Gjashtë persona janë arrestuar në Rumani nën dyshimin për planifikimin e një grushti shteti dhe lidhje me Rusinë, sipas Njësisë Kundër Krimit të Organizuar të prokurorisë rumune. Të dyshuarit, që kanë pasur kontakte me agjentë të huaj në territorin rumun dhe rus, përfshijnë një ish-gjeneral në pension 101-vjeçar, i njohur për përhapjen e propagandës antisemite.

Prokuroria ka kërkuar paraburgim për katër të dyshuarit dhe arrest shtëpiak për dy të tjerë, ndërsa një gjykatës pritet të vendosë për masat. Ata akuzohen për tradhti dhe krijimin e një grupi kriminal, i cili ka planifikuar të dëmtojë sovranitetin dhe pavarësinë e Rumanisë që nga viti 2023. Sipas prokurorisë, qëllimi ishte nxjerrja e Rumanisë nga NATO, eliminimi i rendit kushtetues dhe marrja e pushtetit.

Dy nga të arrestuarit udhëtuan për në Moskë në janar, ku kërkuan mbështetje për grupin e tyre. Gjithashtu, ata planifikonin krijimin e një grupi paraushtarak për destabilizimin e rendit kushtetues në Rumani, duke kërkuar mbështetje nga oficerët e ambasadës ruse në Bukuresht./UBTNews/

Suedia, e cila u bë anëtare e NATO-s një vit më parë, planifikon të dërgojë tetë avionë luftarakë Jas Gripen në forcat ajrore të Aleancës për mbikëqyrje në Poloni, tha këtë të enjte Ministrja e Jashtme Maria Malmer Stenergaard.

Një ditë para përvjetorit të parë të anëtarësimit të Suedisë në NATO, ajo njoftoi se vendi planifikon të marrë pjesë në mbikëqyrjen ajrore të Aleancës dhe mbrojtjen e operacioneve logjistike në mbështetje të Ukrainës, raportoi Reuters.

“Ne propozojmë që Suedia të kontribuojë me maksimum tetë luftëtarë Gripen me personel, duke përfshirë komandën luftarake dhe njësitë mbështetëse,” tha ministri në një konferencë për shtyp.

Ajo shtoi se qeveria e saj gjithashtu planifikon të marrë pjesë në mbikëqyrjen dhe transportin detar dhe ajror.

Sipas agjencisë britanike, kjo do të ishte hera e parë që Suedia vendosi luftëtarët e saj si pjesë e operacioneve të NATO-s jashtë territorit të saj.

Suedia iu bashkua Aleancës më 7 mars 2024, për shkak të sulmit rus në Ukrainë, kujton Reuters.

Prokurorët rumunë njoftuan të enjten se i kanë arrestuar gjashtë njerëz nën dyshimin se kishin bërë përpjekje për ta rrëzuar Qeverinë e Rumanisë me ndihmën e Rusisë.

Të dyshuarit u arrestuan të mërkurën – ditën e njëjtë kur Rumania, e cila është anëtare e NATO-s dhe BE-së, i shpalli persona non-grata atasheun ushtarak të Ambasadës së Rusisë dhe zëvendësin e tij.

Rumania tha se ata bënë veprime në kundërshtim me rregullat diplomatike. Moska ka thënë se nuk do të përgjigjet ndaj këtij vendimi të rumunëve.

“Duke nisur nga viti 2023, pesë nga të pandehurit, bashkë me një të dyshuar, e krijuan një grup të organizuar kriminal, me qëllim për ta minuar sovranitetin dhe pavarësinë e shtetit të Rumanisë, duke e minuar politikisht mbrojtjen e vendit”, tha njësia kundër krimit të organizuar, DIICOT.

DIICOT nuk i ka bërë të ditur emrat e të dyshuarve, por tha se “pjesëtarët e grupit kriminal i kontaktuan vazhdimisht agjentët e fuqive të huaja, në Rumani dhe në Federatën Ruse”.

Rusia nuk ka komentuar ende rreth kësaj çështjeje.

Prokurorët thanë se grupi kishte strukturë të llojit ushtarak, dhe pjesë e tij ishte edhe një gjeneralmajor i pensionuar.

Ata thanë se grupi kishte ndërmarrë hapa për biseduar me forca të jashtme në lidhje me tërheqjen e mundshme të Rumanisë nga aleanca ushtarake e NATO-s.

Sipas prokurorëve, grupi synonte ta instalonte një qeveri të re dhe ta shpërbënte rendin e tanishëm kushtetues, duke prezantuar një flamur të ri, një himn të ri kombëtar dhe duke ndryshuar emrin e vendit.

“Njëkohësisht, gjatë janarit, dy nga të pandehurit udhëtuan në Moskë, ku u kontaktuan me persona të gatshëm për të mbështetur përpjekjet e organizatës për të marrë pushtetin në Rumani”, thanë prokurorët.

Tensionet politike janë të larta në Rumani që nga shpallja e pavlefshme e zgjedhjeve presidenciale në dhjetor nga gjykata më e lartë, mes akuzave për ndërhyrje ruse, të cilat Moska i mohoi.

Një gjykatë në atë kohë vendosi se Rusia kishte ndërhyrë në fushatën zgjedhore për të favorizuar kandidatin kryesor të ekstremit të djathtë, Calin Georgescu, i cili është prorus dhe kundërshton furnizimin e Ukrainës me ndihmë ushtarake.

Burime nga prokuroria thanë se hetimi i shpallur të enjten nuk ka lidhje me Georgescu, raporton Reuters.

Kryeministri britanik Keir Starmer ka zhvilluar vizitë në një fabrikë mbrojtëse në Liverpool teksa ka zhvilluar një komunikim me punëtorët atje.

Ai thotë se siguria e vendit është prioritet në të gjithë botën.

“Siguria dhe mbrojtja e vendit tonë, e Evropës dhe e Ukrainës, është absolutisht mendimi primar i botës për momentin”.

Kur u pyet për mbështetjen ushtarake për Ukrainën, ai thotë se ajo që ka më shumë rëndësi është një paqe e qëndrueshme që i jep fund luftës dhe siguron që Ukraina të jetë në gjendje të marrë vendimet e veta.

“Është e rëndësishme që të gjithë të fokusohen në këtë çështje. Nëse ka një marrëveshje, ne e mbrojmë atë”, tha Starmer.

Ai vazhdon se qeveria duhet të fokusohet në atë se cilat janë garancitë e mundshme të sigurisë, duke shtuar se “Mbretëria e Bashkuar do të luajë një rol udhëheqës” në këtë.

“Kjo duhet të bëhet në bashkëpunim me Shtetet e Bashkuara,” thotë ai me vendosmëri, pasi ato janë “të ndërthurura” me mbrojtjen dhe sigurinë.