Portugalia e Cristiano Ronaldos mposhti Slloveninë pas një fitoreje nga penalltitë për të arritur në çerekfinale të Euro 2024, ku do të përballet më pas me Francën e Kylian Mbappe.

Mesfushori i Gjermanisë Toni Kroos është shprehur se ndeshja ndaj Spanjës nuk do të jetë sfida e tij e fundit në këtë Europian.

“Nuk mendoj se do të luaj ndeshjen time të fundit pasnesër, kështu që mendoj se do të shihemi të gjithë sërish”, tha Kroos në konferencën për shtyp me gazetarët para sfidës me Spanjën.

Gjermania dhe Spanja do të përballen të premten mbrëma në Shtutgart në çerekfinalen e parë të Evropianit ‘Gjermani 2024’.

34-vjeçari thotë se Gjermania synon ta fitojë këtë Evropian, i cili tashmë ka hyrë në fazën më të ‘nxehtë’.

“Qëllimi, si personal ashtu edhe kolektiv, është të fitojmë turneun. Ne kemi një dëshirë të madhe për të ecur përpara dhe jemi të bindur se mund ta bëjmë”, tha Kroos.

Ndeshja Gjermani-Spanjë fillon në orën 18:00./UBTNews/

Zvicra do të përballet me Anglinë në çerekfinalen e Kampionati Evropian, njërën nga kombëtaret favorite të këtij kompeticioni dhe Granit Xhaka e pranon se ai dhe bashkëlojtarët e tij janë para një sfide shumë të vështirë.

“Krahasuar me kombet e tjera, Anglia ka shumë lojtarë që luajnë në ligën e tyre vendase. Kjo e bën atë të veçantë sepse unë kam luajtur kundër shumë prej tyre disa herë nga koha ime në Premier Ligë. Në thelb, për mua është një lojë me nokaut si çdo tjetër. Ne kemi forcën tonë dhe fokusohemi në pikat tona të forta, pavarësisht se kush është kundërshtari”, ka thënë Xhaka.

Ai ka shtuar është i gatshëm për të qenë sërish shtylla kryesore e skuadrës, ashtu siç ka bërë edhe te Bayer Leverkuzeini dhe skuadrat tjera ku ka luajtur.

“Edhe para kohës sime në Leverkusen, u përpoqa ta ndihmoja ekipin me mentalitetin tim dhe të isha shembull. Pavarësisht se për cilin klub kam luajtur, gjithmonë kam dashur të fitoj çdo ndeshje, madje edhe në stërvitje”, ka shtuar Xhaka.

Zvicra dhe Anglia do të ballafaqohen më 6 korrik në stadiumin “Merkur Spiel-Arena” në Dusseldorf.

Marc Cucurella ka zbuluar se ai po përpiqet të bindë shokun e skuadrës spanjolle Nico Williams që të refuzojë Barcelonën dhe t’i bashkohet Chelseat ndërsa ishte në Euro 2024.

Barça është e prirur të sjellë Williams në Nou Camp këtë verë pas periudhës së tij mbresëlënëse në rivalët e La Ligës, Athletic Bilbao dhe paraqitjet e tij të shkëlqyera në Euro.

21-vjeçari, i cili ka një klauzolë lirimi prej 46.5 milionë £, ka startuar tre nga katër ndeshjet e Spanjës në Gjermani dhe ka shënuar në fitoren e tyre në 16-të e fundit ndaj Gjeorgjisë.

Mbrojtësi spanjoll Cucurella beson se Williams do të ishte një “nënshkrim i shkëlqyeshëm” për Barcelonën, por pranon se shpreson që ai të transferohet te Chelsea, i cili gjithashtu ka shprehur interes për një marrëveshje të verës.

Cucurella e filloi karrierën e tij profesionale te Barça, por bëri vetëm një paraqitje për gjigantët spanjollë përpara se të largohej në 2019 dhe të luante për Getafe, Brighton dhe tani Chelsea.

“Ai është një lojtar i madh, ai po nxjerr të gjithë potencialin e tij”, tha Cucurella për gazetën spanjolle SPORT kur u pyet për Williams.

“Është krenari që ai është në ekipin tonë, që është shoku ynë i skuadrës dhe me lojtarë si ai gjithçka është më e lehtë“, tha ai./UBTNews/