Sport

Diego Costa pritet të largohet nga Atletico Madrid

Published

6 years ago

December 29, 2020

Betim Gashi

Sulmuesi brazilian me pasaportë spanjolle Diego Costa duket se do të largohet nga radhët e Atletico Madrid.

Costa humbi seancën e parë stërvitore të Atleticos të hënën pas pushimit të Krishtlindjes dhe kërkoi ndërprerjen e kontratës së tij, e cila zgjat deri në verë, raportojnë mediat spanjolle.

El Mundo deklaron se klubi nuk do të shkaktojë probleme për sulmuesin 32-vjeçar, por ka një klauzolë në kontratë që e ndalon të nënshkruajë një kontratë me disa nga konkurrentët më të mëdhenj të Atleticos, si Sevilla, Barcelona ose Real Madrid.

Costa thuhet se do të gjobitet me 25 milionë euro nëse bashkohet me një nga tri klubet rivale.

Ai u kthye në Atletico në janar 2018 nga Chelsea, dhe qëndrimi i tij i dytë në radhët e “Los Colchoneros” u ndërpre nga dëmtimet e shumta. Ai shënoi 19 gola në 81 paraqitje.

Sa ishte pjesë në Atletico, gjatë viteve 2010-2014, me një sezon në Rayo Vallecano, ai shënoi 64 gola në 135 paraqitje, duke fituar titullin spanjoll në vitin 2014. Ai më pas u transferua në Chelsea për 35 milionë euro.

Sipas shtypit italian, Costa duhet të zëvendësohet nga sulmuesi i Napolit, Arkadiusz Milik.

Reprezentuesi polak nuk është më në planet e trajnerit Gennaro Gattuso, dhe kontrata e tij zgjat deri në qershor 2021.

Up Next

Chelsea dhe Aston Villa ndajnë pikët

Don't Miss

Everton kërkon sqarim për shtyerjen e ndeshjes ndaj Manchester Cityt

Vendi

Akil Gjakova mbyll garën pa medalje në Abu Dhabi

Published

14 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

15 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

16 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/