Lajmet

DITARI: Çfarë lajmesh kemi lexuar në çdo 10 prill, në vitet nëntëdhjetë

Published

7 months ago

on

10 prill 1993

Lajmet kryesore:

Nesër në Kosovë vjen delegacioni i kongresistëve amerikanë

Pjetër Arbnori qëndroi në Maqedoni

Një delegacion i Qeverisë së Kosovës qëndroi në Tetovë

Rektori i Universitetit të Prishtinës u dërgua në burgun e Mitrovicës

Adem Demaçi: Nuk bënë të ngrihemi në këmbë pas atyre që shpërndajnë trakte natën…

Aksion i policisë serbe në Mitrovicë

Një anëtar i misionit të KSBE-së vizitoi Malishevën

Në Podujevë u bastis dhe u maltretua familja Bejtullahu

Protestë kundër burgosjes së rektorit të Universitetit të Prishtinës

Nga banesat nxirren 55 punëtorë të “Ballkanit” të Suharekës

Masat e dhunshme u vunë edhe në shoqatën automoto “Semafor” në Suharekë

Policia arrestoi e rrahu tre nxënës prishtinas

Aksion në Parkun e Prishtinës

Plaçkitje të mëdha të policisë financiare

 

 

 

10 prill 1995

Lajmet kryesore:

Kryetari Rugova u takua me komunitetin shqiptar në Londër

Dr. Berisha: Athina mund të inkurajojë dialogun shqiptaro-serb

Sot në Shqipëri arrin ministri turk i mbrojtjes

Raport i KMDLNJ për represionin e pushtetit serb gjatë muajit mars 1995 në Kosovë

Persona të maskuar sulmuan Fazli Balajn

Në Prishtinë uji ende nuk mund të pihet

Dhuna e përditshme në Kosovë

Minatori Avdi Uka u mor dy herë në polici

Represioni në Gllogvc gjatë muajit mars

Policia ndërhyri në deponë e SHHB “Nënë Tereza” në Gllogovc

Policia ndërhyri në SHF “Idriz Seferi” në Bob të Kaçanikut

Policia serbe ndërhyri në dy shkolla në komunën e Malishevës

Në Geteborg përfundoi Java e Kulturës Shqipare

Filloi sezoni pranveror i kampionatit të Kosovës në futboll

Mësimdhënësit e Universitetit të Tetovës u shkruajnë institucioneve ndërkombëtare

SHBA të preokupuara me keqësimin e situatës në Bosnjë

Ekspertët e Grupit të kontaktit vizitojnë Beogradin, Zagrebin dhe Sarajevën

Në Prishtinë për kolonistët serbë jipen 150 troje

“Zëri i Amerikës” e “Evropa e lirë” për aktakuzën kundër ish-policëve të Kosovës në Prishtinë

Kryetari i Degës së LDK-së në Suharekë u lirua nga burgu

Në rrethana të pasqaruara vdiq Ilmi Loshi nga Vraniqi

 

 

10 prill 1997

Lajm i plotë:

Përfundoi punimet tryeza triditëshe në Nju Jork

Dje në Nju Jork i përfundoi punimet tridiëtshe tryeza shqiptaro-serbe për çështjen e Kosovës.

Në përfundim të tryezës u shpallën nga organizatori Projekti për Çështje etnike dy kumtesa. Në njërën, pasi ipet lista e pjesëmarrësve të tryezës së Nju Jorkut, përkujtohet takimi i para dy viteve në Beograd, kur, siç thuhet në kumtesë, Partia Socialiste e Serbisë pat propozuar “fillimin e bisedimeve serioze drejt gjetjes së zgjidhjes së problemeve në marrëdhëniet serbo-shqiptare”, ndërsa “rezultati më i rëndësishëm i tryezës së parë ishte pranimi i kësaj iniciative nga LDK-ja”.

Në kumtesën tjetër thuhet:

  1. Kosova paraqet një problem serioz i cili kërkon zgjidhje urgjente. Pa inkurajim dhe ndihmë ndërkombëtare nuk mund të tejkalohet mungesa e besimit mes palëve ose të arrihet zgjidhje qëndrueshme.
  2. Problemi mund të zgjidhet vetëm përmes marrëveshjes së ndërsjellë që arrihet përmes dialogut, në të cilin duhet të hyhet pa parakushte dhe pa paragjykime mbi rezultatet e mundshme.
  3. Marrëveshja duhet të mbështetet në parimet e demokratizimit, të respektit të ndërsjellë mes palëve, respektimit të të drejtave të njeriut, atyre individuale e kolektive dhe të avancimit të stabilitetit rajonal duke respektuar parimet e Helsinkut mbi kufijtë. Në zgjidhje e përkohshme kërkon një Kosovë demokratike dhe një Serbi demokratike.

Në njoftimet e shumta të mediumeve të huaja mbrëmë dhe sot theksohet qëndrimi i prerë i palës shqiptare për pavarësi dhe qëndrimi serb për zgjidhjen e çështjes së Kosovës në kuadër të Serbisë e të Jugosllavisë së mbetur.

Në fund të tryezës Alen Kasof, president i Projektit për Marrëdhënie Etnike që e përgatiti takimin në Nju-Jork, tha se këto bisedime ishin të rëndësishme për disa arsye.

Së pari, palët u njohën me njëra-tjetrën, sepse udhëheqjet e të dy palëve kanë vepruar në rrethana krejtësisht të ndryshme. Udhëheqësit e opozitës serbe janë politikanë të rinj, ndërsa politikanët shqiptarë kanë vepruar kryesisht në sistemin paralel.

Aspekti tjetër i rëndësishëm i bisedimeve është se pala serbe dhe ajo shqiptare, por edhe vëzhguesit amerikanë, tani kanë një pasqyrë më të qartë për spektrin e alternativave që ofrohen për zgjidhjen e krizës në Kosovë.

Ndërkaq aspekti më i rëndësishëm i bisedimeve është se palët u shprehën fuqimisht që problemi të zgjidhet në rrugë paqësore, me mjetet demkoratike dhe hap pas hapi, tha presidenti i Projektit.

Pastaj pjesëmarrësit dolën para gazetarëve të shumtë dhe u përgjigjen në pyetjet e tyre.

 

Lajme të tjera:

Demaçi: Presion për të marrë pjesë në zgjedhjet në Serbi e në Jugosllavi

Drashkoviq: Dialogu i ardhshëm për Kosovën – në Serbi?!

  1. Koshtunica: Po internacionalizohet çështja e Kosovës

Socialistët serbë të Kosovës opozitën e akuzojnë për tradhti

Nikollas Bërns: Sali Berisha nuk është pengesë për paqen në Shqipëri

Parlamenti italian miratoi vendimin për pjesëmarrjen e Italisë në forcat shumëkombëshe në Shqipëri

Lekë Zogu vjen të shtunën në Shqipëri

Dhuna e përditshme në Kosovë

Podujevë: Aksione plaçkitëse nëpër dyqane dhe ndërmarrje private

Në Mitrovicë disa serbë thyen banesën e një familjeje shqiptare

 

Lajm i plotë:

Në një bodrum në lagjen Ulpiana në Prishtinë u gjet trupi i pajetë i një fëmije

Dje, në bodrumin e bllokut banesor D-VII, në lagjen Ulpiana të Prishtinës, u gjet trupi i një fëmijë tash për tash të paidentifikaur. Sipas disa dëshmitarëve, fjala është për kufomën e një fëmije, e dëmtuar ç’prej kohësh, gjë që edhe ka vështirësuar shumë punët rreth përcaktimit të identitetit të saj, njofton “Bujku”.

Kufomën e gjeti dje në mëngjes ekipi i punëtorëve të servisit privat “Universal” për mirëmbajtjen e banesave, derisa po bënin pastrimin e bodrumit të kësaj ndërtese. Punëtorët kanë njoftuar organet policore dhe thuhet se ato kanë dalë menjëehrë në vendin e ngjarjes. Kufoma ishte e shtrirë në shpinë dhe kishte këmishë me katrorë të kuq, pantollona xhins të kaltër dhe çorapë të trasha ngjyrë të kuqe të mbylltë, thanë punëtorët e këtij sevisi.

Hëpërhë nuk ka të dhëna të tjera lidhur me këtë kufomë, por së shpejti priten rezultatet e ekspertizës për identifikimin e saj.

 

 

 

Lajm i plotë:

Pas një viti u gjet kufoma e fëmijës Jeton Metaj

Trupi i pajetë i paidentifikuar, që u gjet dje në bodrumin e bllokut banesor D-VII, në lagjen Ulpiana të Prishtinës, është i Jeton M. Metajt (9) nga Prishtina, i deklaroi sot QIK-ut, babai i të ndjerit Muhameti.

Nga familja e tij, ai ishte larguar më 18 prill të vitit të kaluar dhe, përkundër të gjitha përpjekjeve familja e tij nuk kishte arritur të mësonte dot ku ndodhej ai.

Për shkak se babai i tij ishte i larguar nga puna, ai kishte dalë nga banesa për të shitur duhan dhe më nuk ishte kthyer, ndërsa fëmijët që ishin me të nuk ishin në gjendje të shpjegonin ku kishte mbetur ai.

Muhamet Metaj i tha QIK-ut se ai e kishte njohur kufomën e djalit të tij në bazë të një shenje që Jetoni kishte në vesh dhe nga rrobat e tij.

Ai tha se organet hetuese serbe nuk i kanë dhënë atij njoftime më të hollësishme. Policia i ka thënë atij se do ta njoftojnë më vonë për kohën kur do të mund ta marrë për ta varrosur kufomën.

 

Lajme të tjera:

Ushtarët grekë pritet që të vendosen në Tiranë dhe në Vlorë

Në Kosovën Lindore nesër fillon vaksinimi i fëmijëve kundër paralizës

Pejë: Merren në pyetje aktivistë politikë

 

 

10 prill 1998

Edicioni i parë (13:00)

Lajmet kryesore:

Konferencë për gazetarë e kryetarit të Republikës së Kosovës dr. Ibrahim Rugova

Mbi 50.000 qytetarë u mblodhën në rrugën kryesore të Prishtinës

Policia largoi qytetarët nga rruga kryesore e Lipjanit

Detonacione të fuqishme nga stacioni policor i Irzniqit të Deçanit

  1. Igëllberger: Shpërthimi në Kosovë, çështje e sigurisë amerikane

Zëdhënësi i Ushtrisë së Shqipërisë: Në rast të agresionit në Kosovë, do të reagonte mbarë kombi shqiptar

SHHB “Nëna Tereze” nuk merr pjesë në vaksinimin kundër poliomilitit

Ushtarët serbë provokojnë banorët e Ribarit të Madh të Lipjanit

Lipjan: U morën në pyetje dy aktivistë të LDK-së

Një helikopter i ushtrisë serbe incizoi dhe fotografoi terrenin mbi fshatrat e Malishevës

Në Prishtinë janë grumbulluar 265 mijë DM për Drenicën

Nga Universiteti Marmara të Stambollit: 42. 000 DM për Drenicën

Në Banjë policia plaçkiti dhe keqtrajtoi Alban Mazrekun nga Malisheva

 

 

Edicioni i dytë (15:30)

Lajm i plotë:

Sadako Ogata vizitoi familjen Sejdiu

Sadako Ogata e vizitoi sot familjen e Sejdi Osmanit nga Skënderaj, e cila është vendosur në një familje Prishtinë.

  1. Osmani ka punuar si bukëpjekës në Skënderaj. Pas sulmit në Prekaz kishte ardhur në Prishtinë dhe është vendosur në një familje shqiptare, në një banesë përdhese. Ai jeton me bashkëshorten dhe katër fëmijë të vegjël.

Sadako Ogata me bashkëpunëtorët qëndroi në këtë familje rreth dhjetë minuta dhe bisedoi me të për rrethanat e largimit të saj nga shtëpia e vet në Skënderaj dhe për kushtet e jetës në këtë banesë në Prishtinë.

 

Lajme të tjera:

Mitrovicë: Policia keqtrajtoi shumë qytetarë

Përforcime në postbllokun e fshatit Ternafc

Gjendje e rëndë në familjen e Xhemë Shalës në Kopiliq

Në Strugë janë mbledhur 75. 000 DM për Kosovën

Dhuna e përditshme në Kosovë

 

Edicioni i tretë (19:30)

Lajmet kryesore:

Në Ferizaj në shëtitje rreth 80 mijë veta

Shëtitje masive edhe në Podujevë

Në Pejë policia serbe pengoi shëtitjen

Veprimtarët politikë të Gllogovcit u morën në polici

Civilët serbë e rrahën Arlind Kadriun në prani të policëve

Nga Serbia erdhën forca policore

Mbrëmë në Qafë të Dulës u plagos një udhëheqës lokal i Partisë socialiste serbe në Dragash

Regjimi serb i dërgon ftesa për ushtri të rinjve shqiptarë

Foto: Nju Jorku

 

Related Topics:
Continue Reading

lajme

Prokuroria e Pejës nis hetime ndaj zyrtarëve që dyshohet se neglizhuan rastin e Arlinda Zekajt

Published

4 hours ago

on

October 26, 2026

By

Prokuroria Themelore në Pejë ka iniciuar hetime zyrtare ndaj një zinxhiri zyrtarësh që u përmendën nga e ndjera Arlinda Zekaj në një parashtresë drejtuar kryeprokurores, ku denoncohej neglizhenca e tyre institucionale.

Zëdhënësi i Prokurorisë, Shkodran Nikçi, bëri të ditur në një konferencë për media se viktima kishte dorëzuar letrën më 22 tetor – vetëm tri ditë para se të vritej. Në këtë parashtresë, Zekaj kishte kërkuar masa urgjente, duke paralajmëruar me shkrim se institucionet mund të reagonin vetëm pasi të humbiste një jetë njeriu.

Sipas Nikçit, viktimës i ishte njohur e drejta e shfrytëzimit të pronës dhe ishte lëshuar urdhër që bashkëshorti të mos i afrohej në distancë prej dy metrash. Vendimi gjyqësor u ekzekutua të enjten në prani të policisë, por pak orë më vonë shpërtheu një konflikt.

Zyrtarët i kishin kërkuar viktimës të mos qëndronte në atë shtëpi për shkak të rrezikut të lartë për sigurinë e saj, duke ftuar edhe dy vëllezërit e saj për ta bindur që të strehohej te ta derisa të gjendej një zgjidhje.

Arlinda Zekaj u vra të dielën në mbrëmje në Vitomiricë të Pejës. I dyshuari kryesor për këtë vrasje është kunati i saj, i cili vazhdon të jetë në arrati. /E.A/

 

Continue Reading

Lajmet

“Shteti e vrau Arlindën”: Organizata QIKA me aksion simbolik para Qeverisë kërkon përgjegjësi për vrasjen e Arlinda Zekajt

Published

4 hours ago

on

October 26, 2026

By

Organizata për Barazi Gjinore QIKA ka zhvilluar sot një aksion simbolik para ndërtesës së Qeverisë së Kosovës, duke kërkuar llogaridhënie të menjëhershme institucionale për vrasjen e Arlinda Zekajt në Pejë.

Aktivistet vendosën mbishkrimin “Shteti e vrau Arlindën” në hyrje të ndërtesës dhe hodhën ngjyrë të kuqe në shkallë, si simbolikë e jetëve të humbura të grave dhe përgjegjësisë shtetërore.

Përfaqësuesja e QIKA-s, Blenda Asllani, theksoi se e ndjera kishte ndjekur të gjitha procedurat ligjore, kishte siguruar urdhër mbrojtjeje dhe kishte paralajmëruar rrezikun e dokumentuar, por megjithatë u vra pak minuta pasi kërkoi ndihmë.

“Shteti u kërkon grave ta denoncojnë dhunën, t’i dokumentojnë kërcënimet dhe t’u besojnë institucioneve. Por çfarë vlere kanë këto procedura kur një grua mund t’i ndjekë të gjitha dhe, megjithatë, të vritet? Vrasja e Arlindës është pasojë e një shteti që i braktis gratë”, deklaroi Asllani.

QIKA kërkoi hetim të hollësishëm për të gjitha hallkat zyrtare, duke kërkuar që çdo person përgjegjës – përmes veprimeve apo mosveprimeve – të përballet me drejtësinë pa asnjë tolerim apo fshehje prapa procedurave burokratike. /E.A/

 

Continue Reading

Live

Izraeli voton të martën: Netanyahu në garë të ngushtë për mbijetesë politike pas tre vitesh luftë

Published

4 hours ago

on

October 26, 2026

By

Tre vjet pas sulmit të 7 tetorit 2023, Izraeli përballet të martën me zgjedhje parlamentare vendimtare, ku kryeministri 77-vjeçar, Benjamin Netanyahu, kërkon rizgjedhjen në një garë jashtëzakonisht të ngushtë.

Zgjedhjet shihen si një plebishit për të ardhmen e vendit dhe llogaridhënien e pushtetit:

Kundërshtarët: Të udhëhequr nga ish-shefi i ushtrisë Gadi Eisenkot, kërkojnë përgjegjësi për dështimet e sigurisë të 7 tetorit dhe e akuzojnë Netanyahun për udhëheqjen e një “luftë të përjetshme” pa fitore politike.

Mbështetësit: E shohin Netanyahun si të vetmin lider që i bëri ballë Hamasit, Hezbollahut dhe Iranit, ndërsa vetë ai ka mbështetur fushatën në sloganin e djathtë kundër krijimit të një shteti palestinez dhe mbështetjen e presidentit amerikan Donald Trump.

Përveç pasojave të luftës, votuesit mbeten të ndarë edhe për përjashtimin e ultraortodoksëve nga shërbimi ushtarak dhe reformën e diskutueshme në gjyqësor. Meqë asnjë parti nuk pritet të fitojë vetëm shumicën prej 61 mandatesh, rezultati do të përcaktohet nga bisedimet e vështira për koalicion.

 

Continue Reading

Lajmet

Reagimi i Prokurorisë: Si u trajtuan rastet dhe paralajmërimet e Arlinda Zekajt para se të vritej

Published

7 hours ago

on

October 26, 2026

By

Prokuroria Themelore në Pejë ka reaguar edhe njëherë lidhur me vrasjen e Arlinda Zekajt në Vitomiricë të Pejës, duke njoftuar për siç thuhet në komunikatë, veprimet që ka ndërmarrë kryeprokurorja e kësaj Prokurorie dhe prokurorët e shtetit pas pranimit të kërkesës së viktimës dhe gjatë trajtimit të rasteve të raportuara më parë.

Në komunikatë thuhet se dy ditë para vrasjes së saj, më 23 tetor, kishte ngritur aktakuzë ndaj ish-bashkëshortit të tani të ndjerës, J.S., për veprën penale të kanosjes në kuadër të marrëdhënies familjare. Ndërkaq më 16 tetor, disa ditë para ngritjes së aktakuzës,  Gjykata kishte nxjerrë një vendim përmes të cilit ishte urdhëruar që ish-bashkëshorti i tani të ndjerës ta lejonte atë të kthehej dhe ta shfrytëzonte shtëpinë e përbashkët. Po ashtu, ishte lëshuar urdhër mbrojtjeje për një periudhë gjashtëmujore, i cili kishte hyrë në fuqi menjëherë.

“Sipas vendimit gjyqësor, zbatimi i urdhrit dhe njoftimi i Gjykatës për zbatimin e tij apo për pengesat eventuale ishin përgjegjësi e Policisë së Kosovës”, thuhet në komunikatë.

Bëhet e ditur se në ditën kur viktima kishte kërkuar zbatimin e urdhrit dhe kthimin në shtëpinë e përbashkët, Policia e Kosovës e kishte njoftuar prokurorin kujdestar për rrethanat e rastit. Pas vlerësimit të situatës dhe të rrezikut të mundshëm për sigurinë e saj, thuhet se prokurori i shtetit kishte vlerësuar se kthimi i menjëhershëm në shtëpinë e përbashkët mund të paraqiste rrezik për jetën dhe sigurinë e viktimës.

“Me qëllim të mbrojtjes së saj, prokurori kishte kontaktuar familjarët e viktimës, përkatësisht vëllezërit e saj, të cilët ishin ftuar në stacionin policor dhe ishin njoftuar për rrethanat e rastit.  Pavarësisht insistimit të viktimës për t’u kthyer në shtëpinë e përbashkët, prokurori i shtetit, duke marrë parasysh rrethanat e paraqitura dhe rrezikun e mundshëm, kishte udhëzuar që ajo të dërgohej në shtëpinë e vëllezërve të saj”, thuhet në njoftim.

Me kërkesën e shprehur të viktimës, në komunikatë thuhet se prokurori i shtetit dhe hetuesit policorë, në praninë e saj dhe të familjarëve, kishin përpiluar një shkresë zyrtare në të cilën ishin paraqitur arsyet përse ishte vlerësuar e nevojshme që ajo të qëndronte te vëllezërit e saj.

Pas bisedimeve, thuhet se viktima kishte pranuar të shkonte te familjarët, por kishte kërkuar që të nesërmen të shoqërohej nga një patrullë policore për t’u kthyer në shtëpinë e përbashkët.

Po atë natë, prokurori i shtetit, së bashku me hetuesit e rastit, kishte bërë vlerësimin profesional të nivelit të rrezikut dhe të masave të nevojshme të sigurisë. Si rezultat, ishte vendosur që, gjatë kthimit të planifikuar të viktimës në shtëpinë e përbashkët, një patrullë policore të qëndronte në afërsi të shtëpisë.

“Për këto rrethana ishte përpiluar procesverbali i datës 22 tetor 2026. Prokurori i rastit kishte kërkuar që përmes së njëjtës shkresë të njoftohej edhe gjyqtari i çështjes që kishte nxjerrë vendimin për shfrytëzimin e shtëpisë së përbashkët nga bashkëshortët”, thuhet në njoftim.

Theksohet se pasi kryeprokurorja pasi kishte pranuar kërkesën nga Zekaj ku ishte ankuar për mënyrën e trajtimit të rasteve të mëparshme, kishte kërkuar që me urgjencë të vlerësohej situata në mënyrë që sipas saj “të verifikoheshin pretendimet për lëshime eventuale dhe të ndërmerreshin veprimet brenda përgjegjësive ligjore të secilit institucion”.

Nata kritike: Kthimi në shtëpi nën shoqërimin e Policisë dhe vrasja 

Prokuroria ka sqaruar se natën kritike, më 25 tetor 2026, në orën 19:48, Policia e Kosovës kishte kontaktuar prokurorin kujdestar të Departamentit të Përgjithshëm lidhur me një rast të dyshuar të dhunës në familje, i cili kishte ndodhur në shtëpinë e tani të ndjerës.

Në stacionin policor ishin shoqëruar ish-bashkëshorti i saj, J.S., dhe viktima. Në lidhje me rastin ishte iniciuar procedurë për veprën penale të mospërfilljes së gjykatës, ndërsa J.S. ishte ndaluar për 48 orë.

Gjatë trajtimit të rastit, Prokuroria thotë se viktimës i ishte ofruar mundësia për të shkuar në një strehimore, por ajo kishte refuzuar, duke kërkuar të kthehej në shtëpinë e përbashkët, ku ndodhej djali i saj dhe pasuria e saj.

Pas kësaj, viktima ishte shoqëruar nga një patrullë policore për në shtëpi, rreth orës 21:00. Pak minuta pas kthimit të saj, prokurori kujdestar ishte njoftuar se ajo ishte goditur me një mjet të fortë brenda shtëpisë nga kunati i saj, A.S., i dyshuar në këtë rast.

Pas marrjes së njoftimit, në vendin e ngjarjes kishin dalë njësitë përkatëse të Policisë së Kosovës, Kryeprokurorja e Prokurorisë Themelore në Pejë dhe prokurorja kujdestare e Departamentit për Krime të Rënda, me qëllim të përcjelljes nga afër të situatës dhe ndërmarrjes së veprimeve fillestare hetimore në vendin e ngjarjes.

Prokuroria njofton gjithashtu se, më 23 tetor 2026, kishte ngritur aktakuzë ndaj ish-bashkëshortit të tani të ndjerës, J.S., për veprën penale të kanosjes në kuadër të marrëdhënies familjare.

Prokuroria Themelore në Pejë deklaron se pretendimet e paraqitura nga tani e ndjera Arlinda Zekaj në kërkesën e saj janë trajtuar me seriozitet dhe se Kryeprokurorja ka ndërmarrë veprime për adresimin e tyre te institucionet kompetente, si dhe ka iniciuar rast për hetimin e veprimeve ose mosveprimeve të mundshme të personave zyrtarë.

“Prokuroria shpreh keqardhje të thellë për humbjen tragjike të jetës së Arlinda Zekajt dhe shpreh ngushëllimet më të sinqerta për familjen e saj. Në të njëjtën kohë, Prokuroria thekson rëndësinë e një hetimi të plotë, objektiv dhe profesional për zbardhjen e të gjitha rrethanave të këtij rasti dhe vlerësimin e përgjegjësive eventuale të të gjithë personave të përfshirë. Policia e Kosovës është duke ndërmarrë veprime për lokalizimin dhe arrestimin e personit të dyshuar, i cili ende nuk është arrestuar”, thuhet në njoftim.

 

Continue Reading

Të kërkuara