Lajmet

DITARI: Çfarë lajmesh kemi lexuar në çdo 30 mars, në vitet nëntëdhjetë

Published

6 months ago

on

30 mars 1993

Lajmet kryesore:

Safet Zhulali në Bruksel;

Policia financiare serbe mbyll lokalet e shqiptarëve;

Sami Repishti rreth përvjetorit të parë të demokracisë në Shqipëri;

Ushtrime të ushtrisë serbe në Padalishtë dhe Çitak;

Në Vushtrri u bastisën dy familje;

Austria bllokon kontot private të “jugosllavëve”;

Në Prishtinë u paraburgosën katër doganierë;

Revista “Fjala” botoi tetë tituj;

Drojë nga lufta serbe në Kosovë;

Gazeta serbe akuzon Misionin e KSBE-së në Kosovë;

Mllef i opinionit sportivo-politik të Serbisë;

Arkani apelon për themelimin e qendrave të forta serbe në Kosovë.

 

“Newsweek” paralajmëron bombardimin amerikan të pozicioneve ushtarake serbe

Sipas revistës amerikane “Newsweek” SHBA-të janë përgatitur për të bombarduar caqet ushtarake të serbëve të Bosnjës, njofton “Suddeusche Zeitung” dhe “Die Ëelt”. Në këtë mënyrë amerikanët dëshirojnë t’i detyrojnë serbët të pranojnë planin e Vensit dhe Ouenit. “Neësëeek” lajmëron se presidenti Klinton e ka njoftuar Ministrin e Mbrojtjes që të përshpejtoj hartimin e planit për bombardimin e pozicioneve të njësive të partizanëve serb. Njoftohet se shefi i Shtabit Gjeneral i Ushtrisë Amerikane, Col Poëell lidhur me këtë aksion javën e kaluar ka biseduar edhe me ministrin e Punëve të Jashtme të Anglisë, Dagllas Herdin. Herd ka kërkuar që në një rast të këtillë duhet paraprakisht të tërhiqen forcat e OKB-së nga Bosnja. Sipas “Die Ëelt”, presidenti Klinton kërkesën për bombardimin e njësive serbe e arsyeton me faktin se kështu do t’i detyronte serbët t’i ndalin pushtimet dhe të pranojnë planin paqësor.

 

30 mars 1994

 Lajmet kryesore:

BBC dhe “Zëri i Amerikës” për vizitën e Berishës në Angli;

Për shkollat në Kosovë 4 prilli – ditë pushimi;

Marrëveshja tregtare Shqipëri-Austri;

Hydajet Hyseni: “Bujku” ruajti ekuilibrin;

Komiteti për Kosovën në Itali kërkon rihapjen e institucioneve dhe të shkollave shqipe në Kosovë;

Një delegacion i Parelamentit Evropian bisedon në Beograd edhe për Kosovën;

Në Dragash socialistët serbë po formojnë policinë e vet;

U arrit marrëveshja për vendosjen e paqes në Krainë të Kroacisë;

Në turneun e shahut “Kosova ’94” – Ademi mundi F.Bujupin;

U shty gjykimi i dr.Zekeria Canës;

Serbët protestuan kundër shitjes së pronave shqiptarëve.

 

 Represioni i policisë serbe në Kosovë

Gjilan: – Më 26 mars rreth orës 7, nën pretekst të kërkimit të armëve, policia serbe arrestoi Agim Elezin dhe Afrim Salihun nga Livoçi i Poshtëm i Gjilanit. Afrimi dha një revole, kurse nga Agimi policia kërkonte një automatik dhe një revole, të cilat ai thotë se nuk i ka. Agim Elezi u rrah brutalisht në stacionin e policisë në Gjilan. Ai është liruar me kusht që të paraqitet sërish në polici.

Në Haxhaj, pardje rreth orës 15, policia serbe, nën pretekst të kërkimit të armëve, mori vëllezërit Nexhip, Imri dhe Metush Zeqirin. Nexhipi u dërgua në stacionin e policisë në Gjilan, ndërsa Imriu e Metushi u liruan, por Metushit i urdhëruan që të paraqitet sërish në stacionin e policisë në Gjilan.

Në Livoç të Epërm, pardje rreth orës 10, policia serbe kërkoi Nazmi Kurteshin. Ai nuk gjendej në shtëpi dhe policët atë e takuan në rrugë dhe e sollën në shtëpi tek i cili u gjet një pushkë dhe një revole. Nazmiun e dërguan në stacionin e policisë në Gjilan dhe u mbajt deri në mbrëmje. Atij iu dha urdhëri për t’u paraqitur sërish në polici.

Më vonë polica serbe bastisi edhe familjet e vëllezërve të Nazmiut, Bahti e Avdi Kurteshit, të cilët në stacionin e policisë në Gjilan janë rrahur brutalisht.

Në Kmetovc dje rreth orës 10, nën pretekst të kërkimit të armëve, u arrestua Muharrem Latifi, anëtar i kryesisë së Aktivit të të LDK-së. Muharremi është ish i burgosur i ndërgjegjës.

U arrestua edhe Abdylqerim Latifi, i cili u dërgua në stacionin e policisë në Gjilan.

Ramadan Azemi, kryetar i Nëndegës së LDK-së nga Kishnapola u arrestua dje rreth orës 12, në vendin e punës. Bashkë me Ramadan Azemin policia shkoi në Sllakovc të Epërm dhe arrestoi Berat Ramabajën, anëtar i Kryesisë së Nëndegës dhe pasi bastisi familjet e tyre, i dërgoi në stacionin e policisë në Gjilan.

Shkaku i arrestimit të këtyre dy aktivistëve tash për tash nuk dihet.

Mitrovicë: – Dje, rreth orës 9 të mëngjesit, policia serbe shkoi në ambulancat popullore “Sami Beqiri” dhe “Nënë Tereza” në Mitrovicë, mori në pyetje Musa Ademin, kurse në polici e dërgoi dr. Adem Nurën dhe kryeteknikun Fazli Ahmetin. Njoftohet se policia serbe plaçkiti një sasi të konsiderueshme medikamentesh dhe 1.200 marka gjermane në ambulancën “Sami Beiqiri”.

Dr.Adem Nura po mbahet ende në arrest.

Podujevë: – Dje rreth orës 7 të mëngjesit, policia serbe bastisi familjen e Behram Blakçorit në Podujevë, ku gjeti një revole.

Më 24 mars rreth orës 16, një ekspeditë e policisë serbe bastisi familjen e Hamit Rrmokut në Batllavë të Podujevës. Policët disa herë po e kërkojnë Gani Rrmokun në vend të vëllait të tij Nexhmi Rrmokut për ta dërguar në ushtrinë serbe.

Njoftohet se Hamit Rrmoku u rrah brutalisht.

Prizren: – Parmbrëmë rreth orës 18, policia serbe bastisi familjen e Halit Qenajt në Romajë të Prizrenit. Policia në fillim kërkonte Vehbi Romajën, kurse më vonë gjatë bastisjes kërkoi edhe tri revole.

Bëhet me dije se gjatë bastisjes policia në këtë familje thyejti e demoloi shumë orendi.

Pejë: – Pardje, rreth orës 12, policia serbe e Ozdrimit, nën pretekst të kërkimit të armëve bastisi familjet e Bajram Rexhajt dhe të Ismail Elezajt në Jabllanicë të Vogël të Pejës. Gjatë bastisjes, policët u sollën me vandalizëm duke thyer e demoluar shumë orendi. Bëhet me dije se policia serbe në oborrin e tij rrahu brutalisht Bajram Rexhajn, si dhe ia vranë një qen. Pas bastisjes, policia urdhëroi Bajram Rexhajn dhe Ismail Elezajn që të paraqiten në stacionin e policisë, si dhe t’i dorëzojnë nga dy revole dhe nga një automatik, me të cilat armë personat e lartëshënuar nuk disponojnë.

Ndërkaq, në stacionin e policisë në Qallapek, nën pretekst të dorëzimit të armëve u ftuan Niman Loshi e Florim Malushaj nga Kotradiqi dhe Qazim Berisha nga Qallapeku. Personat e lartëshënuar ishin në polici dhe deklaruan se nuk disponojnë me kurrfarë arme. Ata sërish u ftuan që të paraqiten në të njëjtin stacion për dje, kurse Qazim Berisha u urdhërua që të lajmërohet në SPB të Pejës.

Vushtrri: – Dje rreth orës 6, policia serbe nën pretekst të kërkimit të armëve, bastisi familjen e Hamdi Begut në Shilovicë të Vushtrrisë. Gjatë bastisjes, policët thyen e demoluan shumë orendi, kurse Hamdiun e rrahën deri në alivanosje. Pas bastisjes, ashtu të rrahur rëndë, policët e dërguan Hamdi Begun në stacionin e policisë në Vushtrri, ndaj të cilit vazhduan të sillen sërish me rrahje brutale, ndërkaq kundër tij u përdori edhe kaska elektrike.

Dje, tre policë serbe së bashku me komandantin famëkeq, Vuçina Janiqijeviç, bastisën familjet e Daut A.Maxhunit, Dalip Maxhunit dhe atë të Ismail R.Maxhunit në fshatin Maxhunaj të Vushtrrisë.

Viti: – Pardje rreth orës 8, policia serbe mori në shtëpinë etij Ajet Shabiun nga fshati Gjylekar i Vitisë, i cili në stacionin e policisë në Viti u mbajt rreth dy orë. Ajet Shabiu dorëzoi një revole.

 

30 mars 1995

Lajmet kryesore:

Demonstratë madhështore e shqiptarëve në Uashington në përkrahje të pavarësisë së Kosovës;

Kryesia e Lidhjes Demokratike të Malit të Zi mbështet demonstratat e shqiptarëve;

Në Grejkoc të Suharekës gjendja vazhdon të jetë e tensionuar;

Në Prishtinë dy persona të maskuar bastisën familjen e Ibrahim Rrahmanit;

Një civil serb sulmoi gazetarin Gani Kosumi;

Policia sërish ndërhyri në gjimnazin “Muharrem Bekteshi” në Vushtrri;

Në Podujevë Nasuf Krasniqit iu mor banesa;

Katër marinarë malazez në arrest për shkak se deshën të “kontrabandojnë” tre shqiptarë nga Kosova;

Mot i ftohtë dhe me borë në Kosovë.

 

 

30 mars 1998

Edicioni i parë (Ora 11:30):

Himë Haradinaj u varros mbrëmë

 

Prishtinë, 30 mars (QIK)

Varrimi i Himë Rasim Haradinajt (17), nga Gllogjani i Deçanit, u bë mbrëmë.

Ndonëse qe njoftuar se varrimi i tij do të bëhet sot në orën 14, Komisioni për Informim i Degës së LDK-së në Deçan njofton se u varrimin e Himës e bëri mbrëmë familja e tij.

Siç dihet, trupi i pajetë i Himë Haradinajt, që u vra më 24 mars gjatë sulmit serb mbi Gllogjan, u gjet dje në malet e fshatit Shaptej, në afërsi të liqenit akumulues të Radoniqit.

 

Parakalime të forcave ushtarake në Gjinoc në Suharekës

Edicioni i dytë (Ora 15:00):

Dr. Zejnullah Rrahmani: Për arsimin në Skënderaj nuk ka arritur asnjë metelik;

Fillon mësimi në dy shkollat e mesme të Gllogocit;

Dëshmi për Kosovën në Universitetin Kolumbia të Nju Jorkut;

Oto Habsburg: Serbët i bazojnë kërkesat në betejën e humbur të Kosovës;

Geremek: Frikë nga lufta në Kosovë;

Këshilli i Ministrave të Unionit Evropian sot debaton për Kosovën;

Zyrtarët e Malit të Zi rreth çështjes së Kosovës;

Mitrovicë: Ndërhyrje e policisë në lagjen Tavnik;

Forca policoro-ushtarake shkuan drejt Dubovcit të Vushtrrisë;

Bajram Gërguri (12) u lëndua nga shpërthimi i një lënde të panjohur eksplozive;

Lëvizje të policisë në relacionin Skënderaj-Mitrovicë;

Kërkohet Mihrije F. Jashari me dy vajzat e saj;

Kadare: Shqiptarët duhet ndarë nga serbët;

Dje në Malishevë u varros profesor Sokol Kryeziu;

Një ekspeditë policore keqtrajtoi disa qytetarë në Malishevë.

 

Edicioni i tretë (Ora 19:00):

Forcat serbe fusin frikë e panikë në mesin e popullsisë së fshatit Dubovc;

Ekspeditë e policisë serbe në lagjen Tavnik të Mitrovicës;

Forca ushtarake serbe u stacionuan në Grykën e Shalës të Lipjanit;

Vazhdon aksioni Ulqini për Kosovën.

Foto: Gllogjani

Related Topics:
Continue Reading

Lajmet

Vonohet seanca e Kuvendit të Kosovës, punimet nuk nisën as pas më shumë se një ore e gjysmë vonesë

Published

1 hour ago

on

September 28, 2026

By

Seanca plenare e Kuvendit të Kosovës, e cila ishte caktuar të niste sot në orën 11:00, ka pësuar vonesë të dukshme dhe nuk ka filluar punimet as pas më shumë se një ore e gjysmë nga orari i paraparë.

Sipas rendit të ditës, deputetët pritej të mblidheshin për të shqyrtuar disa pika me rëndësi, përfshirë miratimin e Deklaratës lidhur me Aktgjykimin e Dhomave të Specializuara të Kosovës, zgjedhjen e nënkryetarit të Kuvendit nga radhët e PDK-së, si dhe formimin e komisioneve parlamentare.

Megjithatë, mbajtja e seancës është zvarritur për shkak të mungesës së kuorumit dhe mospranisë së mjaftueshme të deputetëve në sallën e Kuvendit në orarin e caktuar, si dhe nga takimet e konsultimet e minutave të fundit ndërmjet grupeve parlamentare. /E.A/

Continue Reading

Lajmet

Taylor Swift hyn në histori si artistja më e suksesshme e “MTV VMA”, ndërsa Madonna fiton çmimin e vitit

Published

1 hour ago

on

September 28, 2026

By

Taylor Swift është shpallur artistja më e suksesshme në historinë e ndarjes së çmimeve MTV Video Music Awards, pasi fitoi çmimin kryesor “Videoja e Vitit” gjatë mbrëmjes së të dielës.

Këngëtarja hyri në këtë mbrëmje me barazim me Beyoncé me nga 30 fitore gjithsej, por mori çmimin më të rëndësishëm të natës për videoklipin e këngës saj “The Fate of Ophelia”, e cila është pjesë e albumit të saj të vitit 2025, The Life of a Showgirl.

Nga ana tjetër, Mbretëresha origjinale e Pop-it, Madonna, u shpall “Artistja e Vitit”, si dhe rrëmbeu çmimet “Kënga më e mirë Dance” dhe “Bashkëpunimi më i mirë” përkrah Sabrina Carpenter. Çmimet i fituan me hitin “Bring Your Love”, që ishte edhe singli kryesor nga albumi i Madonnës i vitit 2026, Confessions II.

Gjithashtu, Swift u nderua me çmimin e parë inaugurues për “Regjinë Artistike” (Artist Director), pasi ka shkruar dhe đạoijuar vetë videoklipin me stil teatror e shkëlqyes të këngës “Ophelia”.

Continue Reading

Lajmet

Ditari: Lajmet kryesore që shënuan datën 28 shtator 1993-1998

Published

2 hours ago

on

September 28, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

 

28 shtator 1993

 

Iu vu dryni konviktit në nxënësve në Prishtinë

 

Gazeta “Bujku” njofton sot se konviktit të nxënësve në Prishtinë, iu vu dryni.

Sallah Ademi, drejtor i konviktit “Miladin Popoviq”, deklaroi se autoritetet e instaluara serbe në komunën e Prishtinës, po bëjnë përgatitje për meremetimin e konviktit dhe vendosjen e nxënësve serbë në të. Më 30 gusht 1991, konvikti ishte planifikuar për refugjatët serbë, por pasi për ata gjetën zgjidhje më të mira, ai vendim nuk u zbatua. Z. Ademi tha se 300 nxënës shqiptarë kanë paraqitur kërkesë për t’u vendosur në këtë konvikt. Mirëpo, në fillim të tetorit, ai do të jetë i gatshëm vetëm për serbët.

Një konvikt tjetër për shkollat e mesme, përballë Fakultetit Juridik, disa vite më parë është shndërruar në stacion të policisë.

 

 

28 shtator 1994

 

Policia serbe pengon mësimin shqip në Ferizaj

 

Policia e Ferizajt ka sforcuar trysnitë mbi shkollën shqipe. Në dy rastet policët morën rolin e inspektorëve të arsimit dhe u futën edhe në orët e mësimit. Më 21 shtator, derisa po mbante në oborrin e shkollës “Gjon Serreçi” orën e edukatës fizike, policët arrestuan Fahri Jasharin, të cilin pastaj në stacionin policor e kërcënuan me thikë rreth një orë, duke i thënë që herave të tjera për çdo dalje në oborr duhet të kërkojë leje nga policia.

Edhe të premten, më 23 shtator, rreth orës 14, tre policë hynë në një mësonjëtore të një punkti privat të shkollës së mesme ekonomike “Faik Konica”, në rrugën “Pleshina” dhe legjitimuan arsimtarët Xhevat Aliu dhe Rexhep Shabani, dhe provokuan nxënësit e një klase të maturantëve njëzet minuta. Arsimtarët Xhevat Aliu e Rexhep Shabani, të premten u morën në pyetje edhe në stacionin policor të Ferizajt.

Të enjten pas bastisjes së shtëpisë, ku konfiskuan 2 libreza partiake të LDK-së dhe dëftesa të Këshillit për Financim, ndonëse kërkonin deviza e armë, 12 orë u mbajt në polici arsimtari i gjuhës shqipe Rizah Nebihu. Në polici ai u mbajt me kllapa dhe u keqtrajtua fizikisht, bëjnë të ditur burimet informative të LDK-së e të KMDLNJ-së, njofton gazeta e sotme “Bujku”.

 

 

28 shtator 1995

 

 

Në Panairin Ndërkombëtar të 47-të të Librit në Frankfurt prezentohet edhe libri shqip

 

Në Panairin Ndërkombëtar të Librit, i cili do të mbahet në Frankfurt prej 11-16 tetor, do të prezentohet edhe libri shqip që botohet në Kosovë, njofton “Bujku”.

Redaksia e botimeve të Rilindjes do të prezantojë veprat e Faik Konicës, Sabri Hamitit, Jusuf Buxhovit, etj, ndërkaq Shtëpia botuese “Buzuku”, do të prezentojë veprat e Robert Elsit, Bashkim Shehut, Kasëm Trebeshinës, Martin Camajt, Zef Skiroit, Elena Kadaresë dhe të autorëve të tjerë.

Në këtë panair do të prezentohet edhe shtëpia botuese “Dukagjini” i Pejës me librat e Fehmi Aganit, All Gorit, Gani Bobit, Rexhep Ismajlit, Ali Podrimjes, Hivzi Islamit etj.

Ky është rast i mirë që botuesit tanë t’i prezentojnë veprat e tyre në këtë panair, i cili konsiderohet ndër më të mëdhenjët në botë.

 

 

28 shtator 1997

 

 

Ndërhyrje e sërishme e policisë serbe në shëtitoren e Mitrovicës

 

Prej orës 20 e deri në orën 21 forca të mëdha të policisë serbe legjitimuan, rrahën e arrestuan shumë drejtorë të shkollave, mësimdhënësi, studentë, nxënës e qytetarë që gjendeshin në shëtitore apo jashtë saj.

Komisioni për Informim i Degës së LDK-së në Mitrovicë njofton se pasi u legjitimua, u rrah në praninë e mijëra qytetarëve Latif Hajrizi (40), drejtor i shkollës fillore “Nonda Bulka” në Mitrovicë. Ai i dërgua në polici ku u mbajt rreth një orë dhe u pyet lidhur me shkaqet e daljes së tij në shëtitore. Sipas deklaratës së tij në stacionin e policisë ishin dërguar shumë qytetarë të Mitrovicës.

Kjo është mbrëmja e tretë prej kur policia serbe ndërhynë brutalisht kundër qytetarëve në shëtitjet plotësuese në këtë qytet.

Më 25 shtator u morën në polici së paku 100 qytetarë, ndërsa një mbrëmje më vonë u keqtrajtuan edhe dhjetarë qytetarë, mësimdhënës, drejtorë shkollash dhe studentë e nxënës.

Që nga data 24 shtator, administrata okupuese serbe në Mitrovicë ka ndërprerë plotësisht ndriçimin në shëtitore.

 

 

28 shtator 1998

 

Në Abri të Epërme të Gllogocit u gjetën së paku 15 të vrarë e të masakruar

 

Pas tërheqjes së policisë në Obria e Epërme, ekipet e nënkëshillit të KMDLNj-së në Gllogoc dolën në terren dhe gjetën shumë të vrarë, të masakruar e të plagosur.

Sipas njoftimeve të këtij nënkëshilli, në lagjen Deliu në Obri Epërme janë gjetur të masakruar 8 veta: Adem Sali Deliu (33), Hava Imer Deliu (65), Jeton Imer Deliu (10), Hamide Sali Deliu (60), Valmir Adem Deliu (1 vjet e gjysmë), Luljeta Imer Deliu (25), shtatzënë, Lumnije Imer Deliu (30) dhe Mihane Imer Deliu (25), të gjithë të familjes së Ymer Deliut. Ata janë gjetur rreth një kilometër larg shtëpisë së tyre.

Po në këtë lagje, në shtëpinë e Hajriz Deliut janë gjetur të vrarë: Donjeta Hajriz Deliu (4), Gentiana Hajriz Deliu (7), Zahide Hajriz Deliu (27). Fazli Deliu (90) është gjetur i djegur në shtëpinë e tij.

Të vrarë e të masakruar janë edhe Ali Deli Deliu (63), i prerë në fyt me thikë, Pajazit Rrustem Deliu (65) dhe Zeqir Jonuz Deliu (44).

I njëjti burim bën të ditur se një foshnje njëmuajshe e gjysmë u gjet e gjallë në gjirin e nënës së saj, Diturie Imer Deliut, e mbuluar me gjakun e saj.

Deri tash nuk dihet për fatin e Hysen Deliut (53), Maliqe Deliut (80) e Hajriz Deliut (35)

 

 

Në Gollubofc e Pllaçicë mbrëmë u varrosën 17 shqiptarë të vrarë

 

Nënkëshilli i KMDLNJ-së në Skënderajt ka njoftuar se mbrëmë në fshatin Gollubofc janë varrosur 10 shqiptarë të vrarë gjatë ofensivës së fundit të forcave serbe.

I njëjti burim bën me dije se shtatë të tjerë të vrarë u varrosën në Pllaçicë, ndërsa trupat e tre të vrarëve qëndrojnë ende të pavarrosur te çeshmja e Vuçakut, si dhe dy të tjerë në malet e Vuçakut.

Njoftohet se policia ka plaçkitur në Vuçak të gjithë arin nga gratë dhe të hollat që kanë gjetur tek të zhvendosurit.

 

 

Continue Reading

Lajmet

Ursula von der Leyen të enjten viziton Prishtinën në kuadër të turneut në Ballkanin Perëndimor

Published

2 hours ago

on

September 28, 2026

By

Presidentja e Komisionit Europian, Ursula von der Leyen, do të qëndrojë për vizitë zyrtare në Prishtinë të enjten, më 1 tetor 2026. Sipas agjendës së bërë publike, ajo do të pritet në takime të ndara nga ushtruesja e detyrës së Presidentes së Kosovës, Albulena Haxhiu, si dhe nga kryeministri Albin Kurti.

Kjo vizitë në Kosovë zhvillohet në kuadër të një turneu më të gjerë diplomati në rajonin e Ballkanit Perëndimor. Udhëtimi i krerëve të KE-së nis të mërkurën, më 30 shtator, në Tiranë, ku von der Leyen do të takojë Presidentin e Shqipërisë, Bajram Begaj, dhe Kryeministrin Edi Rama.

Pas Prishtinës, po më 1 tetor, Presidentja e Komisionit Europian do të udhëtojë drejt Podgoricës për t’u takuar me presidentin e Malit të Zi, Jakov Milatoviq, dhe kryeministrin Milojko Spajiq. Turneu rajonal do të përmbyllet më 2 tetor në Maqedoninë e Veriut, me takime zyrtare me presidenten Gordana Siljanovska-Davkova dhe kryeministrin Hristijan Mickoski.

Në agjendën e këtij turneu rajonal nuk janë përfshirë Serbia dhe Bosnje e Hercegovina. Kjo shmangie lidhet me zgjedhjet e ardhshme që pritet të mbhen në këto dy shtete gjatë muajit tetor — përkatësisht më 4 tetor në Bosnje e Hercegovinë dhe më 25 tetor në Serbi. Praktika e zyrtarëve europianë mbetet shmangia e vizitave zyrtare në prag të proceseve zgjedhore për të garantuar paanshmërinë dhe mosndikimin në fushatë.

Së fundmi, Presidentja e Komisionit Europian kishte reaguar ashpër ndaj organizimit të funeralit të ish-komandantit të Ushtrisë së Republikës Serbe, kriminelit të dënuar të luftës Ratko Mlladiq, i cili u mbajt më 8 shtator në Beograd. Përmes një postimi në platformën “X”, von der Leyen i pati cilësuar ato pamje si tronditëse, duke rikujtuar se Mlladiq ishte i dënuar me burgim të përjetshëm për gjenocidin në Srebrenicë, krime guerre dhe krime kundër njerëzimit. /E.A/

 

Continue Reading

Të kërkuara