Sport

Dita e Flamurit sjell miqësoren mes veteranëve të Shqipërisë dhe atyre të Kosovës

Listën e lojtarëve të ftuar e përbëjnë emra të cilët kanë bërë histori në fanellën kuqezi, dhe që kanë luajtur së bashku në Kombëtaren shqiptare.

Published

5 years ago

on

Me rastin e Ditës së Pavarësisë së Shqipërisë, është organizuar miqësorja mes veteranëve të Shqipërisë dhe atyre të Kosovës, e cila do të zhvillohet më 28 nëntor nga ora 11:30 në stadiumin “Olympic Park” të Durrësit.

Listën e lojtarëve të ftuar e përbëjnë emra të cilët kanë bërë histori në fanellën kuqezi, dhe që kanë luajtur së bashku në Kombëtaren shqiptare.

Në stolin e trajnerit te Shqipëria do të jetë ish-futbollisti i njohur Sulejman Mema, ndërsa lojtarët të cilët do t’i ketë në dispozicion për këtë miqësore janë Blendi Nallbani, Ilir Bozhiqi, Elvis Sina, Geri Çipi, Ervin Fakaj, Hysen Zmijani, Armend Dallku, Debatik Curri, Luan Pinari, Bajram Fraholli, Ardian Mema, Ilir Alliu, Gilman Lika, Redi Jupi, Latif Gjondeda, Eqerem Memushaj, Fjodor Xhafa, Fatbardh Jera, Agustin Kola dhe Migen Memelli.

Në fund të këtij takimi do të dorëzohet trofeu simbolik për kombëtaren triumfuese, ndërsa kjo do të jetë miqësorja e tretë në këtë vit mes veteranëve të dy palëve.

Miqësorja e parë u zhvillua në 16 shkurt të vitit 2021 në Prishtinë për nder të Pavarësisë së Kosovës, kurse miqësorja e dytë u zhvillua më 23 korrik të këtij viti po ashtu në Prishtinë, me rastin e ditëlindjes së legjendës së futbollit kosovar, Fadil Vokrri.

28 nëntor, 11:30 Shqipëria (veteranët) – Kosova (veteranët) (Stadiumi Olympic Park)

Related Topics:
Continue Reading

Vendi

Akil Gjakova mbyll garën pa medalje në Abu Dhabi

Published

19 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

Vendi

Laura Fazliu fiton të bronztën në Grand Slam

Published

19 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Vendi

Laura Fazliu kalon në gjysmëfinale të Grand Slam-it në Abu Dhabi

Published

21 hours ago

on

October 30, 2026

By

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/

Continue Reading

Lajmet

Akil Gjakova mposht nënkampionin e botës

Published

22 hours ago

on

October 30, 2026

By

Akil Gjakova ka shënuar fitore në Grand Slamin në Abu Dabi.

Ai në xhiron e tretë e mposhti bartësin e parë dhe nënkampionin në fuqi të botës, Makhmadbek Makhmadbekovin.

Ndaj tij dominoi prej fillimit, ndërsa fitoi me “Ippon” të bukur në kohën shtesë.

Është kjo fitorja më e madhe e Akilit në vitin e fundit. Ai po garon në kategorinë deri 73 kilogramë, dhe po duket në ditë të mirë. /D.L/

Continue Reading

Të kërkuara