Sport

Ditë jo e mirë për Chelsean, shkatërrohet si vendas nga Brentfordi

Skuadra e Brentfordit si mysafirë ka arritur ta shkatërrojë Chelsean me rezultat 4:1.

Published

3 years ago

April 2, 2022

UBT news

Ka përfunduar ndeshja mes kampionit evropian Chelsea dhe skuadrës së Brentfordit, ku ky i fundit ka arritur të befasojë nikoqirët dhe të arkëtojë pikët e plota.

Pas pot 90’ minutave lojë të zhvilluara në stadiumin “Stamford Bridge”, skuadra e Brentfordit si mysafirë ka arritur ta shkatërrojë Chelsean me rezultat 4:1.

Fillimisht, ishte kampioni evropian Chelsea ai i cili e zhbllokoi rezultatin i pari përmes golit të shënuar nga mbrojtësi gjerman Antonio Rudiger në minutën e 48’.

Ndërkaq, gëzimi i skuadrës së Thomas Tuchel zgjati vetëm dy minuta, pasi që në minutën e 50’ mesfushori Janelt arrin ta barazojë rezultatin për Brentfordin në 1:1.

Brentfordi nuk u ndal me kaq, ku arriti të gjej golin e dytë dhe të epërsisë prej 2:1 përmes yllit danez Christian Eriksen në minutën e 54’ të ndeshjes.

Skuadra mysafire arriti të shënojë edhe dy gola të tjerë, ku ishte përsëri Janelt ai i cili shënoi në minutën e 60’ për 3:1, ndërsa golin e fundit të ndeshjes e shënoi sulmuesi Wissa, i cili shënon në minutën e 85’ për rezultatin final 4:1.

Me pikët e reja, Brentfordi ngjitet në pozitën e 14 në tabelë me gjithsej 33 pikë, krahas Chelseat që renditet në vendin e tretë me 59 pikë të arkëtuara.

Rezultati final i ndeshjes është 4:1 në favor të Brentfordit.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.