në rritje.
Castello Lukeba (22 vjeç), francez nga RB Leipzig, gjithashtu me kontratë deri në 2029. Ai ka treguar soliditet dhe potencial në dy ndeshjet e para të Bundesligës këtë sezon.
Situata ekonomike dhe kufizimet e “fair play financiar” e komplifikojnë çdo transferim të menjëhershëm. Barcelona duhet të përputhet me rregullin 1:1 në pagat përpara se të regjistrojë lojtarë të rinj.
Nëse nuk arrihet një marrëveshje për përforcime, Flick po shqyrton alternativa të brendshme, përfshirë zhvendosjen e Gerard Martin në mbrojtjen e majtë ose promovimin e talenteve nga skuadra rezervë si Andrés Cuenca dhe Alvaro Cortes.
Drejtori sportiv Deco do të ketë fjalën përfundimtare mbi strategjinë, duke vendosur nëse Barça do të marrë rreziqe në këtë afat kalimtar apo do të presë dimrin për të vepruar me më shumë fleksibilitet.
Afati kalimtar i verës mbyllet më 1 shtator, dhe orët e fundit para tij parashikojnë një garë intensive në Camp Nou.
UBT dhe Coursera nisin partneritet strategjik për avancimin e arsimit dhe punësimit në Kosovë dhe Ballkanin Perëndimor
EO: Ish-kryeshefi i KEK-ut Nagip Krasniqi në sallën e gjyqit për akuzat për keqpërdorim të detyrës zyrtare
BBC: SHBA-ja dhe Irani zhvillojnë bisedime, ndërsa rritet presioni për marrëveshjen bërthamore
Luvri me drejtues të ri pas grabitjes së stolive mbretërore
Vdes një banor i Entit Special në Shtime
Sot vetëm dy raste të dhunës në familje
Plot punë për policinë, raste të shumta anekënd Kosovës
Përcaktohen 16 ekipet e fazës së 1/8 në Ligën e Kampionëve
Në Shpellën e Akullit u gjetën baktere rezistente ndaj 10 llojeve të antibiotikëve
-
Aktualitet3 months agoMe shumicë votash, Vesa Shatri zgjidhet Kryetare e re e Këshillit Studentor të UBT-së
-
Lajmet nga UBT3 months agoNjohja me proceset profesionale televizive, vizita e studentëve të Media dhe Komunikim në Klan Kosova
-
Vendi2 months agoDizajneri grafik Berin Hasi ligjëron për studentët e Dizajnit të Integruar në UBT
-
Rajoni2 months agoProfesori i UBT-së, Hazir S. Çadraku dhe bashkëpunëtorët publikojnë artikullin “Historia e Mbrojtjes së Shpellës në Kosovë” në SpeleoMedit Magazine