Lajmet

DITARI: Çfarë lajmesh kemi lexuar në çdo 21 prill, në vitet nëntëdhjetë

Published

6 months ago

on

21 prill 1993

Lajm i plotë:

Dr.Ibrahim Rugova i dha intervistë “Rilindjes”

Kryetari i Republikës së Kosovës, dr.Ibrahim Rugova, i dha intervistë gazetës “Rilindja”, përkatësisht “Bujku”, që do të botohet në numrin e nesërm.

Duke folur lidhur me konstituimin e Kuvendit të Kosovës, dr.Rugova në këtë intervistë tha: Si të gjitha kërcënimet që na janë bërë deri më tash: edhe sa i përket referendumit edhe zgjedhjeve të lira, edhe çdo hap që kemi bërë. Tash Serbia dëshiron të shkojë me një kërcënim më të ashpër që të na frikësojë edhe nga ky hap i konstituimit të Parlamentit. Është fakt që jemi vonuar me konstituimin e Parlamentit, por për shkak të rrethanave e kemi shtyrë deri tash. Ne gjithsesi do ta mbajmë atë, pa marrë parasysh pasojat që parashikon Serbia. Por, edhe aty nuk ka të drejtë Serbia të intervenojë. Ajo thirret në një sovranitet që nuk obligon, pasi që edhe ajo ka një sovranitet të dyshimtë të mbetur nga një shtet që ekzistonte. Prandaj, këtë do ta bëjmë sa më parë, nga që kemi nevojë për një institucionalizim më të madh të kërkesave tona, të një institucioni i cili do të vendosë për çështje vitale të Kosovës, natyrisht mbi bazën e deklarimit të popullit.

Përkitazi, me pozicionin ndërkombëtar të Kosovës, kryetari Rugova tha: Kosova do të shtrohet në rend të ditës patjetër. Pas deklaratës së presidentit Bush dhe më vonë Klinton, të institucioneve amerikane etj., Kosova sot është mjaft e afirmuar edhe në opinionin publik, dhe se çështja është prezente në të gjitha instancat. Gjithashtu, nga ana jonë është insistimi që t’i çojmë më tutje çështjet. Ky është ai faktori i jashtëm dhe i brendshëm, por është edhe faktori tjetër, ai që po i reziston tërë kësaj dhune, si një front paqësor politik, front i organizimit që reziston. Ky nuk është një faktor pasiv, që do të kualifikohej ashtu thjeshtë. Prandaj, qëndresa jonë nuk është e kotë, siç dëshirohet të paraqitet nganjëherë. Kualifikimet që jepen si “rezistencë pasive” etj., janë në të vërtetë një kontribut që po i japin shqiptarët në përgjithësi, edhe ne në Kosovë, Shqipëri dhe Maqedoni, rrjedhave evropiane dhe ndërkombëtare, si faktor stabiliteti…

Edhe nga propaganda serbe kemi pohime të tilla se nuk është bërë asgjë, disa individë tanë thonë se nuk është bërë asgjë. Këtë ne e bëjmë nga pakënaqësia jonë, nga që ne, natyrisht, kurrë nuk do të jemi të kënaqur me organizimin dhe rezultatet tona. Pala tjetër e përdor këtë për të eliminuar atë që kemi arritur. Ne nuk mund të mbetemi si një turmë e paorganizuar. Ne kemi arritur shumë dhe mbi të gjitha i kemi njerëzit gjallë, Kosova dhe ne ekzistojmë edhe përkundër këtij spastrimi të qetë etnik që po ndodhë dhe bota po na çmon për këtë. Prandaj, në këtë plan duhet të jemi më të organizuar dhe të punojmë. Natyrisht, edhe kritikat janë të domosdoshme dhe do të jenë në një situatë kur duhet të mbajmë organizim dhe t’i mbajmë njerëzit në kuadër të organizimit. Fuqia më e madhe qëndron në organizim. Bota e çmon edhe individin edhe grupin e organizuar…

 

Lajme të tjera:

Universitetet evropiane protestojnë kundër burgosjes së rektorit Ejup Statovci

Konferencë për shtyp e Komitetit Kosovar të Helsinkit

Nga kërcënimet e policisë nuk guxojnë të qëndrojnë në shtëpi

Në një fshat të Prizrenit u arrestuan gjashtë persona

Në Podujevë u rrah rëndë i riu Mehmet Rama

Në Zhegër të Gjilanit u bastis familja e Aziz Zenunit

Bardhyl Kamberi u dërgua me dhunë në kazermën ushtarake

Serbët u takuan me delagacionin suedez dhe francez

Partia Socialdemokratike serbe thekson margjinalizimin e çështjes së Kosovës

Janë akuzuar 11 policë

Nuk po qarkullon asnjë tren në Kosovë

Keqtrajtime në vend kalimin e Glloboçicë

Akuzat shtohen bashkë me shtimin e ushtrisë

“The Neë York Times”: Cinizmi ushqen vetveten dhe përhapet si kancer

“Borba”: Diplomacia pa dorëza

 

 21 prill 1994

Lajmet kryesore:

Ushtarët serbë keqtrajtojnë fshatarët e Vërmicës së Prizrenit

Policia provokon me të shtëna armësh në Bokshiq të Klinës

Policia dogji dëftesa dhe diploma në SHF “Ramiz Sadiku” në Gllarevë të Klinës

Edhe pse e vuajti dënimin Kamber Haxhaj nuk u lirua ende nga burgu

Në Rogaçicë u plaçkit mall me vlerë rreth 50.000 DEM.

Muhedin Kryeziu iu plaçkit mall me vlerë rreth 50.000 DEM

Represioni në Kosovë

Një i ri nga Istogu u dërgua në burgun e Nishit

Në Suharekë edhe një familje shqiptare u dëbua me dhunë nga banesa

Më 25 prill në Gratangen të Norvegjisë mbahet tribunë për situatën në Kosovë

Njoftohet një propozim i fshehtë i Milosheviqit për një federatë ballkanike

U ngritën shtëpitë e para në verilindje të Shqipërisë për refugjatët eventualë

Në burg për armë

 

 21 prill 1995

Lajm i plotë:

Ekspertët e mjekësisë ligjore e pranuan se Sabit Vllahia u mbyt me dhunë nga policia serbe më 18 dhjetor 1994

Vdekja e Sabit Islam Vllahisë (1940) nga fshati Tërnavë e komunës së Podujevës u shkaktua nga përdorimi i dhunës, thuhet në vërtetimin e vdekjes të nënshkruar nga prof. dr. Sllavisha Dobriçanin i Institutit të Mjekësisë Ligjore i Fakultetit të Mjekësisë në Prishtinë që administrohet nga serbët e instaluar.

Në vërtetim thuhet se Sabit Vllahia vdiq më 18 dhjetor nga vdekja e dhunshme. Vdekja e dhunshme (Mors violenta) është shkaktuar nga Haematoomates corporis, thuhet në vërtetim që mban datën 21 prill.

Siç dihet, Sabit Vllahia nga Tërnava, me pretekst të kërkimit të armës, u arrestua më 16 dhjetor bashkë me të birin e tij Nebihun. Ai i dërgua në stacionin e policisë në Podujevë e në Prishtinë, ndërsa më të njëjtën ditë, policia bashkë me të i bëri edhe një bastisje shtëpisë së tij.

Bashkëshortja e tij dhe anëtarët e familjes i patën deklaruar QIK-ut se Sabiti, si edhe djali Nebihu, ishin torturuar në oborrin e shtëpisë dhe në prani të anëtarëve të familjes.

Në arrestimin dhe bastisjen e Sabit Vllahisë kishin marrë pjesë, në mes tjerësh edhe policët Sredoje Radoviq “Cipiripi” dhe Stanko Dimiq.

Dy ditë më vonë, më 18 dhjetor, familja e mori lajmin se Sabit Vllahia kishte vdekur.

Mjekët dhe anëtarët e familjes Vllahia, që e shikuan kufomën, thanë se trupi i të ndjerit ishte përplot hematome nga torturimi. Në një mënyrë, i ndjeri ishte masakruar.

QIK-u dhe mediumet tjera shqiptare kishin njoftuar me kohë për këtë vepër kriminale të policisë serbe.

Mirëpo përgjegjësit serbë, si edhe në rastet tjera, nuk kanë marrë askë në përgjegjësi.

Gjatë një muaji policia serbe kishte mbytur tre persona me torturë: më 30 nëntor u mbyt Ismajl Raka nga Kaçaniku, më 18 dhjetor Sabit Vllahia, ndërsa një javë më vonë plaku tetëdhjetë vjeçar Hasan Cubolli nga Podujeva.

Po atë muaj Musli Krasniqi, në Prishtinë, kishte bërë vetëvrasje për shkak të presionit të policisë.

Në komunën e Podujevës, ku ende është i koncentruar represioni e terrori i organizuar shtetëror serb, janë të njohur me emra e mbiemra kriminelët serbë. Përpos këtyre dy policëve që u përmendën më lart, në komunën e Podujevës janë të njohur për të keq përgjegjësi Paunoviq, inspektori Nikoliq, dhe shumë policë si, policët Grujiq, Kardasheviq, Stankoviq, polici me ofiqin bosanac, e tjerë.

 

Lajme të tjera:

Intervistë e kryetarit Rugova për Radio Tiranën

Konferencë për gazetarë e Lidhjes Demokratike të Kosovës

Stërvitje të mëdha të forcave serbe në Klinë

Shtypi serb njofton për stërvitjet ushtarake-policore në rajonin e Klinës

Ish-policët e Kosovës mohojnë akuzën

Paralajmërohen procese të reja të montuara kundër funksionarëve lokalë në Kosovë

Njoftohet se filluan hetimet kundër gjashtë shqiptarëve të Kamenicës

Edhe shtypi serb njofton për mbytjen me torturë të Abedin Ahmetit

“Zëri i Amerikës”: Pranvera është e stërmbushur me arrestime e gjykime në Kosovë

Policia ndërhyri në SHF “M. Këpuska” në Gjakovë

Policia ndërhyri në SHF “Azem Bejta” në Dubovc të Vushtrrisë

Policët rrahën nxënësin 14- vjeçar

Disa të rinjve shqiptarë të Malishevës iu dërguan thirrje për ushtrinë serbe

Dhuna e përditshme në Kosovë

Aktorët e teatrit u morën në pyetje nga policia

Inspeksioni plaçkiti 20 tonë lëkura

Policia plaçkiti shumë tregtarë dhe qytetarë shqiptarë në Viti

Në Helsinki u organizua një tryezë e rrumbullakët për Kosovën

Kërkohet Isa Gllareva

 

21 prill 1997

Lajmet kryesore:

Në Vjenë përfundoi punimet “Forumi për Kosovën”

Ndihmat e UNICEF-it për imunizim përmes administratës së instaluar serbe në Kosovë

Në brigjet e Italisë u zunë 50 klandestinë shqiptarë

Kthehen nga Italia refugjatë të zhgënjyer shqiptarë

Trupat italiane zbarkuan në Vlorë

Kumanovë: Në ditën e Kurban Bajramit policia bastisi shtëpinë e Imamit

Në Podujevë u hap manifestimi “Vullneti ’97”

U lirua nga burgu Sali Çitaku

Policia serbe ndërpreu Kuvendin zgjedhor të Degës së FR të LDK-së në Zhur

Persona të armatosur plaçkitën mishtoren “Kalaja” në Mitrovicë

Kërkohet Avdi F. Abdullahu nga Vranidolli

 

 

21 prill 1998

Edicioni i parë (Ora 10:30)

Lajmet kryesore:

Deçan: policia armatos civilët serbë, mbi rajon fluturojnë aeroplanët ushtarakë

Rifat Bejta u mbajt katër orën në polici

 

Edicioni i dytë (Ora 15:30)

 

Lajmet kryesore:

Xheims Rubin: Ajo që ndodh në Kosovë prek sigurinë ndërkombëtare dhe paqen e botës

Në vend të tërheqjes ose pakësimit, Beogradi ka shtuar forcat ushtarake e policore

Gjendje e tensionuar në fshatrat e Dushkajës

Përforcime të reja të ushtrisë serbe në Bruznik të Vushtrrisë

Përforcime të forcave policore në Skënderaj e rrethinë

Rreth 20 000 veta morën pjesë në shëtitjen e sotme në Prishtinë

200 intelektualë francezë nënshkruan një peticion për Kosovën

Istog: Policia serbe keqtrajtoi dy aktivistë dhe ua konfiskoi kamionin me ndihma humanitare

Gjilan: U mor në pyetje një aktivist i LDK-së

Prizren: Tre qytetarë u keqtrajtuan nga policia

Policia serbe kërkoi një të ri nga Vushtrria

Zhuri ndihmoi popullatën e Drenicës me 23 mijë DM

 Foto: Gazeta “Rilindja”

Related Topics:
Continue Reading

lajme

Prokuroria e Pejës nis hetime ndaj zyrtarëve që dyshohet se neglizhuan rastin e Arlinda Zekajt

Published

4 hours ago

on

October 26, 2026

By

Prokuroria Themelore në Pejë ka iniciuar hetime zyrtare ndaj një zinxhiri zyrtarësh që u përmendën nga e ndjera Arlinda Zekaj në një parashtresë drejtuar kryeprokurores, ku denoncohej neglizhenca e tyre institucionale.

Zëdhënësi i Prokurorisë, Shkodran Nikçi, bëri të ditur në një konferencë për media se viktima kishte dorëzuar letrën më 22 tetor – vetëm tri ditë para se të vritej. Në këtë parashtresë, Zekaj kishte kërkuar masa urgjente, duke paralajmëruar me shkrim se institucionet mund të reagonin vetëm pasi të humbiste një jetë njeriu.

Sipas Nikçit, viktimës i ishte njohur e drejta e shfrytëzimit të pronës dhe ishte lëshuar urdhër që bashkëshorti të mos i afrohej në distancë prej dy metrash. Vendimi gjyqësor u ekzekutua të enjten në prani të policisë, por pak orë më vonë shpërtheu një konflikt.

Zyrtarët i kishin kërkuar viktimës të mos qëndronte në atë shtëpi për shkak të rrezikut të lartë për sigurinë e saj, duke ftuar edhe dy vëllezërit e saj për ta bindur që të strehohej te ta derisa të gjendej një zgjidhje.

Arlinda Zekaj u vra të dielën në mbrëmje në Vitomiricë të Pejës. I dyshuari kryesor për këtë vrasje është kunati i saj, i cili vazhdon të jetë në arrati. /E.A/

 

Continue Reading

Lajmet

“Shteti e vrau Arlindën”: Organizata QIKA me aksion simbolik para Qeverisë kërkon përgjegjësi për vrasjen e Arlinda Zekajt

Published

4 hours ago

on

October 26, 2026

By

Organizata për Barazi Gjinore QIKA ka zhvilluar sot një aksion simbolik para ndërtesës së Qeverisë së Kosovës, duke kërkuar llogaridhënie të menjëhershme institucionale për vrasjen e Arlinda Zekajt në Pejë.

Aktivistet vendosën mbishkrimin “Shteti e vrau Arlindën” në hyrje të ndërtesës dhe hodhën ngjyrë të kuqe në shkallë, si simbolikë e jetëve të humbura të grave dhe përgjegjësisë shtetërore.

Përfaqësuesja e QIKA-s, Blenda Asllani, theksoi se e ndjera kishte ndjekur të gjitha procedurat ligjore, kishte siguruar urdhër mbrojtjeje dhe kishte paralajmëruar rrezikun e dokumentuar, por megjithatë u vra pak minuta pasi kërkoi ndihmë.

“Shteti u kërkon grave ta denoncojnë dhunën, t’i dokumentojnë kërcënimet dhe t’u besojnë institucioneve. Por çfarë vlere kanë këto procedura kur një grua mund t’i ndjekë të gjitha dhe, megjithatë, të vritet? Vrasja e Arlindës është pasojë e një shteti që i braktis gratë”, deklaroi Asllani.

QIKA kërkoi hetim të hollësishëm për të gjitha hallkat zyrtare, duke kërkuar që çdo person përgjegjës – përmes veprimeve apo mosveprimeve – të përballet me drejtësinë pa asnjë tolerim apo fshehje prapa procedurave burokratike. /E.A/

 

Continue Reading

Live

Izraeli voton të martën: Netanyahu në garë të ngushtë për mbijetesë politike pas tre vitesh luftë

Published

4 hours ago

on

October 26, 2026

By

Tre vjet pas sulmit të 7 tetorit 2023, Izraeli përballet të martën me zgjedhje parlamentare vendimtare, ku kryeministri 77-vjeçar, Benjamin Netanyahu, kërkon rizgjedhjen në një garë jashtëzakonisht të ngushtë.

Zgjedhjet shihen si një plebishit për të ardhmen e vendit dhe llogaridhënien e pushtetit:

Kundërshtarët: Të udhëhequr nga ish-shefi i ushtrisë Gadi Eisenkot, kërkojnë përgjegjësi për dështimet e sigurisë të 7 tetorit dhe e akuzojnë Netanyahun për udhëheqjen e një “luftë të përjetshme” pa fitore politike.

Mbështetësit: E shohin Netanyahun si të vetmin lider që i bëri ballë Hamasit, Hezbollahut dhe Iranit, ndërsa vetë ai ka mbështetur fushatën në sloganin e djathtë kundër krijimit të një shteti palestinez dhe mbështetjen e presidentit amerikan Donald Trump.

Përveç pasojave të luftës, votuesit mbeten të ndarë edhe për përjashtimin e ultraortodoksëve nga shërbimi ushtarak dhe reformën e diskutueshme në gjyqësor. Meqë asnjë parti nuk pritet të fitojë vetëm shumicën prej 61 mandatesh, rezultati do të përcaktohet nga bisedimet e vështira për koalicion.

 

Continue Reading

Lajmet

Reagimi i Prokurorisë: Si u trajtuan rastet dhe paralajmërimet e Arlinda Zekajt para se të vritej

Published

7 hours ago

on

October 26, 2026

By

Prokuroria Themelore në Pejë ka reaguar edhe njëherë lidhur me vrasjen e Arlinda Zekajt në Vitomiricë të Pejës, duke njoftuar për siç thuhet në komunikatë, veprimet që ka ndërmarrë kryeprokurorja e kësaj Prokurorie dhe prokurorët e shtetit pas pranimit të kërkesës së viktimës dhe gjatë trajtimit të rasteve të raportuara më parë.

Në komunikatë thuhet se dy ditë para vrasjes së saj, më 23 tetor, kishte ngritur aktakuzë ndaj ish-bashkëshortit të tani të ndjerës, J.S., për veprën penale të kanosjes në kuadër të marrëdhënies familjare. Ndërkaq më 16 tetor, disa ditë para ngritjes së aktakuzës,  Gjykata kishte nxjerrë një vendim përmes të cilit ishte urdhëruar që ish-bashkëshorti i tani të ndjerës ta lejonte atë të kthehej dhe ta shfrytëzonte shtëpinë e përbashkët. Po ashtu, ishte lëshuar urdhër mbrojtjeje për një periudhë gjashtëmujore, i cili kishte hyrë në fuqi menjëherë.

“Sipas vendimit gjyqësor, zbatimi i urdhrit dhe njoftimi i Gjykatës për zbatimin e tij apo për pengesat eventuale ishin përgjegjësi e Policisë së Kosovës”, thuhet në komunikatë.

Bëhet e ditur se në ditën kur viktima kishte kërkuar zbatimin e urdhrit dhe kthimin në shtëpinë e përbashkët, Policia e Kosovës e kishte njoftuar prokurorin kujdestar për rrethanat e rastit. Pas vlerësimit të situatës dhe të rrezikut të mundshëm për sigurinë e saj, thuhet se prokurori i shtetit kishte vlerësuar se kthimi i menjëhershëm në shtëpinë e përbashkët mund të paraqiste rrezik për jetën dhe sigurinë e viktimës.

“Me qëllim të mbrojtjes së saj, prokurori kishte kontaktuar familjarët e viktimës, përkatësisht vëllezërit e saj, të cilët ishin ftuar në stacionin policor dhe ishin njoftuar për rrethanat e rastit.  Pavarësisht insistimit të viktimës për t’u kthyer në shtëpinë e përbashkët, prokurori i shtetit, duke marrë parasysh rrethanat e paraqitura dhe rrezikun e mundshëm, kishte udhëzuar që ajo të dërgohej në shtëpinë e vëllezërve të saj”, thuhet në njoftim.

Me kërkesën e shprehur të viktimës, në komunikatë thuhet se prokurori i shtetit dhe hetuesit policorë, në praninë e saj dhe të familjarëve, kishin përpiluar një shkresë zyrtare në të cilën ishin paraqitur arsyet përse ishte vlerësuar e nevojshme që ajo të qëndronte te vëllezërit e saj.

Pas bisedimeve, thuhet se viktima kishte pranuar të shkonte te familjarët, por kishte kërkuar që të nesërmen të shoqërohej nga një patrullë policore për t’u kthyer në shtëpinë e përbashkët.

Po atë natë, prokurori i shtetit, së bashku me hetuesit e rastit, kishte bërë vlerësimin profesional të nivelit të rrezikut dhe të masave të nevojshme të sigurisë. Si rezultat, ishte vendosur që, gjatë kthimit të planifikuar të viktimës në shtëpinë e përbashkët, një patrullë policore të qëndronte në afërsi të shtëpisë.

“Për këto rrethana ishte përpiluar procesverbali i datës 22 tetor 2026. Prokurori i rastit kishte kërkuar që përmes së njëjtës shkresë të njoftohej edhe gjyqtari i çështjes që kishte nxjerrë vendimin për shfrytëzimin e shtëpisë së përbashkët nga bashkëshortët”, thuhet në njoftim.

Theksohet se pasi kryeprokurorja pasi kishte pranuar kërkesën nga Zekaj ku ishte ankuar për mënyrën e trajtimit të rasteve të mëparshme, kishte kërkuar që me urgjencë të vlerësohej situata në mënyrë që sipas saj “të verifikoheshin pretendimet për lëshime eventuale dhe të ndërmerreshin veprimet brenda përgjegjësive ligjore të secilit institucion”.

Nata kritike: Kthimi në shtëpi nën shoqërimin e Policisë dhe vrasja 

Prokuroria ka sqaruar se natën kritike, më 25 tetor 2026, në orën 19:48, Policia e Kosovës kishte kontaktuar prokurorin kujdestar të Departamentit të Përgjithshëm lidhur me një rast të dyshuar të dhunës në familje, i cili kishte ndodhur në shtëpinë e tani të ndjerës.

Në stacionin policor ishin shoqëruar ish-bashkëshorti i saj, J.S., dhe viktima. Në lidhje me rastin ishte iniciuar procedurë për veprën penale të mospërfilljes së gjykatës, ndërsa J.S. ishte ndaluar për 48 orë.

Gjatë trajtimit të rastit, Prokuroria thotë se viktimës i ishte ofruar mundësia për të shkuar në një strehimore, por ajo kishte refuzuar, duke kërkuar të kthehej në shtëpinë e përbashkët, ku ndodhej djali i saj dhe pasuria e saj.

Pas kësaj, viktima ishte shoqëruar nga një patrullë policore për në shtëpi, rreth orës 21:00. Pak minuta pas kthimit të saj, prokurori kujdestar ishte njoftuar se ajo ishte goditur me një mjet të fortë brenda shtëpisë nga kunati i saj, A.S., i dyshuar në këtë rast.

Pas marrjes së njoftimit, në vendin e ngjarjes kishin dalë njësitë përkatëse të Policisë së Kosovës, Kryeprokurorja e Prokurorisë Themelore në Pejë dhe prokurorja kujdestare e Departamentit për Krime të Rënda, me qëllim të përcjelljes nga afër të situatës dhe ndërmarrjes së veprimeve fillestare hetimore në vendin e ngjarjes.

Prokuroria njofton gjithashtu se, më 23 tetor 2026, kishte ngritur aktakuzë ndaj ish-bashkëshortit të tani të ndjerës, J.S., për veprën penale të kanosjes në kuadër të marrëdhënies familjare.

Prokuroria Themelore në Pejë deklaron se pretendimet e paraqitura nga tani e ndjera Arlinda Zekaj në kërkesën e saj janë trajtuar me seriozitet dhe se Kryeprokurorja ka ndërmarrë veprime për adresimin e tyre te institucionet kompetente, si dhe ka iniciuar rast për hetimin e veprimeve ose mosveprimeve të mundshme të personave zyrtarë.

“Prokuroria shpreh keqardhje të thellë për humbjen tragjike të jetës së Arlinda Zekajt dhe shpreh ngushëllimet më të sinqerta për familjen e saj. Në të njëjtën kohë, Prokuroria thekson rëndësinë e një hetimi të plotë, objektiv dhe profesional për zbardhjen e të gjitha rrethanave të këtij rasti dhe vlerësimin e përgjegjësive eventuale të të gjithë personave të përfshirë. Policia e Kosovës është duke ndërmarrë veprime për lokalizimin dhe arrestimin e personit të dyshuar, i cili ende nuk është arrestuar”, thuhet në njoftim.

 

Continue Reading

Të kërkuara