Lajmet

Diplomatët përplasen për veriun e Kosovës

Viola von Cramon ka kritikuar qëndrimin e Borrellit, i cili e quajti aksion të “njëanshëm dhe të pakoordinuar”.

Published

4 years ago

on

Ndërhyrja e Polcisë së Kosovës në veri të Mitrovicës për një aksion anti-kontrabandë, ka shkaktuar përplasje diplomatike, me ambasadorin gjerman në Kosovë i cili reagoi ashpër për deklaratën e kreut të Listës Serbe, që krahasoi aksionin e Policisë së Kosovës me programin e nazisteve gjermanë kundër hebrenjve.

Ambasadori gjerman Jorn Rohde i reagoi deklaratave të kreut të listës serbe Goran Rakiq, i cili krahasoj aksionin e Policisë së Kosovës  me “Natën e Kristaltë” – pogramin e Gjermanisë naziste kundër hebrenjeve.

Ndaloni! Krahasimi i aksionit të sotëm të policisë me “natën e kristaltë” është i papranueshëm. Krahasime të tilla kontribuojnë drejt rrëfimeve të shtrembërimit dhe mohimit të Holokaustit. #MbroniFaktet”, shkruan ambasadori.

Edhe raportuesja për Kosovën në Parlamentin Europian Viola von Cramon ka kritikuar qëndrimin e përfaqësuesit të Lartë të Bashkimit Evropian për Politikë të Jashtme dhe Siguri, Josep Borrell, i cili e quajti këtë aksion të “njëanshëm dhe të pakoordinuar”.

“Ju lutem kritikoni shtetet ku sundimi i ligjit nuk implementohet. BE-ja duhet t’i përkrahë shtetet që e luftojnë krimin e organizuar dhe korrupsionin. Institucionet shtetërore që kryejnë punën e tyre meritojnë respektin tonë të plotë. Dialogu i ndihmuar nga BE-ja nuk ka të bëjë me operacionet ditore të Policisë”, tha von Cramon.

Nga ana tjetër, NATO e sheh operacionin e Policisë së Kosovës më 13 tetor kundër kontrabandimit të mallrave si, “veprim për vendosjen e ligjit” dhe thotë se misioni i KFOR-it në Kosovë është në komunikim me autoritetet relevante.

Gjatë ditës se djeshme, presidenti Vuçiq në afërsi të kufitit me Kosovën u takua me perfaqësues të serbëve që jetojnë në Kosovë, në prani edhe të ushtarakëve të lartë dhe ministrit të Mbrojtjes, tha Serbia do të mbrojë “paqen dhe stabilitetin me çfarëdo çmimi”.

Reagime ka pasur edhe brenda Kosovës, ku perfaqësues të partive politike në opozitë e kanë akuzuar Kurtin se aksioni i Policisë kishte prapavijë politike./euronews.al/

Related Topics:
Continue Reading

Lajmet

Ambasada amerikane: Familjet e të zhdukurve meritojnë informacion të plotë për fatin e më të dashurve të tyre

Published

60 minutes ago

on

April 28, 2025

By

E ngarkuara me Punë në ambasadën e SHBA-së në Kosovë, Anu Prattipati, bëri homazhe te memoriali kushtuar personave të zhdukur.

“Ambasada amerikane është e përkushtuar të mbështesë të vërtetën, drejtësinë dhe përpjekjet për pajtim”, thuhet në postimin e ambasadës.

Më tutje, ambasada thekson se familjet meritojnë informacion të plotë për fatin e më të dashurve të tyre.

Continue Reading

Lajmet

Pesë të lënduar në aksidentin mes pesë veturave në magjistralen Mitrovicë-Prishtinë

Published

1 hour ago

on

April 28, 2025

By

Pesë persona kanë pësuar lëndime trupore si pasojë e aksidentit në magjistralen Mitrovicë-Prishtinë. Mes tyre ishte e përfshirë edhe një veturë e Policisë.

Lajmin e ka konfirmuar për “Betimi për Drejtësi“, Flora Ahmeti, zëdhënëse e Policisë për rajonin e Prishtinës.

“Sot rreth orës 07:30 kemi pranuar informatën se në rrugën Mitrovicë-Prishtinë, ka ndodhur një aksident trafiku me lëndime. Në këtë aksident kanë qenë të përfshira 5 automjete ( prej tyre një automjet i policisë). Si pasojë e aksidentit janë lënduar pesë persona. Me rastin po merret njësiti i trafikut rajonal”, tha Ahmeti.

Continue Reading

Lajmet

Narkotikë të konfiskuar në Suharekë, një person arrestohet

Published

1 hour ago

on

April 28, 2025

By

Policia e Kosovës ka njoftuar se të dielën, në rrugën “Brigada 123” në Suharekë, gjatë kontrollit të një veture kanë gjetur substanca narkotike.

Gjatë kontrollit në veturën e një të dyshuari, shtetas i Kosovës, janë konfiskuar dy pako rizlla, një mulli për bluarje (grinder) dhe një qese plastike që përmbante substancë të dyshuar narkotike të llojit marihuanë, me peshë 6.91 gram.

I dyshuari është arrestuar dhe pas intervistimit, me vendim të prokurorit, është liruar në procedurë të rregullt.

Continue Reading

Lajmet

Aksident me fatalitet në Gjakovë, humb jetën një person

Published

3 hours ago

on

April 28, 2025

By

Policia e Kosovës ka njoftuar se të dielën në fshatin Vogovë të Gjakovës ka ndodhur një aksident trafiku me pasojë vdekjen e një personi.

Sipas njoftimit, një shtetas i Shqipërisë, duke drejtuar automjetin, dyshohet se nga pakujdesia ka humbur kontrollin dhe ka shkaktuar vetaksident. Si pasojë, drejtuesi i automjetit ka humbur jetën në vend, ndërsa vdekja e tij është konstatuar nga ekipi mjekësor.

Në aksident janë lënduar edhe tre pasagjerë, shtetas të Shqipërisë, të cilët po trajtohen në spitalin e Gjakovës.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është duke u hetuar.

Continue Reading

Të kërkuara