Lajmet

DITARI: Çfarë lajmesh kemi lexuar në çdo 16 prill, në vitet nëntëdhjetë

Published

4 months ago

on

16 prill 1993

Lajm i plotë:

Konferencë për gazetarë e kryetarit të Republikës së Kosovës dr. Ibrahim Rugova

Represioni, represioni dhe vetëm represioni! Kjo është një klithmë që thotë e shpjegon shumë për gjendjen në Kosovë, tha në fillim të konferencës së sotme për gazetarë kryetari i Republikës së Kosovës dr. Ibrahim Rugova. Ai tha se po vazhdon ndjekja ndaj deputetëve të rinj të Kuvendit të Republikës së Kosovës dhe ndaj aktivistëve të partive politike shqiptare. Policia serbe ndaloi mbajtjen e Kuvendit vjetor të Partisë Parlamentare të Kosovës që ishte thirrur për uikendin e javës së kaluar. Ky represion ndaj deputetëve dhe aktivistëve të partive politike bëhet me qëllim të frikësimit dhe me synim që ata të heqin dorë nga veprimtaria dhe kërkesat e tyre. Po vazhdon largimi nga puna edhe i atyre pak shqiptarëve që kishin mbetur ende në punë dhe largimi i shqiptarëve nga banesat tyre. Shqiptarëve po u kërcënohen me lloj lloj armësh, ndërsa ditëve të fundit kërcënimet po realizohen edhe me një formë të re, me vendosjen e bombave në oborret e shkollave e oborret e shtëpive. Kryetari Rugova tha se ende nuk ka informata të hollësishme se nga vijnë dhe kush po i vendos bombat, por qëllimi i tyre është i qartë: që fëmijtë shqiptarë të pësojnë, siç ishte rasti në Suharekë.

Mbajtja në burg e rektorit të Universitetit të Prishtinës prof. dr. Ejup Statovci po iriton studentët dhe arsimtarët e universitetit dhe mbarë opinionin në Kosovë, ndërsa, gazetari Blerim Shala, sipas praktikës së njohur të regjimit serb, u dërgua në burg për herë të dytë, e fatkeqësisht po vazhdon edhe vrasja e njerëzve, siç ndodhi në Vërmicë të Prizrenit, përkatësisht në zonën kufitare me Shqipërinë, ku u vra, në rrethana ende të pasqaruara, Ferid Fanaj, theksoi kryetari Rugova.

Deklaratën e Ministrit serb për drejtësi se deputetët e Kuvendit të Republikës së Kosovës mund të dënohen edhe deri në 15 vite burg, dr. Rugova e vlerësoi si kërcënim që synon largimin e domosdoshëm të deputetëve të rinjë nga Kosova. Por, mbledhja konstituive e Kuvendit të Republikës së Kosovës do të mbahet. Deputetët e njerëzit në Kosovë nuk frikësohen, theksoi kryetari i Republikës së Kosovës dr. Ibrahim Rugova. Ai përsëriti kërkesën që në Kuvendin e Republikës së Kosovës të marrin pjesë edhe përfaqësuesit e serbëve, për të cilët janë lënë vendet e zbrazëta. Ndërsa, kërcënimin e Ministrit të Drejtësisë së Republikës së Serbisë, me pretekst të gjoja mbrojtjes së sovranitetit territorial të Serbisë, kryetari Rugova e quajti krejtësisht të pabazë. Sipas ligjeve të ish-Jugosllavisë dhe ligjeve ndërkombëtare, Serbia nuk ka pasur sovranitet mbi Kosovën, kurse tash Serbia e ka okupuar Kosovën. Ajo ende mbahet këtu me dhunë, por ajo nuk ka sovranitet mbi Kosovën. Pas shpërbërjes së ish-Jugosllavisë, as Serbia nuk është shtet i pranuar nga bashkësia ndërkombëtare, prandaj kërcënimi nuk ka karakter juridik, por synon të mbulojë përdorimin edhe më të madh të dhunës për ta mbajtur të okupuar Kosovën, theksoi dr. Rugova.

Kryetari Rugova, në kohën e rritjes së frontit të dhunës në Kosovë, edhe njëherë i bëri thirrje Këshillit të Sigurimit të OKB-së që sa më parë të shtrojë çështjen e Kosovës në rend të ditës.

Një pjesë të komenteve, kryetari Rugova ia kushtoi shkeljes së hapësirës ajrore të Republikës së Shqipërisë nga ana e aeroplanëve ushtarakë të Serbisë. Ky akt, bashk me vrasjen e Ferid Fanajt dje, si edhe vrasjet e shumta më herët,janë pjesë e planit serb për tensionimin e gjendjes në zonën kufitare. Serbia, siç duket, dëshiron të përsëritet rasti i vitit 1920, kur pas Konferencës së Versajës, ish-Jugosllavia, gjegjësisht Serbia, e sulmoi Shqipërinë me qëllim që të vihej në plan të dytë çështja e Kosovës. Me këto akte, tha kryetari Rugova, synohet tërheqja e vëmendjes nga çështja e Kosovës, e cila pritet se do të shtrohet në rendin e ditës në institucionet ndërkombëtare.

Në vazhdim, ai falënderoi delegacionin e Kongresit Amerikan, me në krye kongresmenin Eliot Engëll, për vizitën që i bëri gjatë javës që shkoi Kosovës me qëllim të njohjes me situatën këtu. I jemi mirënjohës edhe Dhomës së Lartë të Parlamentit të Britanisë së Madhe, në të cilën u debatua në mënyrë shumë reale dhe njerëzore për situatën në Kosovë, si dhe delegacionit të Senatit të Belgjikës që vizitoi Kosovën dhe që, pasi u njoftua me situatën në Kosovë, shfaqi gatishmëri t’u ndihmojë njerëzve, tha dr. Rugova.

Spastrimi i qetë etnik në Kosovë po vazhdon. Njerëzit po largohen për çdo ditë për shkak të represionit. I ftojmë përsëri njerëzit që të mos e braktisin Kosovën. Ne mund t’i sigurojmë njerëzit se me solidaritetin tonë të organizuar nuk do të lejojmë të vdesin nga uria. Serbia synon që në Kosovë të ketë sa më pak shqiptarë, theksoi dr. Rugova.

Ftojmë OKB-në, BE-në, SHBA-të dhe Rusinë që të bëjnë çmos për ndërprerjen e kësaj lufte, e cila kërcënon mbarë rajonin, tha në fund kryetari i Republikës së Kosovës.

Duke u përgjigjur në një pyetje lidhur me elaboratin e avokatëve të Minesotës, sidomos për idenë e vendosjes së protektoratit mbi Kosovën, kryetari Rugova tha se deri tash janë bërë disa elaborate për zgjidhjen e çështjes së Kosovës. Avokatët amerikanë nga Minesota kanë bërë një propozim të tyre. Ky elaborat është paraqitur edhe në Konferencën e Atlantës dhe është një propozim me vend dhe interesant. Edhe ne kemi kërkuar që si hap i parë i zgjidhjes paqësore të çështjes së Kosovës të vendoset një protektorat i përkohshëm i OKB-së në Kosovë, sipas sistemit të OKB-së. Kjo do të çonte drejt zgjidhjes paqësore e problemit të Kosovës, tha kryetari Rugova. Duke u përgjigjur në një pyetje që lidhej me ndryshimet eventuale në politikën e jashtme të Francës pas disfatës së socialistëve në zgjedhjet e fundit, kryetari Rugova tha se pret politikë më aktive të Francës lidhur me politikën ndërkombëtare dhe me zhvillimet në ish-Jugosllavi.

 

Lajme të tjera:

Një delegacion i shqiptarëve u takua me përfaqësues të Senatit Amerikan

Java e ardhshme – javë pushimi për institucionet arsimore në Kosovë

Reagime kundër burgosjes së gazetarit Blerim Shala

Theçër për rrezikun e bartjes së konfliktit në Kosovë

“Le Monde”: Shqipëria nën tranfuzion të vazhdueshëm

 

Lajm i plotë:

Kufitarët serbë vranë Ferid Fanajn

Parmbrëmë, rreth orës 23.20, në fshatin Vërmicë të Prizrenit afër kufirit me Shqipërinë, u vra nga ushtria serbe, Ferid Miftar Fanaj. I vrari është i lindur më 1962 në Vërmicë. Ishte baba i tre fëmijëve.

Identifikimi u bë dje pasdite, ndërsa varrimi bëhet sot më 16 prill. Rrethanat në të cilën u vra Fanaj ende nuk dihen.

Gjatë muajve të fundit ushtarët serbë në zonën kufitare me Shqipërinë kanë bërë disa vrasje e plagosje të shqiptarëve.

Gjendja në zonën kufitare ndërmjet Shqipërisë dhe Kosovës është shumë e tensionuar. Forcat e shtuara ushtarake dhe policore serbe vazhdimisht provokojnë shqiptarët. Veçanërisht ka pasur provokime dhe keqtrajtime të shqiptarëve në fshatrat kufitare të komunës së Gjakovës, Deçanit, Prizrenit dhe Dragashit.

 

Lajme të tjera:

Policia e kërkoi Milazim Abazin

Në Livoç të Ulët të Gjilanit forca të policisë serbe

Bombat shkaktojnë vdekje

Të dhëna të reja për rrethimin e djeshëm të fshatit Çeskovë nga policia serbe

Policia maltretoi një të mitur në Prishtinë

Në Prizren policia konfiskoi revistën “Zëri”

Armata serbe ndjek të rinjtë shqiptarë

Eliot Engëll: Shtetet e Bashkuara duhet ta njohin Republikën e Kosovës

Shtypi serb hesht shkeljen e hapësirës ajrore të Shqipërisë nga aeroplanët serbë

 

 

16 prill 1997

Lajmet kryesore:

Kosova në rezolutën e fundit të Komisionit të OKB-së për të drejtat e njeriut

Leka I: Kriza duhet të zgjidhet për të mirë e popullit

“Zaman”: Shërbimet sekrete të Greqisë kanë dorë në destabilizimin e Shqipërisë

U promovua libri “Frutat bizare” i Basri Çapriqit

Mbahen në Beograd gjashtë shqiptarë të arrestuar në aeroportin e Prishtinës

Dhuna e përditshme në Kosovë

Njeriu që ka përgatitur atentate kundër shqiptarëve flet për atentatin kundër Stojiçiqit

Murat I. Uka nga Brodi i Shtërpcës gjendet në Bihaq

Moti sot në Prishtinë

 

 

16 prill 1998

Edicioni i parë (15:00)

Lajmet kryesore:

Të shtëna të forcave serbe në zonën kufitare të Gjakovës

Janë dëmtuar urat në Leshan, Rasuj dhe Jabllanicë të Leshanit

Mijëra njerëz morën pjesë në shetitjet protestuese

Armata dhe policia forcojnë rrethin e hekurt rreth Drenicës

Shefi i diplomacisë daneze ka kërkuar prani ndërkombëtare në Kosovë

Kofi Anan: Për Kosovën mbështetem në vlerësimet e organizatave ndërkombëtare

Rexhep Qosja në krye të Këshillit për organizimin e Lidhjes së Re Demokratike të Kosovës

Shtypi serb shkruan për shpërnguljen e serbëve nga fshatrat e Deçanit

Dom Fran Sopi kërcënohet nga organet komunale serbe

Dhuna e përditshme

Prani e shtuar e forcave serbe në relacionin Mitrovicë – Skënderaj

Provokime të forcave serbe në fshatin Sverkë

 

 

Edicioni i dytë (Ora 16:00)

Lajmet kryesore:

Të rinjtë arrestohen dhe keqtrajtohen te Gryka e Rugovës

Dhunë shtuar e forcave serbe në rrethinën e Landovicës

Avokati Destan Rukiqi kërkon ndihmë për klientin e tij Hafir Shala

Shetitje protestuese edhe në Ferizj e në Klinë

Ferizaj: Dhunë e shtuar e policisë serbe

 

Edicioni i tretë (Ora 17:30)

Lajmet kryesore:

Gjakovë: Kanë pushuar të shtënat – drejt Ponoshecit shkuan forca ushtarake

Gjilan: Vazhdon marrja e qytetarëve në biseda informative

Klinë: Dhunë përmasash të gjera kundër shqiptarëve

Obiliq: Tre arsimtarë u morën në polici

 

 

Edicioni i katërt (19:00)

Lajmet kryesore:

Mbrëmë në Skenderaj e rrethinë pati të shtëna të shumta armësh

  1. Petersen: Referendumi mbi Kosovën “pa vlera reale”

Gligorov: “Federata ballkanike ide jorealiste”

The Christian Science Monitor: “UÇK-ja blen armë në Serbi e Mal të Zi”

Tre të rinj u keqtrajtuan në postbllokun e Shipolit

Foto: Vërmicë, Prizren

Related Topics:
Continue Reading

Vendi

Sveçla: Arsenal i armëve u gjet në fshatrat përreth varrezave masive në Zubin Potok

Published

4 hours ago

on

August 20, 2026

By

Ministri në detyrë i Punëve të Brendshme të Kosovës, Xhelal Sveçla, tha se një arsenal armësh, municionesh, e uniformash ushtarake u gjetën në fshatrat përreth Kalludrës së Zubin Potokut, aty “ku gjatë javëve të fundit janë zbuluar tri varreza masive” dhe ku autoritetet kanë konfirmuar se kanë identifikuar mbetjet kockore të të paktën 23 personave.

“Zbulimi i këtyre varrezave masive ka nxjerrë në pah edhe një herë dimensionin të krimeve të kryera gjatë luftës së fundit në Kosovë. Veriu i vendit tonë, përmeç se ishte skenë e krimeve të rënda ndaj civilëve, është shfrytëzuar edhe fshehjen e trupave dhe krimeve”, tha Sveçla në një konferencë për media në Mitrovicë.

Ai tha se tani armët do t’i nënshtrohen analizave për të kuptuar nëse të njëjtat janë përdorur për vrasjen e 23 personave që u gjetën në varrezat e dyshuara masive në veri apo edhe në raste të tjera.

“Armatimi që shihni sot para jush është gjetur në 12 lokacione të ndryshme. Nga sot, ai do t`i nënshtrohet ekzaminimit dhe analizave të detajuara, me qëllim të përcaktimit të origjinës, përdorimit dhe lidhjeve të mundshme me rastet e hetuar, përfshirë ekzaminimin e së paku 23 personave, por edhe rasteve të tjera kriminale”, tha Sveçla.

Sipas tij, puna e institucioneve nuk përfundon këtu, por do të vazhdojë me zbardhjen e rrethanave, me identifikimin e përgjegjësve dhe “mbi të gjitha me përpjekjet tona për të sjellë drejtësi për çdo të vrarë, të masakruar apo të zhdukur me dhunë gjatë luftës së fundit në Kosovë”./REL/A.K/

Continue Reading

Lajmet

Sveçla: Armët në veri u gjetën në 12 lokacione, do të përcaktohet përdorimi i tyre

Published

4 hours ago

on

August 20, 2026

By

Ministri në detyrë i Punëve të Brendshm eXhelal Sveçla, tha se armatimi në pjesën veriore të vendit është gjetur në 12 lokacione të ndryshme, raporton Ekonomia Online.

Në një konferencë për media nga Qendra e Njësive Speciale “Enver Zymeri” në Mitrovicë, tha se këto armë do të ekzaminohen për t’u përcaktuar përdorimi i tyre.

“Armatimi është gjetur në 12 lokacione të ndryshme. Nga sot, ai do t’i nënshtrohet ekzaminimit dhe analizave të detajuara, me qëllim të përcaktimit të origjinës, përdorimit dhe lidhjeve të mundshme me rastet e hetuara, përfshirë edhe ekzaminimin e së paku 23 personave, por edhe rasteve tjera kriminale”, tha Sveçla./A.K/

Continue Reading

Lajmet

Mjekësi, Teknologji, Sport: Eksploro Shkencën e Lëvizjes në UBT

Published

4 hours ago

on

August 20, 2026

By

Sporti sot nuk është më vetëm pasion ose garë në terren — është shkencë, teknologji, mjekësi parandaluese dhe industri me zhvillim të pandalshëm. Nëse dëshiron që pasionin tënde për lëvizjen ta shndërrosh në një karrierë elitare me standarde evropiane, Programi Bachelor në Sport dhe Shkenca e Lëvizjes në UBT është pikënisja jote ideale.

Përmes një ndërlidhje unik mes metodologjive më moderne, laboratorëve të teknologjisë së lartë dhe bashkëpunimit me ekspertë e studiues të njohur evropianë, UBT të përgatit për të qenë një profesionist lider. Ti nuk do të mësosh vetëm se si të trajnosh, por si të kuptosh në detaje fiziologjinë e organizmit të njeriut dhe si ta optimizosh çdo lëvizje.

Ky program të pajis me njohuri të thella teorike dhe praktike, nga menaxhimi i disiplinave të ndryshme sportive e deri te përdorimi i aktivitetit fizik për qëllime rehabilituese e parandaluese. Përmes teknikave të avancuara, ti do të mësosh se si ta përshtatësh ushtrimin fizik për çdo kategori — nga fëmijët dhe sportistët elitarë, e deri te individët me sfida të veçanta shëndetësore.

Inovacioni dhe teknologjia janë në zemër të studimeve të tua. Në UBT do të mësosh të përdorësh të dhënat elektronike, kërkimin shkencor dhe mjetet digjitale për të matur performancën, për të analizuar lëvizjet dhe për të hartuar programe fitnesi që sjellin rezultate maksimale e të sigurta.

Përveç anës fizike e shkencore, programi zhvillon te ti kompetenca kyçe në menaxhimin dhe marketingun sportiv. Ti do të mësosh se si të udhëheqësh projekte, të organizosh burime dhe të zgjidhësh me kreativitet e inovacion sfidat komplekse në industrinë e sportit, rekreacionit dhe kohës së lirë.

Tregu i punës ka nevojë për profesionistë të formuar sipas standardeve evropiane. Pas diplomimit në UBT, ti nuk do të jesh thjesht një i diplomuar në sport, por një specialist i kualifikuar gati për të udhëhequr në klube sportive, qendra rehabilituese, institucione shëndetësore dhe me sipërmarrje personale. E ardhmja e shkencës sportive fillon në UBT.

 

Continue Reading

Vendi

Vuçiq i kërkon NATO-s të ndalë tërheqjen e KFOR-it nga ura në Mitrovicë

Published

5 hours ago

on

August 20, 2026

By

Presidenti i Serbisë, Aleksandar Vuçiq, tha se i ka kërkuar sekretarit të përgjithshëm të NATO-s, Mark Rutte, që KFOR-i, misioni i aleancës në Kosovë, të ndalë zvogëlimin gradual të pranisë në urën kryesore mbi lumin Ibër në Mitrovicë të Veriut.

“Sapo i dërgova një letër sekretarit të përgjithshëm të NATO-s, Mark Rutte, dhe kërkova që KFOR-i, në përputhje me Rezolutën 1244 të OKB-së, të ndalë terrorin ndaj serbëve, përndjekjen dhe arrestimet e tyre, rrënimin e shtëpive, si dhe hapjen e urës mbi Ibër”, shkroi Vuçiq në Instagram më 20 gusht.

“Besoj se vlerësimi i tij do të jetë se paqja dhe stabiliteti rajonal janë të një rëndësie të madhe”, shtoi ai.

Radio Evropa e Lirë i është drejtuar NATO-s për koment lidhur me kërkesën e Vuçiqit dhe është në pritje të përgjigjes.

Mitrovica, pas luftës së vitit 1999, u nda në pjesën veriore, me shumicë serbe, dhe atë jugore, ku shumicën e përbëjnë shqiptarët. Sot ato funksionojnë si dy komuna të ndara.

Megjithatë, që nga përfundimi i luftës, KFOR-i e ka mbajtur nën mbikëqyrje urën mbi Ibër, e cila ndër vite ka qenë pikë e përplasjeve ndëretnike.

Sipas Vuçiqit, tërheqja e KFOR-it nga ura në këtë moment do të “krijonte kushte për një përballje përfundimtare me popullsinë serbe” në veri të Kosovës.

Ai tha se autoritetet në Serbi do të vazhdojnë “luftën politike me të gjitha mjetet e mundshme”, duke mos përjashtuar as mundësinë e thirrjes së një seance të posaçme të Këshillit të Sigurimit të Kombeve të Bashkuara.

Vuçiq tha gjithashtu se shefi i Shtabit të Përgjithshëm të Ushtrisë së Serbisë, Millan Mojsilloviq, ka zhvilluar një bisedë “shumë të vështirë” dhe “të keqe” me komandantin e KFOR-it, gjeneralmajor Ozkan Ulutash.

Ulutash u takua më 12 gusht edhe me përfaqësues të Listës Serbe, partisë kryesore të serbëve të Kosovës që gëzon mbështetjen e Beogradit dhe që gjithashtu kundërshton zvogëlimin e pranisë së KFOR-it në urën mbi Ibër.

Komandanti i KFOR-it tha atëherë se procesi i optimizimit të pranisë ishte nisur si rezultat i përmirësimit të situatës së sigurisë në Kosovë dhe se ai do të zhvillohej gradualisht.

Ura kryesore mbi lumin Ibër konsiderohet një nga pikat më të ndjeshme në aspektin e sigurisë në veri të Kosovës.

Misioni i NATO-s ka theksuar se vazhdon ta zbatojë mandatin e tij në përputhje me Rezolutën 1244 të Këshillit të Sigurimit të Kombeve të Bashkuara, duke kontribuar në ruajtjen e një mjedisi të sigurt dhe të lirisë së lëvizjes për të gjithë njerëzit në Kosovë.

KFOR-i ka thënë se do të vazhdojë të veprojë në mënyrë të paanshme dhe në koordinim me Policinë e Kosovës dhe EULEX-in, në përputhje me rolet përkatëse të secilit në fushën e sigurisë.

Ura kryesore mbi Ibër aktualisht është e hapur vetëm për këmbësorë. Qeveria e Kosovës kishte paralajmëruar në korrik të vitit 2024 hapjen e saj edhe për qarkullimin e automjeteve, një nismë që shkaktoi tensione dhe reagime nga bashkësia ndërkombëtare.

Ndërkohë, Qeveria e Kosovës ka ndërtuar edhe dy ura të tjera pranë urës kryesore – një për këmbësorë dhe një për automjete – me synimin për të lidhur Mitrovicën e Veriut me Mitrovicën e Jugut. /REL/

 

Continue Reading

Të kërkuara