Kulturë

Dita Ndërkombëtare e Reflektimit dhe Përkujtimit të Gjenocidit të Srebrenicës

Published

on

Kalendari zyrtar i OKB-së e rendit 11 Korrikun si “Ditën Ndërkombëtare të Reflektimit dhe Përkujtimit të Gjenocidit të 1995 në Srebrenicë”.  Rezoluta i referohet fakteve nga aktgjykimet e Gjykatës Ndërkombëtare Penale për ish-Jugosllavinë, Gjykatës Ndërkombëtare të Drejtësisë dhe gjykatave vendase.

Lufta që pasoi shpërbërjen e ish-Jugosllavisë mori më shumë se 100,000 jetë në Bosnje dhe Hercegovinë midis 1992 dhe 1995, kryesisht të myslimanëve boshnjakë dhe zhvendosi më shumë se dy milionë të tjerë.

Masakra në Srebrenicë shënoi një nga kapitujt më të errët të asaj lufte. Në korrik 1995, ushtria serbe e Bosnjës pushtoi Srebrenicën, e shpallur më parë një zonë e sigurt, duke vrarë brutalisht mijëra burra dhe adoleshentë atje. Pjesa e mbetur e popullsisë muslimane boshnjake e pranishme në Srebrenicë, rreth 25,000 gra, fëmijë dhe të moshuar, u transferuan me forcë jashtë enklavës. Kjo ishte masakra më e madhe në Evropë që nga Holokausti.

Gjykata Ndërkombëtare e Drejtësisë (GJND) dhe Gjykata Penale Ndërkombëtare për ish-Jugosllavinë (ICTY) njohën masakrën e myslimanëve boshnjakë në Srebrenicë nga ushtria e Republikës Srpska si një akt gjenocidi.

Gjenocidi la plagë të thella emocionale te të mbijetuarit, familjet e viktimave dhe shoqërinë boshnjake dhe hercegovinase në përgjithësi, duke krijuar pengesa të qëndrueshme për pajtimin midis grupeve të ndryshme etnike të vendit.

Këshilltarja Speciale e Kombeve të Bashkuara për Parandalimin e Gjenocidit, Alice Wairimu Nderitu ka shprehur shqetësimin e saj për incidentet e vazhdueshme të revizionizmit në lidhje me krimet mizore të kryera gjatë konfliktit të viteve 1992-1995, duke përfshirë mohimin e pandërprerë të gjenocidit të Srebrenicës dhe glorifikimin e kriminelëve të dënuar të luftës.

Në maj 2024, Asambleja e Përgjithshme e OKB-së, në një rezolutë të sponsorizuar nga Gjermania dhe Ruanda, caktoi 11 korrikun si Ditën Ndërkombëtare të Reflektimit dhe Përkujtimit të Gjenocidit të 1995 në Srebrenicë, shkruan Agjencia Telegrafike Shqiptare.

Asambleja i kërkoi gjithashtu Sekretarit të Përgjithshëm të krijojë një program informimi mbi gjenocidin e Srebrenicës në përgatitje për 30 vjetorin.

OKB dënoi më tej çdo mohim të gjenocidit të Srebrenicës si një ngjarje historike dhe u bëri thirrje shteteve anëtare që të ruajnë faktet e vërtetuara, duke përfshirë përmes sistemeve të tyre arsimore, drejt parandalimit të mohimit dhe shtrembërimit, si dhe çdo dukuri të gjenocidit në të ardhmen.

Në përpjekje për të forcuar edukimin dhe të ruajë faktet e vërtetuara, OKB-ja dhe komuniteti ndërkombëtar kanë bërë thirrje që shtetet të mbështesin programe informative nëpërmjet sistemeve të tyre arsimore. Ky hapi synon të forcojë vetëdijen historike dhe të parandalojë shpërdorimin e historisë për qëllime të ndryshme.

Dita Ndërkombëtare e Reflektimit dhe Përkujtimit të Gjenocidit të Srebrenicës është, pra, një rast për t’u përkushtuar në mbrojtjen e kujtesës historike dhe në promovimin e paqes dhe drejtësisë ndërkombëtare./UBTNews/

Magazinë

Pas suksesit në Eurovision, Shkodra Elektronike vjen me një EP

Published

on

Ky projekt vjen si një vazhdimësi e stilit të tyre unik.

Pas suksesit në Eurovision, Shkodra Elektronike duket se nuk e ka në plan të ndalet.

Grupi njoftoi së fundmi publikimin e një albumi EP (album i shkurtër, që përmban zakonisht 3-6 këngë) me titull “Shndrit!” “Pse do të vazhdojmë me [shndrit]”- shkruajnë ata, duke lënë të kuptohet se ky është vetëm fillimi i një faze të re kreative.

Ky projekt vjen si një vazhdimësi e stilit të tyre unik, ku muzika elektronike moderne bashkohet me motive tradicionale shqiptare.

Ngjyrat e ndezura, format abstrakte dhe frymëzimi etno-futurist në kopertinën e albumit premtojnë një qasje të guximshme dhe eksperimentale, karakteristike tashmë për identitetin artistik të Shkodrës Elektronike.

Albumi “Shndrit” do të publikohet më 23 maj. Ky projekt po pritet me kuriozitet nga fansat, të cilët pas bujës në Eurovision ku grupi u rendit në vend të tetë me votat e publikut, janë më të shumtë dhe më të angazhuar se kurrë më parë.

 

Continue Reading

Magazinë

Chris Brown lirohet me kusht nga gjykata, një muaj para nisjes së turneut botëror

Published

on

Këngëtari amerikan Chris Brown është liruar me kusht nga një gjykatë në Londër të mërkurën, duke i hapur rrugë nisjes së turneut të tij botëror muajin e ardhshëm, pavarësisht një akuze të rëndë për sulm fizik. 

36-vjeçari përballet me një akuzë për dëmtim të rëndë trupor, pas një sulmi të supozuar ndaj producentit muzikor Abraham Diaw, me një shishe tekille, në një klub nate në Londër në vitin 2023.

Prokurorët e përshkruan incidentin si një “sulm të paprovokuar”.

Chris Brown nuk ishte i pranishëm në Gjykatën e Lartë të Southwark kur gjyqtari Tony Baumgartner vendosi ta lirojë me kusht dhe ende nuk është kërkuar që ai të deklarohet fajtor apo i pafajshëm për akuzën.

Ylli i muzikës R&B, i njohur për këngë si “Loyal”, “Run It” dhe “Under the Influence”, pritet të nisë turneun e tij “Breezy Bowl XX” më 8 qershor në Holandë.

Brown, u arrestua javën e kaluar në një hotel në Manchester, pasi u rikthye në Britani për herë të parë që nga incidenti i dy viteve më parë.

Më 17 maj, gjykata i refuzoi lirimin me kusht, por të mërkurën u lirua me disa kushte strikte: Duhej të paguante një garanci prej 4 milionë funtesh britanike, me edhe 1 milion funte të tjerë brenda shtatë ditëve. Gjykata ka urdhëruar që Brown të dorëzojë pasaportën e tij, përveç rasteve kur ai udhëton për turneun.

Continue Reading

Magazinë

Tom Cruise zemëron fansat me përgjigjen në lidhje me Ditën e Babait: Ai nuk ka dashur ta shohë vajzën e tij për më shumë se 11 vjet

Published

on

Aktori amerikan, Tom Cruise, ka zemëruar shumë fansa me përgjigjen e tij ndaj një pyetjeje që lidhet me Ditën e Babait, duke marrë parasysh faktin se ai ka refuzuar ta shohë vajzën e tij Suri Cruise, të cilën e kishte në martesë me Katie Holmes, për më shumë se 11 vjet.

Në premierën e “Mission: Impossible – The Final Reckoning”, një gazetar e pyeti: “Dita e Babait po afron. Si do të dukej një Ditë ideale e Babait për ty?”.

Kjo pyetje e ngatërroi pak, kështu që tha: “E di…”, shikoi në distancë dhe shtoi: “Thjesht po argëtohem”.

Ai doli nga tema dhe filloi të fliste për filmat e tij: “Të realizosh filma, të kesh aventura të mrekullueshme dhe të kalosh kohë të mirë”. Fansat e dënuan atë në rrjetet sociale për këtë reagim. Përveç Surit, ai ka edhe dy fëmijë të tjerë – Connorin dhe Isabellën, me të cilët është në marrëdhënie të mira.

“Po sikur të mund të takoje vajzën tënde, të cilën e braktise më shumë se një dekadë më parë?”, “Humbja e tij”, “Burri është plotësisht i shkëputur nga realiteti”, janë disa nga reagimet.

Suri hoqi dorë nga mbiemri i babait të saj dy vjet më parë. Ajo dhe nëna e saj, ndryshe nga Tomi, nuk donin kurrë të ishin anëtarë të Kishës së Scientology, pas së cilës ai i ndërpreu të gjitha kontaktet me ta.

Continue Reading

Lifestyle

Ja dhjetë filmat që mund t’i (ri)shohësh në këtë ditë me shi

Published

on

Ditë me shi, kokoshka dhe kjo listë që duhet ta bësh ‘save’ për të gjetur filmin që të pëlqen. Ecim se kemi rrugë para!

“Fallen Angels” (1995)

Ky film ofron një aspekt poetik të jetës së vetmuar dhe të ndërlikuar në Hong Kong, përmes historive të ndërthurura të një vrasësi me pagesë dhe një vajze introverte. Filmi eksploron izolimin urban dhe dëshirën për lidhje emocionale.

“Perfect Days” (2023)

Një pastrues tualetesh në Tokio gjen bukuri në rutinën e përditshme e momentet e vogla të jetës. Filmi është reflektim i ngrohtë dhe meditues mbi thjeshtësinë dhe pranimin.

“Blue Velvet” (1986)

Një i ri zbulon një botë të errët nën sipërfaqen e qetë të qytetit të tij të vogël, duke u përfshirë në një histori të rrezikshme pasioni dhe dhune. Ky film nga David Lynch eksploron anën e fshehtë të dëshirës dhe perversitetit.

“Paris, Texas” (1984)

Një burrë i humbur rikthehet në jetë pas një periudhe të gjatë mungese dhe përpiqet të rindërtojë marrëdhënien me djalin e tij. Një rrugëtim prekës i vetëzbullimit dhe faljes nëpër rrugët e zbrazëta të Amerikës.

“Paths of Glory” (1957)

Gjatë Luftës së Parë Botërore, një oficer francez lufton kundër padrejtësisë kur tre ushtarë të pafajshëm përballen me pushkatim. Stanley Kubrick sjell një kritikë të ashpër ndaj absurditetit të luftës dhe autoritetit ushtarak.

“Aftersun” (2022)

Një vajzë kujton pushimet e fëmijërisë me babain e saj, kupton boshllëqet e misteret e marrëdhënies. Një film i ndjerë dhe melankolik për kujtimet, rritjen dhe dhimbjen e fëmijërisë së humbur.

“The Dreamers” (2003)

Tre të rinj në Parisin e trazuar të 1968 eksplorojnë seksualitetin, kinemanë dhe revolucionin përmes një lidhjeje të ndërlikuar emocionale dhe erotike. Një film provokues që ndërthur pasionin politik me dëshirat personale.

“Little Miss Sunshine” (2006)

Një familje udhëton me furgon për të ndihmuar vajzën e vogël të marrë pjesë në një konkurs bukurie. Një komedi e ëmbël e prekëse që flet për rëndësinë e mbështetjes familjare dhe pranimit të vetes.

“Beautiful Boy” (2018)

Një baba përpiqet të kuptojë e ndihmojë djalin adoleshent që lufton me varësinë nga droga. Një histori e dhimbshme dhe reale për dashurinë prindërore dhe betejat me varësinë.

“Lost in Translation” (2003)

Dy të huaj në Tokio krijojnë lidhje në një moment të zbrazëtie personale e kulturore. Filmi trajton ndjenjat e vetmisë, humbjes së identitetit e intimitetit të përkohshëm.

Continue Reading

Të kërkuara