Lajmet

DITARI 18 mars 1999: Delegacioni i Kosovës nënshkroi Marrëveshjen e Rambujesë për statusin kalimtar të Kosovës

Published

4 months ago

on

Lajmi kryesor i datës 18 mars 1999 sjell njoftimin se delegacioni i Kosovës ka nënshkruar në Paris “Marrëveshjen e Rambujesë për statusin kalimtar të Kosovës”

Lajmi kishte këtë përmbajtje:

“Sonte në orën 18:30, Delegacioni i Republikës së Kosovës, me një ceremoni rasti, ka nënshkruar në Paris Marrëveshjen për statusin kalimtar trevjeçar për Kosovën, të arritur me ndërmjetësuesit ndërkombëtarë në Rambuje të Francës më 23 shkurt të këtij viti.

Këtë Marrëveshje në prani të ndërmjetësuesve ndërkombëtarë Kritofer Hill, Volfgang Petriç dhe Boris Majorski e nënshkruan Kryetari i Republikës së Kosovës Ibrahim Rugova, Hashim Thaçi, Rexhep Qosja dhe Veton Surroi”.

 

Këtij lajmi i bëri jehonë e gjithë bota. Po afrohej dita për sulmet e paralajmëruara në NATO-s kundër Serbisë.

Për ta pasqyruar gjendjen e asaj dite, po sjellim disa nga lajmet kryesore, si nga zhvillimet në terren ashtu edhe nga zhvillimet politike.

Lajmet më poshtë janë renditur sipas kronologjisë së publikimit, gjatë ditës:

 

Ora 11:00:

Sërish të shtëna drejt fshatrave të Mitrovicës e Vushtrrisë

Ragip Bajrami vdiq në një spital të Beogradit

Plaçkiten shtëpitë e boshatisura të shqiptarëve në fshatrat e Vushtrrisë

Verifikuesit të gatshëm për t’u larguar në rast të mossuksesit të bisedimeve paqësore për Kosovën

Raportuesi special i OKB-së Jizhi Dinstbir situatën në Kosovë e vlerësoi si shumë të keqe

Reagimet e partive opozitare serbe lidhur me konferencën për Kosovën në Paris

 

 

Lajm i plotë: Plaçkiten shtëpitë e boshatisura të shqiptarëve në fshatrat e Vushtrrisë

Kamionë të shumtë me targa civile janë vërejtur ditëve të fundit duke bartur gjësende të plaçkitura nga shtëpitë e braktisura shqiptare në fshatrat e Vushtrrisë që janë sulmuar ditëve të fundit nga forcat serbe.

KI i Degës së LDK-së në Vushtrri njofton gjithashtu se në fshatrat rrëzë Qyqavicës po mbretëron gjendje shumë e rëndë, ndërsa gjatë natës së shkuar të shtëna të kohëpaskohshme jkanë dëgjuar në fshatin Beçuk.

 

Lajm i plotë: Verifikuesit të gatshëm për t’u larguar në rast të mossuksesit të bisedimeve paqësore për Kosovën

Misioni verifikues i Kosovës po e kryen punën normalisht, por ai është i gatshëm për t’u larguar në rast të mossuksesit të bisedimeve paqësore për Kosovën në Paris. Zëdhënësi i këtij misionoi Volter Ebenberger tha se verifikuesit janë të gatshëm ta braktisin Kosovën nëse kjo është e domosdoshme. Misioni gjendet në shkallën e parë të gatishmërisë, që do të thotë se çdo verifikator në shtëpi e ka të gatshëm bagazhin e rëndë 15 kg. Shkalla e tretë parasheh që të gjithë verifikatorët të vijnë në vendin e punës me bagazh, të gatshëm për evakuim.

Ebenbergeri tha se ka qenë e paraparë që në terren të jenë 2000 verifikatorë, dhe se tani aktualisht ka 1381. Një diplomat i huaj deklaroi në Prishtinë se në qoftë se arrihet marrëveshja dhe në Kosovë vijnë forcat ndërkombëtare, anëtarët e Misionit Verifikues do të integroheshin në këto forca për shkak të përvojës dhe të njohjes së terrenit.

 

 

Ora 12:00:

Dita e katërt e konferencës në Paris – pa program të përcaktuar

U granatuan katër fshatra të Llapit

Në Sibofc të Obiliqit forcat serbe plagosën një shqiptar

Obiliq: Në fshatin Hamidi forcat serbe kidnapuan vëllezërit Krasniqi

Policia serbe keqtrajtoi një civil shqiptar

 

Lajm i plotë: Dita e katërt e konferencës në Paris – pa program të përcaktuar

Paris, Prishtinë, 18 mars (QIK) – Delegacioni ynë hyri sot dikund rreth orës nëntë në ndërtesën e konferencës për Kosovën pa ndonjë program të veçantë për ditën e sotme, të katërtën që kur konferenca e Rambujesë i vazhdoi punimet në Paris.

Delegacioni i Kosovës do të takohet me negociatorët ndërkombëtarë, pasdite edhe me bashkëkryetarët e konferenës, ministrat e jashtëm britanikë e francezë, Robin Kuk dhe Yber Vedrin.

Anëtarë të delegacionit tonë kanë veneruar se sot është dita e dyzet që kur është hyrë në këtë proces intensiv negociator me fillimin e konferencës së Rambujesë. “Të gjitha mjetet dhe mënyrat diplomatike janë shpenzuar. Koha tani është për veprime konkrete ushtarake”, ka thënë një anëtar, duke aluduar në zotimet e Perëndimit, në radhë të parë të NATO-s, për sulme ndaj caqeve serbe në rast të vazhdimit të agresionit në Kosovë dhe mospajtimit me planin paqësor të Rambujesë.

Delegacioni i Kosovës shpalli të hënën se do të nënshkruante marrëveshjen e përkohshme për Kosovën të negociuar në Rambuje, më 23 shkurt.

Nëse do të ketë nënshkrim të dokumentit nga kosovarët – serbët nuk e kanë ndërmend ta bëjnë këtë gjë – ai do të ndodhë qoftë sot pasdite, kur të vijnë ministrat, qoftë nesër paradite, thonë burime të afërta me konferencën.

Departamenti amerikan i Shtetit tha të mërkurën se do të ftonte anëtarë të delegacionit negociator të Kosovës në bisedat në Paris për një vizitë në Uashington.

Sekretarja e Shtetit Ollbrajt dërgoi zëdhënësin e Departamentit Xheimz Rubin në Paris për ta bërë ftesën për vizitë, theksoi CNN.

Ollbrajt kërkoi nga Rubini që të takohet me udhëheqësin e delegacionit negociator të Kosovës, Hashim Thaçin, dhe “t’i bëjë në emër të saj një ftesë që anëtarë të delegacionit të shqiptarëve të Kosovës të udhëtojnë në Uashington, gjë që presim të ndodhë në fund të këtij raundi të bisedave në Paris”, tha zëvendësi i zëdhënësit të Departamentit të Shtetit, Xheimz Foulli të mërkurën.

“Ne duam të zhvillojmë marrëdhënie të mira me ta (UÇK-në), ndërsa transformohen në një organizatë me orientim politik në një Kosovë që jeton në paqe, simbas dispozitave të marrëveshjes së përkohshme”, deklaroi Foulli.

 

 

 

Ora 13:30:

Pritet që delegacioni i Kosovës ta nënshkruajë marrëveshjen sot pasdite

Intervistë e Kryetarit të Republikës së Kosovës Ibrahim Rugova dhënë radios “Evropa e lirë”

Suharekë: Një trup pa jetë u gjet në malin Biraç

U gjetën edhe dy të vrarë në Malësinë e Kaçanikut

Nëntë pjesëtarë të vrarë të UÇK-së u varrosën dje në Pagarushë të Malishevës

Një konvoj i forcave serbe shkoi drejt Mihaliqit të Vushtrrisë

Vushtrri: Policia serbe keqtrajtoi fizikisht 3 civilë shqiptarë

Vetura e një shqiptari me targa të armatës jugosllave

Presidenti Meidani falënderon angazhimet e SHBA-ve dhe Francës për Kosovën

Georgijevski: Në Maqedoni gjenden rreth 12.000 ushtarë të NATO-s

Në Gjakovë u varros Yll Morina, pjesëtar i UÇK-së

Në Bradash u bë varrimi i Hazbi Veliut

Nuk dihet për fatin e Enver Osmanit nga Lajthishta e Obiliqit i arrestuar nga policia serbe

 

Lajm i plotë: Pritet që delegacioni i Kosovës ta nënshkruajë marrëveshjen sot pasdite

Delegacioni i Kosovës në Paris po vazhdon kontaktet me negociatorët dhe me institucionet që do të merren me implementimin e marrëveshjes për Kosovën.

Merret vesh se mbrëmë delegacioni i Kosovës pati përsëri takim me përfaqësuesit e NATO-s, por edhe një takim me negociatorët ndërkombëtarë. Ndërkohë, delegacioni i Kosovës ka marrë një ftesë që të vizitojë nesër selinë e NATO-s në Bruksel.

Një pjesë e delegacionit të Kosovës, siç konfirmohet sot, ka marrë ftesë që të vizitojë SHBA-të dhe se takimet me zyrtarë të lartë amerikanë pritet të bëhen nga dita e hënë.

Po ashtu pritet që në orët e mbrëmjes delegacioni i Kosovës ta nënshkruajë marrëveshjen, në prani të përfaqësuesve të SHBA-ve, Unionit Evropian dhe Rusisë.

Pala serbe vazhdon të jetë jokooperative, duke refuzuar jo vetëm nënshkrimin e marrëveshjes, por duke injoruar atë në tërësi.

Njoftohet se konferenca në Paris mund të përfundojë punimet gjatë mbrëmjes.

 

Lajm i plotë: Suharekë: Një trup pa jetë u gjet në malin Biraç

Një trup pa jetë u gjet sot, në orët e mëngjesit, në malin Biraq, pranë rrugës Suharekë-Duhël, njofton Komisioni për Informim i Degës së LDK-së në Suharekë.

Në vendin ku u gjet trupi pa jetë ka dalë organet policore serbe dhe ekipi i Misionit Verifikues të OSBE-së. Identiteti i viktimës, e cila është gjinisë mashkullore, me moshë rreth 35 vjeç, mbetet ende i panjohur.

I njëjti burim bën të ditur se banorët e fshatrave Grejkoc e Korishë kanë filluar sot të kthehen në shtëpitë e veta. Dje ata ishin të detyruar të largoheshin, për shkak të sulmeve të forcave serb në këto fshatra.

 

Lajm i plotë: Nëntë pjesëtarë të vrarë të UÇK-së u varrosën dje në Pagarushë të Malishevës

Në fshatin Pagarushë të Malishevës, dje në orët e vona të pasdites u bë varrimi i nëntë pjesëtarëve të UÇK-së, të vrarë gjatë luftimeve në fund të javës së kaluar në fshatin Jeshkovë të Prizrenit.

Varrimi u bë në praninë e mijëra banorëve të fshatrave të Prizrenit, Suharekës e Malishevës, si dhe të shumë eprorëve e ushtarëve të UÇK-së.

Për herë të fundit nga dëshmorët u ndanë ushtarakët e UÇK-së, Sadik Halit Jaha e Ramadan Basha.

 

Lajm i plotë: Në Gjakovë u varros Yll Morina, pjesëtar i UÇK-së

Ora 14:30:

Hollësi rreth ndërhyrjes së djeshme të forcave serbe në Babaj Bokës

Një predhë ra në oborrin e një shtëpie në qendër të Gjakovës

Të shtëna në fshatin Bellacerkë

Tash tri ditë nuk dihet asgjë për fatin e 4 të rinjve shqiptarë nga Peja

Në Radavc policia serbe arrestoi 2 shqiptar – nuk dihet për fatin e një shqiptari nga Raushiqi

Vushtrri: Luftime të ashpra në Zhilivodë – forcat serbe po ua vënë zjarrin shtëpive shqiptare

Pejë: Një shqiptar u dënua me 3 vjet burg

Edhe më tej prani e madhe e forcave serbe në Han të Elezit e rrethinë

Gjilan: Ripozicionime të forcave serbe

 

Lajm i plotë: Tash tri ditë nuk dihet asgjë për fatin e 4 të rinjve shqiptarë nga Peja

Pejë, 18 mars (QIK) – Që nga 15 marsi i këtij viti, ende nuk dihet asgjë për fatin e 4 nxënësve shqiptarë të Shkollës së Mesme Ekonomike në Pejë, njofton NKDMLDNJ në Pejë.

Nuk dihet asgjë për fatin e Dëfrim R. Tiganit (1983), Astrit M. Drenit (1983), Ylli M. Krasniqit (1983) dhe Artan C. Berishës (1983) që të gjithë nga Peja.

Dyshohet se katër nxënësit shqiptarë janë kidnapuar nga persona të panjohur.

 

 

Ora 16:30:

Mbrëmë në Peran të Podujevës u gjetën dy kufoma

Forcat serbe kanë bombarduar sot malin Zmiq të Mitrovicës

Forcat serbe rrethuan sot fshatin Radavc të Pejës dhe demoluan disa shtëpi shqiptare

Policia financiare serbe ka konfiskuar gjithë tirazhin e “Gazetës së Re Shqiptare”

Policia serbe po i keqtrajton banorët e fshatrave të Mitrovicës

Forcat serbe pasi demoluan shtëpinë e Nysret Shehut në Doganaj të Ferizajit e morën atë në polici

Misionarët e OSBE-së vizituan sot Degën e LDK-së në Ferizaj

Forcat serbe kanë liruar 80 shqiptarë të fshatit Laç të Kaçanikut por nuk dihet për fatin e Qamil Abazit

Gjykata serbe në Prishtinë dënoi me dy vjet burg Nazmi Halilin nga fshati Dremjak i Ferizajt

Gjykata serbe e Pejës dënoi me 3 vjet burg Ibër Gërgocin nga Kosuriqi

Ende nuk dihet asgjë për fatin e e katër nxënësve shqiptarë të Pejës

Gjendje pak më e qetë në Korishë të Prizrenit

Policia serbe nuk po i lejon familjet shqiptare të marrin as kufomat e të afërmve të tyre

Policia serbe arreston dhe kidnapon shqiptarët e fshatrave të Vushtrrisë

 

Lajm i plotë: Mbrëmë në Peran të Podujevës u gjetën dy kufoma

Mbrëmë në fshatin Peran të Podujevës janë gjetur dy kufoma, njofton KI i Degës së LDK-së në Podujevë.

I njëjti burim bën të ditur se kufomat janë të prishura nga koha, ndërsa pritet që identifikimi i tyre të bëhet sot në bashkëpunim me vëzhguesit e Misionit të OSBE-së.

 

Lajm i plotë: Forcat serbe kanë liruar 80 shqiptarë të fshatit Laç të Kaçanikut por nuk dihet për fatin e Qamil Abazit

Familja e Qamil Abazit (1965) nga fshati Laç i Kaçanikut, ka njoftuar se dje është marrë nga policia serbe Qamil Abazi së bashku me 80 persona të tjerë të cilët më vonë janë liruar, por nuk dihet asgjë për fatin e Qamilit. Njoftohet se ai deri të premten ka qenë në qendrën e sigurimit serb të Ferizajt dhe se atë ditë është dërguar në burgun e Prishtinës.

 

####

 

Data 18 mars ishte me plot zhvillime edhe njw vit mw herwt, nw vitin 1998. Le tw shohim cilat ishin  zhvillimet kryesore tw kwsaj dite:

18 mars 1998

 

Ora 11:45:

 

Lajmet kryesore:

Protesta gjithëpopullore në Kosovë

Në Kamenicë policia ka bllokuar rrugët për të ndalur protestën

Policia ndaloi hyrjen e qytetarëve në Vushtrri

Konferencë për shtyp e Komisionit Republikan të Zgjedhjeve

Këshilli Koordinues i Kuvendeve të Komunave të Kosovës i përkrah zgjedhjet e 22 marsit

Një delegacion nga Gjakova bisedoi në Zyrën Amerikane në Prishtinë me Nikollas Hillin

Demaçi priti deputetin e Parlamentit turk Ahmet Prishtina

Në vend për haxh – 4000 DM ia dedikuan banorëve të Drenicës

Lidhja Hungarezëve të Vojvodinës tërhoqi përfaqësuesin e saj nga delegacioni serb

 

 

Ora 12:30:

 Lajmet kryesore:

Me votën e tij, elektorati shqiptar do ta bëjë më të realizueshme pavarësinë e Kosovës

Në Gjakovë u mbajt protestë e fuqishme gjithëpopullore

Anan dhe Kinkel dënojnë dhunën serbe në Kosovë

Mejdani: “Zgjedhjet në Kosovë janë shprehje e vullnetit të popullit”

 

Ora 13:45:

 

Lajm i plotë: Në Pejë u vra Qerim Ukë Muriqi

 

Në protestat gjithëpopullore në Pejë, policia serbe shtiu në protestues dhe vrau Qerim Ukë Muriqin (50) nga Peja.

  1. Muriqi u vra në rrugën e Hekurudhës në Pejë me ç’rast u plagosën edhe protestues të tjerë emrat e të cilëve tash për tash nuk dihen.

 

Lajmet e tjera:

Mbi 100 mijë pjesëmarrës protestuan sot në Prishtinë

Gelbard arriti në Prishtinë

Protestë e grave shqiptare në Nju Jork

Përballë Llaushës u vendosën dy autoblinda

Emisioni i lajmeve nga Kosova në RTSH bën fushatë kundër zgjedhjeve

Jelcini i shkroi Milosheviqit rreth Kosovës

Konferenca islamike bën thirrje për dialog me ndërmjetësim ndërkombëtar

Policia ia plaçkiti një qytetari 260 DM

 

Ora 14:45:

Pejë: Një i vrarë, disa të plagosur dhe shumë të rrahur

 

Në protestat gjithëpopullore në Pejë, policia serbe shtiu në protestues dhe vrau Qerim Ukë Muriqin (50) nga Peja.

  1. Muriqi u vra në rrugën e Hekurudhës në Pejë me ç’rast u plagosën edhe protestues të tjerë emrat e të cilëve tash për tash nuk dihen, thuhet në raportin për protestën e sotme në Pejë.

Në vazhdim të njoftimit të KI të Degës së LDK-së në Pejë për rrjedhën e protestës thuhet:

Përkundër masave të rrepta të policisë serbe, sot në Pejë u organizuan protesta të shqiptarëve në të cilat muarën pjesë afro 70.000 veta, nga të gjitha fshatrat e komunës.

Manifestimi kryesor u mbajt në pjesën afër Hamam Xhamisë. Ndër pankarta të shumta që mbanin mbanin në duar protestuasit dominonin: “Liri, demokraci”, “Nuk jemi terroristë”, “Drenicë jemi me ju” e të tjera, ndërsa në brohoritje i jepej përkrahje e fuqishme politikës paqësore të kryetarit të Republikës së Kosovës, dr. Ibrahim Rugovës, dhe ftoheshin për unitet të gjitha subjektet politike të Kosovës.

Që në orët e hershme të mëngjesit, në hyrje të qytetit, në të gjitha rrugët që vijnë nga fshatrat ishin stacionuar forca të mëdha të policisë serbe, të cilat me dhunë zbritnin udhëtarët nga automjetet dhe i urdhëronin që të ktheheshin mbrapa. Me këtë rast në shumë vendstacionime të policisë u rrah një numër i madh i qytetarëve, pa dallim moshe e gjinie.

Megjithatë, rreth orës 10,00, në sheshin afër Hamam Xhamisë, u grumbullua numër i madh qytetarësh. Rreth orës 10,30 aty arritën forca të shtuara policore dhe filluan të rrahin dhe të ndjekin turmën në drejtim të tregut të gjelbërt.

Gjatë intervenimit të policisë në pjesë të ndryshme të qytetit u rrahën shumë qytetarë shqiptarë.

Deri tani arritëm të sigurojmë vetëm emrat e disa prej tyre:

Cufe Lajqi (22) nga Brezheniku, Selim Nezir Gjuraj (59) nga Radavci, Zenun Brahim Shala (56) nga Fusha e Pejës, Mentor Morina (30) nga Loxha, Halil Sylë Shala (41) nga Drelaj, Vesel Ibish Kurbogaj dhe Skender Ibish Kurbogaj nga lagja Dardania, Behadin Mehmet Mahmutaj (50) nga Peja, Rrahman Mehmet Jashraj (33) nga Peja, Shaqir Beqë Mujaj (54) nga Peja, Bekë Rrustem Demaj (48) nga Tërsteniku dhe Ali Krasniqi (40) nga Bërzheniku.

Numri i të rrahurve nga polcia është shumë më i madh.

 

Ora 16:00:

 Lajm i plotë: Pejë: U plagosën pesë protestues shqiptarë

Gjatë protestës së sotme në Pejë, siç njoftuam më herët, policia serbe vrau Qerim Muriqin. Po nga të shtënat e policisë, u plagosën Sadri Adem Beqiri (58) nga Lutogllava, Mejreme Ismet Avdiaj (18) nga Pogragja e Klinës, Rexhep Shkreli (48) nga Treboviqi, Faton Avdi Muriqi (19) nga Peja dhe Bekim Isa Muriqi (23) nga Peja.

 

Lajmet e tjera:

Sot u protestua edhe në qendrat tjera të Kosovës

Rreth dy mijë serbë protestuan në Prishtinë

Unioni Evropian do të emërojë përfaqësuesin e vet special për bisedimet Kosovë – Serbi

Tallbot: “Nëse Millosheviqi deri në fund të javës nuk e tërheq policinë nga Kosova do të pasojnë sanksione të reja”

Konferenca islamike bën thirrje për dialog me nërmjetësim ndërkombëtar

 

Ora 18:00:

Lajmet kryesore:

Kryetari Rugova priti Robert Gelbardin

Deklarata e Robert Gelbardit dhe e kryetarit Rugova

Mitrovicë: Lëvizje të policisë dhe keqtrajtim të qytetarëve

Policia konfiskoi një sasi të barnave të Kryqit të Kuq të Kosovës

 

Related Topics:
Continue Reading

Lajmet

Kryesuesi i KPK-së, Arian Gashi, takoi zëvendëspërfaqësuesin e OKB-së, Milbert Domgjon Shin

Published

31 minutes ago

on

July 21, 2026

By

Kryesuesi i Këshillit Prokurorial të Kosovës (KPK), Arian Gashi, i shoqëruar nga anëtarët e Këshillit, ka pritut sot në takim Zëvendëspërfaqësuesin Special të Sekretarit të Përgjithshëm të OKB-së, Milbert Domgjon Shin, bashkë me përfaqësues të tjerë të Zyrës së UNMIK-ut.

Përgjatë takimit u diskutua për zhvillimet e fundit në sistemin prokurorial, forcimin e sundimit të ligjit, si dhe për vazhdimin e bashkëpunimit ndërinstitucional me partnerët ndërkombëtarë.

Gjatë bashkëbisedimit, Kryesuesi Gashi e njoftoi delegacionin e UNMIK-ut me përbërjen e re të Këshillit Prokurorial, si dhe me përfundimin e procesit të zgjedhjes së Kryeprokurorit të ri të Shtetit, duke nënvizuar rëndësinë e funksionalizimit të plotë të institucioneve të drejtësisë.

Përveç kësaj, Gashi theksoi përkushtimin e KPK-së për garantimin e një sistemi gjithëpërfshirës përmes përfaqësimit të drejtë të të gjitha komuniteteve, me ç’rast bëri të ditur se së shpejti do të shpallet konkursi për pranimin e prokurorëve të rinj.

Kryesuesi i KPK-së shprehu mirënjohjen për mbështetjen e vazhdueshme të UNMIK-ut ndër vite dhe ritheksoi se institucioni që ai drejton do të vazhdojë punën për fuqizimin e sundimit të ligjit përmes profesionalizmit, integritetit dhe llogaridhënies.

Nga ana e tij, Zëvendëspërfaqësuesi Special i OKB-së, Milbert Domgjon Shin, vlerësoi punën e Këshillit Prokurorial dhe rolin e tij në garantimin e një sistemi të pavarur e efikas. Ai shprehu besimin se përmes përgjegjësisë institucionale do të vazhdohet me hapat që forcojnë besimin e qytetarëve te drejtësia.

Në përmbyllje të takimit, përfaqësuesit e UNMIK-ut konfirmuan gatishmërinë për të vazhduar mbështetjen ndaj KPK-së në avancimin e reformave dhe fuqizimin e mëtejshëm të sundimit të ligjit në Kosovë. /E.A/

Continue Reading

Lajmet

REL: Pse po rrënohen shtëpitë në zonën e Liqenit të Ujmanit?

Published

34 minutes ago

on

July 21, 2026

By

Ekskavatorë, nën asistimin e Policisë së Kosovës, nisën më 21 korrik rrënimin e njëmbëdhjetë shtëpive në bregun e Liqenit të Ujmanit, në komunën e Zubin Potokut.

Aksioni rihapi debatin për të drejtat pronësore dhe kompetencat e institucioneve.

Autoritetet e Kosovës thonë se objektet janë ndërtuar pa leje në tokën që administrohet nga Ndërmarrja Publike Hidroekonomike “Ibër-Lepenci”, ndërsa pronarët pretendojnë se prona është subjekt i një procesi gjyqësor dhe se rrënimi i objekteve nuk është dashur të nisë para përfundimit të procedurave.

Rrënohen shtëpi buzë Liqenit të Ujmanit

Rrënimi i shtëpive të para, të cilat Kosova i konsideron të paligjshme, nisi në fund të qershorit.

Ndërkohë, organizata joqeveritare Aktiv, me seli në Mitrovicë të Veriut, organizoi një diskutim publik për të nxitur dialogun dhe për të gjetur një zgjidhje për këtë çështje.

Në diskutim morën pjesë përfaqësues të institucioneve lokale, të ndërmarrjes publike “Ibër-Lepenci”, ekspertë ligjorë, përfaqësues të bashkësisë ndërkombëtare dhe qytetarë të prekur drejtpërdrejt nga çështja e pronësisë, por jo edhe përfaqësues të Ministrisë së Mjedisit, Planifikimit Hapësinor dhe Infrastrukturës.

Sipas organizatës Aktiv, pjesëmarrësit vlerësuan se çështjet pronësore në zonën e Liqenit të Ujmanit kërkojnë “një qasje institucionale transparente dhe gjithëpërfshirëse, zbatim të qëndrueshëm të ligjit dhe dialog të vazhdueshëm mes të gjithë aktorëve përkatës”.

Çfarë thotë “Ibër-Lepenci”?

Drejtori i ndërmarrjes publike “Ibër-Lepenci”, Faruk Mujka, tha për Radion Evropa e Lirë se pronarëve u ishte kërkuar më 3 korrik që t’i lironin objektet, dhe pas skadimit të afatit, Inspektorati i Ministrisë së Mjedisit, në bashkëpunim me Policinë e Kosovës, urdhëroi rrënimin e tyre.

“Ne po e kthejmë pronën tonë. Po rrënohen 11 shtëpitë e ndërtuara ilegalisht në pronën e ndërmarrjes”, tha Mujka.

Ai shtoi se, sipas të dhënave të mbledhura, shumica e këtyre shtëpive janë ndërtuar gjatë viteve 2019-2020.

Në mes të korrikut, gjatë diskutimit publik, Mujka deklaroi se “Ibër-Lepenci” e ka detyrim ligjor të mbrojë pronën që administron dhe që është me interes publik.

Ai theksoi se ndërmarrja nuk merr vendime për rrënimin e objekteve, por vetëm njofton institucionet kompetente për shkeljet që konstaton, ndërsa ato veprojnë sipas kompetencave të tyre ligjore.

Më herët, “Ibër-Lepenci” mori nën kontroll kampin Rezalla, një nga pronarët e të cilit është aktivisti serb i shoqërisë civile, Dragisha Mijaçiq.

Sipas Mujkës, edhe ky kamp ishte ndërtuar pa lejet e nevojshme dhe u mor në administrim për t’u sistemuar.

Ai rikujtoi, gjithashtu, rëndësinë strategjike të Liqenit të Ujmanit për furnizimin me ujë, prodhimin e energjisë elektrike dhe nevoja të tjera publike në Kosovë.

Në vitin 2025, Qeveria e Kosovës shpalli zonën e Liqenit të Ujmanit dhe Malin Mokna, pranë Zubin Potokut, si “zona të pasurisë natyrore me rëndësi të veçantë”.

Çfarë thonë pronarët?

Branimir Mihajlloviq, banor i Mitrovicës së Veriut dhe pronar i një shtëpie në Ujman, thotë për Radion Evropa e Lirë se tokën e kishte marrë në shfrytëzim për 99 vjet në vitin 2006 nga ndërmarrja serbe “Srbija Shume”, së cilës i kishte paguar qira.

Objekti i tij ishte planifikuar të rrënohej më 21 korrik.

Ai thotë se, zakonisht, qëndron në atë shtëpi nga marsi deri në nëntor dhe se mëngjesin e 21 korrikut u zgjua nga policia, e cila i kërkoi të largohej nga objekti.

Më pas, sipas tij, nuk iu lejua më t’i afrohej.

Ai thotë se, vitin e kaluar, kishte paraqitur kërkesë për legalizimin e pronës në sistemin e Kosovës dhe ishte i gatshëm të paguante qiranë ndaj institucioneve të Kosovës.

Kosova, përndryshe, që nga viti 2024 ka nisur mbylljen e institucioneve serbe, duke i cilësuar ato si paralele dhe të paligjshme.

“Unë i kam të gjitha dokumentet. Papritur si pronar u paraqit ‘Ibër-Lepenci’. Ne nuk ndodhemi fare në brezin ujor. Edhe nëse do të ishim, do të paguaja qira dhe tatime. Kam paguar edhe energjinë elektrike. Sipas ligjit, toka mund të jepet me qira dhe pikërisht këtë kemi kërkuar”, thotë Mihajlloviq.

Ai tregon se, së bashku me pronarët e tjerë të shtëpive, kryesisht serbë nga veriu i Kosovës, kanë paraqitur ankesë tek Avokati i Popullit dhe në Gjykatën Themelore në Mitrovicë.

“S’është mbajtur asnjë seancë. Kërkuam pezullim të përkohshëm të rrënimit, por ende nuk ka vendim”, thotë Mihajlloviq.

A ka vendim gjykate?

Avokati i pronarëve, Predrag Millkoviq, thotë se nuk ekziston bazë ligjore për rrënimin e shtëpive, pasi çështja e pronësisë ende nuk është zgjidhur nga gjykata.

Radio Evropa e Lirë iu drejtua Gjykatës Themelore në Mitrovicë për ta pyetur nëse ka lëshuar urdhër për rrënimin e objekteve, por, deri në publikimin e këtij artikulli, nuk mori përgjigje.

Kryetari i Komunës së Zubin Potokut, Millosh Peroviq, deklaroi gjatë diskutimit të organizuar nga Aktiv se autoritetet lokale nuk kanë dhënë pëlqim për rrënimin e shtëpive në zonën e Ujmanit dhe bëri thirrje për një zgjidhje kompromisi.

Drejtori i “Ibër-Lepencit”, Faruk Mujka, këmbënguli se urdhri për rrënim është dhënë nga Inspektorati i Ministrisë së Mjedisit, Planifikimit Hapësinor dhe Infrastrukturës.

Reagimi i Serbisë

Zyra për Kosovën në Qeverinë e Serbisë e cilësoi rrënimin e objekteve, në një reagim më 21 korrik, si “akt të paligjshëm dhe terrori nga [kryeministri në detyrë i Kosovës] Albin Kurti”, duke pretenduar se ai është duke u zhvilluar “pa asnjë vendim gjyqësor” dhe “me qëllim hakmarrjen ndaj serbëve”.

Sipas saj, pronarët e shtëpive kishin mësuar për rrënimin e objekteve vetëm përmes njoftimeve të vendosura në to.

Pse është i rëndësishëm Liqeni i Ujmanit?

Liqeni i Ujmanit ndodhet në komunën e Zubin Potokut, në veri të Kosovës – e banuar me shumicë serbe – ndërsa një pjesë më e vogël shtrihet në territorin e komunës së Tutinit në Serbi.

Ai konsiderohet infrastrukturë strategjike për Kosovën, pasi shërben për furnizimin me ujë, prodhimin e energjisë elektrike dhe ujitjen.

Nga Ujmani furnizohet edhe kanali Ibër-Lepenc, i cili u hodh në erë në vitin 2024.

Për këtë rast, para organeve të drejtësisë në Kosovë janë ngritur akuza ndaj Dragisha dhe Jovan Viqentijeviqit, si dhe Igor Dimoviqit, nën dyshimin se “kanë rrezikuar rendin kushtetues, duke shkatërruar ose dëmtuar instalime dhe pajisje publike”.

Kanali Ibër-Lepenc furnizon me ujë disa qytete të Kosovës, si dhe Korporatën Energjetike të Kosovës për ftohjen e termocentraleve.

Menaxhimi i Liqenit të Ujmanit është gjithashtu pjesë e Marrëveshjes së Uashingtonit, të nënshkruar nga Kosova dhe Serbia në shtator të vitit 2020, në Shtëpinë e Bardhë, gjatë mandatit të parë të presidentit amerikan, Donald Trump.

Në qershor të vitit 2021, Shtetet e Bashkuara hartuan një studim fizibiliteti, në të cilin propozohej menaxhimi i përbashkët i liqenit sipas të ashtuquajturit “model kolumbian”, me synim zgjidhjen e mosmarrëveshjeve lidhur me furnizimin me ujë, energjinë dhe mbrojtjen nga përmbytjet. /REL/

 

Continue Reading

Lajmet

Një në tre punë të reja në botë krijohen në Turizëm: Pse ky është momenti ideal për të studiuar këtë drejtim në UBT?

Published

40 minutes ago

on

July 21, 2026

By

Sot, realiteti global tregon se turizmi është kthyer në një nga industritë më dinamike dhe më fitimprurëse në botë, ku ndërthuren teknologjia, menaxhimi strategjik dhe inovacioni.

Sipas Këshillit Botëror të Udhëtimit dhe Turizmit (WTTC), kontributi i këtij sektori ka arritur në 11.6 trilionë dollarë, duke përbërë pothuajse 10% të GDP-së globale. Me mbi 366 milionë vende pune në mbarë botën, shifra më mbresëlënëse për studentët e ardhshëm është se një në çdo tre punë të reja që krijohen sot në glob vjen pikërisht nga turizmi. Për më tepër, me mbi 50% të fuqisë punëtore nën moshën 35 vjeç, kjo është industria më e re dhe më premtuese për rinjtë me vizion.

Ky trend po rritet edhe në rajonin tonë. Shqipëria po shënon rritje rekord prej +39% në netë-qëndrimet e vizitorëve të huaj, ndërsa Kosova po konsolidon profilin e saj të turizmit kulturor me mbi 900 mijë netë-qëndrime ndërkombëtare. Megjithatë, përderisa investimet private në resorte me 5 yje dhe agjenci të mëdha po shtohen, tregut i mungojnë drejtuesit e kualifikuar. Sot, nevoja kritike e rajonit nuk është vetëm për krah pune sezonale, por për menaxherë hotelesh, dizajnerë të eksperiencave turistike (Experience Designers) e strategë të marketingut digjital.

Për t’ju përgjigjur kësaj kërkese aktuale të tregut, Programi Bachelor në Turizëm në UBT është konceptuar për të formuar liderët e rinj që do të drejtojnë këtë industri globale. Me një qasje bashkëkohore ku studenti është në qendër, UBT thyen konceptet tradicionale duke i përputhur studimet me praktikat më të reja teknologjike – nga Inteligjenca Artificiale në menaxhimin e hotelerisë e deri te Data Analytics për destinacionet turistike.

Përmes këtij programi, studentët nuk marrin vetëm diplomë akademike, por pëfitojnë:

  • Gërshetim të teorisë me praktikën: Mësimdhënie e orientuar drejt zgjidhjes së sfidave reale të biznesit dhe ekoturizmit të qëndrueshëm.
  • Aftësim profesional dhe certifikime: Trajnime të vazhdueshme në bashkëpunim të ngushtë me industrinë dhe komunitetin e biznesit.
  • Standarde ndërkombëtare: Përgatitje për të qenë konkurrues si në tregun vendor, ashtu edhe në atë global.

Më e rëndësishmja është që UBT përmes bashkëpunimit me IMC Krems – University of Applied Sciences në Austri, sjell diplomë të dyfishtë në këtë program inovativ, me një nga modelet më të suksesshme evropiane në arsimin për turizëm.

Turizmi nuk është thjesht një diplomë; është një biletë e sigurt drejt një karriere globale, vetëpunësimit dhe ndërmarrësisë. Zgjidhni të jeni ata që menaxhojnë dhe udhëheqin industrinë me rritjen më të shpejtë në botë.

Bëhu pjesë e gjeneratës së re të liderëve në turizëm.

Linkun për aplikim e gjeni këtu.

 

Continue Reading

Lajmet

Profilizimi i hershëm në UBT Smart School: Bëhu Teknik Optik me diplomë edhe nga Cambridge

Published

2 hours ago

on

July 21, 2026

By

Zgjedhja e shkollës së mesme është një nga hapat më përcaktues për të ardhmen e çdo të riu. Sot, kur tregu i punës kërkon ekspertë me aftësi konkrete, profilizimi i hershëm mbetet rruga më e sigurt drejt suksesit. Për të gjithë nxënësit që kërkojnë më shumë se një arsimim klasik, UBT International Smart Schools ofron pikërisht këtë mundësi: përgatitje praktike, teknologji të avancuar dhe një drejtim të qartë profesional.

Në kuadër të këtij vizioni, regjistrimet po vazhdojnë për programin Teknik i Optikës. Ky drejtim është i konceptuar posaçërisht për ata që duan të ndërthurin shëndetësinë, teknologjinë dhe përkujdesjen ndaj shikimit.

Kujdesi për shëndetin e syve është një nevojë gjithmonë e në rritje, çka e bën optikën një nga profesionet më të kërkuara dhe më të qëndrueshme. Në vend që të presin studimet universitare për të prekur profesionin, nxënësit e UBT International Smart Schools e nisin këtë rrugëtim praktik që në bankat e shkollës së mesme.

Gjatë këtij programi, nxënësit fitojnë njohuri të thella dhe zhvillojnë aftësi praktike për:

  • Matjen e saktë dhe përshtatjen e syzeve sipas nevojave të secilit pacient;
  • Përdorimin e pajisjeve më të reja optike dhe teknologjisë diagnostikuese;
  • Përgatitjen, montimin dhe mirëmbajtjen e lenteve e kornizave;
  • Këshillimin profesional mbi standardet më të larta të kujdesit për shikimin.

Mësimdhënie moderne me standarde ndërkombëtare

Në UBT International Smart Schools, procesi mësimor zhvillohet në klasa inovative dhe laboratorë modernë, ku pjesë e përditshmërisë është edhe integrimi i Inteligjencës Artificiale. Ky ambient ndihmon nxënësit të punojnë me pajisje reale dhe të jenë plotësisht të gatshëm për tregun e punës që në ditën e diplomimit.

Për më tepër, UBT Inernational Smart Schools mban vulën e cilësisë globale, duke qenë plotësisht e akredituar nga Cambridge International Education. Kjo do të thotë se diploma dhe përgatitja e marrë këtu vlerësohen me standardet më të larta ndërkombëtare.

Nëse keni ndarë mendjen për të zotëruar një profesion të sigurt e me perspektivë, profilizimi i hershëm në UBT International Smart Schools është hapi i duhur. Zgjidhni një rrugë që ju garanton sukses profesional që nga shkolla e mesme.

Linkun për aplikim e gjeni këtu.

 

Continue Reading

Të kërkuara