

Shëndeti
Disa metoda natyrale se si t’i largoni rrudhat në ballë!
Bëni ushtrime për muskujt e ballit.
Published
3 years agoon
By
UBT newsRrudhat e ballit ndryshojnë paraqitjen e njeriut dhe e bëjnë atë të ngjajë më i moshuar.
Fatmirësisht, rrudhat mund të zbuten ose të zhduken tërësisht falë disa ndryshimeve në stilin e jetesës dhe kurave që mund t’i përgatisni në shtëpi.
Më poshtë do të gjeni nga AgroWeb.org disa metoda natyrale në shtëpi kundër rrudhave në ballë.
Vaji i arrës së kokosit
Pasi të keni larë fytyrën në mbrëmje, masazhoni zonën e rrudhave të ballit me pambuk të lyer me vaj të arrës së kokosit.
Masazhojeni zonën deri sa lëkura ta përthithë vajin komplet.
Rrudhat dalin më shumë në pah si pasojë e mungesës së elasticitetit të lëkurës.
Ushtrime për muskujt e ballit
Mjafton një ushtrim i thjeshtë për t’i stërvitur muskujt e ballit dhe për të përmirësuar paraqitjen tuaj.
Formoni shkronjën C me duart dhe vendosini mbi sy.
Gishtat e mëdhenj duhet të prekin flegrat e hundës dhe gishtat tregues duhet të puthiten poshtë vetullave.
Përpiquni të pengoni çdo lëvizje të vetullave dhe muskujve të ballit ndërkohë që hapni dhe mbyllni sytë pesë herë me rradhë.
Më pas mbyllini sytë dhe qetësohuni për pesë sekonda.
Përsëriteni ushtrimin tre herë në ditë.
Masazh me vaj ulliri
Pas larjes së fytyrës në mbrëmje, AgroWeb.org ju sugjeron të hidhni disa pika vaj ulliri ekstra të virgjër në ballë dhe masazhoni në zonën e rrudhave.
Vaji i ullirit do të përmirësojë ndjeshëm elasticitetin e lëkurës dhe të zbehë rrudhat.
Përdorni agrumet
Portokalli, limoni dhe agrumet e tjera përmbajnë vitaminat C dhe E të cilat përmirësojnë paraqitjen e lëkurës.
Ju mund të vendosni tulin e agrumes direkt në ballë dhe ta mbani për 10 minuta ose mund të bëni një maskë të shëndetshme.
Përzieni 60 ml me lëng të freskët portokalli me pak miell.
Pastën e formuar vendoseni në zonën e rrudhave dhe pas 20 minutash shpërlajeni me ujë të vakët.
Aloe Vera
Para larjes së fytyrës në mëngjes ose në mbrëmje, hidhni një pikë nga xheli i aloe verës në ballë.
AgroWeb.org ju këshillon të lyeni rrudhat dhe pas 15 minutash lajeni ballin dhe shpërlajeni ballin me ujë të ngrohtë.
Aloe Vera stimulon rigjenerimin e lëkurës dhe shërimin e saj.
Ndryshime në stilin e jetesës
Ndryshimet në stilin e jetesës duhet të fillojnë së pari me pasjen e një regjimi ushqimor që duhet të përmbajë më shumë fruta dhe perime.
Këto të fundit rrisin sasinë e antioksidantëve në organizëm dhe përmirësojnë paraqitjen e lëkurës.
Nga ana tjetër, duhet të qëndroni larg sheqernave dhe karbohidrateve të përpunuar që shkaktojnë inflamacion dhe nxisin shfaqjen e rrudhave dhe humbjen e fleksibilitetit të lëkurës.
Aktiviteti fizik, ekspozimi i kujdesshëm ndaj dielit, gjumi i mirë, mospirja e duhanit dhe kufizimi i alkolit janë gjithashtu masa që duhen marrë për të mirën e lëkurës./AgroWeb.org
You may like

Sheqerna të thjeshta, të tilla si sheqeri që konsumojmë në dietën tonë, nëse hahen në sasi të mëdha krijojnë të ashtuquajturat rreth vicioz.
Në fakt, sheqernat e thjeshta vijnë shpejt në gjakun tonë dhe arrijnë një koncentrim të lartë.
Pas rritjes së shpejtë, ka një rënie të shpejtë, andaj trupi dërgon sinjale se dëshiron një dozë të re sheqeri.
Për të thyer këtë rreth vicioz, rekomandohet të merren ushqimet e mëposhtme, të cilat, pavarësisht faktit se përmbajnë sheqerna, kanë lëndë ushqyese të nevojshme për organizmin.
Këto janë 4 ushqimet që ndihmojnë të dobësoheni:
Mollë;
Misër;
Patate;
Domate. /UBT News/
Shëndeti
Kundër shëndoshjes së fytyrës! Çfarë duhet të bëni?
Published
10 hours agoon
April 1, 2025
Humbja në peshë mund të jetë sfiduese, sidomos nëse bëhet fjalë për zona specifike të trupit. Humbja e dhjamit në zonën e fytyrës në veçanti bëhet shumë frustruese.
Ushtrime për fytyrën
Përmirësojnë paraqitjen e fytyrës, luftojnë shenjat e plakjes, përmirësojnë muskujt e fytyrës. Ekspertët rekomandojnë fryrjen e brendshme të faqeve dhe kalimin e ajrit nga njëra anë në tjetrën. Mbledhja e buzëve në formën e një puthjeje dhe lëvizja në anë është efikase.
Ata rekomandojnë buzëqeshjen e hapur me dhëmbët shtrënguar për disa sekonda. Ushtrime të tilla duhen bërë dy herë në ditë për 8 javë.
Ushtrimet Kardio
Dhjami i tepërt në fytyrë është rezultat i shëndoshjes së tepërt në pjesët tjera të trupit. Aerobia dhe ushtrimet kardio rrisin ritmin e zemrës dhe përshpejtojnë rënien nga pesha.Ekspertët rekomandojnë 20-40 minuta ushtrime të tillë në ditë.
Uji
Thelbësor për rënien nga pesha. Konsumi i ujit përshpejton metabolizmin me 24 përqind. Hidratimi shmang akumulimin e lëngjeve në organizëm dhe parandalon fryrjen e trupit.
Kufizimi i alkoolit
Nëse e teproni me alkolin do të ndiheni dhe dukeni më të fryrë, sepse ofron shumë kalori e rrit gjasat e shtimit në peshë. Sasia e lejuar e pijeve alkolike është një deri në dy gota në ditë për meshkujt dhe një gotë në ditë për femrat.
Karbohidratet e rafinuara
Biskotat e ëmbla apo të kripura qofshin si dhe makaronat janë ndër fajtorët më të mëdhenj të shtimit në peshë, janë të përpunuara e nuk kanë ushqyes të shëndetshëm apo fibër. Praktikisht këto karbohidrate janë sheqer që nxit rrezikun e teprimit me ushqimin.
Gjumi
Thelbësor për rënien nga pesha, mungesa e tij rrit nivelin e kortizolit, hormoni i stresit që shkakton efekte anësore të shumta ndër të cilat edhe shtimi në peshë. Nivelet e larta të kortizolit rrisin oreksin dhe tjetërsojnë metabolizmin duke shtuar depozitat e dhjamit.
Kujdes me kripën
Konsumi i tepërt nxit fryrjen jo vetëm në fytyrë por trup. Kripa nxit akumulimin e ujit në trup. Ushqimet e përpunuara ofrojnë 77 përqind të kripës që konsumon njeriu në ditë.

Duart përmbajnë disa nga nervat më të ndjeshëm në trup. Sikur edhe njëri nga këto nerva ose një pjesë e tyre është e ndrydhur ose disi e dëmtuar, fillojnë problemet.
Truri juaj nuk mund të marrë të gjitha informacionet ndjesore që duart tuaja po e dërgojnë, rezultati është mpirja.
Studimet thonë se një nga shkaqet më të zakonshme të mpirjes së dorës është sindroma e tunelit të kyçit të dorës. Nervi i mesëm, që shkon poshtë parakrahut deri në pëllëmbën tuaj, qëllon të ndrydhet.
Kjo gjendje është e zakonshme për njerëzit që shpenzojnë kohë duke punuar në kompjuter a edhe në telefonat celularë. Simptomat e tunelit të kyçit të dorës përfshijnë ndjesi që një ose më shumë gishtërinj, fryhen dhe japin pickime.
Çfarë tjetër mund të jetë shkak për mpirjen e duarve tuaja? Edhe disa faktorë të tjerë me rëndësi.
Çrregullime të tiroides
Edhe çrregullim i tiroideve çon në mpirjen e dorës. Një gjendër tiroide nën-aktive ose hipotirodizmi rezulton në dëmtimin e nervave që transportojnë informacion midis trurit, palcës kurrizore dhe gjymtyrëve.
Teprimet me alkoolin
Pirja e rëndë çon në neuropati alkoolike ose dëme nervore. Gjysma e gjithë përdoruesve të alkoolit zhvillojnë një formë të kësaj gjendje, thonë studimet. Shenjat përfshijnë mpirje në krahë ose këmbë, ndjesi të çuditshme dhe pickime në gjymtyrët tuaja, dhe dobësi të muskujve.
Kistet dhjamore
janë grumbullime dhjamore jo-kancerogjene që formohen kudo, kanë tendencë të shfaqen edhe rreth kyçeve. Sipas studimeve mjekësore, kistet dhjamore janë të zakonshme. Nëse formohet në dore, mpirja është një simptomë e zakonshme. Këto kiste nganjëherë zhduken vetë.
Skleroza e shumëfishtë
Një sëmundje në të cilën sistemi imunitar sulmon një substancë yndyrore që mbron fibrat nervore të trurit dhe palcës kurrizore. Kjo rezulton në mpirjen e dorës. Sëmundja godet në çdo moshë, ka gjasa të shfaqet gjatë moshave 20 dhe 30 vjeçare. Femrat kanë dy herë më shumë të ngjarë se meshkujt të vuajnë nga skleroza e shumëfishtë.
Goditja në tru
Mpirja e duarve ose ndjesia e shpimeve mund të jetë shenjë se jeni duke marrë një goditje në tru. Rreth 10% e të gjitha viktimave të goditjes janë më të rinj se 45 vjeç. Edhe duke qenë të aftë dhe fizikisht aktivë, nuk do të thotë që nuk jeni në rrezik.
Diabeti
Urinimi i shpeshtë, etja e tepruar e nivelet e larta të sheqerit në gjak janë shenjat e paradiabetit. Shumë njerëz që zhvillojnë diabet të tipit të plotë 2 se kuptojnë. Nëse nuk trajtohet, mpirja e duarve zhvillohet si pasojë e dëmtimit nervor të lidhur me diabetin. /UBT News/
Shëndeti
Si të ruani funksionet mendore gjatë moshës së shtyrë?
Published
3 days agoon
March 29, 2025
Studimet kanë treguar se truri ka nevojë për stimulim të vazhdueshëm për të mbajtur funksionet e tij të shëndetshme.
Aktivitetet si leximi, lojërat që kërkojnë mendim dhe ushtrimet e trurit janë të dobishme për ruajtjen e kujtesës dhe funksioneve mendore.
Një mundësi e shkëlqyer për të mbajtur trurin aktiv është angazhimi në aktivitete sociale dhe intelektuale, siç janë bisedat me miqtë, lojërat e mendjes dhe zgjidhja e problemit.
Këto stimulojnë aktivitetin mendor dhe të ndihmojnë në forcimin e lidhjeve ndërmjet neuroneve.
Përveç stimulimit intelektual, ushtrimet fizike janë të rëndësishme për shëndetin e trurit.
Aktivitetet fizike si ecja, vrapimi dhe joga ndihmojnë në rritjen e qarkullimit të gjakut në tru dhe përmirësojnë funksionet kognitive, duke ndihmuar në ruajtjen e kujtesës dhe shpejtësisë mendore.
Një regjim i shëndetshëm i jetesës që përfshin dietë të balancuar, aktivitet fizik të rregullt dhe stimulim mendor, është thelbësor për ruajtjen e shëndetit të trurit gjatë moshës së shtyrë dhe parandalimin e humbjes së funksioneve mendore.

Zjarr në dyqanin e Teslas në Romë, digjen 17 automjete

Filmi për Beatles, zbulohen aktorët që do të luajnë legjendarët

Konjufca bënë homazhe në Lybeniq: Na mundon shumë fakti që edhe pas 26 vitesh nuk ka drejtësi

Rama: Më 11 maj t’i japim mesazh Brukselit se e “duam anëtarësimin tani”

Humbjet që sollën “lëkundje” te Prishtina në fazën vendimtare

Putin fillon thirrjen më të madhe ushtarake ruse në vite, thirren 160mijë rekrutë

Osmani cakton 15 prillin si datë për seancën konstituive të Kuvendit

Po vjen sezoni i pestë i serialit “You”: Një prej prodhimeve më të njohura të Netflix po përfundon

Katër ushqime që ju bëjnë të humbni peshë
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë