Lajmet

DITARI: Çfarë lajmesh kemi lexuar në çdo 14 prill, në vitet nëntëdhjetë

Published

4 weeks ago

on

14 prill 1993

Lajmet kryesore:

Delegacioni i kongresit amerikan dhe parlamentarët e Belgjikës në Maqedoni

Civilët serbë bëjnë presion në familjen e dr.Shaqir Shaqirit

Misioni i KSBE-së vizitoi Suharekën

Reagime të partive politike shqiptare rreth kërcënimeve serbe për pengimin e konstituimit të Kuvendit të Republikës së Kosovës

Serbia synon të instalojë një kuvend serb në Kosovë

Konferencë për shtyp e Bashkimit të Sindikatave të Pavarura të Kosovës

Policia shqetësoi arsimtarët në Staradran të Istogut

Organi i dhunshëm i NBI “Rahoveci” po e plaçkitë pasurinë e NB “Mirusha”

U përjashtuan punëtorët shqiptarë nga administrata e Obiliqit

Në Murgull të Podujevës u arrestua Veli Sylejmani

U keqtrajtua minatori Islam Rafuna

U rrah rëndë edhe Prend M.Kolaj

Në Kijevë u arrestuan disa veprimtarë të LDK-së së Malishevës

Në Koshtovë të Mitrovicës u bastisën tri familje dhe disa fshatarë

Ekipi i “Mjekëve shëtitës” vizitoi katër fshatra të komunës së Obiliqit

 

14 prill 1994

Lajmet kryesore:

NATO-ja paralajmëron aksione të reja kundër forcave serbe

Shpeshtohen takimet serbo-greke

Në stacionin e policisë në Lluzhan u rrah brutalisht një qytetar

Prani kërcënuese e ushtrisë serbe në Pejë e Prizren

Represioni në Kosovë

U përjashtuan edhe 49 punëtorë shqiptarë nga “Coca-Cola” e Lipjanit

Në shënjestër edhe kryetarët e kuvendeve komunale të Republikës së Kosovës

Përfunduan garat e diturisë së shkollave të mesme në Prishtinë

Greva e radikalëve transnacionalë përfundoi me sukses

 

 

 

 

14 prill 1995

Lajm i plotë:

Policia serbe mbyti me torturë Abedin A. Ahmetin në Mitrovicë

Dje në mesditë, një përgjegjës i policisë serbe ia kumtoi familjes Ahmeti lajmin se Abedin A. Ahmeti (35) nga Zhabari i Epërm i Mitrovicës, vdiq në stacionin e policisë serbe në Mitrovicë.

Qendra për Informim dhe KMDLNJ në Mitrovicë njofton sot se pardje, më 12 prill, tre inspektorë serbë e arrestuan në shtëpinë e tij rreth orës 19:00 Abedin Azem Ahmetin.

Anëtarët e familjes thanë se Abedini u mbajt në polici deri në orën 21:00. Në atë kohë policët e kthyen atë në gjendje të pavetëdijshme në shtëpi.

Pas 15 minutash, policët e arrestuan sërish Abedinin dhe e mbajtën në stacion deri në orën 23:00, kur e kthyen prapë në shtëpi. Pas mesnate, në orën 01:00, policët e morën atë sërish dhe e dërguan në stacionin e policisë, e prej aty, të vdekur e dërguan në spitalin e Mitrovicës.

Familja u njoftua për vdekjen e Abedinit dje në mesditë nga një epror serb, i cili nuk saktësoi shkakun e vdekjes.

Dëshmitarët thonë se trupi i viktimës ishte me plagë dhe me hematome nga të goditurat.

Preteksti i arrestimit dhe mbytjes së Abedin A. Ahmetit, i cili ishte baba i tre fëmijëve, nuk dihet.

Varrimi i të ndjerit bëhet sot, në ora 12:00, në varrezat e fshatit Zhabar i Epërm.

 

 

Lajme të tjera:

Nga Kodra e trimave në Prishtinë shkoi një e u kthyen dy familje

Gazetarët e “Rilindjes” dënojnë arrestimin e kolegut të tyre Berat Luzha

Shtypi serb për arrestimet në Kaçanik

Në fabrikën e bllokave në Landovicë nga puna u larguan 60 punëtorë shqiptarë

Policia serbe ndërhyri në lokalet e gjimnazit “F. Bardhi” në Mitrovicë

Policia serbe ndërhyri sërish në SHMT “Marin Beçikemi” në Vushtrri

Dhuna e përditshme në Kosovë

Policia serbe rrahu një shtetas turk

Dy civilë serbë maltretuan nxënësin Albert H. Pllana

Punëtorët e “Luxit” të Mitrovicës në grevë

Serbët ndajnë 500 troje për kolonistët në Gjakovë

Policia serbe arrestoi një të ri shqiptar

Policia serbe ndërhyri sërish në Grejkoc të Suharekës

Dhunë e shkallëzuar në tre muajt e fundit në komunat e Pejës dhe të Kaçanikut

Mitingu i 30-të jubilar i poezisë mbahet më 23 maj

New York Times: Ish-agjenti serb nxjerr dokumente që flasin për bashkëpjesëmarrje të Serbisë në krimet në Bosnjë

Njoftime për ekzistimin e dëshmive të përzierjes së Beogradit në spastrimet etnike në Bosnjë

Në ish-Jugosllavi u vranë 200 mijë veta

 

 

 

14 prill 1997

Lajmet kryesore:

Nunci apostolik falënderon kryetarin Rugova në emër të Papa Gjon Palit II

Komiteti Kosovar i Helsinkit përshëndet kthimin e Lekës së Parë

Kryeministri italian vizitoi Shqipërinë

Një delegacion parlamentar turk viziton Shqipërinë

Nesër mbërrijnë ndihmat e para ushqimore në Shqipëri

Shkodër: Vazhdon bartja e hekurishtave në Mal të Zi

 

Lajm i plotë

Elbasan: Deri tash janë vrarë së paku 20 njerëz

Dje pasdite, rreth orës 17. 00, në lagjen “Qemal Stafa” të qytetit të Elbasanit, në vendin e quajtur Tabakhane ka patur për disa minuta rresht shkëmbime të zjarrit me armë mes dy grupesh, si pasojë e të cilave u vra Gazmir Peqini (28) dhe u plagosënr 5 shtetas të tjerë, njofton ATSH.

Burime të policisë bëjnë të ditur, se ngjarja ka ndodhur për motive të dobëta dhe se ky organ menjëherë është vënë në ndjekje për zbulimin e fajtorëve. Nga ana tjetër, dëshmitarë të pranishëm, thonë se konflikti ka patur protogonistë dy familje me lidhje të afërta gjaku ku bën pjesë dhe viktima se bashku me të vëllanë, që ndodhet në spitalin e Elbasanit në gjendje të rëndë. Mësohet se 2 prej personave të plagosur kanë qenë kalimtarë të rastit.

Që nga fillimi i trazirave, në qytetin e Elbasanit, deri tash janë vrarë së paku 20 njerëz.

 

Lajme të tjera:

Policia greke konfiskoi 60 kallashnikovë dhe 170 kg drogë që vinin nga Shqipëria

Shoqata për Kthimin e Shqiptarëve të Shpërngulur organizon konsultë

Në afërsi të doganës në Han të Elezit ushtria serbe plagosi të riun Nysret Curri

Persona të paidentifikuar vranë Ndue J. Lekajn nga Karashëngjergji

Një shqiptar u kthye nga aeroporti i Prishtinës sërish për në Gjermani

Policia financiare plaçkiti dy ndërmarrje private në komunën e Suharekës

Dhuna e përditshme në Kosovë

Policia ndërpreu një ndeshje futbolli dhe keqtrajtoi gjashtë futbollistë

 

 14 prill 1998

Edicioni i parë (11:00)

Lajm i plotë:

Klinton: SHBA-të kërkojnë konsultime të ngushta me qeverinë shqiptare për çështjen e Kosovës

 ATSH njofton se presidenti i SHBA, Villiam J. Clinton, i ka dërguar dje letër Kryeministrit të Shqipërisë, Fatos Nano, në të cilën i shpreh shqetësimin për situatën në Kosovë. Në këtë letër thuhet:

“Po ju shkruaj ndërkohë që në Kosovë situata është e vështirë dhe e kërcënuar. Së pari, më lejoni t’Ju shpreh vlerësimin për rolin udhëheqës që ju dhe qeveria juaj ka demonstruar gjatë javëve të fundit. Gjatë takimit të Bonit ju dhe sekretarja Allbright diskutuat për Kosovën, por qysh atëherë ka një numër zhvillimesh dhe për këtë me lejoni t’ju kumtoj qëndrimin tonë.

Besoj se ndajmë të njëjtin qëndrim mbi urgjencën e këtij problemi. Një shkallëzim i një krize në Kosovë mund të rrezikojë gjithçka që ne kemi përfunduar në Bosnjë. Gjithashtu, konflikti ka fuqinë të shpërndahet në lindje dhe në jug dhe të destabilizojë një rajon me interes për të gjithë ne.

Unë do të dëshiroja që ne të kemi privilegjin e një konsultimi të ngushtë të mundshëm me Qeverinë tuaj, ndërkohë që unë dhe këshilltarët e mi të politikës së jashtme përballemi me këtë sfidë. Gjatë ditëve të ardhshme do të dërgoj në Tiranë Strobe Talbott, zëvendësin e Madeleine Allbright, së bashku me një delegacion nga Departamenti i Shtetit, Departamenti i Mbrojtjes dhe stafi Keshillues i Sigurimit Kombëtar.

Vetëm në qoftë se ne veprojmë shpejt, vendosmërisht dhe në bashkëpunim mund të shmangim një cënim të ri të paqes në Evropën Juglindore”.

 

Lajme të tjera:

Shpërthime dhe të shtëna me armë në stacionin e policisë në Kodër të Trimave në Prishtinë

Fatmir Makolli u mbajt rreth 12 orë në polici

Studenti u kindnapua në qendër të Mitrovicës

 

 

Edicioni i dytë (14:45)

Lajmet kryesore:

Komunikatë e Kryesisë së LDK-së

Për shkak të Kosovës, UE do të ndërmarrë masa ndëshkuese ndaj Beogradit

Vërejtje të shumta në adresë të Këshilli të Emergjencës

Serbët forcojnë istikamet rreth Drenicës

Forca policore shkuan nga Mitrovica drejt Skënderajt

Shetitje protestuese në Kosovë

Podujevë: Lëvizje të forcave ushtarako-policore

Obiliq: Qytetarët keqtrajtohen nga policët dhe civilët serbë

Policia Serbe nuk lejon bujqit e Kijevës të punojnë në arat e tyre

Kontroll i shtuar i policisë në Fushë Kosovë

Hollbruk: “Uashingtoni duhet të jetë më i prerë”

 

Edicioni i tretë (19:00)

Lajmet kryesore:

Policia bastisi disa shtëpi në lagjen “Kodra e trimave”

Gjendje e rëndë në Klinë: Ndërprehet mësimi në Jashanicë të Epërme dhe të Ulët

Në Pejë policia serbe rrahu shëtitësit shqiptarë

Dhunë e shtuar edhe në Istog

Landovica nën presion ushtarak

Prizren: Në shëtitjen e sotme morën pjesë rreth 40 mijë qytetarë

Malishevë: Krahas solidarizimit me Drenicën të përmbushen edhe obligimet e rregullta financiare

Foto: Kodra e Trimave në Prishtinë

Related Topics:
Continue Reading

Vendi

MINT publikon çmimet e reja të derivateve për fundjavë dhe të hënën

Published

4 hours ago

on

May 10, 2026

By

Ministria e Industrisë, Ndërmarrësisë, Tregtisë dhe Inovacionit (MINT) ka bërë të ditura çmimet maksimale të lejuara për derivatet e naftës, të cilat do të vlejnë për datat 10 dhe 11 maj 2026.

Sipas njoftimit të ministrisë, çmimi maksimal i naftës është caktuar në 1.61 euro për litër, ndërsa benzina nuk mund të shitet më shtrenjtë se 1.50 euro për litër.

Ndërkaq, çmimi maksimal i gazit është përcaktuar në 0.79 euro për litër.

Rritja e shqetësimeve për tregun e naftës po lidhet edhe me tensionet e fundit në Ngushticën e Hormuzit, një nga korridoret më të rëndësishme të transportit të naftës në botë.

Irani ka paralajmëruar vështirësi për anijet e vendeve që mbështesin sanksionet ndaj Teheranit, duke shtuar frikën për ndikim në furnizimin global me derivate. Këto zhvillime kanë nxitur lëvizje dhe pasiguri në tregjet ndërkombëtare të energjisë.

Continue Reading

Aktualitet

Kosova në Ditën e Evropës: Aspirata evropiane mes pengesave politike

Published

1 day ago

on

May 9, 2026

By

Kosova po e shënon 9 Majin – Ditën e Evropës – mes simbolikës së orientimit të saj pro-evropian dhe sfidave që vazhdojnë ta përcjellin në rrugën drejt Bashkimit Evropian. Ndonëse konsiderohet një nga shoqëritë më pro-evropiane në Ballkanin Perëndimor, vendi ende nuk ka marrë statusin e kandidatit, edhe pse aplikimi për anëtarësim u dorëzua në fund të vitit 2022.

Për më shumë se dy vite, procesi integrues i Kosovës u rëndua nga masat ndëshkuese të Bashkimit Evropian, të vendosura pas tensioneve në veri gjatë vitit 2023. Këto masa sollën pasoja edhe në aspektin financiar, duke bllokuar mbi 600 milionë euro projekte dhe mbështetje për Kosovën, deri në fillim të vitit 2026, kur Brukseli vendosi t’i largojë ato.

Situata nxiti reagime dhe kritika për qasjen e BE-së ndaj Kosovës, sidomos në raport me zhvillimet në rajon. Ndërkohë që Kosova u përball me masa kufizuese, Serbia nuk u sanksionua në mënyrë të ngjashme as pas sulmit të armatosur në Banjskë, ngjarje që tensionoi më tej raportet mes dy vendeve.

Profesori i marrëdhënieve ndërkombëtare dhe shkencave politike, Dritëro Arifi, vlerëson se Kosova ka treguar vazhdimisht orientim të qartë drejt Bashkimit Evropian, sidomos përmes përafrimit të legjislacionit me standardet evropiane.

“Kosova është jashtëzakonisht shumë e përkushtuar drejt integrimit evropian. Të gjitha ligjet që janë miratuar që nga pavarësia janë në përputhje me ligjet e BE-së dhe në këtë aspekt Kosova është shumë e përgatitur”, thotë Arifi.

Sipas tij, megjithëse Kosova ka bërë progres në aspektin institucional dhe ligjor, pengesat politike vazhdojnë të mbeten vendimtare në procesin e integrimit.

“Procesi i integrimit nuk është vetëm teknik, por edhe politik. Problemi politik ka ndikuar që Kosova të stagnojë në këtë proces, edhe pse është ndër vendet më pro-evropiane jo vetëm në Ballkan, por edhe në shumë vende të Bashkimit Evropian”, deklaron ai.

Arifi thekson se një ndër vështirësitë kryesore mbetet fakti që pesë shtete të Bashkimit Evropian ende nuk e njohin pavarësinë e Kosovës, gjë që, sipas tij, krijon pengesa të vazhdueshme në avancimin e vendit drejt strukturave evropiane.

“Kosova ende nuk e ka statusin e vendit kandidat dhe kjo realisht e dëmton rrugën drejt integrimit. Në një mënyrë të vetëdijshme apo jo, vetë BE-ja po e dëmton procesin e integrimit të Kosovës, por edhe të gjithë Ballkanit Perëndimor”, shprehet Arifi.

Ai kritikon edhe vendimin për masat ndëshkuese, duke i cilësuar ato si të padrejta dhe me ndikim negativ për zhvillimin e vendit.

“Masat ndëshkuese të BE-së kanë qenë jashtëzakonisht të dëmshme dhe jokorrekte dhe kanë ndikuar shumë në potencialin tonë si shtet”, thotë ai.

Profesori vlerëson se Kosova duhet të vazhdojë reformat dhe ndërtimin e standardeve evropiane, pavarësisht ritmit të integrimit formal në BE.

Ai shton se forcimi i institucioneve dhe funksionimi sipas standardeve evropiane duhet të mbetet prioritet i Kosovës, pavarësisht sfidave politike që e shoqërojnë procesin.

“BE-ja duhet ta bëjë një hap dhe ta pranojë Kosovën si vend kandidat. Kjo do ta ndryshonte edhe politikën e Serbisë, sepse do të kuptohej qartë se Bashkimi Evropian nuk ka më dykuptimësi për shtetësinë e Kosovës”, deklaron Arifi.

Pas heqjes së masave ndëshkuese, pritjet tashmë janë që institucionet e Kosovës të fokusohen në objektivat e ardhshme evropiane, përfshirë anëtarësimin në Këshillin e Evropës dhe avancimin drejt statusit të vendit kandidat.

Në Ditën e Evropës, Kosova vazhdon ta shohë integrimin evropian si synim strategjik, duke kërkuar njëkohësisht mbështetje dhe trajtim më të barabartë nga Bashkimi Evropian.

Continue Reading

Vendi

MINT gjobit KEDS-in edhe me 35 mijë euro pas parregullsive me njehsorët elektrikë

Published

2 days ago

on

May 8, 2026

By

Komisioni verifikues në kuadër të Agjencisë së Metrologjisë së Kosovës (AMK) po vazhdon me verifikimin e njehsorëve elektrikë pas ankesave të shumta të qytetarëve, proces ky që ka rezultuar me masa ndëshkimore.

Ministria e Industrisë, Ndërmarrësisë, Tregtisë dhe Inovacionit (MINTI) ka njoftuar se pas kontrolleve laboratorike të 16 njehsorëve, janë gjetur shkelje të rënda, për çka Inspektorati Qendror i Mbikëqyrjes së Tregut ka shqiptuar gjobë ndaj KEDS-it në vlerë prej 35 mijë eurosh.

Nga analizat e detajuara laboratorike, në gjashtë raste është vërtetuar se njehsorët elektrikë kishin afat të skaduar të verifikimit, ndërsa në gjashtë raste të tjera janë evidentuar devijime në orë dhe datë. Po ashtu, inspektorët kanë konstatuar një rast të heqjes së miratimit të tipit të njehsorit, ndërkohë që tre pajisje të tjera janë ende në proces të ekzaminimit të mëtutjeshëm.

MINTI dhe Agjencia e Metrologjisë kanë bërë të ditur se ky aksion nuk do të ndalet me aq. Verifikimet do të vazhdojnë intensivisht edhe në ditët në vijim për të garantuar që çdo pajisje matëse funksionon sipas standardeve ligjore, me qëllim mbrojtjen e konsumatorëve nga faturimet e pasakta dhe sigurimin e transparencës në tregun e energjisë.

 

Continue Reading

Lajmet

Shqipëria synon mbylljen e 10 kapitujve të parë me BE-në: Plotësohen 27 piketa kyçe

Published

2 days ago

on

May 8, 2026

By

Shqipëria ka hyrë në një etapë intensive teknike drejt anëtarësimit në Bashkimin Evropian, duke u fokusuar tashmë në përmbushjen e detyrimeve konkrete ekonomike dhe shoqërore. Gjatë mbledhjes së Këshillit Kombëtar të Integrimit Evropian, Kryenegociatorja Majlinda Dhuka bëri të ditur se vendi po punon për mbylljen teknike të 10 kapitujve të parë, të cilët mbulojnë 27 nga 101 piketat totale të përcaktuara nga Brukseli.

Sipas ministres Dhuka, Shqipëria ka bërë hapa domethënës në fusha si marrëdhëniet me jashtë, kërkimi shkencor dhe arsimi, për të cilat pritet vlerësimi përfundimtar nga Komisioni Evropian. Përparim është shënuar edhe në kapitujt që lidhen me pronësinë intelektuale, prokurimin publik dhe politikat monetare. Deri më tani, janë realizuar 92 nisma të rëndësishme që kanë mundësuar përmbushjen e 24 piketave të ndërmjetme, duke marrë vlerësime pozitive nga partnerët evropianë.

Një peshë të rëndësishme në këtë proces luan reforma në drejtësi dhe lufta kundër korrupsionit. Dhuka vlerësoi rolin e Kuvendit në miratimin e ligjeve për statusin e gjyqtarëve dhe prokurorëve, si dhe nismat për lobimin dhe parandalimin e konfliktit të interesit. Paralelisht, vëmendje u është kushtuar të drejtave themelore, mbrojtjes nga diskriminimi dhe forcimit të lirisë së medias përmes ndryshimeve në Kodin Penal.

Në përfundim, Kryenegociatorja theksoi se Shqipëria po dëshmon seriozitet institucional në ndërtimin e një shteti që garanton rendin dhe drejtësinë sipas standardeve të BE-së. Sipas saj, kalimi nga faza e besimit politik në atë të rezultateve teknike është prova më e madhe e progresit të vendit në rrugën evropiane.

 

Continue Reading

Të kërkuara