Lajmet

Dita kundër Shfrytëzimit të Mjedisit në Luftëra

Published

3 years ago

November 6, 2023

UBT news

Më 5 nëntor 2001, Asambleja e Përgjithshme e Kombeve të Bashkuara shpalli 6 nëntorin e çdo viti si Ditën ndërkombëtare për parandalimin e shfrytëzimit të ambientit në luftëra dhe konflikte të armatosura.

Kjo ka për qëllim edukimin e njerëzve rreth efektit të dëmtimit nga luftërat dhe konfliktet e armatosura.

Shumë njerëz nëpër botë, përfshirë zyrtarë qeveritarë, shkencëtarë, gazetarë, mësues, dhe njerëz të biznesit, zbatojnë Ditën ndërkombëtare të Kombeve të Bashkuara për parandalimin e shfrytëzimit të ambientit në luftëra dhe konflikte të armatosura.

Këta që janë pjesë e kësaj dite diskutojnë rreth asaj se sa ndikojnë luftërat në dëmtimin e mjedisit natyror. Ata gjithashtu punojnë bashkë për të gjetur rrugë të limitojnë shkatërrimet e mjedisit të shkaktuar nga konfliktet e armatosura dhe luftërat.

Seminare, fjalime, leksione, artikuj informues, biseda në radio, aktivitete në klasë nëpër shkolla që fokusohen në pikat kyçe janë disa nga ngjarjet që zhvillohen me rastin e kësaj ditë nëpër botë. Njerëzit mësojnë dhe shfaqin informacione rreth rrezikut të teknologjisë së re në luftëra të tilla si municionet e uraniumit, e cila paraqet kërcënim të panjohur për mjedisin.

Njerëzit rreth botës janë bërë gjithashtu të vetëdijshëm për përpjekjet që duhet të merren për të kufizuar shkatërrimin e mjedisit të shkaktuar nga konfliktet. Kjo ditë nuk është festë publike kështu që jeta publike nuk është e prekur.

Luftërat dhe konfliktet e armatosura kanë shkaktuar mjaftë dëme në mjedisin natyror. Për shembull, janë shkatërruar kultura, furnizimi me ujë është helmuar dhe pyjet janë djegur.

Teknologjia e re që është përdorur për luftëra nënkupton se shkatërrimi dhe dëmtimi i mjedisit është shumë serioz dhe me pasoja afatgjate për të keq.

Lajmet

Sulm ndaj zyrtarit policor në Vushtrri, i dyshuari në kërkim

Published

39 minutes ago

June 1, 2026

UBT News

Në Vushtrri, më 31 maj 2026 rreth orës 18:50, është raportuar një rast i sulmit ndaj personit zyrtar gjatë kryerjes së detyrës.

Sipas Policisë së Kosovës, derisa njësiti policor ishte duke rregulluar dhe drejtuar komunikacionin, një i dyshuar me veturë nuk ka respektuar urdhrat e zyrtarit policor. Ai fillimisht ka ofenduar policin dhe më pas ka goditur me automjet zyrtarin policor mashkull kosovar.

Viktima nuk ka pësuar lëndime trupore, ndërsa i dyshuari është larguar nga vendi i ngjarjes dhe aktualisht ndodhet në kërkim policor.

Rasti është duke u trajtuar nga organet kompetente dhe hetimet janë në vazhdim.

Lajmet

Arrestohet një person në Mitrovicën e Veriut për veshje të paautorizuar të uniformës së Policisë së Kosovës

Published

41 minutes ago

June 1, 2026

UBTNews

Një person është arrestuar në Mitrovicën e Veriut pasi dyshohet se kishte veshur pjesë të uniformës së Policisë së Kosovës pa qenë pjesëtar i këtij institucioni.

Sipas raportit 24-orësh të Policisë së Kosovës, i dyshuari është ndaluar dhe është shoqëruar në stacionin policor për intervistim. Gjatë kontrollit, policia ka sekuestruar tri veshje që i përkisnin Policisë së Kosovës.

Pas përfundimit të procedurave dhe me vendim të prokurorit kompetent, i dyshuari është liruar në procedurë të rregullt, ndërsa rasti po trajtohet nga organet e drejtësisë.

Lajmet

Shtatë raste të dhunës në familje brenda një dite në Kosovë

Published

47 minutes ago

June 1, 2026

UBT News

Sipas raportit të fundit 24-orësh të Policisë së Kosovës, gjatë 31 majit janë raportuar shtatë raste të dhunës në familje në komuna të ndryshme të vendit, ndërsa një person është arrestuar dhe dërguar në mbajtje.

Në Prishtinë, një grua ka raportuar se është sulmuar fizikisht nga një burrë pas një mosmarrëveshjeje. Pas intervistimit të palëve, me vendim të prokurorit, rasti është proceduar në procedurë të rregullt.

Po ashtu në Prishtinë, është raportuar se një i dyshuar kishte ushtruar dhunë fizike ndaj dy viktimave meshkuj. Viktimat janë intervistuar, ndërsa i dyshuari ndodhet në kërkim policor. Rasti vazhdon në procedurë të rregullt.

Një rast tjetër është raportuar në Fushë Kosovë, ku një grua dhe një burrë kanë pasur mosmarrëveshje. Të dy janë intervistuar dhe, pas konsultimit me prokurorin, rasti po hetohet në procedurë të rregullt.

Në Gllogoc, pak para mesnatës, një burrë dyshohet se ka ushtruar dhunë fizike ndaj një burri tjetër. Pas procedurave policore, prokurori ka urdhëruar që rasti të vazhdojë në procedurë të rregullt.

Ndërkaq, në Klinë është raportuar një rast i dhunës psikike, ku një burrë dyshohet se ka ushtruar presion dhe dhunë psikologjike ndaj një gruaje. Pas intervistimit, palët janë liruar dhe rasti po trajtohet në procedurë të rregullt.

Rasti më i rëndë është raportuar në Deçan, ku një burrë është arrestuar nën dyshimin për ushtrim të dhunës psikike ndaj një gruaje. Me vendim të prokurorit, i dyshuari është dërguar në mbajtje.

Ndërkohë, në Mitrovicën e Jugut, një shtetase e huaj ka raportuar se është përballur me dhunë fizike dhe psikike nga një burrë dhe një grua kosovare. Viktima ka pranuar trajtim mjekësor, ndërsa pas intervistimit të palëve, prokurori ka urdhëruar që rasti të vazhdojë në procedurë të rregullt.

Policia e Kosovës ka bërë të ditur se të gjitha rastet janë duke u trajtuar sipas procedurave ligjore dhe mbeten nën hetime.

Lajmet

“Syrigana” e Petrit Halilajt prezantohet me sukses në Berlin

Published

1 hour ago

June 1, 2026

UBT News

Opera bashkëkohore “Syrigana” e artistit kosovar Petrit Halilaj është prezantuar para publikut ndërkombëtar në Berlin, në hapësirat e “Hamburger Bahnhof”, një prej muzeve më të rëndësishëm të artit bashkëkohor në Evropë.

Interpretimi u realizua nga një ansambël i Filharmonisë së Kosovës në kuadër të ekspozitës “An Opera Out of Time”, e cila kishte në qendër operën e parë të Halilajt dhe njëherësh shënoi mbylljen e ekspozitës së tij personale në këtë institucion prestigjioz.

E bazuar në mite, legjenda dhe rrëfime të lidhura me vendlindjen e artistit, “Syrigana” ndërthur muzikën, teatrin dhe instalacionin artistik, duke sjellë një përvojë unike për publikun. Vepra pati premierën në qershor të vitit të kaluar në Syriganë të Skenderajt dhe që atëherë është vlerësuar si një nga projektet më të veçanta artistike të realizuara në Kosovë.

Sipas Filharmonisë së Kosovës, prezantimi në Berlin përbën një moment të rëndësishëm në rrugëtimin e operës, e cila tashmë ka potencial të vazhdojë jetën e saj artistike edhe në skena të tjera ndërkombëtare.

Me këtë paraqitje, Petrit Halilaj ka vazhduar ta prezantojë artin dhe kulturën e Kosovës në qendra të rëndësishme botërore, duke e shndërruar kujtesën, mitet dhe historitë lokale në vepra me jehonë ndërkombëtare.